Matyiu 1
1
1Ekae e ndi ejanganangobo ya mbamba ya Jisus Kraist, mwana ua David, mwana ua Ebrahamu.
2Ka Ebrahamu a ja Aisak; ka Aisak a ja Jekâb; ka Jekâb a ja Judas na bana ba hangwě; 3ka Judas a ja na Thamar, Fares, na Zara; ka Fares a ja Esrom; ka Esrom a ja Aram; 4ka Aram a ja Aminadab; ka Aminadab a ja Neason; ka Neason a ja Salmon; 5ka Salmon a ja na Rahab, Boaz; ka Boaz a ja na Ruth, Oběd; ka Oběd a ja Jěsi; 6ka Jěsi a ja upolo Devid.
Ka upolo Devid a ja Sâlâmâni na a diyakidi mwada ua Yuraia; 7ka Sâlâmâni a ja Roboam; ka Roboam a ja Abaia; ka Abaia a ja Asa; 8ka Asa a ja Josafat; ka Josafat a ja Joram; ka Joram a ja Ozaia; 9ka Ozaia a ja Joatham; ka Joatham a ja Ahaz; ka Ahaz a ja Ezekaias; 10ka Ezekaias a ja Manasa; ka Manasa a ja Amon; ka Amon a ja Josaia; 11ka Josaia a ja Jěkonaia na bana ba hangwě, o ’gombe ’abu e valanakudwě o Babulon:
12O bâ‐ba pâkudwě o Babulon, ka Jěkonaia a ja Salathiěl; ka Salathiěl a ja Zorobaběl; 13ka Zorobaběl a ja Abaiud; ka Abaiud a ja Elaiakim; ka Elaiakim a ja Azor; 14ka Azor a ja Sadok; ka Sadok a ja Akim; ka Akim a ja Elaiud; 15ka Elaiud a ja Eleazar; ka Eleazar a ja Mathan; ka Mathan a ja Jekâb; 16ka Jekâb a ja Josěf momi ’a Meri ua Jisus a jakudwě A tubakwě, na, Kraist.
17Nonaně nd‘ o mbamba jěhěpi oviya Ebraham nala Devid i ndi jomu na mbamba inai; oviya Devid nala o ’gombe ’abu e valanakudwě o Babulon, jomu ja mbamba na mbamba tepě inai; oviya o bâ‐ba valanakudwě o Babulon nala Kraist, jomu ja mbamba na mbamb‘ inai.
18Ijawě ja Jisus Kraist i diyakindi kakana: O Josěf a diyakidi a nyima nyangwě Meri ovaně ba t‘ o lata, a duwanakiyendi na jemi j‘ Ilina Iyamu. 19Ndi momi ’aju Josěf, o mâ‐a diyaki mot‘ uyamu, au vahaka o sala mâ o bato ba jadi, ndi a vahakindi a věngidě mâ ikutakuta. 20O mâ‐a diyakidi a pikilakiya belombo těkabe, enjěl ya Anyambě e pumakiyi mâ o ndâtâ, na, Josěf ja mwana ua Devid, o bangake o nângâ mwad‘ ’âvě Meri; ikabojana jemi tě ijaju i kahidi dině i ndi j‘ Ilina Iyamu. 21A ka jandi mwana, na nâvě o ka vangakidě mâ dina, na, JISUS: ikabojana a ka yongěndi bato baju oviya bobe boabu. 22Nandi, ekabe beěhěpi be hamakindi na ovaně nd‘ o nyanga ya Upangiyi e kalakidi na usaki, e ka hohonganě, na,
23Ehila e ka kahandi jemi, na yâ e ka jandi mwana, na bâ‐ba ka vangidi mâ dina na Imanuel,
oningě ja ludwě i ndi, na, Anyambě a na hwě. 24Ka Josěf a ’muwa oviya viyâ, ka mâ‐a ha ka enjěl ya Upangiyi e langwakiyi mâ, ka mâ‐a nângâ mwad‘ ’aju. 25Au ngakiya na ju kabo mâ jango njad‘ ’aju ya momo: ka mâ‐a vangidě mâ, na, JISUS.
လက်ရှိရွေးချယ်ထားမှု
Matyiu 1: BNG1895
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Published by the American Bible Society in 1895.