YOHANE 17
17
I Yesu mompekakaika waʼa anaguru-A
17:1-26
1Roo mompau ewanceʼe metingara ri yangi i Yesu ndatoʼo, “Papa seʼi-seʼi ratamo ri temponya, ndibangkeimo Ana-Mi da naka Ana-Mi mabangkei Papa. 2Roo ndiwaika Ana-Mi kuasa ri pura-pura tolino da mawai katuwu anu monco pai bareʼe da reʼe kapusanya ri pura-pura tau anu ndapepombaika i mPapa ri Sira. 3Inceʼimo katuwu anu monco pai bareʼe da reʼe kapusanya; da naka tau anu maincani i Papa Pue Ala anu sambaʼa-mbaʼa anu monco, pai anu maincani i Yesu Kerisitu anu ndapokau i mPapa. 4Roo Kubangkei i Papa ri lino seʼi ri Kupamparoo tetala anu ndipokauka Yaku. 5Papa! iseʼi seʼe ndibangkeimo Yaku ri komi Papa, pai pebangkei anu Kupotumpu sangkani-ngkani pai Papa ri kabareʼepanya ndapapewali lino seʼi.
6Roomo Kupapaincanika tau kakominya Papa ri waʼa ntau ri lino seʼi anu ndipepombaika ri Yaku. Waʼa ntau seʼe komi tumpu-Nya, pai tau seʼe roo ndiwaika Yaku. Tau seʼe malulumo nuntu-Mi Papa. 7Seʼi-seʼi naincanimo ntau seʼe pura-pura, anu Kuwaika tau seʼe mopuʼu ungka ri Papa. 8Roomo Kuparataka tau seʼe nuntu anu ndawai i mPapa ri Yaku, pai nasabemo ntau seʼe. Naincanimo ntau seʼe ka-Yakunya monco-monco kojo rata ungka ri Papa, Pai naayamo ntau seʼe ka-Kominya Papa anu mampokau Yaku.
9Yaku mampekakaika tau seʼe, Yaku bareʼe mekakai tila lino seʼi paikanya podo tila ntau anu roo ndawai i mPapa ri Yaku, maka tau seʼe anu i mPapa. 10Pura-pura anu-Ku inceʼe anu i mPapa woʼu, pai pura-pura anu i mPapa inceʼe seʼe woʼu anu-Ku. Yaku ndapapeawa ri oyo ntau seʼe. 11Seʼi-seʼi Yaku maʼi ri Papa. Yaku banyamo ri lino kareʼe-Ku; paikanya tau seʼe ntongo maroo-roo ri lino. Papa anu Magali! Ndijagai tau seʼe ri kuasa ntoʼo i mPapa, inceʼemo toʼo anu roo ndawai i mPapa ri Yaku – da naka tau seʼe mewali sambaʼa-mbaʼa ewa i Papa pai Yaku sambaʼa-mbaʼa. 12#Pol. 41:9, Yoh. 13:18 Ntongo Yaku lau sangkani-ngkani pai tau seʼe, Kujagaimo tau seʼe ri kuasa ntoʼo i mPapa – toʼo anu ndawai i mPapa ri Yaku, roomo Kujaga tau seʼe pai bareʼe reʼe ri oyo ntau seʼe anu tetaji, banya mantoʼo siʼa anu lawi tetaji setu da naka kobangani anu naʼuki Ncura Magali. 13Seʼi Yaku maʼi ri Papa, pura-pura Kutoʼo ntongo Yaku seʼipa ri lino; da naka gana-gana paepe ntau seʼe kawongko ndaya-Ku. 14Roomo Kuparataka tau seʼe nuntu i mPapa, tau seʼe napobanciika lino seʼi, maka tau seʼe banyamo lino seʼi tumpunya, ewa Yaku woʼu banya lino seʼe tumpunya. 15Bareʼe Kuperapi ri Papa da naka i Papa mantima tau seʼe ungka ri lino seʼi, paikanya anu Kuperapi da naka i Papa mangantawanaka ungka ri Majaʼa. 16Ewa Yaku banya lino tumpunya, tau seʼe woʼu banya lino seʼi tumpunya. 17Ndipapewali tau seʼe anu-Mi anu ndapatani mampoliu kamonco, nuntu-Mi Papa inceʼemo kamonco. 18Ewa i Papa roo mampokau Yaku rata ri lino, ewanceʼe seʼe Yaku mampokau tau seʼe ri lino. 19Tila ntau seʼe, Yaku mampepombaika koro-Ku ewa sambaʼa anu i mPapa anu ndapatani, da naka tau seʼe woʼu mewali anu i mPapa anu ndapatani mampojaya kamonco.
