انجیل لوقا 23
23
عیسی پیلاتُسی حِضوریکا
1چَی به دوملَه شورا آدَمِن گرد پِبینهَ و عیساشون پیلاتُسی وَر کن رومی والی به بَردِشون. 2اَیِن شِروو کَردِشونَه عیسی موتَهم کَردِ و واتِشون: «اَمه اِم نتیجه آرَستیمون کن اِم مِرد چَمَه میلَتی گمرا بکَیَه و چَمَه ناری بَگَتیَه تا رومی اِمپراطوری خَراجی آمَدَرم و ایدعا بَکَی کن اَ اِشتَن مسیح و پادِیشاهَه.» 3پس پیلاتُس عیساکا دَپرسِستَه: «تِه یَهودیون پادِیشاایشَه؟» عیسی جواب داشَه: «تِه اِشتَن، واتِر!» 4چَی به دوملَه پیلاتُس سران کاهینِن کن معبدی عالِم بینه و جَماعَتیش واتَه: «اَز هیچ خَطایی اِم مِردی مَحکوم کَردِرا نِمَویند.» 5ولی اَیِن ایصرارینَه واتِشون: «اَ یهودیَه سَرتاسَریکا اِشتَن آموجینَه مردمی تحریک بَکَی کن شورش بکَن. اَ وِلَته جلیلیکا شروو کردَشَه و حتی اِم جگارا نی آرَستَیَه.»
6وقتی کن پیلاتُس اِمی درَستِش، اَپیش بَه بِزنِه اَ جلیلی آدَمونکا اَ. 7ووقتی کن فهمستشَه عیسی هیرودیس حاکیمی قلمرو آدَمونکارَ، اَش هیرودیسی وَر عَندَ، اِمی خونه کن هیرودیس اَ هَنگومیکا شهر اورشلیمیکا بَه. 8هیرودیس وَقتی کن عیساش ویند، برک خَش آبه، اِمی خونه کن خیلی مودَت بَه کن اَپیش بَ عیسی بوینِه. چون عیسی خونه دَرَستش به و اومید داری کن چن گِلَه موعجیزَ بَیکا بوینِه. 9پس وِرَ سوالِنی عیسی کا دَپَرسِستَه، ولی عیسی جوابی بَی آنِداشهَ. 10سران کاهینِن و توراتی موعَلیمن کن اَ جِگاکا مند بینَه، بَرکَه ایتّهام عیسی اَژَنینَه. 11هیرودیس و چَی سَربازِن عیساشون گِچ آکَردَ وبَی دَسپَر گَتِشون. چَی بَه دوملَه خاصَه شندری بَی دَکَردِشونَه و هَنی بَی پیلاتُسی وَر آگاردِنستِشون. 12اَ روجیکا، هیرودیس و پیلاتُس یَندِنَه رَفِق آبین، اِمی خاطرکن چیمی بَه نَ یَندِ غَنیم بینَه.
13چَی به دوملَه پیلاتُس سران کاهینِن وقامی یالون و مردومی خِلِه کَردِشَه 14و اَیِنِش واتَه: «شمه اِم مِردی اِم ایتهامینه کن مردمی گُمرا بَکَی، چمن وَر وَردِرونَه. اَزنی بَعدِ اِمکن شِمَه حِضوریکا بَی بازجویی کَردِمَه هِچ خطایی اِم مِردیکا نِویندمَه کن شِمَه ایتِهامون ثابیت بکَرِ. 15هیرودیسی نَظَر نی هِمَه، اِمی خونِه کن اَش چَمَه وَر آگاردنستِش. دَیسَه اِم مِرد کاری کَردَش نی کن چَی لَیاقَت مَردِ ببو. 16پس بَی شَلاق بَژَم و آزاد آمَکرد.» 17[هرعیدیکا پیلاتُس پی ایلَه زیندانی چَوونرا آزاد آکَرِ.]
