YOHANE 18
18
I Yesu ndasoko
18:1-11
(Mat. 26:47-56, Mrk. 14:43-50, Luk. 22:47-53)
1Roo mekakai i Yesu ewanceʼe, malaimo Sira pai waʼa anaguru-A njoʼu ri sambote ngKoro ngKidero. Njairia njau sambaʼa bonde, mesuamo Sira pai waʼa anaguru-A. 2I Yudasi anu mampobalu i Yesu, naincani woʼu kareʼe bonde setu maka lawi maria ngkanimo kanjoʼu ntau seʼe njairia. 3Njoʼumo i Yudasi ri bonde setu mampoyunu santibura surodado nto Roma pai bara tesangkuja topojaga Banua i mPue, tau seʼe napokau waʼa ntadulako ntadu panyomba pai waʼa nto Parisi. Tau seʼe mangkeni parewa mpoʼiwali, silo pai obori. 4Ndaincani i Yesu da pewalinya ewanceʼe ri woto ngkoro-A; mewali ndatimosuki waʼa ntau setu nepa ndapeoasi, “Isema anu ndipepali?”
5Mesono tau seʼe, “I Yesu to Nasare!”
Ndatoʼo i Yesu, “Yakumo siʼa!”
I Yudasi anu mampobalu Sira njau mekakore njairia sangkani-ngkani pai waʼa ntau setu. 6Sindara pantoʼo i Yesu, “Yakumo siʼa,” meuranaka tau seʼe pura-pura madungka ri tana. 7Sangkani woʼu ndapeoasi i Yesu ri tau seʼe ndatoʼo, “Isema anu ndipepali?”
Mesono tau seʼe, “I Yesu to Nasare!”
8Mesono i Yesu ndatoʼo, “Roomo Kutoʼoka komi, Yakumo siʼa!” Pai ane Yaku ndipepali, ndipapaliumo napalai waʼa ntau ntaninya seʼi. (9Pewalinya ewanceʼe kobanganimo pau-A anu roomo ndatoʼo, “Papa, ri waʼa ntau anu roomo ndipepombaika ri Yaku, bareʼe da reʼe anu da tetaji.”)
10I Simo Peturu mangkeni penai, nawutu penainya napomai anamayunu i ntadu mpanyomba bangke, ware talinganya tondo mokana. Toʼo anamayunu setu i Malakusi. 11#Mat. 26:39, Mrk. 14:36, Luk. 22:42 Ndatoʼo i Yesu ri Peturu, “Wunca ri gumanya penaimu setu! Ara pantoʼo ndayamu bareʼe da Kuinu tabo mpanginu kapari anu ndawai i mPapa-Ku ri Yaku?”
I Yesu ndakeni ri suara i Anasi
18:12-14
12Waʼa ncurodado nto Roma pai waʼa ntadulako pai waʼa anamayunu nto Yahudi mancoko i Yesu nepa napungu pale-A. 13Riu-riunya nakeni ntau seʼe i Yesu ri suara i Anasi mania i ngKayapa. I Kayapa inceʼe anu mewali tadu mpanyomba bangke ri taʼu setu. 14#Yoh. 11:49-50 Pai siʼamo anu mantotoraka waʼa ntadulako nto Yahudi, natoʼo, “Moruana tau sambaʼa mate tila banca pura-pura.”
I Peturu mampesapuka i Yesu
18:15-18
(Mat. 26:69-70, Mrk. 14:66-68, Luk. 22:55-57)
15I Simo Peturu pai sambaʼa anaguru-A anu ntaninya maluluwaka pangkeni i Yesu; anaguru-A anu ntaninya setu ndaincani i ntadu mpanyomba bangke inceʼe painaka mesua siʼa ri soma banua ntadu mpanyomba bangke sangkani-ngkani pai i Yesu, 16podo i Peturu mopea ri sambalikunya, ri boboka. Ungka lairia anaguru-A anu ntaninya setu mesuwu ri sambalikunya mompau pai anamayunu weʼa anu majaga boboka, nepa napoyunu i Peturu mesua ri soma. 17Natoʼo anamayunu anu weʼa mojaga dampo setu ri Peturu, “Ee, ara banya siko sambaʼa anaguru ntau sindate?”
