YOHANE 19
19
1Ungka lairia napokaumo i mPilatu, tau mantabasi i Yesu. 2Napowia waʼa ncurodado makota wayaa marui naena nepa napaposongkaka i Yesu. Roo setu napaporengkoka Sira juba anu makodara. 3Nepa napasinggiri ntau seʼe natoʼo, “Tuwu mokole nto Yahudi.” Roo natabe nepa natoposaka ntau seʼe Sira.
4Roo setu mesuwu woʼu i Pilatu natoʼoka tau seʼe, “Peole kukenika komi siʼa ri suarami, da naka ndikita kabareʼenya reʼe salaanya kurata.” 5Mesuwu i Yesu ntongo ndapatakaka makota anu ndaena ungka ri wayaa marui ngena pai juba makodara. Natoʼo i mPilatu ri waʼa ntau seʼe, “Ndipeole tau setu!”
6Butu nakita waʼa ntadulako ntadu mpanyomba pai waʼa ntopojaganya i Yesu, meboo-boomo tau seʼe natoʼo, “Paku ri kaju ndapanggo Siʼa! Paku ri kaju ndapanggo Siʼa!”
Natoʼo i mPilatu ri tau seʼe, “Nditimamo Siʼa ndikeni, ndipampaku ri kaju ndapanggo, jayaku bereʼe salanya kurata Tau seʼi.”
7Mesono waʼa nto Yahudi natoʼo, “Ri kami reʼe huku anu mantoʼo tau setu sangaya-ngaya da ndahuku mate, maka siʼa mantoʼo koronya Ana mPue Ala.”
8Padonge i mPilatu pompau ntau seʼe ewanceʼe, maʼaimo perata eka ndayanya. 9Wali mpesua i Pilatu ri banuanya, ndakeni muni i Yesu ri raya banua i mPilatu. Meoasi i Pilatu ri Sira natoʼo, “Siko seʼi ungka ri mbeʼi kamaʼimu?”
Paikanya bareʼe mesono i Yesu. 10Natoʼo woʼu i mPilatu, “Ara bareʼe nupokono mompau pai yaku? Ara bareʼe nuincani yaku makuasa da malapa siko pai makuasa woʼu da mampaku ri kaju ndapanggo siko!”
11Mesono i Yesu, “Ane bareʼe ndapepombaika i mPue Ala ri siko, siko bereʼe kuasamu ri Yaku. Inceʼe puʼunya painaka tau anu mampepombaika Yaku ri siko anu meruu ngkabangke ncalaanya painaka siko.”
12Padonge i mPilatu inceʼe napepalikamo jayanya da naka naleʼo malapa i Yesu. Paikanya meboo-boo waʼa nto Yahudi natoʼo, “Ane ndilapa siʼa manoto komi banya yunu i Datu! Maka tau anu mantoʼo-ntoʼo koronya mokole inceʼemo iwali i Datu!”
13Padonge i mPilatu waʼa mpau setu, nakeni mpesuwumo i Yesu, nepa motunda i Pilatu ri gadera mpobotusi anu ndapapotoʼo Joia Watu. (Ri basa Ibarani toʼonya Gabata.)
14Tempo setu mosumo tinti sampuyu pai radua ntongo ndeme. Inceʼemo eo pampatoka Posusa Pasa. Natoʼo i mPilatu ri waʼa nto Yahudi, “Seʼi mokolemi!”
15Pikanya meboo-boo waʼa ntau setu natoʼo, “Pepate Siʼa! Pepate Siʼa! Paku ri kaju Siʼa!”
Napeoasi i mPilatu, “Mokolemi seʼi da kupaku ri kaju ndapanggo?”
Mesono waʼa ntadulako ntadu mpanyomba natoʼo, “Kami bereʼe mokole mami anu ntaninya waʼanyamo i Datu.” 16Napepombaikamo i mPilatu i Yesu ri tau seʼe da napampaku ri kaju ndapanggo. Natima ntau seʼe i Yesu nepa nakeni ntau seʼe ri sambalikunya.
