YOHANE 20
20
Dayo anu soa
20:1-10
(Mat. 28:1-8, Mrk. 16:1-8, Luk. 24:1-12)
1Ri eo Minggu mowuro, ntongo mawengi-wengipa, njoʼu i Maria Madalena ri dayo. Nakita watu anu ndapaloka dayo, tewaenggomo ungka ri wobo dayo setu. 2Molonco siʼa mampepali i Simo Peturu pai anaguru-A anu ndapotowe i Yesu setu, natoʼoka tau seʼe, “I Pue roo natima ntau ungka ri dayo, pai bareʼe kuincani ri mbeʼi napadika Sira.”
3Malaimo i Peturu pai anaguru anu ntaninya setu njoʼu ri dayo. 4Molonco tau radua setu paikanya anaguru-A anu ntaninya setu inceʼe magasi painaka siʼa anu jela riunya ri dayo. 5Napeole raya dayo nakita ayapa anu ndasompunika i Yesu njau ri raya dayo, paikanya siʼa bareʼe mesua ri raya dayo. 6I Simo Peturu anu jela ri puri liu-liu mpesua ri raya dayo, nakita ayapa anu ndaposompu i Yesu njau njairia, 7paikanya ayapa anu ndasoʼoka woʼo i Yesu, bareʼe njau njairia, teyuyu tepatani kareʼenya. 8Mesuamo woʼu anaguru anu jela riunya ri dayo setu. Siʼa woʼu nakita pai napoaya monco. (9Rantani rata ri tempo setu bareʼepa narata ndaya ntau seʼe posokinya ewa anu ndaʼuki ri Sura Magali anu mantoʼo Sira sangaya-ngaya da membangu ungka ri kapate.) 10Roo setu mewalili waʼa anaguru-A setu ri kareʼenya.
I Yesu mepatongawa ri Maria Madalena
20:11-18
(Mat. 28:9-10, Mrk. 16:9-11)
11Njau i Maria Madalena mekakakore ri suara dayo, motumangi njairia. Ntongo mpotumangi meluongga siʼa ri raya dayo, 12nakitasaka njau malaʼeka radua morengko mabuya. Malaʼeka radua setu motunda ri waka ndapauli wata ngkoro i Yesu, sambaʼa ri tondo powoʼo-A sambaʼa ri tondo powiti-A. 13Meoasi malaʼeka radua setu ri Maria Madalena natoʼo, “Ee weʼa nunjaa nutangisi?”
Mesono i Maria, “Pueku natimamo ntau, pai bareʼemo kuincani ri mbeʼi napadika Sira.”
14Karoonya mompau ewanceʼe, metorobaka siʼa nakita i Yesu mekakore njairia. Paikanya bareʼe naincani ka-Siranyamo i Yesu. 15Ndatoʼo i Yesu ri siʼa, “Ee weʼa makuja siko motumangi? Isema anu nupepali?”
Nasarumaka i Maria tau setu topojaga bonde, pai napasono, “Bara jakomi anu malimba Sira ungka ireʼi, nditoʼoka yaku ri mbeʼi ndipadika Sira da kukanjoʼu mantima.”
16Mompau i Yesu ri siʼa ndatoʼo, “Maria!”
Metorobaka ri Yesu nepa mompau siʼa ri basa Ibarani, “Rabuni!” (Posokinya “Guru”.)
17Ndatoʼo i Yesu ri siʼa, “Neʼe nukekeni Yaku, maka Yaku bareʼepa ndeku ri Papa. Paikanya palaimo njoʼu ri waʼa ngkasangkompo-Ku, pai petumbuka tau seʼe, seʼi-seʼi Yaku da ndeku ri Papa-Ku pai Papami, Pue Ala-Ku pai Pue Alami.”
18Njoʼu kojo i Maria mampetumbuka waʼa anaguru-A pangkitanyamo i Yesu pai karoonyamo ndatoʼoka pura-puranya setu.
I Yesu mampapamara koro-A ri waʼa anaguru-A
20:19-23
(Mat. 28:16-20, Mrk. 16:14-18, Luk. 24:36-49)
19Ri eo Minggu setu seʼe sindara waʼa anaguru-A mompasambaka ri sambaʼa banua, pura-pura wombo roomo ndadampo ndapakainti, maka maeka raya ntau seʼe ri waʼa ntadulako nto Yahudi. Tingkara-saka, setu i Yesu mekakore ri tongo ntau seʼe, ndatoʼo, “Tabea pai karodo ndaya tilami!”
20Roo mompau ewanceʼe nepa ndatuju dodo mpale pai lompea anu najolo ntawala. Pangkita ntau seʼe i Pue maʼai kojo kawongko ndayanya.
