یوحنا 1
1
کَلَمَه اینسان آبَه
1شِرووکا کَلَمه بَه و کَلمَه خِدانَه بَه و کَلمه، خدا بَه؛ 2اَ، شِرووکا خدانَه بَه. 3گردِ چیِن کَلَمه واسیطَنَه بوجود آمَه، و هر چیی ایی کن بوجود آمَه، هیچ‌چی ایی نییه کن بی چَی بوجود آمَه ببو.
4چَی دِلَکا زندَگی بَه و اَ زندَگی، آدَمون نور بَه. 5اِم نور تاریکی دِلَکا شَپَق بَژَی و ظِلَمات بَی گَتَش نِبَه.
6مِردی آمَه کن خدا طَرفیکا رَونَه آبَه بَه؛ وچَی نوم یحیی بَه. 7اَ شاهیدی دوعِرا آمَه، تا اَ نوری خونه شاهیدی بدَرِ، تا گردِ آدَمِن چَی واسیطنه ایمان بوعَرن. 8یحیی، اَ نور نِبَ، بَلکَم آمَه تا اَ نوری خونه شاهیدی بدَرِ. 9اَ حقیقیَه نور، کن هر آدَمی نور دَرِ، کایبَه دِنیا دِلَرا آمَه.
10اَ دِنیا کا بَه، و دِنیا چَی واسیطنه بِوِجود آمَه؛ اِم حالینَه دِنیا اَی نِه آزنِستِش. 11اَ اِشتَن قامی وَر آمه ولی چَی قام اَی قِبول نِکردشونَه. 12ولی بَه گردِ اَیِنی کن بَی قِبول کَردِشون، اِم حَقی داشه کن خدا خَردنون آبون یعنی هر کمی کن چَی نومی ایمان وردِشَه، 13اَیِنی کن نِه خونیکا، نِه جَندَکی خواستَکا و نِه اینسانی خواستَکا دِنیا آمَه ببون، بَلکَم خِداکا دِنیا آمَه ببون.
14کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه. 15یحیی چَیرا شاهیدی داشه وتَتَه لَسَّنه واتش: «اِمَه اَ کَسی کن چَی خونه واتِمَه، ”اَ کن چمن دوملَه بومَی بَمنکا یالتَرَ، اِمی خونه کن بَمن کا نارتَر مندبَه“.» 16چَی پَتلَمه گیکا اَمه گرد بَرَ بَردِمون، فیض، فیضی سَر. 17اِمی خاطر کن شریعت موسی اِ پَیغَمبری واسیطَنَه آدوعِه آبَه؛ فیض و حَییقت، عیسی مسیح واسیطَنَه آمَه. 18هیچ کَس هرگز خدا ویندَش نیَ. ولی اَ تاکَه زوعَه کن دَدَ وَریکارَ، اَی آمونستِش.
تعمید اَدَرَ یحیی شاهیدی
19اِمَه یحیی شاهیدی، اَموقه کن یهودیِن شهر اورشَلیمیکا، کاهینِن کن معبدی عالِم بینَه و لاوییِن کن معبدی پاسَری بینَه، یحیی وَر عَندِشونه تا اَیکا دَپَرسن کن: «تِه کییشَه؟» 20یحیی اِیقرار کَردشَه و حاشا نِژِشَه، بَلکَم ایقرار کَردشَه کن: «اَز وَعدَ آدوعَه مسیح نیمَه.» 21اَیِن دَپَرسِستین: «پس کیشه؟ ایلیاس پَیغَمریش؟» اَ جواب داشَه:«نیمَه.»اَیِن دَپَرسستین: «تِه هَه پَیغَمبَریشَه کن موسی چَی آمِه، اَمَش وعدَ آدوعَه یَه؟» جواب داشَه: «نِه!» 22اَموقه بَی واتِشون: «پس تِه کییشَه؟ اَمه پی چَمَه روَنه آکَرون جواب بِدَرم. اِشتَن خونِه چِه باتیشَه؟» 23یحیی واتِش:
«اَز اَ کَسیمَه کن وَیاوونیکا لَسَّه بَژَیَه:
” خداوندی راه راستَه آکَرَ. دِرِست هَتَه کن اَشعیای پَیغمبر واتِش.“»
24اَیِنی کن فَریسیون فرقه عالیمون طَرَفیکا رَونَه آبَه بینَه، 25یحیاکا دَپَرسِستین: «اَگَم تِه نه مسیح ایشَه، نِه ایلیا و نِه اَ پَیغَمبَر، پس چیرا کایشَه غسل تعمید دوعِه؟» 26یحیی چَوون جوابیکا واتش: «اَز آوینه تعمید دَرم، ولی شمَه دِلَکا کَسی پا مَندَ کن شمه بَی آنینَزنِست، 27اَ هَه کَسیَه کن بَمنکا بَه دوملَه بومَی و اَز حتی لایق نیمه کن چَی پاغَبون بَندی آج آکَرم.»