Mesono i Peturu, “Banya!”
18Tempo setu maranindimo, painaka napatuwu waʼa ntoporioko pai waʼa ntopojaga apu ri ayo da napaneru waʼa ncurodado pai waʼa anamayunu. Njoʼumo woʼu i Peturu mekakore maneru sangkani-ngkani pai tau seʼe.
I tadu mpanyomba bangke mamparesa i Yesu
18:19-24
(Mat. 26:59-66, Mrk. 14:55-64, Luk. 22:66-71)
19Napeoasi ntadu mpanyomba bangke ri Yesu kono anaguru-A pai anu ndapaguruka. 20Mesono i Yesu ndatoʼo, “Yaku bareʼe bali-bali mompaguru ri tau sondo ri banua mpekakai pai, ri Banua i mPue, pai ri mbeʼi kanjau nto Yahudi mompasambaka. Pompaguru-Ku Kutoʼo mpayoa bereʼe njaa-njaa anu Kusambunika. 21Wenu painaka nupeoasi ri Yaku? Peoasimo ri waʼa ntau anu madongemo pompaguru-Ku. Manoto da naincani ntau seʼe nunjaa anu roomo Kutoʼo.”
22Pompau-A ewanceʼe meoko sambaʼa topojaga natoposaka lio i Yesu, natoʼo, “Makoje kojo siko mompau ewanceʼe ri tadu mpanyomba bangke!”
23Mesono i Yesu ndatoʼo, “Ane sala pompau-Ku, tujuka-Ku nunjaa sala-Ku! Paikanya ane Yaku mantoʼo anu monco, wenu painaka nutoposaka Yaku?”
24Ntongo ndapungupa i Yesu, napokaumo i Anasi da ndakeni Sira ri Tadu mPanyomba Bangke Kayapa.
I Peturu mampesapuka woʼu i Yesu
18:25-27
(Mat. 26:71-75, Mrk. 14:69-72, Luk. 22:58-62)
25Ntongo njaupa i Simo Peturu mekakore maneru njairia, mompaumo waʼa ntau ri siʼa natoʼo, “Ara banya siko sambaʼa anaguru ntau setu?” Paikanya mesono i Peturu, “Banya!”
26Sambaʼa ri oyo anamayunu i ntadu mpanyomba bangke anu mojaʼi pai anamayunu anu nasayu i mPeturu, mompau natoʼo, “Ara banya siko anu kukita ri raya bonde sangkani-ngkani pai Sira?”
27Mesono woʼu i Peturu natoʼo, “Bareʼe.” – Sindara setu seʼe mototoroʼomo manu.
I Yesu mancuara i Pilatu
18:28-38a
(Mat. 27:1-2,11-14, Mrk. 15:1-5, Luk. 23:1-5)
28Ntongo mowuro-wuropa mpodago nakenimo ntau seʼe i Yesu, ungka ri banua i ngKayapa, njoʼu ri banua i petoro. Paikanya waʼa nto Yahudi bareʼe mesua ri banua maka karika malulu ada agama boi bareʼe maya mangkoni pangkoni Pasa. 29Inceʼe painaka mesuwu i Pilatu madadu tau seʼe, nepa napeoasi, “Nunjaa anu nditulurika tau seʼi?”
30Mesono tau seʼe natoʼo, “Ane bareʼe reʼe sala-Nya bareʼe da kakenika komi Petoro.”
31Natoʼo i mPilatu ri tau seʼe, “Ane ewanceʼe Ndikenimo tau seʼi Ndipabotusi ngkaliomi malulu huku agamami.”
Paikanya mesono waʼa nto Yahudi natoʼo, “Kami bareʼe maya da mabotusi tau anu da ndapepate.” (32#Yoh. 3:14, 12:32 Pewalinya ewanceʼe kobanganimo pompau i Yesu anu mantoʼo ewambeʼi jaya da kapate-A.)
33Mesua muni i Pilatu ri raya banuanya, napeboo i Yesu nepa napeoasi ri Sira natoʼo, “Ara monco siko mokole nto Yahudi?”
34Mesono i Yesu ndatoʼo, “Pompeoasi seʼi bara ungka ri komi ngkaliomi, bara reʼe tau ntaninya anu mantoʼoka komi kono Yaku?”