21Ndatoʼo woʼu i Yesu ri tau seʼe, “Tabea pai karodo ndaya da tilami. Ewa i Papa mampokau Yaku, ewanceʼe seʼe Yaku da mampokau komi.” 22Nepa ndatawuisi i Yesu tanoana ntau seʼe pai Inosa-A, ndatoʼo, “Ndisabemo Inosa mPue Ala. 23#Mat. 16:19, 18:18 Ane komi bareʼemo mangkitanaka salaa ntau ntaninya, i Pue Ala woʼu bareʼemo da mangkitanaka salaami. Paikanya ane komi mampepalisi sala ntau ntaninya, i Pue Ala woʼu da mampepalisi salaanya.”
I Yesu mepatongawa ri Toma
20:24-29
24I Toma sambaʼa ri anaguru i Yesu anu sampuyu pai radua, (anu karua ntoʼonya i “Morapi”) sindara pepapamara i Yesu ri waʼa anaguru-A siʼa benjau njairia.
25Napau waʼa anaguru-A anu ntaninya ri siʼa natoʼo, “Kami kakitamo i Yesu!”
Paikanya mesono i Toma, “Ane bareʼepa kukita wela mpaku ri dodo mpalea, pai kujama welanya, pai kujama wela ntawala ri lompea bareʼepa da kuaya.”
26Pusa saminggu ungka njairia mompasambaka anaguru-A ri banua setu, ri tempo setu njaumo pai Toma. Pura-pura dampo mbombo ndarancongi. Setumo i Yesu mekakore ri oyo ntau seʼe ndatoʼo, “Tabea pai karodo ndaya tilami!” 27Nepa ndatoʼoka i Toma, “Laenaka palemu jama dodo mpaleku pai pejamamo lompeku. Neʼe bata-bata rayamu paikanya peayamo!”
28Natoʼo i nToma ri Yesu, “Pueku pai Alaku!”
29Ndatoʼo i Yesu ri siʼa, “Meayamo siko ua nukitamo Yaku, banya ewanceʼe? Paikanya morasi tau anu meayamo mau bareʼe nakita Yaku!”
Tinako ndaya pai ndapaʼuki sura seʼi
20:30-31
30Mariapa kojo tanda ngkuasa anu ntaninya anu ndapowia pai ndatuju i Yesu ri waʼa anaguru-A, anu bareʼe ndaʼuki ri sura seʼi. 31Paikanya anu teʼukimo seʼi mantinako ndaya da naka ndiaya kamonconya i Yesu inceʼemo Mokole Tadungkadago Ana i mPue Ala, pai da naka komi anu meaya da mangarata katuwu.
လက်ရှိရွေးချယ်ထားမှု
YOHANE 20: LAIPMF
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
YOHANE 20
20
Dayo anu soa
20:1-10
(Mat. 28:1-8, Mrk. 16:1-8, Luk. 24:1-12)
1Ri eo Minggu mowuro, ntongo mawengi-wengipa, njoʼu i Maria Madalena ri dayo. Nakita watu anu ndapaloka dayo, tewaenggomo ungka ri wobo dayo setu. 2Molonco siʼa mampepali i Simo Peturu pai anaguru-A anu ndapotowe i Yesu setu, natoʼoka tau seʼe, “I Pue roo natima ntau ungka ri dayo, pai bareʼe kuincani ri mbeʼi napadika Sira.”
3Malaimo i Peturu pai anaguru anu ntaninya setu njoʼu ri dayo. 4Molonco tau radua setu paikanya anaguru-A anu ntaninya setu inceʼe magasi painaka siʼa anu jela riunya ri dayo. 5Napeole raya dayo nakita ayapa anu ndasompunika i Yesu njau ri raya dayo, paikanya siʼa bareʼe mesua ri raya dayo. 6I Simo Peturu anu jela ri puri liu-liu mpesua ri raya dayo, nakita ayapa anu ndaposompu i Yesu njau njairia, 7paikanya ayapa anu ndasoʼoka woʼo i Yesu, bareʼe njau njairia, teyuyu tepatani kareʼenya. 8Mesuamo woʼu anaguru anu jela riunya ri dayo setu. Siʼa woʼu nakita pai napoaya monco. (9Rantani rata ri tempo setu bareʼepa narata ndaya ntau seʼe posokinya ewa anu ndaʼuki ri Sura Magali anu mantoʼo Sira sangaya-ngaya da membangu ungka ri kapate.) 10Roo setu mewalili waʼa anaguru-A setu ri kareʼenya.
I Yesu mepatongawa ri Maria Madalena
20:11-18
(Mat. 28:9-10, Mrk. 16:9-11)
11Njau i Maria Madalena mekakakore ri suara dayo, motumangi njairia. Ntongo mpotumangi meluongga siʼa ri raya dayo, 12nakitasaka njau malaʼeka radua morengko mabuya. Malaʼeka radua setu motunda ri waka ndapauli wata ngkoro i Yesu, sambaʼa ri tondo powoʼo-A sambaʼa ri tondo powiti-A. 13Meoasi malaʼeka radua setu ri Maria Madalena natoʼo, “Ee weʼa nunjaa nutangisi?”