28اِم چییِن بِیت‌عَنْیا آوادیکا، کن اوردونی رباری اَوَریکا بَه اَنجوم آبَه، هَه جگایی کن یحیی تعمید اَدَریَه.
خدا قِربونیَه وَرَ
29اَ روجی سَوسَه، یحیی، عیسی کن کایبَه چَی طَرَف آمَه ویندِشَه و واتِش: «دَیَسَه اِمَه خدا وَرَ، کن دِنیاگِناخی پِرَگَت! 30اِمَه اَ کَسی کن چَی خونه واتِمَه کن، ”بَمنکا بَه دوملَه مِردی بومَیَه کن بَمنکا یالتَرَ، اِمی خونه کن بَمن کا نارتَر مندبَه.“ 31اَز اِشتَن بَی نِه آزنیم، ولی اِمی خونِه آمهَ ایمَه و آوینَه غُسل تعمید آدامَه کن، اَ خدا قامیرا(قوم اسرایل) اَیر آبو.» 32یحیی شاهیدی داشَه، واتِش: «اَز خدا روح ویندِمَه کن، کَفتِری شیوارآستامونیکا ویرمَه وچَی سَریکا مندَ. 33اَز اِشتَن بَی نِه آزنیم، ولی هَه کن بَمن رَونَه آکردشَه تا آوینَه تعمید بِدَرم، بَمن واتِش: ”هَر وَقت ویندِرَ خدا روح کَسی سَردِرِ ویرمَه و چَی سَریکا مندَ، اِم، هَه کَسیَه کن خدا موقدَسه روح نَه تعمید آرَدا.“ 34و اَز ویندَمَه و شهادت آدامَه کن، اِمَه خدا زوعَه.»
عیسی اولین شاگردِن
35هَه روجی سَوسَه، ایکَرَ دییَر، یحیی دِ نفر اِشتَن شاگردونَّ پا مَندبَه. 36یحیی عیسی کن کایبَه دَیوردِ دَیشتشَه و واتِش: «دَیسَه، اِمَه خدا قربونیَه وَرَ!» 37اَ دِ شاگرد یحیی گَفی دَرَستِشون و عیسی دومله را دَگنِستین. 38عیسی آگردِسته و ویندِشَه کن کاینَه چَی دوملَه آمِه. اَیِنِش واتَه: «چه بَپیرون؟» اَیِن واتِشون: «رَبّی یعنی ای استاد کِرَم جگا کا بَمَندیشَه؟». 39عیسی اَیِنِش واتَه: «بِرَ، بِوینَه.» پس شینَه و ویندِشون کن کِرَم جگا کا اَمونیَه و اَ روج بَینَه مَندینَه، اِمی خونه کن آختاو ویگَردبه و ساعت چاریکا نزک به.
40ایلَه اَ دِ نَفَریکا کن یحیی گَفی دَرَستِشَه وعیسی دوملَه شَه، آندریاس شَمعونِ پِطروسی برا بَه. 41اَ اَولیکا، اِشتَن برا شَمعونی ویندِشَه و بَی واتِش: «اَمه وَعدَ آدوعَه ماشیَح پَیدا کَردِمون.» یعنی هَه وَعدَ آدوعَه مَسیح. 42آندریاس، شَمعونِش عیسی وَرر وَردِشَه. عیسی بَی دَیَشتِشَه و واتِش: «تِه شَمعونْ یونا زوعَه ایشَه و بَتِه کِیفا خِلِه بکَنَه.» زبان یونانی دِلَکا بَه کیفا پِطروس باتین، کن، یعنی کازَ مَغار.