I Yesu ndapaku ri kaju ndapanggo
19:17-27
(Mat. 27:32-44, Mrk. 15:21-32, Luk. 23:26-43)
17Mesuwumo i Yesu seʼi mampasaʼa kaju ndapanggo anu da ndapampaku Sira njoʼu ri tana anu toʼonya “Kareʼe Takumboʼo”. (Ri basa Ibarani ndatoʼo Gologota.) 18Njairiamo ndapampaku ri kaju ndapanggo Sira. Sangkani-ngkani pai Sira reʼe tau radua anu ndapaku ri kaju ndapanggo seʼe sambaʼa ri tondo kaii, sambaʼa ri tondo kana, i Yesu ri tongonya. 19Ri kaju ndapanggo i Yesu, napokau i mPilatu tau mampataka uki anu ewaseʼi katetoʼonya, “I Yesu ungka ri Nasare, Mokole nto Yahudi.” 20Maria to Yahudi anu mabasa uki setu, maka kareʼe mpapaku ri kaju ndapanggo i Yesu bareʼe lawa ungka ri kota. Uki setu ri basa Ibarani, Latina pai Garika. 21Natoʼo waʼa ntadulako ntadu mpanyomba ri Pilatu, “Neʼe ndaʼuki, ‘Mokole nto Yahudi’, Paikanya da ndaʼuki, ‘Tau seʼi mantoʼo, Yaku Mokole nto Yahudi.’ ”
22Paikanya mesono i Pilatu, “Anu roomo kuʼuki, naka teʼukimo!”
23Karoonya napaku ncurodado i Yesu ri kaju ndapanggo, natima ntau seʼe rengko-A. Rengko setu natila aopo, sambaʼa surodado marata santila. Natima woʼu ntau seʼe juba-A. Juba setu bereʼe jaunya – ndatanu ungka ri wawonya tudu ri joenya. 24#Pol. 22:19 Napombetoʼoka waʼa ncurodado setu natoʼo, “Juba seʼe neʼe ndasia-sia paikanya da ndatendeka dadu bara isema anu da maleʼo.” Ewanceʼemo pewalinya painaka kobanganimo nunjaa anu teʼuki ri Sura Magali, ewaseʼi,
“Tau seʼe mampotila-tila rengko-Ku,
pai juba-Ku natendeka dadu.”
Pai lawi ewanceʼemo kojo powia waʼa ncurodado setu.
25Mosu ri puʼu ngkaju ndapanggo i Yesu setu, njau mekakore ine i Yesu pai kasangkompoa anu weʼa, i Maria rongo i ngKeleopa pai i Maria Madalena. 26Pangkita i Yesu ine-A pai anaguru-A anu ndapotowe njau mekakore njairia, mompau Sira ri ine-A, “Ine, setu anami.” 27Nepa mompau Sira ri anaguru-A anu ndapotowe, “Setu inemu.” Montepuʼu ungka njairia natarimamo anaguru-A setu ine i Yesu maroo-roo ri banuanya.
Kapate i Yesu
19:28-30
(Mat. 27:45-56, Mrk. 15:33-41, Luk. 23:44-49)
28 #
Pol. 69:21, 22:15 Ndaincanimo i Yesu seʼi-seʼi pura-puranya roomo, pai da naka nunjaa anu ndaʼuki ri raya Ncura Magali kobangani, mompau Sira ndatoʼo, “Mangau nganga-Ku.”
29Njairia njau sambaʼa mangko buke-buke anggoro mapodi, natima ntau seʼe yuro, naome ntau seʼe ri anggoro setu, nepa nabasula ri woyo, nepa natora napapaisuka wiwi i Yesu. 30Ndapetomi i Yesu anggoro mapodi setu, ndatoʼo, “Roomo!”
Metutu Sira puramo Inosa-A.
Lompe i Yesu ndajalo
19:31-37
31Bareʼe napokono nto Yahudi ane wata ngkoro ntau ndapaku ri kaju ndapanggo ntongo da moloe-loepa ri kaju ndapanggo ri eo Umapo. Pagonya eo setu kono Eo Bangke nto Yahudi. Maka pampaku i Yesu ri kaju ndapanggo setu kono ri eo anu bangke reme da eo Umapomo. Inceʼe painaka njoʼu waʼa nto Yahudi mamperapi ri Pilatu da naka napuʼasi witi waʼa ntau anu ndapaku ri kaju ndapanggo setu pai da mantaunaka waʼa wata ngkoro ntau seʼe ungka ri kaju ndapanggo. 32Ndekumo kojo waʼa ncurodado mampuʼasi witi ntau anu ndapaku ri kaju ndapanggo setu. Riu-riunya witi ntau radua anu ndapaku ri kaju ndapanggo sangkani-ngkani pai Yesu. 33Karata ntau seʼe ri Yesu, nakita ntau seʼe Sira matemo. Mewali bareʼe napuʼa ntau seʼe witia. 34Paikanya sambaʼa ri oyo ncurodado setu majalo ntawala lompe i Yesu; liu-liu mesuwu daa nagalo ue.
