YOHANE 16
16
1Pura-pura seʼi Kutoʼoka komi da naka komi neʼe menggalaura ungka ri peaya ndayami. 2Komi da ndairi ungka ri waʼa banua mpekakai. Pai da rata temponya waʼa ntau anu mampepate komi nasarumaka tau seʼe mawianaka pepokono i mPue Ala. 3Napowia ntau seʼe anu ewanceʼe ri komi maka bareʼe naincani ntau seʼe i Papa, pai bareʼe woʼu naincani ntau seʼe Yaku. 4aPaikanya seʼi-seʼi Kutoʼoka komi, da naka ane tepewalimo, da kono ndiendo karoonyamo Kutoʼoka komi.”
Potetala Inosa mPue Ala
16:4b-15
4b“Inceʼe bareʼepa Kutoʼoka komi ungka ri pontepuʼunya, maka Yaku ntongo sangkani-ngkanipa pai komi. 5Paikanya seʼi Yaku da mewalili ri Sira anu mampokau Yaku, pai bareʼe da reʼe ri oyomi anu da mampeoasi ri mbeʼi da kanjoʼu-Ku. 6Ua roomo Kutoʼoka komi inceʼe painaka maʼai kapari ndayami. 7Paikanya Yaku mantoʼoka komi anu monco: Meruu ngkadago ri komi ane Yaku malai, maka ane bareʼe malai Yaku, bareʼe da maʼi ri komi Topetulungi. Paikanya ane malai Yaku, da Kupokau Sira maʼi ri komi 8Ane jelamo Sira, inceʼe da mawai parata ndaya ri lino kono nunjaa posokinya salaa, kamonco pai popahuku i mPue Ala. 9Sira anu da mampakayonto, kabareʼenya meaya tau ri Yaku inceʼe salaa; 10monco kojo Yaku da ndeku ri Papa pai bareʼemo da ndikita Yaku. 11I Pue Ala montepuʼumo mopahuku, maka anu makuasa ri lino seʼi ndahukumo.
12Maria ngayapa anu da raya-Ku mantoʼoka komi, paikanya seʼi-seʼi bareʼepa ndikoto da mangkoyo. 13Paikanya ane jelamo Inosa, Siramo anu da mampatongawa kamonco kono i Pue Ala. Komi pura-pura da ndaponinika da ndipaincani pura-pura kamonco. Sira da mompau banya pepokono-A ngkalio-A, paikanya da mantoʼoka komi nunjaa anu nadonge, pai da mantotorakaka komi nunjaa anu da mewali ripurinya. 14Sira da mabangkei Yaku, maka nunjaa anu natarima ungka ri Yaku, inceʼe seʼe anu da naparataka komi. 15Pura-pura anu reʼe ri Papa inceʼe anu-Ku. Inceʼe puʼunya painaka Kutoʼoka komi, nunjaa anu naparataka komi Inosa inceʼe anu ndatarima ungka ri Yaku.”
Pari ndaya pai wongko ndaya
16:16-24
16“Jamo sambinoro kasaenya bareʼemo da ndikita Yaku pai podo sambinoro kasaenya da ndikita muni Yaku.”
17Mombepeoasimo waʼa anaguru-A sambaʼa pai sambaʼa, “Nunjaa anu ndatinako ndaya painaka mompau Sira ewanceʼe ri kita: ‘Jamo sambinoro kasaenya bareʼemo da ndikita Yaku pai podo sambinoro kasaenya da ndikita muni Yaku’? Pai nunjaa woʼu anu ndatinako ndaya pai ndapantoʼo: ‘Yaku da ndeku ri Papa’?” 18Mompeoasi mpaliu tau seʼe natoʼo, “Nunjaa posokinya ‘sambinoro kasaenya’? Bareʼe karata ndaya kono nunjaa anu ndapau!”
19Ndaincani i Yesu kadaraya ntau seʼe mompeoasi ri Sira. Nepa ndatoʼoka tau seʼe, “I roo Kutoʼoka komi, ‘Jamo sambinoro kasaenya bareʼemo da ndikita Yaku, pai podo sambinoro woʼu kasaenya da ndikita muni Yaku’. Inceʼe mo anu ndipombepeoasika ri oyomi?”
20Monco kutoʼoka komi, komi da motumangi pai da mokukuou, paikanya lino seʼi da mawongko rayanya. Komi da mapari rayami paikanya pari ndaya seʼe da mewali wongko ndaya. 21Mapari kojo raya mbeʼa ane mosumo da poananya, maka da jelamo tempo ngkaparinya naepe. Paikanya ane roomo moana nakalinganimo kaparinya. Maka mawongkomo rayanya mangkita ananya ewa sambaʼa tolino ratamo ri lino. 22Ewanceʼemo woʼu komi: Seʼi-seʼi mapari rayami, paikanya Yaku da momberata muni pai komi, da mawongko muni rayami. Pai wongko ndayami seʼe bareʼemo reʼe tau anu mangkoto da mantima.