عیسی فیلیپُس و نَتَنائیلی صَلا بَژَی
43اَ روجی سَو سَه، عیسی تَصمیم گَتِشه کن ولَته جلیلیرا بشو. اَ فیلیپُسِی ویندِشَ و بَی واتِش: «چمن دوملَه بِه!» 44فیلیپُس بیت صیدا شِن بَه و آندریاس و پطروسی همشهری بَه. 45فیلیپُس نَتَنائیلی ویندِشَه و بَی واتِشَه: «اَمه اَ کن موسی توراتیکا و پَیغمبَرِن نی اِشتَن نوشتَه اونکا چَی خونه نوشتَشونه، پَیدا کَردَمونَه! اَ یوسفی زوعَه عیسی، شهر ناصرَ آدَمونکارَ!» 46نَتَنائیل بَی واتِش: «مَگَم بَبی ناصرَکا نی چاکَه چیی ایی بِرِن با؟» فیلیپُس جواب داشَه: «بِه و بِوین.»
47وَقتی کن عیسی ویندِشَه نَتَنائیل چَی طَرَف کا آمِه، چَی خونه واتش: «دَیسَه اِم ایله شخصی خدا قامیکا کن حَییقتا بَیکا هیچ حیلَه ایی نییَه!» 48نَتَنائیل عیساش واتَه: «بَمن کِرَم جگا کا آشَموست؟» عیسی بَی جواب داشَه: «نارتَر از اَکَن فیلیپُس بَتِه خِلِه بکَرِ، هَنگومی کن اَ اِنجیلهَ داری بنیکا بیشَه، بَتِه ویندِمَه.» 49نَتَنائیل جواب داشَه: «اِستا، ته خدا زوعَه ایشَه! تِه خدا قامی پادیشا ایشَه!» 50عیسی جَوابیکا واتِش: «اِمی خونِه کن واتمه اَ اِنجیلَه داری بنیکا بَتِه ویندَمه، ایمان بوعَردیش؟ چیمی بَه دوملَه چییِنی اِمونکا یال تَر بَویندیشَه.» 51و واتِشَه: «حَییقتا بَه شمَه باتیمَه، آستامونی بَویندیرون کن آج آبَه یَه و خدا فرشتَه اون بَویندیرون کن اینسانی زوعَه سَرکَفا بَشین و وینَّرا.»
လက်ရှိရွေးချယ်ထားမှု
یوحنا 1: CTB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company
یوحنا 1
1
کَلَمَه اینسان آبَه
1شِرووکا کَلَمه بَه و کَلمَه خِدانَه بَه و کَلمه، خدا بَه؛ 2اَ، شِرووکا خدانَه بَه. 3گردِ چیِن کَلَمه واسیطَنَه بوجود آمَه، و هر چیی ایی کن بوجود آمَه، هیچ‌چی ایی نییه کن بی چَی بوجود آمَه ببو.
4چَی دِلَکا زندَگی بَه و اَ زندَگی، آدَمون نور بَه. 5اِم نور تاریکی دِلَکا شَپَق بَژَی و ظِلَمات بَی گَتَش نِبَه.
6مِردی آمَه کن خدا طَرفیکا رَونَه آبَه بَه؛ وچَی نوم یحیی بَه. 7اَ شاهیدی دوعِرا آمَه، تا اَ نوری خونه شاهیدی بدَرِ، تا گردِ آدَمِن چَی واسیطنه ایمان بوعَرن. 8یحیی، اَ نور نِبَ، بَلکَم آمَه تا اَ نوری خونه شاهیدی بدَرِ. 9اَ حقیقیَه نور، کن هر آدَمی نور دَرِ، کایبَه دِنیا دِلَرا آمَه.
10اَ دِنیا کا بَه، و دِنیا چَی واسیطنه بِوِجود آمَه؛ اِم حالینَه دِنیا اَی نِه آزنِستِش. 11اَ اِشتَن قامی وَر آمه ولی چَی قام اَی قِبول نِکردشونَه. 12ولی بَه گردِ اَیِنی کن بَی قِبول کَردِشون، اِم حَقی داشه کن خدا خَردنون آبون یعنی هر کمی کن چَی نومی ایمان وردِشَه، 13اَیِنی کن نِه خونیکا، نِه جَندَکی خواستَکا و نِه اینسانی خواستَکا دِنیا آمَه ببون، بَلکَم خِداکا دِنیا آمَه ببون.
14کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه. 15یحیی چَیرا شاهیدی داشه وتَتَه لَسَّنه واتش: «اِمَه اَ کَسی کن چَی خونه واتِمَه، ”اَ کن چمن دوملَه بومَی بَمنکا یالتَرَ، اِمی خونه کن بَمن کا نارتَر مندبَه“.» 16چَی پَتلَمه گیکا اَمه گرد بَرَ بَردِمون، فیض، فیضی سَر. 17اِمی خاطر کن شریعت موسی اِ پَیغَمبری واسیطَنَه آدوعِه آبَه؛ فیض و حَییقت، عیسی مسیح واسیطَنَه آمَه. 18هیچ کَس هرگز خدا ویندَش نیَ. ولی اَ تاکَه زوعَه کن دَدَ وَریکارَ، اَی آمونستِش.
تعمید اَدَرَ یحیی شاهیدی
19اِمَه یحیی شاهیدی، اَموقه کن یهودیِن شهر اورشَلیمیکا، کاهینِن کن معبدی عالِم بینَه و لاوییِن کن معبدی پاسَری بینَه، یحیی وَر عَندِشونه تا اَیکا دَپَرسن کن: «تِه کییشَه؟» 20یحیی اِیقرار کَردشَه و حاشا نِژِشَه، بَلکَم ایقرار کَردشَه کن: «اَز وَعدَ آدوعَه مسیح نیمَه.» 21اَیِن دَپَرسِستین: «پس کیشه؟ ایلیاس پَیغَمریش؟» اَ جواب داشَه:«نیمَه.»اَیِن دَپَرسستین: «تِه هَه پَیغَمبَریشَه کن موسی چَی آمِه، اَمَش وعدَ آدوعَه یَه؟» جواب داشَه: «نِه!» 22اَموقه بَی واتِشون: «پس تِه کییشَه؟ اَمه پی چَمَه روَنه آکَرون جواب بِدَرم. اِشتَن خونِه چِه باتیشَه؟» 23یحیی واتِش:
«اَز اَ کَسیمَه کن وَیاوونیکا لَسَّه بَژَیَه:
” خداوندی راه راستَه آکَرَ. دِرِست هَتَه کن اَشعیای پَیغمبر واتِش.“»
24اَیِنی کن فَریسیون فرقه عالیمون طَرَفیکا رَونَه آبَه بینَه، 25یحیاکا دَپَرسِستین: «اَگَم تِه نه مسیح ایشَه، نِه ایلیا و نِه اَ پَیغَمبَر، پس چیرا کایشَه غسل تعمید دوعِه؟» 26یحیی چَوون جوابیکا واتش: «اَز آوینه تعمید دَرم، ولی شمَه دِلَکا کَسی پا مَندَ کن شمه بَی آنینَزنِست، 27اَ هَه کَسیَه کن بَمنکا بَه دوملَه بومَی و اَز حتی لایق نیمه کن چَی پاغَبون بَندی آج آکَرم.»
28اِم چییِن بِیت‌عَنْیا آوادیکا، کن اوردونی رباری اَوَریکا بَه اَنجوم آبَه، هَه جگایی کن یحیی تعمید اَدَریَه.
خدا قِربونیَه وَرَ
29اَ روجی سَوسَه، یحیی، عیسی کن کایبَه چَی طَرَف آمَه ویندِشَه و واتِش: «دَیَسَه اِمَه خدا وَرَ، کن دِنیاگِناخی پِرَگَت! 30اِمَه اَ کَسی کن چَی خونه واتِمَه کن، ”بَمنکا بَه دوملَه مِردی بومَیَه کن بَمنکا یالتَرَ، اِمی خونه کن بَمن کا نارتَر مندبَه.“ 31اَز اِشتَن بَی نِه آزنیم، ولی اِمی خونِه آمهَ ایمَه و آوینَه غُسل تعمید آدامَه کن، اَ خدا قامیرا(قوم اسرایل) اَیر آبو.» 32یحیی شاهیدی داشَه، واتِش: «اَز خدا روح ویندِمَه کن، کَفتِری شیوارآستامونیکا ویرمَه وچَی سَریکا مندَ. 33اَز اِشتَن بَی نِه آزنیم، ولی هَه کن بَمن رَونَه آکردشَه تا آوینَه تعمید بِدَرم، بَمن واتِش: ”هَر وَقت ویندِرَ خدا روح کَسی سَردِرِ ویرمَه و چَی سَریکا مندَ، اِم، هَه کَسیَه کن خدا موقدَسه روح نَه تعمید آرَدا.“ 34و اَز ویندَمَه و شهادت آدامَه کن، اِمَه خدا زوعَه.»