35Tau anu mangkita mata ngkalionya pewalinya setu, inceʼemo anu mampetumbu gori mpangkitanya, da naka komi woʼu ndiaya monco. Pai nunjaa anu nasabi setu monco, pai naincani kojo kamonconya. 36#Pa. 12:46, Pai. 9:12, Pol. 34:20 Pewalinya ewanceʼe kobanganimo anu naʼuki Ncura Magali anu mantoʼo, “Bareʼe reʼe sako sambaʼa wukunya anu ndapuʼasi.” 37#Sak. 12:10, Pepat. 1:7 Lau woʼu ndaʼuki ri Sura Magali, “Tau seʼe da mampeole Sira anu roomo najalo ntau seʼe.”
Pangadayo i Yesu
19:38-42
(Mat. 27:57-61, Mrk. 15:42-47, Luk. 23:50-56)
38Ungka njairia njoʼu i Yusu to Arimatea mamperapi ri Pilatu da mantima watangkoro i Yesu. (I Yusu seʼi kamonconya siʼa sambaʼa anaguru i Yesu paikanya tesambunika ua maekanya ri waʼa ntadulako nto Yahudi.) Naʼioka i mPilatu perapinya painaka njoʼumo siʼa mantima wata ngkoro i Yesu. 39#Yoh. 3:1-2 Ratamo woʼu i Nikodemu anu maʼi owi madadu i Yesu ri tongo mbengi, nakeni rampa-rampa mire pai gaharu reʼe tetatogo mpuyu kilo kasondonya. 40Tau radua setumo anu mampakoroka wata ngkoro i Yesu, nasompunika ayapa lena pai narampaika waʼa rampa anu mawongi malulu ada mpopadayo nto Yahudi. 41Bareʼe lawa ungka ri kareʼe pampaku ri kaju ndapanggo i Yesu setu njau bonde. Ri raya bonde setu reʼe sambaʼa dayo anu dawoʼupa bareʼepa reʼe tau ndadayo njairia. 42Ua dayo mosu-mosu pai mosumo temponya da pontepuʼu eo Umapo, njairiamo napadayo ntau seʼe i Yesu.
လက်ရှိရွေးချယ်ထားမှု
YOHANE 19: LAIPMF
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
YOHANE 19
19
1Ungka lairia napokaumo i mPilatu, tau mantabasi i Yesu. 2Napowia waʼa ncurodado makota wayaa marui naena nepa napaposongkaka i Yesu. Roo setu napaporengkoka Sira juba anu makodara. 3Nepa napasinggiri ntau seʼe natoʼo, “Tuwu mokole nto Yahudi.” Roo natabe nepa natoposaka ntau seʼe Sira.
4Roo setu mesuwu woʼu i Pilatu natoʼoka tau seʼe, “Peole kukenika komi siʼa ri suarami, da naka ndikita kabareʼenya reʼe salaanya kurata.” 5Mesuwu i Yesu ntongo ndapatakaka makota anu ndaena ungka ri wayaa marui ngena pai juba makodara. Natoʼo i mPilatu ri waʼa ntau seʼe, “Ndipeole tau setu!”
6Butu nakita waʼa ntadulako ntadu mpanyomba pai waʼa ntopojaganya i Yesu, meboo-boomo tau seʼe natoʼo, “Paku ri kaju ndapanggo Siʼa! Paku ri kaju ndapanggo Siʼa!”
Natoʼo i mPilatu ri tau seʼe, “Nditimamo Siʼa ndikeni, ndipampaku ri kaju ndapanggo, jayaku bereʼe salanya kurata Tau seʼi.”
7Mesono waʼa nto Yahudi natoʼo, “Ri kami reʼe huku anu mantoʼo tau setu sangaya-ngaya da ndahuku mate, maka siʼa mantoʼo koronya Ana mPue Ala.”
8Padonge i mPilatu pompau ntau seʼe ewanceʼe, maʼaimo perata eka ndayanya. 9Wali mpesua i Pilatu ri banuanya, ndakeni muni i Yesu ri raya banua i mPilatu. Meoasi i Pilatu ri Sira natoʼo, “Siko seʼi ungka ri mbeʼi kamaʼimu?”
Paikanya bareʼe mesono i Yesu. 10Natoʼo woʼu i mPilatu, “Ara bareʼe nupokono mompau pai yaku? Ara bareʼe nuincani yaku makuasa da malapa siko pai makuasa woʼu da mampaku ri kaju ndapanggo siko!”
