Luka 24
24
Yesu komoma rekisaya ei
(Madiu 28:1-10; Maka 16:1-8; Dioni 20:1-10)
1Gupuma andaa koro piruae naarena ambala palumusi ande wenasinu monde apenda para ande roropo roropo pi danganu wamu puma wisimiya ei ripinyapale paisimiya. 2Gupuma monde apenda angaa para wisayande kana mu paisimiya. 3Gupisayanda nimu pua konda pambaoma andisimiyapare ande Reali Yesu ro na-wisaya. 4Go ei andoma nimu rungulu mealo pambisimiyapare ali laapo akanu pange lee yaru yaru pi ei maraoma pa go alena gole nimuna lee rona epa aisipiya. 5Go ei andoma ande wenanu paalasimi komala ara suna rumu yaruaoma pirisimiyandare monde ali laapomere gupi lisipiya. Nimimiri kome wenaali angalapuna ande reka puande Aliri akepea waidamepae, lisipiya. 6Nipu go para na-aya lisipiya. Nipu ambalande ma-rekaripandeae, lisipiya. Nipumi mo Galili andasu para nimi repara lande ei kone niminyalepape. Go para arare nipumi go lisaya. 7Ande Alina Si Nakiri koae aunu puaeme alinuna kina su monema nimumi lu andiaomare yapi repopaomere wala endoaya eina ala popeleae, lisaya.
8-9Ande wenanumiri mo ali laapome lapeya angele pangomare Yesuna angelenu niminyaoma monde apenda minyapalaomare ande ki laapo pereyoma mendane angena komeapu alinu nipuna kou nane raluaisimiya alinu pange mo mendapare wenaali raayosi pua la alisimiya. 10Monde wenanu nimuna biri Meari Makedala andasu wena pange Dioana pange Dieimusi nipuna ama Meari nimu pange wena mendapare nimumi monde payande einu raayosi monde Yesu nipuna angele ma-pamuao-aisimiya alinu para pua la alisimiya. 11Go lisimiyapare monde alinumiri monde wenanumi lisimiyande angele payapo dame, kone suma nimuna angele na-pangisimiya. 12Go ei pangomare Pida nipu alosi puma nonde apenda angaa para pua konda pamboma andisayapare ande ali ro ma-rongo siameyande akanu komea wisayapare ale menda na-wisaya. Go pisaya eimiri nipu rungulu mealo pamboma anda paisaya.
Ali laapome Yesu mo Emeasi ree andasi porana Yesu andisipiya ei
(Maka 16:12-13)
13Gupuma mendaa naarena Yesu raluma pamuaisipiya ali laapo Diurusaleme ree anda nane aoma Emeasi ree andasi nane poloameya puluapeya. (Diurusaleme nane aoma Emeasi ree andasi nane pula pora nipuna andalu puluri porana pula-ainya naarele aoa laapo ora milia.) 14Niipu laapona pulu piri ande pande aunu raayosina angele la eiri paisipiya. 15-16Go angelenu la eiri pulu-ainyaloma Yesu kou nane ipuma monde ali laapo rapu mendaa paisimiya. Monde ali laapome Yesu andisipiyapare nipuna konemere pa ali menda kone wisipiya. 17Go au pisipiyandare Yesumi gupi lisaya. Niipi porana pulu arare ale angele dapepae, lisaya. Gupi lisayandare ande ali laapo pu kendame komoma pa pua yoloma aisipiya. 18Gupuma monde ali menda nipuna bi Keleapasi lee alimi lalore, gupi lisaya. Diurusaleme ree anda ruparare kimisu pulu ara nee komea kamasimi kome gonde warapu naarena pande einu na-andaepae, lisaya.
19Go lisayandare Yesumi lalore, Alenu para lalepae, lisaya. Monde ali laapomere gupi lisipiya. Ande Nasarere ree anda ali Yesu repara pande auna dapae, lisipiya. Gonde ali nipuri ora andaa ali Godena poropedi ali ae, lisipiya. Nipumiri Godena lee rona pange wenaalinuna lee rona puri pale angelenu loma pange puri pale aunu panda andamendeae, lisipiya. 20Gupuma naana Gode repara alinau puaisimiya alinuna kalu alinumi pange andere pimi alinumi Romo andere pia alinuna kina liinyayanda alo monema lu andiarimiae, lisipiya.
