Mak 10
10
Yesus wai ke elio ka osep tidar urok gingen
(Matyu 19.1-12 e Luk 16.18)
1Deka Yesus songon omur tonari e la polou ke omur Judia e la ke aki Jordan burla. E osep pula time tiduni pulu ke iye blang. Deka iye didi ila elio e parere isak ke Ida Tapolngon ila pelengon.
2E ari osep Farisi ina leklou time tipolou ke iye ma titok iye. Deka tipmi iye langane. “Lange? Langka gute gesa dar ila gingen iye dar pelengon dagar ka oglou Moses sogoe koke aurou?” 3Deka Yesus koli wai ke urok pmingen langane. “Pelengon dagar ka oglou Moses sogoe e kare ke umu wai lange ine?” 4Deka osep Farisi ina tonari tiwai langane. “Pelengon dagar ka Moses sogoe songon gute gesa ka waiki sapir esna ma iye sogo aitno ke pepa gesa mgo deka iye kare ke esna ma iye sapir iye la.” 5Deka Yesus koli wai ke isak langane. “Oglou Moses sogo pelengon dagar tonari kesua talapmu klingen ila pelengon kovok e umopono aitno lumu vala. 6E ke mgongon alo ka Ida Tapolngon tapol wan ka pula keniye oku iye due osep ma isak arang e apmang. 7Iye due elio langane deka alo ka gute auram gi esna ma iye songon timla e tna deka ma iye la dong kap esna vala. 8E ma osep orwo ka tigi pulu tidong langka isak kene e pampamu lisak langka kene vala. E ma tidong langka isak dau osep orwo kovok. 9E langane. Osep orwo ka Ida Tapolngon due isak tineklep pulu ma tidong langane vala. E gute gesa ma dar urok gingen kovok.”
10Yesus koli osep tonari urok pelengon langane deka iye gosok ila disaipel tisep ke ninu gesa. Deka ila disaipel tipmi iye ke pelengon tonari blang. 11E Yesus koli wai ke isak langane. “Langka gute gesa dar ila gingen e pagei esna la vala e la gi apmang silang iye due okwa. 12E langka apmang gesa dar ila gingen e songon ila boget e la gi gute silang iye due okwa blang.”
Yesus aitno itau ke agau ka time tipolou ke iye
(Matyu 19.13-15 e Luk 18.15-17)
13Osep leklou tipaur titorok time tipolou ke Yesus kesua tiwaiki ma Yesus kai isak. Deka Yesus ila disaipel tivati deka tiluk osep tonari ine. 14E alo ka Yesus vati elio ka ila disaipel tidue aitno engil ine. Deka iye wai ke isak langane. “Umosongon osep ka tipaur titorok tiwaiki time tipolou ke ngong e umadangdang isak ine sakam. Kesua osep ka tidong ke omur ka Ida Tapolngon plaue tidong eriar langka agau ane. 15Ngawai ke umu ke pelengon ane ka lokono. Langka osep tisongon Ida Tapolngon ma iye plau isak eriar langka mimi tisongon iye ma iye plau isak e ma tidong kap iye. E osep ka tidue elio langane kovok ma Ida Tapolngon plau isak kovok e ma tidong kap iye kovok.” 16Yesus wai langane deka limla lelei agau tonari e kai isak e iye wai ila kerengen duru dong ke isak.
Gute ka ila mani pula
(Matyu 19.16-30 e Luk 18.18-30)
17Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?” 18Iye wai langane deka Yesus pmi iye langane. “Ina lange emsir ngong gute parerengen ina ka itau? Kesua Ida Tapolngon vala iye itau. 19Emile Ida Tapolngon ila pelengon ka wai langane. ‘Umodue burwa ke osep ma timete sakam. Umodue okwa sakam. Umapanako osep urok wan sakam. Umayakyak e umesin elio vri ke osep sakam. Umapagolgol osep aitno lisak ma umepi urok wan sakam. Umodue anit ke sipmomu e titnomu.’” 20Yesus wai langane deka gute tonari koli wai langane. “Gute parerengen ina ngadidi pelengon keniye ka amwai ine alo ka ngong agau me iding ke oku ane.” 21Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.” 22Gute klingen Yesus ila pelengon deka bitna soulu ine. Deka iye la e aitno kro lokono ke Yesus ila pelengon kesua ila brokngon pula dong.