20Banya podo tila ntau seʼe seʼi Kupekakaika, Kupekakaika woʼu waʼa ntau anu meaya ri Yaku ua posabi ntau seʼe seʼi. 21Kuperapi boo Papa, da naka pura-pura tau seʼe mewali sambaʼa-mbaʼa. Ewa i Papa sambaʼa-mbaʼa pai Yaku, pai Yaku sambaʼa-mbaʼa pai Papa. Mbolimo tau seʼe da sambaʼa-mbaʼa pai kita da naka lino seʼi maaya ka-Kominya anu mampokau Yaku. 22Roomo Kuwaika tau seʼe peawa anu ndawai i mPapa ri Yaku, da naka tau seʼe mewali sambaʼa-mbaʼa ewa kita sambaʼa-mbaʼa. 23Yaku pai tau seʼe, pai i Papa pai Yaku; da naka tau seʼe monco-monco mewali sambaʼa-mbaʼa. Danapaincani lino seʼi, i Papa anu mampokau Yaku pai i Papa anu mampotowe tau seʼe ewa i Papa mampotowe Yaku.
24Papa, da rayaku da naka tau seʼe sangkani-ngkani pai Yaku ri mbeʼi-mbeʼi ntano kareʼe-Ku, da naka nakita ntau seʼe peawa-Ku anu ndawaika Yaku i mPapa, maka i Papa mampotowe Yaku ri kabareʼepanya ndapapewali lino.
25Papa, Komi mayoa! Lino bareʼe maincani i Papa, paikanya Yaku maincani i Papa; pai waʼa ntau seʼi maincani ka-Kominya anu mampokau Yaku. 26Roo Kupapaincanika tau seʼe toʼo-Mi, da naka towe i mPapa ri Yaku da lau todo ri raya ntau seʼe, pai Yaku da sambaʼa-mbaʼa pai tau seʼe.”
လက်ရှိရွေးချယ်ထားမှု
YOHANE 17: LAIPMF
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
YOHANE 17
17
I Yesu mompekakaika waʼa anaguru-A
17:1-26
1Roo mompau ewanceʼe metingara ri yangi i Yesu ndatoʼo, “Papa seʼi-seʼi ratamo ri temponya, ndibangkeimo Ana-Mi da naka Ana-Mi mabangkei Papa. 2Roo ndiwaika Ana-Mi kuasa ri pura-pura tolino da mawai katuwu anu monco pai bareʼe da reʼe kapusanya ri pura-pura tau anu ndapepombaika i mPapa ri Sira. 3Inceʼimo katuwu anu monco pai bareʼe da reʼe kapusanya; da naka tau anu maincani i Papa Pue Ala anu sambaʼa-mbaʼa anu monco, pai anu maincani i Yesu Kerisitu anu ndapokau i mPapa. 4Roo Kubangkei i Papa ri lino seʼi ri Kupamparoo tetala anu ndipokauka Yaku. 5Papa! iseʼi seʼe ndibangkeimo Yaku ri komi Papa, pai pebangkei anu Kupotumpu sangkani-ngkani pai Papa ri kabareʼepanya ndapapewali lino seʼi.
6Roomo Kupapaincanika tau kakominya Papa ri waʼa ntau ri lino seʼi anu ndipepombaika ri Yaku. Waʼa ntau seʼe komi tumpu-Nya, pai tau seʼe roo ndiwaika Yaku. Tau seʼe malulumo nuntu-Mi Papa. 7Seʼi-seʼi naincanimo ntau seʼe pura-pura, anu Kuwaika tau seʼe mopuʼu ungka ri Papa. 8Roomo Kuparataka tau seʼe nuntu anu ndawai i mPapa ri Yaku, pai nasabemo ntau seʼe. Naincanimo ntau seʼe ka-Yakunya monco-monco kojo rata ungka ri Papa, Pai naayamo ntau seʼe ka-Kominya Papa anu mampokau Yaku.