35Mesono i Pilatu natoʼo, “Ara Yaku seʼi to Yahudi? Tau anu mampepombaika siko ri yaku inceʼemo waʼa banca-Mu pai waʼa ntadulako ntadu mpanyomba. Nunjaa anu roomo Nupowia?”
36Ndatoʼo i Yesu, “Kamokole-Ku banya ungka ri lino seʼi. Ane rapanya poparenta-Ku ungka ri lino seʼi. Sangaya-ngaya da meewa waʼa mpalili-Ku da naka neʼe ndapepombaika Yaku ri pale ntadulako nto Yahudi. Pai lawi kamokole-Ku banya ungka ri lino seʼi!”
37Meoasi i Pilatu ri Sira natoʼo, “Ane ewanceʼe Siko mokole?”
Mesono i Yesu ndatoʼo, “Komi mantoʼo Yaku seʼi mokole. Pampoana Yaku rata ri lino mantinako ndaya da mangasabi kamonco. Waʼa ntau anu tuwu ri kamonco da mampedongeka Yaku.”
38aMeoasi i Pilatu ri Sira natoʼo, “Nunjaa posokinya kamonco?”
I Yesu ndabotusi da ndapepate
18:38b–19:16
(Mat. 27:13-31, Mrk. 15:6-20, Luk. 23:13-25)
38bUngka lairia mesuwumo i Pilatu ungka ri banuanya njoʼu mampomberataka to Yahudi natoʼoka tau seʼe, “Bareʼe reʼe salanya kurata tau seʼi! 39Paikanya malulu kabiasami sangkani-sangkani Eo mPosusa Pasa da reʼe sambaʼa taumi anu ndatarunggu da kulapaka komi. Mewali bara ndipokono ane da kulapaka komi mokole nto Yahudi?”
40Meboo-boo waʼa ntau setu mancono pau i mPilatu, “Neʼe Siʼa paikanya ndilapaka kami i Baraba!” (I Baraba setu sambaʼa parampo.)
လက်ရှိရွေးချယ်ထားမှု
YOHANE 18: LAIPMF
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
YOHANE 18
18
I Yesu ndasoko
18:1-11
(Mat. 26:47-56, Mrk. 14:43-50, Luk. 22:47-53)
1Roo mekakai i Yesu ewanceʼe, malaimo Sira pai waʼa anaguru-A njoʼu ri sambote ngKoro ngKidero. Njairia njau sambaʼa bonde, mesuamo Sira pai waʼa anaguru-A. 2I Yudasi anu mampobalu i Yesu, naincani woʼu kareʼe bonde setu maka lawi maria ngkanimo kanjoʼu ntau seʼe njairia. 3Njoʼumo i Yudasi ri bonde setu mampoyunu santibura surodado nto Roma pai bara tesangkuja topojaga Banua i mPue, tau seʼe napokau waʼa ntadulako ntadu panyomba pai waʼa nto Parisi. Tau seʼe mangkeni parewa mpoʼiwali, silo pai obori. 4Ndaincani i Yesu da pewalinya ewanceʼe ri woto ngkoro-A; mewali ndatimosuki waʼa ntau setu nepa ndapeoasi, “Isema anu ndipepali?”
5Mesono tau seʼe, “I Yesu to Nasare!”
Ndatoʼo i Yesu, “Yakumo siʼa!”
I Yudasi anu mampobalu Sira njau mekakore njairia sangkani-ngkani pai waʼa ntau setu. 6Sindara pantoʼo i Yesu, “Yakumo siʼa,” meuranaka tau seʼe pura-pura madungka ri tana. 7Sangkani woʼu ndapeoasi i Yesu ri tau seʼe ndatoʼo, “Isema anu ndipepali?”
Mesono tau seʼe, “I Yesu to Nasare!”
8Mesono i Yesu ndatoʼo, “Roomo Kutoʼoka komi, Yakumo siʼa!” Pai ane Yaku ndipepali, ndipapaliumo napalai waʼa ntau ntaninya seʼi. (9Pewalinya ewanceʼe kobanganimo pau-A anu roomo ndatoʼo, “Papa, ri waʼa ntau anu roomo ndipepombaika ri Yaku, bareʼe da reʼe anu da tetaji.”)