23Deka Yesus bitna lila ke ila disaipel e wai ke isak langane. “Osep ka urok brokngon pula lokono ma isak opru isak lokono ke elio ka tisep ke omur ka Ida Tapolngon plaue.” 24Yesus wai langane deka ila disaipel aitno lisak mter pula ke ila pelengon. Deka iye wai ke isak blang langane. “Dirgu ngawai ke umu langane. Langka osep tiwaiki tisep ke omur ka Ida Tapolngon plaue elio ane opru isak lokono. 25Langka ongwa omba langka kamel waiki sep ke ovuk ke nil sisirngen ina are engil sasi boto. E langka osep ka urok brokngon pula lokono dong ke isak tiwaiki tisep ke omur ka Ida Tapolngon plaue are engil lokono.” 26Yesus wai langane deka ila disaipel ansak nesik e tipmi Yesus langane. “Langka langane deka ma osep tidue sua ma Ida Tapolngon lua isak ke urok elio epmes ina?” 27Deka Yesus bitna nekek ke isak e wai ke isak langane. “Langka osep tiwaiki tilua isak tona tikaranga kovok e tibure vala. E Ida Tapolngon vala karanga lua osep kesua iye karanga due wan ka pula keniye ka iye waiki due.”
28Deka Pita wai ke Yesus langane. “Amvati imi ane. Imo-songon limem wan keniye deka imedidi wom.” 29Deka Yesus koli wai ke iye langane. “Ngawai ke umu ke pelengon lokono ane ka la ke elio ka ma tipolou ke osep ka tisongon urok wan batne ke ngong e Ida Tapolngon ila omon itau. Ngawai ke osep ka tisongon urok ninu e inarak titovro e inarak saiver e sulutorok e sipmarak e titnarak e titorok e inarak taklak. 30Osep ka tisongon urok wan bitna bitna langane ma Ida Tapolngon lua isak ma tidue wan pula pula langka tisongone alo ka isak dau tidong ke taklak ane. Mase ma Ida Tapolngon kar urok ninu e osep langka inarak titovro e inarak saiver e sulutorok e titnarak e titorok e inarak taklak ke isak. E ma osep tidue agegeng ke isak blang. E mase ma tidong ke mosongon itau lokono ka dong vala dong. 31Mase osep ka eknikane timgo ke osep ma time batne. E mase osep ka eknikane time batne ke osep ma timgo ke isak.”
Yesus wai agegeng ma polou ke iye
(Matyu 20.17-19 e Luk 18.31-34)
32Yesus gosok ila disaipel tididi ekreng titito kla ke Jerusalem. Alo ari Yesus mgo ke ila disaipel deka tididi iye e aitno lisak mter pula. E osep leklou blang ka tididi iye tiulou tarna lisak. Deka Yesus paur ila disaipel songotno orwo tisongon osep pula ka tididi iye e wai ke isak ke elio bitna bitna ma tipolou ke iye. Iye wai langane. 33“Umoklingen lou pelengon. Itetito itala ke Jerusalem e ma osep tikar ngong ka Gute Ka Polou Langka Osep ke osep loulou ina ka omba e osep ka tile itau ke Moses ila sogongon limsak. Deka ma tikotim ngong e tikar ngong ke osep ka isak osep Yuda ina kovok limsak ma ngamete. 34Deka ma tingen agom ke ngong. Ma tipi omsok duru ke ngong. Ma tiules ngong pula e ma tidue burwa ke ngong ma ngamete. Deka ma osep leklou tiyas pampamu lungong ke ngau denga deka ma ngamunu ine. Ma ngamunu ine la lama oklou eklu mela yagos deka ma ngapoga ngatito ke ngau denga.”
Jems orwo Jon tiwaiki Yesus rere isak ma timgo ke osep
(Matyu 20.20-28)
35Deka Sebedi titno arang orwo Jems e Jon time tipolou ke Yesus e tiwai langane. “Ipem parerengen imawaiki ma emdidi aitno limi ke elio gesa ka imawaiki imepmi wom ine.” 36Deka Yesus koli wai ke isak langane. “Umawaiki ngadue elio lange ke umu?” 37Deka tikoli tiwai langane. “Mase alo ka emvri mgo ke osep ka pula keniye imawaiki ma omsongon imi ma gute kene dong ke livep odung e gute silang dong ke livep gala.”