Mesono i Maria, “Pueku natimamo ntau, pai bareʼemo kuincani ri mbeʼi napadika Sira.”
14Karoonya mompau ewanceʼe, metorobaka siʼa nakita i Yesu mekakore njairia. Paikanya bareʼe naincani ka-Siranyamo i Yesu. 15Ndatoʼo i Yesu ri siʼa, “Ee weʼa makuja siko motumangi? Isema anu nupepali?”
Nasarumaka i Maria tau setu topojaga bonde, pai napasono, “Bara jakomi anu malimba Sira ungka ireʼi, nditoʼoka yaku ri mbeʼi ndipadika Sira da kukanjoʼu mantima.”
16Mompau i Yesu ri siʼa ndatoʼo, “Maria!”
Metorobaka ri Yesu nepa mompau siʼa ri basa Ibarani, “Rabuni!” (Posokinya “Guru”.)
17Ndatoʼo i Yesu ri siʼa, “Neʼe nukekeni Yaku, maka Yaku bareʼepa ndeku ri Papa. Paikanya palaimo njoʼu ri waʼa ngkasangkompo-Ku, pai petumbuka tau seʼe, seʼi-seʼi Yaku da ndeku ri Papa-Ku pai Papami, Pue Ala-Ku pai Pue Alami.”
18Njoʼu kojo i Maria mampetumbuka waʼa anaguru-A pangkitanyamo i Yesu pai karoonyamo ndatoʼoka pura-puranya setu.
I Yesu mampapamara koro-A ri waʼa anaguru-A
20:19-23
(Mat. 28:16-20, Mrk. 16:14-18, Luk. 24:36-49)
19Ri eo Minggu setu seʼe sindara waʼa anaguru-A mompasambaka ri sambaʼa banua, pura-pura wombo roomo ndadampo ndapakainti, maka maeka raya ntau seʼe ri waʼa ntadulako nto Yahudi. Tingkara-saka, setu i Yesu mekakore ri tongo ntau seʼe, ndatoʼo, “Tabea pai karodo ndaya tilami!”
20Roo mompau ewanceʼe nepa ndatuju dodo mpale pai lompea anu najolo ntawala. Pangkita ntau seʼe i Pue maʼai kojo kawongko ndayanya.
21Ndatoʼo woʼu i Yesu ri tau seʼe, “Tabea pai karodo ndaya da tilami. Ewa i Papa mampokau Yaku, ewanceʼe seʼe Yaku da mampokau komi.” 22Nepa ndatawuisi i Yesu tanoana ntau seʼe pai Inosa-A, ndatoʼo, “Ndisabemo Inosa mPue Ala. 23#Mat. 16:19, 18:18 Ane komi bareʼemo mangkitanaka salaa ntau ntaninya, i Pue Ala woʼu bareʼemo da mangkitanaka salaami. Paikanya ane komi mampepalisi sala ntau ntaninya, i Pue Ala woʼu da mampepalisi salaanya.”
I Yesu mepatongawa ri Toma
20:24-29
24I Toma sambaʼa ri anaguru i Yesu anu sampuyu pai radua, (anu karua ntoʼonya i “Morapi”) sindara pepapamara i Yesu ri waʼa anaguru-A siʼa benjau njairia.
25Napau waʼa anaguru-A anu ntaninya ri siʼa natoʼo, “Kami kakitamo i Yesu!”
Paikanya mesono i Toma, “Ane bareʼepa kukita wela mpaku ri dodo mpalea, pai kujama welanya, pai kujama wela ntawala ri lompea bareʼepa da kuaya.”
26Pusa saminggu ungka njairia mompasambaka anaguru-A ri banua setu, ri tempo setu njaumo pai Toma. Pura-pura dampo mbombo ndarancongi. Setumo i Yesu mekakore ri oyo ntau seʼe ndatoʼo, “Tabea pai karodo ndaya tilami!” 27Nepa ndatoʼoka i Toma, “Laenaka palemu jama dodo mpaleku pai pejamamo lompeku. Neʼe bata-bata rayamu paikanya peayamo!”
28Natoʼo i nToma ri Yesu, “Pueku pai Alaku!”
29Ndatoʼo i Yesu ri siʼa, “Meayamo siko ua nukitamo Yaku, banya ewanceʼe? Paikanya morasi tau anu meayamo mau bareʼe nakita Yaku!”
Tinako ndaya pai ndapaʼuki sura seʼi
20:30-31
30Mariapa kojo tanda ngkuasa anu ntaninya anu ndapowia pai ndatuju i Yesu ri waʼa anaguru-A, anu bareʼe ndaʼuki ri sura seʼi. 31Paikanya anu teʼukimo seʼi mantinako ndaya da naka ndiaya kamonconya i Yesu inceʼemo Mokole Tadungkadago Ana i mPue Ala, pai da naka komi anu meaya da mangarata katuwu.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