21Gupuma naame kone sialore go ali nipumi Isaraeli wenaali naa raayosi nipumi kepe rapalia kone siamae, lisipiya. Gupuma go aunu pinyalomare ambiare yapi repopao dae, lisipiya. 22-23Naana repaa wenasinu mendapareme naa rungulu mealo ma-pambarimiae, lisipiya. Go wenasinumi naare opola-ainyaloma no Yesu dapa pameya apenda para andola paisimiyapare nipu ro na-wisayae loma lisipiya. Gupuma nimu wala lekeya ipulu ara lalore nimumi eindiolonu andoma go eindiolonumi lalore, Yesu nipu na-kome pa ayae, loma lisipiya.
24Naana repaa mendapare no apenda para andola puma ande wenanumi lameya rupa andameyapare Yesu komea na-andameya, lisipiya.
25Go au pumare Yesumi niipu laapo para gupi lisaya. Niipiri keali mandanae, lisaya. Niipiri ande Godena poropedi alinumi lisimiya einu repara kone ruladore niipimiri na-pangapeae, lisaya. 26Ande Keriso aliri go rendaanu nola pa rupa nae, lisaya. Go au pumare so yaa nane Godena puri pale paa pi ei rali puma pidiae, lisaya. 27Gupuma Yesu nipumi mo ali laapo para ande Godena angele wia bukame Yesu nipuna angele lada ara lea einuna reenu raayosi la alisaya. Mosesina Bukanumi pange ande Godena poropedi alinumi wape pisimiya einu raayosi kini puma la alisaya.
28-29Gupuma mone gisina ande ali laapo nipuna polameya papeya anda ranamesinare Yesu nipu go anda ma-wanduaoma pane polameyanda andaisayandare monde ali laapome wala wi la mumare gupi lisipiya. Naarele pereyala ara rimba go dale saasi paliaminya ipuae, lisipiya. Go lisipiyandare Yesu nipu monde ali laaposi paisimiya. 30Gupuma Yesu nipu enda nolameya niipu laaposi pirisaya. Gupuma palawa kiri muma Gode repara ranae angele loma poloma monde ali laapo alisaya. 31Gupisipiya naarena monde ali laapo nipuna lee ma-kiyaoma monde aliri Yesu penameyao andisipiyapare go alesimi gole Yesu niipu laapona lee rona alu paisaya. 32Gupuma monde ali laapo nipuna gole lalore, gupi lisipiya. Yesu nipumi monde porana ipulu ara ande Godena angele wia buka angele la eiri epandare saana pu para aya ale pange rekaisiaripae, lisipiya.
33-34Gupuma ande ali laapo rana komea reka muma Diurusaleme ree anda nane wala paisipiya. Go alena puma ande Yesuna kou nane raluaisimiya ki laapo pereya angena komea alinu pange wenaali menda paranu rapu ara lalore, gupi lalo aisimiya. Ande Realiri ora rekoma ayae, lisimiya. Gupuma Saimono repara popae, lalo aisimiya.
35Go angele pangoma mo ali laapome nimu raayo para go porana pulu ara pi einu raayosi la alisipiya. Gupuma niipu laapome nimu para lalore, Realimi mo palawa kiri muma poloma saa laapo alande eimiri Reali penameyao andapae, la alisipiya.
Yesuna kou nane raluaisimiya alinumi Yesu andisimiya ei
(Madiu 28:16-20; Maka 16:14-18; Dioni 20:19-23; Aposolo 1:6-8)
36Ande ali laapome gonde einu pua lalo eina lomare gonde alesimi golere Yesu nipu nimu runane opopala ipuma lalore, Kuma pia ei nimi rapu winyae, lisaya.
37Go au pisaya ei andomare monde alinumi remo andalema kone suma pururumi komisimiya. 38Go pisimiyapare nipumi gupi lisaya. Nimimi go andaleme eina paalame akepa komalemepae, lisaya. Nimina kone para kone laapo laapo wi dame eiri akepea pimipae, lisaya. 39Gupuma nimimi na ki pange na ange andalapae, lisaya. Niri ande Yesu gole epa ayoae, lisaya. Nina do waraoma ora niyana kone sialiminya waralepae, lisaya. Akepeare remomere nina pea rupa kuli pange mindinu menda na-ayae, lisaya.
40Nipumi go loma nipuna ange pange ki laapo ralipuna walisaya. 41Gupisayapare nimumi kone ambe rulape-na-lisaya. Nimuri raname komala ara kone andapu wisimiya. Go pameyandare Yesumi gupi lisaya. Go para nimimi enda na-peale menda siamba pimipae, lisaya. 42-43Gupi lisayandare nimumi repali runguli menda rea ei alisimiyanda Yesumi muma nimu andere pirinya nisaya.