38E Yesus wai pelengon ano ke isak langane. “Umeile omur ke elio ka umepmi ngong ine kovok. Mase ma osep tidue agegeng ke ngong e agegeng ane eriar langka ngainim aki ka sasi lokono. Deka lange? Umakaranga umeinim aki sasi langane blang? E silang ma osep tidue elio soulu ke ngong deka elio soulu tonari eriar langka osep tipaunim ngong. Deka lange? Umakaranga ine blang?” 39Deka tikoli tiwai ke Yesus langane. “Ee. Imakaranga ke elio ka amwai ine.” Deka Yesus wai ke isak langane. “Agegeng ka osep tidue ke ngong ka langka aki ka sasi ma polou ke umu blang. E elio soulu ka osep tidue ke ngong ka langka osep tipaunim ngong ma polou ke umu blang. 40E ngakaranga ngawai sei ma dong ke lungu odung e sei ma dong ke lungu gala kovok. E osep orwo ka mase tidong ine isak osep ka Ida Tapolngon rere isak kodong.”
41Mase Yesus ila disaipel songotno leklou tiklingen pele-ngon ka Jems orwo Jon tipmi Yesus ine. E aitno lisak engil ke isak ine. 42Deka Yesus gi ila disaipel ma time tipolou ke iye. Tipolou ke iye deka iye wai ke isak langane. “Umeile omur osep epmes ina ka tivri mgo ke umu tiplau umu keniye. Deka umemeit ke osep ka tivri mgo ke umu. E osep namormor tididi urok arit e tiplau umu e ma umemeit ke isak blang. 43E ke umu deka umodue elio bitna langka osep tonari ka tiplau umu tidue kovok. Langka gute waiki iye omba e ma mole umu ma iye polou lumu gute bokongon ina. 44E gute ka waiki mgo ke umu iye ma ini umu keniye langka iye lumu wokboi nating. 45Ngong ka Gute Ka Polou Langka Osep ngame kesua lou bokongon lua osep ka pula keniye. Ngame ma ngapli tarna lungong e ngamete ma ngakli osep urok elio epmes ina. E ngame batne ngawaiki osep tilua ngong ke urok bokongon bitna bitna kovok.”
Yesus lua gute ka bitna evin
(Matyu 20.29-34 e Luk 18.35-43)
46Mase Yesus gosok ila disaipel isak kla ke Jeriko e tisala ine. Deka ari osep pula isak kla kap iye blang. Ari gute Timeus otno arang Bartimeus ka bitna evin dong ke ekreng galna e iye pang mani ke osep. 47Alo ka iye klingen osep tiwai Yesus ka Nasaret ina me deka iye daiku langane. “Yesus wom ka osep tisir wom Devit Otno Arang aitno lugom due ngong.” 48Gute Bartimeus wai langane deka osep tiwai dagar ke iye langane. “Amwai sakam.” E gute tonari didi urok pelengon kovok e dong daiku vala langane. “Wom ka osep tisir wom Devit Otno Arang aitno lugom due ngong.” 49Gute tonari due elio langane deka Yesus lila kovok e vri e wai langane. “Umegi gute tonari ma me polou ke ngong.” Deka osep tigi ke gute ka bitna evin e tiwai ke iye langane. “Oka aitno lugom itau e emtito. Yesus gi wom ma amla ompolou ke iye.” 50Deka gute ka bitna evin klok ila molo gesa dong deka suong tito e la polou ke Yesus. 51Deka Yesus pmi iye langane. “Amwaiki ngalua wom ke elio lange?” Deka gute ka bitna evin wai langane. “Ngau Puda ngawaiki omdue omtongu tipolou itau ma ngakaranga ngavati omur blang.” 52Deka Yesus koli wai langane. “Amkaranga amla. Kesua aitno lugom ila dagar me dagar ke ngong deka ngalua wom ine.” Yesus wai langane deka lokono gute tonari bitna tipolou itau blang e iye karanga vati omur. Deka iye didi Yesus e isak kla tididi ekreng tonari.