11Mesono i Yesu, “Ane bareʼe ndapepombaika i mPue Ala ri siko, siko bereʼe kuasamu ri Yaku. Inceʼe puʼunya painaka tau anu mampepombaika Yaku ri siko anu meruu ngkabangke ncalaanya painaka siko.”
12Padonge i mPilatu inceʼe napepalikamo jayanya da naka naleʼo malapa i Yesu. Paikanya meboo-boo waʼa nto Yahudi natoʼo, “Ane ndilapa siʼa manoto komi banya yunu i Datu! Maka tau anu mantoʼo-ntoʼo koronya mokole inceʼemo iwali i Datu!”
13Padonge i mPilatu waʼa mpau setu, nakeni mpesuwumo i Yesu, nepa motunda i Pilatu ri gadera mpobotusi anu ndapapotoʼo Joia Watu. (Ri basa Ibarani toʼonya Gabata.)
14Tempo setu mosumo tinti sampuyu pai radua ntongo ndeme. Inceʼemo eo pampatoka Posusa Pasa. Natoʼo i mPilatu ri waʼa nto Yahudi, “Seʼi mokolemi!”
15Pikanya meboo-boo waʼa ntau setu natoʼo, “Pepate Siʼa! Pepate Siʼa! Paku ri kaju Siʼa!”
Napeoasi i mPilatu, “Mokolemi seʼi da kupaku ri kaju ndapanggo?”
Mesono waʼa ntadulako ntadu mpanyomba natoʼo, “Kami bereʼe mokole mami anu ntaninya waʼanyamo i Datu.” 16Napepombaikamo i mPilatu i Yesu ri tau seʼe da napampaku ri kaju ndapanggo. Natima ntau seʼe i Yesu nepa nakeni ntau seʼe ri sambalikunya.
I Yesu ndapaku ri kaju ndapanggo
19:17-27
(Mat. 27:32-44, Mrk. 15:21-32, Luk. 23:26-43)
17Mesuwumo i Yesu seʼi mampasaʼa kaju ndapanggo anu da ndapampaku Sira njoʼu ri tana anu toʼonya “Kareʼe Takumboʼo”. (Ri basa Ibarani ndatoʼo Gologota.) 18Njairiamo ndapampaku ri kaju ndapanggo Sira. Sangkani-ngkani pai Sira reʼe tau radua anu ndapaku ri kaju ndapanggo seʼe sambaʼa ri tondo kaii, sambaʼa ri tondo kana, i Yesu ri tongonya. 19Ri kaju ndapanggo i Yesu, napokau i mPilatu tau mampataka uki anu ewaseʼi katetoʼonya, “I Yesu ungka ri Nasare, Mokole nto Yahudi.” 20Maria to Yahudi anu mabasa uki setu, maka kareʼe mpapaku ri kaju ndapanggo i Yesu bareʼe lawa ungka ri kota. Uki setu ri basa Ibarani, Latina pai Garika. 21Natoʼo waʼa ntadulako ntadu mpanyomba ri Pilatu, “Neʼe ndaʼuki, ‘Mokole nto Yahudi’, Paikanya da ndaʼuki, ‘Tau seʼi mantoʼo, Yaku Mokole nto Yahudi.’ ”
22Paikanya mesono i Pilatu, “Anu roomo kuʼuki, naka teʼukimo!”
23Karoonya napaku ncurodado i Yesu ri kaju ndapanggo, natima ntau seʼe rengko-A. Rengko setu natila aopo, sambaʼa surodado marata santila. Natima woʼu ntau seʼe juba-A. Juba setu bereʼe jaunya – ndatanu ungka ri wawonya tudu ri joenya. 24#Pol. 22:19 Napombetoʼoka waʼa ncurodado setu natoʼo, “Juba seʼe neʼe ndasia-sia paikanya da ndatendeka dadu bara isema anu da maleʼo.” Ewanceʼemo pewalinya painaka kobanganimo nunjaa anu teʼuki ri Sura Magali, ewaseʼi,
“Tau seʼe mampotila-tila rengko-Ku,
pai juba-Ku natendeka dadu.”
Pai lawi ewanceʼemo kojo powia waʼa ncurodado setu.
25Mosu ri puʼu ngkaju ndapanggo i Yesu setu, njau mekakore ine i Yesu pai kasangkompoa anu weʼa, i Maria rongo i ngKeleopa pai i Maria Madalena. 26Pangkita i Yesu ine-A pai anaguru-A anu ndapotowe njau mekakore njairia, mompau Sira ri ine-A, “Ine, setu anami.” 27Nepa mompau Sira ri anaguru-A anu ndapotowe, “Setu inemu.” Montepuʼu ungka njairia natarimamo anaguru-A setu ine i Yesu maroo-roo ri banuanya.