44Gupuma nipumi gupi lisaya. Go einu raayo ande neme nimisi ara pilia lawande aunu piae, lisaya. Ande nina angele lada ara Mosesimi Rudule Angele para wia einu pange ande Godena poropedi alinumi wape pisimiyande einu pange ande Deipidimi wape pisayande Godena Yainya pange Yaisa buka raayosi ora mula pa rupa midae, lisaya.
45Gupuma Yesumi monde alinu Godena angele wia buka angelenu kone winyayanda nimuna konenu lombaisaya. 46Go au pulu ara gupi lisaya. Godena angele wia bukamere gupi leae, lisaya. Ande Keriso nipuri rendaa nomare komoma yapi repomere ora rekapeyae wape pea, lisaya. 47Gupuma nipuna binare ande Gode repara nipuna koae aunu kepema pange nipuna ambalana ao-paluaripa rupa giada einu pange koae aunu randepeada einuna Diurusaleme ree anda para ara andayayasi angele wala eiri pamualepapeae, lisaya. 48Gupuma nimimiri go andamende ei andayaya la eiri pulupapeae, lisaya. 49Gupuma neme gole nimi repara ande Epe Yaakopi Sipiridi na Apame wili mandaa meala ara gula layande ei rapanedoae, lisaya. Go peapare nimiri go Diurusaleme ree anda para pa maisamba piruma so mandaa puri rapalia dina go aunu pipape, lisaya.
Yesu Epeni nane ma-paisaya ei
(Maka 16:19-20; Aposolo 1:9-11)
50Gupuma nimu mo ree anda giaoma Bedani ree anda repara pua rapada arare nipuna ki pua minyasiaoma naare raayosimi Godeme nimu yakili-ainyayanda angele lisaya. 51Go angelenu lalo-ainyare monde alinu giaoma nipu Godena Aya Lena ma-paisaya.
52-53Monde alinumi rumu yaruaoma ara Yesuna bi minyasiada ara yainya pisimiya. Go raname pa koma eiri Diurusaleme ree anda nane wala paisimiya. Gupuma nimu Gode repara ranae angelenu doameya mo Gode repara alinau puaisimiya andaa anda para puala pisimiya.
လက်ရှိရွေးချယ်ထားမှု
Luka 24: POLENT23
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Luka 24
24
Yesu komoma rekisaya ei
(Madiu 28:1-10; Maka 16:1-8; Dioni 20:1-10)
1Gupuma andaa koro piruae naarena ambala palumusi ande wenasinu monde apenda para ande roropo roropo pi danganu wamu puma wisimiya ei ripinyapale paisimiya. 2Gupuma monde apenda angaa para wisayande kana mu paisimiya. 3Gupisayanda nimu pua konda pambaoma andisimiyapare ande Reali Yesu ro na-wisaya. 4Go ei andoma nimu rungulu mealo pambisimiyapare ali laapo akanu pange lee yaru yaru pi ei maraoma pa go alena gole nimuna lee rona epa aisipiya. 5Go ei andoma ande wenanu paalasimi komala ara suna rumu yaruaoma pirisimiyandare monde ali laapomere gupi lisipiya. Nimimiri kome wenaali angalapuna ande reka puande Aliri akepea waidamepae, lisipiya. 6Nipu go para na-aya lisipiya. Nipu ambalande ma-rekaripandeae, lisipiya. Nipumi mo Galili andasu para nimi repara lande ei kone niminyalepape. Go para arare nipumi go lisaya. 7Ande Alina Si Nakiri koae aunu puaeme alinuna kina su monema nimumi lu andiaomare yapi repopaomere wala endoaya eina ala popeleae, lisaya.
8-9Ande wenanumiri mo ali laapome lapeya angele pangomare Yesuna angelenu niminyaoma monde apenda minyapalaomare ande ki laapo pereyoma mendane angena komeapu alinu nipuna kou nane raluaisimiya alinu pange mo mendapare wenaali raayosi pua la alisimiya. 10Monde wenanu nimuna biri Meari Makedala andasu wena pange Dioana pange Dieimusi nipuna ama Meari nimu pange wena mendapare nimumi monde payande einu raayosi monde Yesu nipuna angele ma-pamuao-aisimiya alinu para pua la alisimiya. 11Go lisimiyapare monde alinumiri monde wenanumi lisimiyande angele payapo dame, kone suma nimuna angele na-pangisimiya. 12Go ei pangomare Pida nipu alosi puma nonde apenda angaa para pua konda pamboma andisayapare ande ali ro ma-rongo siameyande akanu komea wisayapare ale menda na-wisaya. Go pisaya eimiri nipu rungulu mealo pamboma anda paisaya.