10I Simo Peturu mangkeni penai, nawutu penainya napomai anamayunu i ntadu mpanyomba bangke, ware talinganya tondo mokana. Toʼo anamayunu setu i Malakusi. 11#Mat. 26:39, Mrk. 14:36, Luk. 22:42 Ndatoʼo i Yesu ri Peturu, “Wunca ri gumanya penaimu setu! Ara pantoʼo ndayamu bareʼe da Kuinu tabo mpanginu kapari anu ndawai i mPapa-Ku ri Yaku?”
I Yesu ndakeni ri suara i Anasi
18:12-14
12Waʼa ncurodado nto Roma pai waʼa ntadulako pai waʼa anamayunu nto Yahudi mancoko i Yesu nepa napungu pale-A. 13Riu-riunya nakeni ntau seʼe i Yesu ri suara i Anasi mania i ngKayapa. I Kayapa inceʼe anu mewali tadu mpanyomba bangke ri taʼu setu. 14#Yoh. 11:49-50 Pai siʼamo anu mantotoraka waʼa ntadulako nto Yahudi, natoʼo, “Moruana tau sambaʼa mate tila banca pura-pura.”
I Peturu mampesapuka i Yesu
18:15-18
(Mat. 26:69-70, Mrk. 14:66-68, Luk. 22:55-57)
15I Simo Peturu pai sambaʼa anaguru-A anu ntaninya maluluwaka pangkeni i Yesu; anaguru-A anu ntaninya setu ndaincani i ntadu mpanyomba bangke inceʼe painaka mesua siʼa ri soma banua ntadu mpanyomba bangke sangkani-ngkani pai i Yesu, 16podo i Peturu mopea ri sambalikunya, ri boboka. Ungka lairia anaguru-A anu ntaninya setu mesuwu ri sambalikunya mompau pai anamayunu weʼa anu majaga boboka, nepa napoyunu i Peturu mesua ri soma. 17Natoʼo anamayunu anu weʼa mojaga dampo setu ri Peturu, “Ee, ara banya siko sambaʼa anaguru ntau sindate?”
Mesono i Peturu, “Banya!”
18Tempo setu maranindimo, painaka napatuwu waʼa ntoporioko pai waʼa ntopojaga apu ri ayo da napaneru waʼa ncurodado pai waʼa anamayunu. Njoʼumo woʼu i Peturu mekakore maneru sangkani-ngkani pai tau seʼe.
I tadu mpanyomba bangke mamparesa i Yesu
18:19-24
(Mat. 26:59-66, Mrk. 14:55-64, Luk. 22:66-71)
19Napeoasi ntadu mpanyomba bangke ri Yesu kono anaguru-A pai anu ndapaguruka. 20Mesono i Yesu ndatoʼo, “Yaku bareʼe bali-bali mompaguru ri tau sondo ri banua mpekakai pai, ri Banua i mPue, pai ri mbeʼi kanjau nto Yahudi mompasambaka. Pompaguru-Ku Kutoʼo mpayoa bereʼe njaa-njaa anu Kusambunika. 21Wenu painaka nupeoasi ri Yaku? Peoasimo ri waʼa ntau anu madongemo pompaguru-Ku. Manoto da naincani ntau seʼe nunjaa anu roomo Kutoʼo.”
22Pompau-A ewanceʼe meoko sambaʼa topojaga natoposaka lio i Yesu, natoʼo, “Makoje kojo siko mompau ewanceʼe ri tadu mpanyomba bangke!”
23Mesono i Yesu ndatoʼo, “Ane sala pompau-Ku, tujuka-Ku nunjaa sala-Ku! Paikanya ane Yaku mantoʼo anu monco, wenu painaka nutoposaka Yaku?”
24Ntongo ndapungupa i Yesu, napokaumo i Anasi da ndakeni Sira ri Tadu mPanyomba Bangke Kayapa.
I Peturu mampesapuka woʼu i Yesu
18:25-27
(Mat. 26:71-75, Mrk. 14:69-72, Luk. 22:58-62)
25Ntongo njaupa i Simo Peturu mekakore maneru njairia, mompaumo waʼa ntau ri siʼa natoʼo, “Ara banya siko sambaʼa anaguru ntau setu?” Paikanya mesono i Peturu, “Banya!”