လက်ရှိရွေးချယ်ထားမှု
Mak 10: ANT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
copyright 2003 New Tribes Mission, Sanford, FL 32771
Mak 10
10
Yesus wai ke elio ka osep tidar urok gingen
(Matyu 19.1-12 e Luk 16.18)
1Deka Yesus songon omur tonari e la polou ke omur Judia e la ke aki Jordan burla. E osep pula time tiduni pulu ke iye blang. Deka iye didi ila elio e parere isak ke Ida Tapolngon ila pelengon.
2E ari osep Farisi ina leklou time tipolou ke iye ma titok iye. Deka tipmi iye langane. “Lange? Langka gute gesa dar ila gingen iye dar pelengon dagar ka oglou Moses sogoe koke aurou?” 3Deka Yesus koli wai ke urok pmingen langane. “Pelengon dagar ka oglou Moses sogoe e kare ke umu wai lange ine?” 4Deka osep Farisi ina tonari tiwai langane. “Pelengon dagar ka Moses sogoe songon gute gesa ka waiki sapir esna ma iye sogo aitno ke pepa gesa mgo deka iye kare ke esna ma iye sapir iye la.” 5Deka Yesus koli wai ke isak langane. “Oglou Moses sogo pelengon dagar tonari kesua talapmu klingen ila pelengon kovok e umopono aitno lumu vala. 6E ke mgongon alo ka Ida Tapolngon tapol wan ka pula keniye oku iye due osep ma isak arang e apmang. 7Iye due elio langane deka alo ka gute auram gi esna ma iye songon timla e tna deka ma iye la dong kap esna vala. 8E ma osep orwo ka tigi pulu tidong langka isak kene e pampamu lisak langka kene vala. E ma tidong langka isak dau osep orwo kovok. 9E langane. Osep orwo ka Ida Tapolngon due isak tineklep pulu ma tidong langane vala. E gute gesa ma dar urok gingen kovok.”
10Yesus koli osep tonari urok pelengon langane deka iye gosok ila disaipel tisep ke ninu gesa. Deka ila disaipel tipmi iye ke pelengon tonari blang. 11E Yesus koli wai ke isak langane. “Langka gute gesa dar ila gingen e pagei esna la vala e la gi apmang silang iye due okwa. 12E langka apmang gesa dar ila gingen e songon ila boget e la gi gute silang iye due okwa blang.”
Yesus aitno itau ke agau ka time tipolou ke iye
(Matyu 19.13-15 e Luk 18.15-17)
13Osep leklou tipaur titorok time tipolou ke Yesus kesua tiwaiki ma Yesus kai isak. Deka Yesus ila disaipel tivati deka tiluk osep tonari ine. 14E alo ka Yesus vati elio ka ila disaipel tidue aitno engil ine. Deka iye wai ke isak langane. “Umosongon osep ka tipaur titorok tiwaiki time tipolou ke ngong e umadangdang isak ine sakam. Kesua osep ka tidong ke omur ka Ida Tapolngon plaue tidong eriar langka agau ane. 15Ngawai ke umu ke pelengon ane ka lokono. Langka osep tisongon Ida Tapolngon ma iye plau isak eriar langka mimi tisongon iye ma iye plau isak e ma tidong kap iye. E osep ka tidue elio langane kovok ma Ida Tapolngon plau isak kovok e ma tidong kap iye kovok.” 16Yesus wai langane deka limla lelei agau tonari e kai isak e iye wai ila kerengen duru dong ke isak.
Gute ka ila mani pula
(Matyu 19.16-30 e Luk 18.18-30)
17Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?” 18Iye wai langane deka Yesus pmi iye langane. “Ina lange emsir ngong gute parerengen ina ka itau? Kesua Ida Tapolngon vala iye itau. 19Emile Ida Tapolngon ila pelengon ka wai langane. ‘Umodue burwa ke osep ma timete sakam. Umodue okwa sakam. Umapanako osep urok wan sakam. Umayakyak e umesin elio vri ke osep sakam. Umapagolgol osep aitno lisak ma umepi urok wan sakam. Umodue anit ke sipmomu e titnomu.’” 20Yesus wai langane deka gute tonari koli wai langane. “Gute parerengen ina ngadidi pelengon keniye ka amwai ine alo ka ngong agau me iding ke oku ane.” 21Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.” 22Gute klingen Yesus ila pelengon deka bitna soulu ine. Deka iye la e aitno kro lokono ke Yesus ila pelengon kesua ila brokngon pula dong.