9Yaku mampekakaika tau seʼe, Yaku bareʼe mekakai tila lino seʼi paikanya podo tila ntau anu roo ndawai i mPapa ri Yaku, maka tau seʼe anu i mPapa. 10Pura-pura anu-Ku inceʼe anu i mPapa woʼu, pai pura-pura anu i mPapa inceʼe seʼe woʼu anu-Ku. Yaku ndapapeawa ri oyo ntau seʼe. 11Seʼi-seʼi Yaku maʼi ri Papa. Yaku banyamo ri lino kareʼe-Ku; paikanya tau seʼe ntongo maroo-roo ri lino. Papa anu Magali! Ndijagai tau seʼe ri kuasa ntoʼo i mPapa, inceʼemo toʼo anu roo ndawai i mPapa ri Yaku – da naka tau seʼe mewali sambaʼa-mbaʼa ewa i Papa pai Yaku sambaʼa-mbaʼa. 12#Pol. 41:9, Yoh. 13:18 Ntongo Yaku lau sangkani-ngkani pai tau seʼe, Kujagaimo tau seʼe ri kuasa ntoʼo i mPapa – toʼo anu ndawai i mPapa ri Yaku, roomo Kujaga tau seʼe pai bareʼe reʼe ri oyo ntau seʼe anu tetaji, banya mantoʼo siʼa anu lawi tetaji setu da naka kobangani anu naʼuki Ncura Magali. 13Seʼi Yaku maʼi ri Papa, pura-pura Kutoʼo ntongo Yaku seʼipa ri lino; da naka gana-gana paepe ntau seʼe kawongko ndaya-Ku. 14Roomo Kuparataka tau seʼe nuntu i mPapa, tau seʼe napobanciika lino seʼi, maka tau seʼe banyamo lino seʼi tumpunya, ewa Yaku woʼu banya lino seʼe tumpunya. 15Bareʼe Kuperapi ri Papa da naka i Papa mantima tau seʼe ungka ri lino seʼi, paikanya anu Kuperapi da naka i Papa mangantawanaka ungka ri Majaʼa. 16Ewa Yaku banya lino tumpunya, tau seʼe woʼu banya lino seʼi tumpunya. 17Ndipapewali tau seʼe anu-Mi anu ndapatani mampoliu kamonco, nuntu-Mi Papa inceʼemo kamonco. 18Ewa i Papa roo mampokau Yaku rata ri lino, ewanceʼe seʼe Yaku mampokau tau seʼe ri lino. 19Tila ntau seʼe, Yaku mampepombaika koro-Ku ewa sambaʼa anu i mPapa anu ndapatani, da naka tau seʼe woʼu mewali anu i mPapa anu ndapatani mampojaya kamonco.
20Banya podo tila ntau seʼe seʼi Kupekakaika, Kupekakaika woʼu waʼa ntau anu meaya ri Yaku ua posabi ntau seʼe seʼi. 21Kuperapi boo Papa, da naka pura-pura tau seʼe mewali sambaʼa-mbaʼa. Ewa i Papa sambaʼa-mbaʼa pai Yaku, pai Yaku sambaʼa-mbaʼa pai Papa. Mbolimo tau seʼe da sambaʼa-mbaʼa pai kita da naka lino seʼi maaya ka-Kominya anu mampokau Yaku. 22Roomo Kuwaika tau seʼe peawa anu ndawai i mPapa ri Yaku, da naka tau seʼe mewali sambaʼa-mbaʼa ewa kita sambaʼa-mbaʼa. 23Yaku pai tau seʼe, pai i Papa pai Yaku; da naka tau seʼe monco-monco mewali sambaʼa-mbaʼa. Danapaincani lino seʼi, i Papa anu mampokau Yaku pai i Papa anu mampotowe tau seʼe ewa i Papa mampotowe Yaku.
24Papa, da rayaku da naka tau seʼe sangkani-ngkani pai Yaku ri mbeʼi-mbeʼi ntano kareʼe-Ku, da naka nakita ntau seʼe peawa-Ku anu ndawaika Yaku i mPapa, maka i Papa mampotowe Yaku ri kabareʼepanya ndapapewali lino.
25Papa, Komi mayoa! Lino bareʼe maincani i Papa, paikanya Yaku maincani i Papa; pai waʼa ntau seʼi maincani ka-Kominya anu mampokau Yaku. 26Roo Kupapaincanika tau seʼe toʼo-Mi, da naka towe i mPapa ri Yaku da lau todo ri raya ntau seʼe, pai Yaku da sambaʼa-mbaʼa pai tau seʼe.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