عیسی اولین شاگردِن
35هَه روجی سَوسَه، ایکَرَ دییَر، یحیی دِ نفر اِشتَن شاگردونَّ پا مَندبَه. 36یحیی عیسی کن کایبَه دَیوردِ دَیشتشَه و واتِش: «دَیسَه، اِمَه خدا قربونیَه وَرَ!» 37اَ دِ شاگرد یحیی گَفی دَرَستِشون و عیسی دومله را دَگنِستین. 38عیسی آگردِسته و ویندِشَه کن کاینَه چَی دوملَه آمِه. اَیِنِش واتَه: «چه بَپیرون؟» اَیِن واتِشون: «رَبّی یعنی ای استاد کِرَم جگا کا بَمَندیشَه؟». 39عیسی اَیِنِش واتَه: «بِرَ، بِوینَه.» پس شینَه و ویندِشون کن کِرَم جگا کا اَمونیَه و اَ روج بَینَه مَندینَه، اِمی خونه کن آختاو ویگَردبه و ساعت چاریکا نزک به.
40ایلَه اَ دِ نَفَریکا کن یحیی گَفی دَرَستِشَه وعیسی دوملَه شَه، آندریاس شَمعونِ پِطروسی برا بَه. 41اَ اَولیکا، اِشتَن برا شَمعونی ویندِشَه و بَی واتِش: «اَمه وَعدَ آدوعَه ماشیَح پَیدا کَردِمون.» یعنی هَه وَعدَ آدوعَه مَسیح. 42آندریاس، شَمعونِش عیسی وَرر وَردِشَه. عیسی بَی دَیَشتِشَه و واتِش: «تِه شَمعونْ یونا زوعَه ایشَه و بَتِه کِیفا خِلِه بکَنَه.» زبان یونانی دِلَکا بَه کیفا پِطروس باتین، کن، یعنی کازَ مَغار.
عیسی فیلیپُس و نَتَنائیلی صَلا بَژَی
43اَ روجی سَو سَه، عیسی تَصمیم گَتِشه کن ولَته جلیلیرا بشو. اَ فیلیپُسِی ویندِشَ و بَی واتِش: «چمن دوملَه بِه!» 44فیلیپُس بیت صیدا شِن بَه و آندریاس و پطروسی همشهری بَه. 45فیلیپُس نَتَنائیلی ویندِشَه و بَی واتِشَه: «اَمه اَ کن موسی توراتیکا و پَیغمبَرِن نی اِشتَن نوشتَه اونکا چَی خونه نوشتَشونه، پَیدا کَردَمونَه! اَ یوسفی زوعَه عیسی، شهر ناصرَ آدَمونکارَ!» 46نَتَنائیل بَی واتِش: «مَگَم بَبی ناصرَکا نی چاکَه چیی ایی بِرِن با؟» فیلیپُس جواب داشَه: «بِه و بِوین.»
47وَقتی کن عیسی ویندِشَه نَتَنائیل چَی طَرَف کا آمِه، چَی خونه واتش: «دَیسَه اِم ایله شخصی خدا قامیکا کن حَییقتا بَیکا هیچ حیلَه ایی نییَه!» 48نَتَنائیل عیساش واتَه: «بَمن کِرَم جگا کا آشَموست؟» عیسی بَی جواب داشَه: «نارتَر از اَکَن فیلیپُس بَتِه خِلِه بکَرِ، هَنگومی کن اَ اِنجیلهَ داری بنیکا بیشَه، بَتِه ویندِمَه.» 49نَتَنائیل جواب داشَه: «اِستا، ته خدا زوعَه ایشَه! تِه خدا قامی پادیشا ایشَه!» 50عیسی جَوابیکا واتِش: «اِمی خونِه کن واتمه اَ اِنجیلَه داری بنیکا بَتِه ویندَمه، ایمان بوعَردیش؟ چیمی بَه دوملَه چییِنی اِمونکا یال تَر بَویندیشَه.» 51و واتِشَه: «حَییقتا بَه شمَه باتیمَه، آستامونی بَویندیرون کن آج آبَه یَه و خدا فرشتَه اون بَویندیرون کن اینسانی زوعَه سَرکَفا بَشین و وینَّرا.»
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company