23Deka Yesus bitna lila ke ila disaipel e wai ke isak langane. “Osep ka urok brokngon pula lokono ma isak opru isak lokono ke elio ka tisep ke omur ka Ida Tapolngon plaue.” 24Yesus wai langane deka ila disaipel aitno lisak mter pula ke ila pelengon. Deka iye wai ke isak blang langane. “Dirgu ngawai ke umu langane. Langka osep tiwaiki tisep ke omur ka Ida Tapolngon plaue elio ane opru isak lokono. 25Langka ongwa omba langka kamel waiki sep ke ovuk ke nil sisirngen ina are engil sasi boto. E langka osep ka urok brokngon pula lokono dong ke isak tiwaiki tisep ke omur ka Ida Tapolngon plaue are engil lokono.” 26Yesus wai langane deka ila disaipel ansak nesik e tipmi Yesus langane. “Langka langane deka ma osep tidue sua ma Ida Tapolngon lua isak ke urok elio epmes ina?” 27Deka Yesus bitna nekek ke isak e wai ke isak langane. “Langka osep tiwaiki tilua isak tona tikaranga kovok e tibure vala. E Ida Tapolngon vala karanga lua osep kesua iye karanga due wan ka pula keniye ka iye waiki due.”
28Deka Pita wai ke Yesus langane. “Amvati imi ane. Imo-songon limem wan keniye deka imedidi wom.” 29Deka Yesus koli wai ke iye langane. “Ngawai ke umu ke pelengon lokono ane ka la ke elio ka ma tipolou ke osep ka tisongon urok wan batne ke ngong e Ida Tapolngon ila omon itau. Ngawai ke osep ka tisongon urok ninu e inarak titovro e inarak saiver e sulutorok e sipmarak e titnarak e titorok e inarak taklak. 30Osep ka tisongon urok wan bitna bitna langane ma Ida Tapolngon lua isak ma tidue wan pula pula langka tisongone alo ka isak dau tidong ke taklak ane. Mase ma Ida Tapolngon kar urok ninu e osep langka inarak titovro e inarak saiver e sulutorok e titnarak e titorok e inarak taklak ke isak. E ma osep tidue agegeng ke isak blang. E mase ma tidong ke mosongon itau lokono ka dong vala dong. 31Mase osep ka eknikane timgo ke osep ma time batne. E mase osep ka eknikane time batne ke osep ma timgo ke isak.”
Yesus wai agegeng ma polou ke iye
(Matyu 20.17-19 e Luk 18.31-34)
32Yesus gosok ila disaipel tididi ekreng titito kla ke Jerusalem. Alo ari Yesus mgo ke ila disaipel deka tididi iye e aitno lisak mter pula. E osep leklou blang ka tididi iye tiulou tarna lisak. Deka Yesus paur ila disaipel songotno orwo tisongon osep pula ka tididi iye e wai ke isak ke elio bitna bitna ma tipolou ke iye. Iye wai langane. 33“Umoklingen lou pelengon. Itetito itala ke Jerusalem e ma osep tikar ngong ka Gute Ka Polou Langka Osep ke osep loulou ina ka omba e osep ka tile itau ke Moses ila sogongon limsak. Deka ma tikotim ngong e tikar ngong ke osep ka isak osep Yuda ina kovok limsak ma ngamete. 34Deka ma tingen agom ke ngong. Ma tipi omsok duru ke ngong. Ma tiules ngong pula e ma tidue burwa ke ngong ma ngamete. Deka ma osep leklou tiyas pampamu lungong ke ngau denga deka ma ngamunu ine. Ma ngamunu ine la lama oklou eklu mela yagos deka ma ngapoga ngatito ke ngau denga.”
Jems orwo Jon tiwaiki Yesus rere isak ma timgo ke osep
(Matyu 20.20-28)
35Deka Sebedi titno arang orwo Jems e Jon time tipolou ke Yesus e tiwai langane. “Ipem parerengen imawaiki ma emdidi aitno limi ke elio gesa ka imawaiki imepmi wom ine.” 36Deka Yesus koli wai ke isak langane. “Umawaiki ngadue elio lange ke umu?” 37Deka tikoli tiwai langane. “Mase alo ka emvri mgo ke osep ka pula keniye imawaiki ma omsongon imi ma gute kene dong ke livep odung e gute silang dong ke livep gala.”