Ali laapome Yesu mo Emeasi ree andasi porana Yesu andisipiya ei
(Maka 16:12-13)
13Gupuma mendaa naarena Yesu raluma pamuaisipiya ali laapo Diurusaleme ree anda nane aoma Emeasi ree andasi nane poloameya puluapeya. (Diurusaleme nane aoma Emeasi ree andasi nane pula pora nipuna andalu puluri porana pula-ainya naarele aoa laapo ora milia.) 14Niipu laapona pulu piri ande pande aunu raayosina angele la eiri paisipiya. 15-16Go angelenu la eiri pulu-ainyaloma Yesu kou nane ipuma monde ali laapo rapu mendaa paisimiya. Monde ali laapome Yesu andisipiyapare nipuna konemere pa ali menda kone wisipiya. 17Go au pisipiyandare Yesumi gupi lisaya. Niipi porana pulu arare ale angele dapepae, lisaya. Gupi lisayandare ande ali laapo pu kendame komoma pa pua yoloma aisipiya. 18Gupuma monde ali menda nipuna bi Keleapasi lee alimi lalore, gupi lisaya. Diurusaleme ree anda ruparare kimisu pulu ara nee komea kamasimi kome gonde warapu naarena pande einu na-andaepae, lisaya.
19Go lisayandare Yesumi lalore, Alenu para lalepae, lisaya. Monde ali laapomere gupi lisipiya. Ande Nasarere ree anda ali Yesu repara pande auna dapae, lisipiya. Gonde ali nipuri ora andaa ali Godena poropedi ali ae, lisipiya. Nipumiri Godena lee rona pange wenaalinuna lee rona puri pale angelenu loma pange puri pale aunu panda andamendeae, lisipiya. 20Gupuma naana Gode repara alinau puaisimiya alinuna kalu alinumi pange andere pimi alinumi Romo andere pia alinuna kina liinyayanda alo monema lu andiarimiae, lisipiya.
21Gupuma naame kone sialore go ali nipumi Isaraeli wenaali naa raayosi nipumi kepe rapalia kone siamae, lisipiya. Gupuma go aunu pinyalomare ambiare yapi repopao dae, lisipiya. 22-23Naana repaa wenasinu mendapareme naa rungulu mealo ma-pambarimiae, lisipiya. Go wenasinumi naare opola-ainyaloma no Yesu dapa pameya apenda para andola paisimiyapare nipu ro na-wisayae loma lisipiya. Gupuma nimu wala lekeya ipulu ara lalore nimumi eindiolonu andoma go eindiolonumi lalore, Yesu nipu na-kome pa ayae, loma lisipiya.
24Naana repaa mendapare no apenda para andola puma ande wenanumi lameya rupa andameyapare Yesu komea na-andameya, lisipiya.
25Go au pumare Yesumi niipu laapo para gupi lisaya. Niipiri keali mandanae, lisaya. Niipiri ande Godena poropedi alinumi lisimiya einu repara kone ruladore niipimiri na-pangapeae, lisaya. 26Ande Keriso aliri go rendaanu nola pa rupa nae, lisaya. Go au pumare so yaa nane Godena puri pale paa pi ei rali puma pidiae, lisaya. 27Gupuma Yesu nipumi mo ali laapo para ande Godena angele wia bukame Yesu nipuna angele lada ara lea einuna reenu raayosi la alisaya. Mosesina Bukanumi pange ande Godena poropedi alinumi wape pisimiya einu raayosi kini puma la alisaya.
28-29Gupuma mone gisina ande ali laapo nipuna polameya papeya anda ranamesinare Yesu nipu go anda ma-wanduaoma pane polameyanda andaisayandare monde ali laapome wala wi la mumare gupi lisipiya. Naarele pereyala ara rimba go dale saasi paliaminya ipuae, lisipiya. Go lisipiyandare Yesu nipu monde ali laaposi paisimiya. 30Gupuma Yesu nipu enda nolameya niipu laaposi pirisaya. Gupuma palawa kiri muma Gode repara ranae angele loma poloma monde ali laapo alisaya. 31Gupisipiya naarena monde ali laapo nipuna lee ma-kiyaoma monde aliri Yesu penameyao andisipiyapare go alesimi gole Yesu niipu laapona lee rona alu paisaya. 32Gupuma monde ali laapo nipuna gole lalore, gupi lisipiya. Yesu nipumi monde porana ipulu ara ande Godena angele wia buka angele la eiri epandare saana pu para aya ale pange rekaisiaripae, lisipiya.