23Ri eo setu bareʼemo da reʼe bara nunjaa-njaa anu da ndipeoasi ri Yaku. Monco kutoʼoka komi, “Bara nunjaa ntano anu ndiperapi ri Papa ri toʼoku da ndawaika komi. 24Rantani rata seʼi-seʼi bareʼepa reʼe bara nunjaa-njaa anu ndiperapi ri Papa ri toʼo-Ku. Ndiperapimo da ndawaika komi da naka teliogu kawongko ndayami.”
Ndapanangi lino
16:25-33
25“Pura-pura Kutoʼoka komi ri porapa. Paikanya maʼipa temponya bareʼemo da Kupau ri porapa. Paikanya da Kutoʼo mpayoa ri komi kono i Papa. 26Ri tempo setu komi da merapi ri Papa ri raya ntoʼo-Ku; da ndipaincani banya Yaku anu da mamperapika komi ri Papa nunjaa anu da ndiperapi, 27naka i Papa mampotowe komi, ua komi mampotowe Yaku, pai ndiaya ka-Yakunya rata ungka ri Pue Ala. 28Lawi Yaku ungka ri Papa anu maʼimo ri lino seʼi pai da Kupalaika lino seʼi da mewalili ri Papa.”
29Nepa mompau waʼa anaguru-A natoʼo, “Seʼi-seʼi Komi Pue, nditoʼo mpayoamo banyamo ri porapa. 30Paikanya kaincani Komi ndiincanimo pura-puranya. Bareʼemo reʼe yowenya tau da mompeoasi bara nunjaa-njaa ri Komi Pue. Inceʼe painaka kaaya Komi Pue rata ungka ri Pue Ala.”
31Mesono i Yesu ndatoʼo, “Mewali seʼi-seʼi ndiayamo? 32Peole! Da rata temponya, pai lawi ratamo, komi da ndawuraga. Sambaʼa-sambaʼa komi, da mewalili ri banuami, da ndipalaika Yaku ngkalio-Ku. Paikanya Yaku banya podo ngkalio-Ku maka i Papa da sangkani-ngkani pai Yaku. 33Pura-pura seʼi kutoʼoka komi da naka rodo rayami ua komi sambaʼa-mbaʼa pai Yaku. Ri lino seʼi komi da mangaepe pejeani. Paikanya ndipakaroso rayami. Maka lino seʼi Kunangimo!”
လက်ရှိရွေးချယ်ထားမှု
YOHANE 16: LAIPMF
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
YOHANE 16
16
1Pura-pura seʼi Kutoʼoka komi da naka komi neʼe menggalaura ungka ri peaya ndayami. 2Komi da ndairi ungka ri waʼa banua mpekakai. Pai da rata temponya waʼa ntau anu mampepate komi nasarumaka tau seʼe mawianaka pepokono i mPue Ala. 3Napowia ntau seʼe anu ewanceʼe ri komi maka bareʼe naincani ntau seʼe i Papa, pai bareʼe woʼu naincani ntau seʼe Yaku. 4aPaikanya seʼi-seʼi Kutoʼoka komi, da naka ane tepewalimo, da kono ndiendo karoonyamo Kutoʼoka komi.”
Potetala Inosa mPue Ala
16:4b-15
4b“Inceʼe bareʼepa Kutoʼoka komi ungka ri pontepuʼunya, maka Yaku ntongo sangkani-ngkanipa pai komi. 5Paikanya seʼi Yaku da mewalili ri Sira anu mampokau Yaku, pai bareʼe da reʼe ri oyomi anu da mampeoasi ri mbeʼi da kanjoʼu-Ku. 6Ua roomo Kutoʼoka komi inceʼe painaka maʼai kapari ndayami. 7Paikanya Yaku mantoʼoka komi anu monco: Meruu ngkadago ri komi ane Yaku malai, maka ane bareʼe malai Yaku, bareʼe da maʼi ri komi Topetulungi. Paikanya ane malai Yaku, da Kupokau Sira maʼi ri komi 8Ane jelamo Sira, inceʼe da mawai parata ndaya ri lino kono nunjaa posokinya salaa, kamonco pai popahuku i mPue Ala. 9Sira anu da mampakayonto, kabareʼenya meaya tau ri Yaku inceʼe salaa; 10monco kojo Yaku da ndeku ri Papa pai bareʼemo da ndikita Yaku. 11I Pue Ala montepuʼumo mopahuku, maka anu makuasa ri lino seʼi ndahukumo.
