มาระโก เตเฮ๊เบ่เหร่อ เด๊อ เง
เตเฮ๊เบ่เหร่อ เด๊อ เง
ลี เตซิครือมีลา มาระโก เออต๊าบ่า หม่า, อา เป๊อแถ่ แด๊โฉ่โล เหร่อ จอแปแหร่ อาพู๊ แบ่เจ่ เหย่ซู่ครี๊ อา เตซิครือมีลา อาหรี่อาแก เต๊เห่. ลีเออ อา เด๊อะ โลแถ่ เร๊อ เหย่ซู่ หม่า เพร เด๊อ อา เมม๊าเต เตเพร, เร๊อ อา โอ่ เร๊อ อา เตอเรออาฉว่าชอ เตเพร. อู แม๊เถอะ อา เตอเรอฉว่าชอ เออเนอ อา โอ่โลแถ่ เบ๊อะอา อิซว๊า อู เบ๊อะเนอ, เบ๊อะเหว่เถ่ โลเน๊ เบ๊อะเนอ, โทเรอ เบ๊อะอา ปลวาแก อูเตซื๊อ เต๊เห่ เบ๊อะเนอ. เหย่ซู่ เฮ๊แลเกอเร๊อ อาเหน่ เร๊อ อา หม่า แกแยเห่ขุ อาพู๊คู เตเพร. แซ่ฮู๊ อา เก่ ปลวาแก แกแย เต๊เห่ อา เตซื๊อเตปล๊า ล๋อ ปลี อาเงเนอ, อา แฮ เด๊อะแลแก อาซิปล่อเซอเพร.
คูมาระโก รา แบ่เจ่ เหย่ซู่ อาหรี่อาแก เออเนอ, อา แด่ดุ ราหม่าเล๊อ เหย่ซู่ เมเต เต๊เห่, หม่าแน๊เรอ เหย่ซู่ เฮ๊เบ่โหง่ เต๊เห่ เร๊อ อา อิซว๊าอี๊แส่ เตเต๊เห่ เนอ, อา แด่ดุ ล๋ายโต่. อา รา เด๊อะ แม๊เถอะโล เป่เร๊อ เจเทอ คูยอห์น อา เตเอ่เตแร อาหรี่อาแก, เร๊อ เหย่ซู่ เจเทอ เด๊อ เพร เจเทอ คูยอห์น อากู๊ยากู อาหรี่อาแก, เร๊อ โลเน๊มู๊แหม่รีแจ่ กู่กล๊อ อิลออี๊โหล่ ลู เต๊เห่ อาหรี่อาแก. โทเร๊อ อา ราแฮเล๊แก เหย่ซู่ เมโอ่เหม่ แกแยชุ๊ยแกแยเช เต๊เห่ อาหรี่อาแก เร๊อ อา เตอิซว๊าอี๊แส่ เต๊เห่ อาหรี่อาแก. แบ่เจ่ เหย่ซู่ อา โคเจ่ เต๊เห่เนอ โตโพ๊ตี๊กิ โตโพ๊ตี๊กิ อาซิเงโปลแฮ โต่ ลูหรี่ลูแก, หม่าแน๊เรอ แกแย เด๊อ อาซิเถ่ เหย่ซู่ เต๊เห่เนอ อาจาแฮ เร๊อ อาจาแฮ. ลี มาระโก อามาดุ เด๊อ คยาเล๊อ ๑๑ โต่ เด๊อะ ๑๖ เออเต๊เห่เนอ, อา เฮ๊โฉ่โล เป่ เหย่ซู่ อา เตโอ่เซอเพร เด๊อ คยาเล๊อ เตเกล๊ดากู อาเตเม อาเหน่ เต๊เห่. อาเฮ๊โฉ่โล เอ๊เล๊อ อู มือเซอแถ่ เหย่ซู่ เด๊อ อี๊ถื่อดีเต่ลู เร๊อ อาเตเซอ เซอเพรกาคยา อาหรี่อาแก เต๊เห่.
เตเฮ๊เบ่ โต๊โต่ เร๊อ โต๊โต่
เตซิครือมีลา อาแก่ช๊า ๑:๑-๑๓
เหย่ซู่ เมเต เด๊อแกแย เบ๊หมู่ อาเกล เด๊อ กาลิลีเก่ ๑:๑๔-๙:๕๐
เป๊อแถ่ เด๊อ กาลิลีเก่ โต่เด๊อ วี เยรูซาเล็ม ๑๐:๑-๕๒
เด๊อ คยาเล๊ออูโค เตเกล๊ เบ๊อะวี เยรูซาเล็ม อากู เร๊อ อาตีวี๊ตาวา เต๊เห่ ๑๑:๑-๑๕:๔๗
เหย่ซู่ อาเตเซอ ก๊อถ่อ กาคยา ๑๖:๑-๘
เหย่ซู่ เซอเพรก๊อถ่อกาคยา โท อา เด๊อะโล อู เร๊อ อา เตกากี๊แถ่ เด๊อ ม๊อขุ ๑๖:๙-๒๐
လက်ရှိရွေးချယ်ထားမှု
มาระโก เตเฮ๊เบ่เหร่อ เด๊อ เง: EKTNTGEN
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