33-34Gupuma ande ali laapo rana komea reka muma Diurusaleme ree anda nane wala paisipiya. Go alena puma ande Yesuna kou nane raluaisimiya ki laapo pereya angena komea alinu pange wenaali menda paranu rapu ara lalore, gupi lalo aisimiya. Ande Realiri ora rekoma ayae, lisimiya. Gupuma Saimono repara popae, lalo aisimiya.
35Go angele pangoma mo ali laapome nimu raayo para go porana pulu ara pi einu raayosi la alisipiya. Gupuma niipu laapome nimu para lalore, Realimi mo palawa kiri muma poloma saa laapo alande eimiri Reali penameyao andapae, la alisipiya.
Yesuna kou nane raluaisimiya alinumi Yesu andisimiya ei
(Madiu 28:16-20; Maka 16:14-18; Dioni 20:19-23; Aposolo 1:6-8)
36Ande ali laapome gonde einu pua lalo eina lomare gonde alesimi golere Yesu nipu nimu runane opopala ipuma lalore, Kuma pia ei nimi rapu winyae, lisaya.
37Go au pisaya ei andomare monde alinumi remo andalema kone suma pururumi komisimiya. 38Go pisimiyapare nipumi gupi lisaya. Nimimi go andaleme eina paalame akepa komalemepae, lisaya. Nimina kone para kone laapo laapo wi dame eiri akepea pimipae, lisaya. 39Gupuma nimimi na ki pange na ange andalapae, lisaya. Niri ande Yesu gole epa ayoae, lisaya. Nina do waraoma ora niyana kone sialiminya waralepae, lisaya. Akepeare remomere nina pea rupa kuli pange mindinu menda na-ayae, lisaya.
40Nipumi go loma nipuna ange pange ki laapo ralipuna walisaya. 41Gupisayapare nimumi kone ambe rulape-na-lisaya. Nimuri raname komala ara kone andapu wisimiya. Go pameyandare Yesumi gupi lisaya. Go para nimimi enda na-peale menda siamba pimipae, lisaya. 42-43Gupi lisayandare nimumi repali runguli menda rea ei alisimiyanda Yesumi muma nimu andere pirinya nisaya.
44Gupuma nipumi gupi lisaya. Go einu raayo ande neme nimisi ara pilia lawande aunu piae, lisaya. Ande nina angele lada ara Mosesimi Rudule Angele para wia einu pange ande Godena poropedi alinumi wape pisimiyande einu pange ande Deipidimi wape pisayande Godena Yainya pange Yaisa buka raayosi ora mula pa rupa midae, lisaya.
45Gupuma Yesumi monde alinu Godena angele wia buka angelenu kone winyayanda nimuna konenu lombaisaya. 46Go au pulu ara gupi lisaya. Godena angele wia bukamere gupi leae, lisaya. Ande Keriso nipuri rendaa nomare komoma yapi repomere ora rekapeyae wape pea, lisaya. 47Gupuma nipuna binare ande Gode repara nipuna koae aunu kepema pange nipuna ambalana ao-paluaripa rupa giada einu pange koae aunu randepeada einuna Diurusaleme ree anda para ara andayayasi angele wala eiri pamualepapeae, lisaya. 48Gupuma nimimiri go andamende ei andayaya la eiri pulupapeae, lisaya. 49Gupuma neme gole nimi repara ande Epe Yaakopi Sipiridi na Apame wili mandaa meala ara gula layande ei rapanedoae, lisaya. Go peapare nimiri go Diurusaleme ree anda para pa maisamba piruma so mandaa puri rapalia dina go aunu pipape, lisaya.
Yesu Epeni nane ma-paisaya ei
(Maka 16:19-20; Aposolo 1:9-11)
50Gupuma nimu mo ree anda giaoma Bedani ree anda repara pua rapada arare nipuna ki pua minyasiaoma naare raayosimi Godeme nimu yakili-ainyayanda angele lisaya. 51Go angelenu lalo-ainyare monde alinu giaoma nipu Godena Aya Lena ma-paisaya.
52-53Monde alinumi rumu yaruaoma ara Yesuna bi minyasiada ara yainya pisimiya. Go raname pa koma eiri Diurusaleme ree anda nane wala paisimiya. Gupuma nimu Gode repara ranae angelenu doameya mo Gode repara alinau puaisimiya andaa anda para puala pisimiya.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.