12Maria ngayapa anu da raya-Ku mantoʼoka komi, paikanya seʼi-seʼi bareʼepa ndikoto da mangkoyo. 13Paikanya ane jelamo Inosa, Siramo anu da mampatongawa kamonco kono i Pue Ala. Komi pura-pura da ndaponinika da ndipaincani pura-pura kamonco. Sira da mompau banya pepokono-A ngkalio-A, paikanya da mantoʼoka komi nunjaa anu nadonge, pai da mantotorakaka komi nunjaa anu da mewali ripurinya. 14Sira da mabangkei Yaku, maka nunjaa anu natarima ungka ri Yaku, inceʼe seʼe anu da naparataka komi. 15Pura-pura anu reʼe ri Papa inceʼe anu-Ku. Inceʼe puʼunya painaka Kutoʼoka komi, nunjaa anu naparataka komi Inosa inceʼe anu ndatarima ungka ri Yaku.”
Pari ndaya pai wongko ndaya
16:16-24
16“Jamo sambinoro kasaenya bareʼemo da ndikita Yaku pai podo sambinoro kasaenya da ndikita muni Yaku.”
17Mombepeoasimo waʼa anaguru-A sambaʼa pai sambaʼa, “Nunjaa anu ndatinako ndaya painaka mompau Sira ewanceʼe ri kita: ‘Jamo sambinoro kasaenya bareʼemo da ndikita Yaku pai podo sambinoro kasaenya da ndikita muni Yaku’? Pai nunjaa woʼu anu ndatinako ndaya pai ndapantoʼo: ‘Yaku da ndeku ri Papa’?” 18Mompeoasi mpaliu tau seʼe natoʼo, “Nunjaa posokinya ‘sambinoro kasaenya’? Bareʼe karata ndaya kono nunjaa anu ndapau!”
19Ndaincani i Yesu kadaraya ntau seʼe mompeoasi ri Sira. Nepa ndatoʼoka tau seʼe, “I roo Kutoʼoka komi, ‘Jamo sambinoro kasaenya bareʼemo da ndikita Yaku, pai podo sambinoro woʼu kasaenya da ndikita muni Yaku’. Inceʼe mo anu ndipombepeoasika ri oyomi?”
20Monco kutoʼoka komi, komi da motumangi pai da mokukuou, paikanya lino seʼi da mawongko rayanya. Komi da mapari rayami paikanya pari ndaya seʼe da mewali wongko ndaya. 21Mapari kojo raya mbeʼa ane mosumo da poananya, maka da jelamo tempo ngkaparinya naepe. Paikanya ane roomo moana nakalinganimo kaparinya. Maka mawongkomo rayanya mangkita ananya ewa sambaʼa tolino ratamo ri lino. 22Ewanceʼemo woʼu komi: Seʼi-seʼi mapari rayami, paikanya Yaku da momberata muni pai komi, da mawongko muni rayami. Pai wongko ndayami seʼe bareʼemo reʼe tau anu mangkoto da mantima.
23Ri eo setu bareʼemo da reʼe bara nunjaa-njaa anu da ndipeoasi ri Yaku. Monco kutoʼoka komi, “Bara nunjaa ntano anu ndiperapi ri Papa ri toʼoku da ndawaika komi. 24Rantani rata seʼi-seʼi bareʼepa reʼe bara nunjaa-njaa anu ndiperapi ri Papa ri toʼo-Ku. Ndiperapimo da ndawaika komi da naka teliogu kawongko ndayami.”
Ndapanangi lino
16:25-33
25“Pura-pura Kutoʼoka komi ri porapa. Paikanya maʼipa temponya bareʼemo da Kupau ri porapa. Paikanya da Kutoʼo mpayoa ri komi kono i Papa. 26Ri tempo setu komi da merapi ri Papa ri raya ntoʼo-Ku; da ndipaincani banya Yaku anu da mamperapika komi ri Papa nunjaa anu da ndiperapi, 27naka i Papa mampotowe komi, ua komi mampotowe Yaku, pai ndiaya ka-Yakunya rata ungka ri Pue Ala. 28Lawi Yaku ungka ri Papa anu maʼimo ri lino seʼi pai da Kupalaika lino seʼi da mewalili ri Papa.”
29Nepa mompau waʼa anaguru-A natoʼo, “Seʼi-seʼi Komi Pue, nditoʼo mpayoamo banyamo ri porapa. 30Paikanya kaincani Komi ndiincanimo pura-puranya. Bareʼemo reʼe yowenya tau da mompeoasi bara nunjaa-njaa ri Komi Pue. Inceʼe painaka kaaya Komi Pue rata ungka ri Pue Ala.”
31Mesono i Yesu ndatoʼo, “Mewali seʼi-seʼi ndiayamo? 32Peole! Da rata temponya, pai lawi ratamo, komi da ndawuraga. Sambaʼa-sambaʼa komi, da mewalili ri banuami, da ndipalaika Yaku ngkalio-Ku. Paikanya Yaku banya podo ngkalio-Ku maka i Papa da sangkani-ngkani pai Yaku. 33Pura-pura seʼi kutoʼoka komi da naka rodo rayami ua komi sambaʼa-mbaʼa pai Yaku. Ri lino seʼi komi da mangaepe pejeani. Paikanya ndipakaroso rayami. Maka lino seʼi Kunangimo!”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