Kapate i Yesu
19:28-30
(Mat. 27:45-56, Mrk. 15:33-41, Luk. 23:44-49)
28 #
Pol. 69:21, 22:15 Ndaincanimo i Yesu seʼi-seʼi pura-puranya roomo, pai da naka nunjaa anu ndaʼuki ri raya Ncura Magali kobangani, mompau Sira ndatoʼo, “Mangau nganga-Ku.”
29Njairia njau sambaʼa mangko buke-buke anggoro mapodi, natima ntau seʼe yuro, naome ntau seʼe ri anggoro setu, nepa nabasula ri woyo, nepa natora napapaisuka wiwi i Yesu. 30Ndapetomi i Yesu anggoro mapodi setu, ndatoʼo, “Roomo!”
Metutu Sira puramo Inosa-A.
Lompe i Yesu ndajalo
19:31-37
31Bareʼe napokono nto Yahudi ane wata ngkoro ntau ndapaku ri kaju ndapanggo ntongo da moloe-loepa ri kaju ndapanggo ri eo Umapo. Pagonya eo setu kono Eo Bangke nto Yahudi. Maka pampaku i Yesu ri kaju ndapanggo setu kono ri eo anu bangke reme da eo Umapomo. Inceʼe painaka njoʼu waʼa nto Yahudi mamperapi ri Pilatu da naka napuʼasi witi waʼa ntau anu ndapaku ri kaju ndapanggo setu pai da mantaunaka waʼa wata ngkoro ntau seʼe ungka ri kaju ndapanggo. 32Ndekumo kojo waʼa ncurodado mampuʼasi witi ntau anu ndapaku ri kaju ndapanggo setu. Riu-riunya witi ntau radua anu ndapaku ri kaju ndapanggo sangkani-ngkani pai Yesu. 33Karata ntau seʼe ri Yesu, nakita ntau seʼe Sira matemo. Mewali bareʼe napuʼa ntau seʼe witia. 34Paikanya sambaʼa ri oyo ncurodado setu majalo ntawala lompe i Yesu; liu-liu mesuwu daa nagalo ue.
35Tau anu mangkita mata ngkalionya pewalinya setu, inceʼemo anu mampetumbu gori mpangkitanya, da naka komi woʼu ndiaya monco. Pai nunjaa anu nasabi setu monco, pai naincani kojo kamonconya. 36#Pa. 12:46, Pai. 9:12, Pol. 34:20 Pewalinya ewanceʼe kobanganimo anu naʼuki Ncura Magali anu mantoʼo, “Bareʼe reʼe sako sambaʼa wukunya anu ndapuʼasi.” 37#Sak. 12:10, Pepat. 1:7 Lau woʼu ndaʼuki ri Sura Magali, “Tau seʼe da mampeole Sira anu roomo najalo ntau seʼe.”
Pangadayo i Yesu
19:38-42
(Mat. 27:57-61, Mrk. 15:42-47, Luk. 23:50-56)
38Ungka njairia njoʼu i Yusu to Arimatea mamperapi ri Pilatu da mantima watangkoro i Yesu. (I Yusu seʼi kamonconya siʼa sambaʼa anaguru i Yesu paikanya tesambunika ua maekanya ri waʼa ntadulako nto Yahudi.) Naʼioka i mPilatu perapinya painaka njoʼumo siʼa mantima wata ngkoro i Yesu. 39#Yoh. 3:1-2 Ratamo woʼu i Nikodemu anu maʼi owi madadu i Yesu ri tongo mbengi, nakeni rampa-rampa mire pai gaharu reʼe tetatogo mpuyu kilo kasondonya. 40Tau radua setumo anu mampakoroka wata ngkoro i Yesu, nasompunika ayapa lena pai narampaika waʼa rampa anu mawongi malulu ada mpopadayo nto Yahudi. 41Bareʼe lawa ungka ri kareʼe pampaku ri kaju ndapanggo i Yesu setu njau bonde. Ri raya bonde setu reʼe sambaʼa dayo anu dawoʼupa bareʼepa reʼe tau ndadayo njairia. 42Ua dayo mosu-mosu pai mosumo temponya da pontepuʼu eo Umapo, njairiamo napadayo ntau seʼe i Yesu.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