38E Yesus wai pelengon ano ke isak langane. “Umeile omur ke elio ka umepmi ngong ine kovok. Mase ma osep tidue agegeng ke ngong e agegeng ane eriar langka ngainim aki ka sasi lokono. Deka lange? Umakaranga umeinim aki sasi langane blang? E silang ma osep tidue elio soulu ke ngong deka elio soulu tonari eriar langka osep tipaunim ngong. Deka lange? Umakaranga ine blang?” 39Deka tikoli tiwai ke Yesus langane. “Ee. Imakaranga ke elio ka amwai ine.” Deka Yesus wai ke isak langane. “Agegeng ka osep tidue ke ngong ka langka aki ka sasi ma polou ke umu blang. E elio soulu ka osep tidue ke ngong ka langka osep tipaunim ngong ma polou ke umu blang. 40E ngakaranga ngawai sei ma dong ke lungu odung e sei ma dong ke lungu gala kovok. E osep orwo ka mase tidong ine isak osep ka Ida Tapolngon rere isak kodong.”
41Mase Yesus ila disaipel songotno leklou tiklingen pele-ngon ka Jems orwo Jon tipmi Yesus ine. E aitno lisak engil ke isak ine. 42Deka Yesus gi ila disaipel ma time tipolou ke iye. Tipolou ke iye deka iye wai ke isak langane. “Umeile omur osep epmes ina ka tivri mgo ke umu tiplau umu keniye. Deka umemeit ke osep ka tivri mgo ke umu. E osep namormor tididi urok arit e tiplau umu e ma umemeit ke isak blang. 43E ke umu deka umodue elio bitna langka osep tonari ka tiplau umu tidue kovok. Langka gute waiki iye omba e ma mole umu ma iye polou lumu gute bokongon ina. 44E gute ka waiki mgo ke umu iye ma ini umu keniye langka iye lumu wokboi nating. 45Ngong ka Gute Ka Polou Langka Osep ngame kesua lou bokongon lua osep ka pula keniye. Ngame ma ngapli tarna lungong e ngamete ma ngakli osep urok elio epmes ina. E ngame batne ngawaiki osep tilua ngong ke urok bokongon bitna bitna kovok.”
Yesus lua gute ka bitna evin
(Matyu 20.29-34 e Luk 18.35-43)
46Mase Yesus gosok ila disaipel isak kla ke Jeriko e tisala ine. Deka ari osep pula isak kla kap iye blang. Ari gute Timeus otno arang Bartimeus ka bitna evin dong ke ekreng galna e iye pang mani ke osep. 47Alo ka iye klingen osep tiwai Yesus ka Nasaret ina me deka iye daiku langane. “Yesus wom ka osep tisir wom Devit Otno Arang aitno lugom due ngong.” 48Gute Bartimeus wai langane deka osep tiwai dagar ke iye langane. “Amwai sakam.” E gute tonari didi urok pelengon kovok e dong daiku vala langane. “Wom ka osep tisir wom Devit Otno Arang aitno lugom due ngong.” 49Gute tonari due elio langane deka Yesus lila kovok e vri e wai langane. “Umegi gute tonari ma me polou ke ngong.” Deka osep tigi ke gute ka bitna evin e tiwai ke iye langane. “Oka aitno lugom itau e emtito. Yesus gi wom ma amla ompolou ke iye.” 50Deka gute ka bitna evin klok ila molo gesa dong deka suong tito e la polou ke Yesus. 51Deka Yesus pmi iye langane. “Amwaiki ngalua wom ke elio lange?” Deka gute ka bitna evin wai langane. “Ngau Puda ngawaiki omdue omtongu tipolou itau ma ngakaranga ngavati omur blang.” 52Deka Yesus koli wai langane. “Amkaranga amla. Kesua aitno lugom ila dagar me dagar ke ngong deka ngalua wom ine.” Yesus wai langane deka lokono gute tonari bitna tipolou itau blang e iye karanga vati omur. Deka iye didi Yesus e isak kla tididi ekreng tonari.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
copyright 2003 New Tribes Mission, Sanford, FL 32771