26Sambaʼa ri oyo anamayunu i ntadu mpanyomba bangke anu mojaʼi pai anamayunu anu nasayu i mPeturu, mompau natoʼo, “Ara banya siko anu kukita ri raya bonde sangkani-ngkani pai Sira?”
27Mesono woʼu i Peturu natoʼo, “Bareʼe.” – Sindara setu seʼe mototoroʼomo manu.
I Yesu mancuara i Pilatu
18:28-38a
(Mat. 27:1-2,11-14, Mrk. 15:1-5, Luk. 23:1-5)
28Ntongo mowuro-wuropa mpodago nakenimo ntau seʼe i Yesu, ungka ri banua i ngKayapa, njoʼu ri banua i petoro. Paikanya waʼa nto Yahudi bareʼe mesua ri banua maka karika malulu ada agama boi bareʼe maya mangkoni pangkoni Pasa. 29Inceʼe painaka mesuwu i Pilatu madadu tau seʼe, nepa napeoasi, “Nunjaa anu nditulurika tau seʼi?”
30Mesono tau seʼe natoʼo, “Ane bareʼe reʼe sala-Nya bareʼe da kakenika komi Petoro.”
31Natoʼo i mPilatu ri tau seʼe, “Ane ewanceʼe Ndikenimo tau seʼi Ndipabotusi ngkaliomi malulu huku agamami.”
Paikanya mesono waʼa nto Yahudi natoʼo, “Kami bareʼe maya da mabotusi tau anu da ndapepate.” (32#Yoh. 3:14, 12:32 Pewalinya ewanceʼe kobanganimo pompau i Yesu anu mantoʼo ewambeʼi jaya da kapate-A.)
33Mesua muni i Pilatu ri raya banuanya, napeboo i Yesu nepa napeoasi ri Sira natoʼo, “Ara monco siko mokole nto Yahudi?”
34Mesono i Yesu ndatoʼo, “Pompeoasi seʼi bara ungka ri komi ngkaliomi, bara reʼe tau ntaninya anu mantoʼoka komi kono Yaku?”
35Mesono i Pilatu natoʼo, “Ara Yaku seʼi to Yahudi? Tau anu mampepombaika siko ri yaku inceʼemo waʼa banca-Mu pai waʼa ntadulako ntadu mpanyomba. Nunjaa anu roomo Nupowia?”
36Ndatoʼo i Yesu, “Kamokole-Ku banya ungka ri lino seʼi. Ane rapanya poparenta-Ku ungka ri lino seʼi. Sangaya-ngaya da meewa waʼa mpalili-Ku da naka neʼe ndapepombaika Yaku ri pale ntadulako nto Yahudi. Pai lawi kamokole-Ku banya ungka ri lino seʼi!”
37Meoasi i Pilatu ri Sira natoʼo, “Ane ewanceʼe Siko mokole?”
Mesono i Yesu ndatoʼo, “Komi mantoʼo Yaku seʼi mokole. Pampoana Yaku rata ri lino mantinako ndaya da mangasabi kamonco. Waʼa ntau anu tuwu ri kamonco da mampedongeka Yaku.”
38aMeoasi i Pilatu ri Sira natoʼo, “Nunjaa posokinya kamonco?”
I Yesu ndabotusi da ndapepate
18:38b–19:16
(Mat. 27:13-31, Mrk. 15:6-20, Luk. 23:13-25)
38bUngka lairia mesuwumo i Pilatu ungka ri banuanya njoʼu mampomberataka to Yahudi natoʼoka tau seʼe, “Bareʼe reʼe salanya kurata tau seʼi! 39Paikanya malulu kabiasami sangkani-sangkani Eo mPosusa Pasa da reʼe sambaʼa taumi anu ndatarunggu da kulapaka komi. Mewali bara ndipokono ane da kulapaka komi mokole nto Yahudi?”
40Meboo-boo waʼa ntau setu mancono pau i mPilatu, “Neʼe Siʼa paikanya ndilapaka kami i Baraba!” (I Baraba setu sambaʼa parampo.)
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