18ولی اَیِن یکصَدا لَسَّه اَژَنین: «اِم مِردی بکش و باراباسی چَمرا آزاد اَکَن!» 19باراباس کَسی به کن شهری دِله شورش کردِ خونه و آدَم کِشتِه خونه، زیندان دَگِنستَه بَه. 20پیلاتُس کن رَی داری عیسی آزاد آکَر، ایکَرَ دییَرمردومینه گَف ژِشَه. 21ولی اَیِن هَتَرکهِ لَسَّه اَژَنینَه کن: «اَی صَلیبی سَر بکش! اَی صَلیبی سَر بکش!» 22پیلاتُس سوّمین کَرَرا اَیِنِش واته: «چیرا؟ چه آوشَرَکاری کردشَه؟ اَز هیچ خطایی بَیکا پَیدا نِکَردِمه کن مَرگی لَیاقتی بدارِ. پس بَی شَلاق بَژَم و آزاد آمَکرد.» 23ولی اَیِن ایصراراَکَرینَه و تَتَّه لَسَّه اَژَنینَه کن پی عیسی صَلیبی سَردِر بکشِن و آخیر بَسَر چَوون لَسَّه پیروز آبَه. 24پس پیلاتُس تَصمیم گَتِشَه تا حِکمی کن اَیِن اَپیشون بَه اَوون بدَرِ. 25پیلاتُس اَ مِردی کن شورش کَردِ و آدَم کِشته خونه زیندانیکا دَرِ بَه و جمعیت اَپیشون بَه بَی آزاد آکَرِ، وَر آداشَه ولی عیساش چَوون دَست آداشَه تا هر کاری کن بَپیشون بَینه بکن.
عیسی صَلیبی سَر
26وَقتی کن عیسی اَبرینهَ، مِردی شَمعون نوم کن قیرَوانی آدَمونکا بَ وزَمینی سَردِرِ کَشتو کاریکا کایبَه آمِه، گَتِشونَه و صلیبی چَی دوشی سَر آناشون، تا صَلیبی عیسی پِشتیکا بوعَرِ. 27وِرَکاولَه ایی آدَمونکا، و ژِنِنی کن عیسی خونِه اِشتَن سینَه سَراَکوینَهَ وعازیَه اَکَرینَه، عیسی دومله رونهَ بین. 28ولی عیسی اِشتَن صَفَتی چَوون طَرَف آگاردنستشَه و اَیِنِش واتَه: «اورشلیمی کِله اِن، مِرا مَبرَمَه؛ بَلکَم اِشتَنرا و اِشتَن خردَنونرا بِبرَمَه. 29چون روجِنی کاینَه آمِه کن آدَمِن باتینَه: ”خَشیی نازااَ ژِنون حالیرا، و اَ لَوَ اِنی حالیرا کن هرگز زَندَشون نی و سینه اِنی کن هرگز شِت آنِداشون!“ 30اَ هنگومیکا، کومونَّه باتین: ”چَمه سَریکا ویگِنَه!“ و بَه کوله اون نی باتین: ”اَمه دَپوشامونَه!“ 31اِمی خاطرکن اَگَم خِستَ چونَه انتَر بِکَن، خِشکَه چو سَر چِه بومَیَه؟»
32دِ دیَیرَمِردی کن هر دِ جینایَت کار بینَه، کایبین بَردِ تا اَوون عیسی نَه بکشن. 33وَقتی جگاییرا آرَستینه کن چَی نوم جوم جومَه بَه، عیساشون اَ دِ جینایَتکارینَه صلیبی سَر مِخ ژِشون. ایلَه عیسی راستَه وَریکا و اَیلَه چَی چپَ وَریکا. 34عیسی واتِش: «اَی دَدَ، اِمون ببخش، اِمی خاطِر کن نینَّموست چه بَکَن.» اَیِن عیسی شِندرونرا قورعَه دَرفندِشون تا اِشتَن دِلَکا قسمَت بکن. 35مردوم تَمشا را پا مَند بینهَ و قامی یالِن عیسی بوکَه خوروستِه اَگِرینه و اَواجینَه: «دیَرَ آدَمون نیجات داشَه! اَگَم اِم مِرد مسیح خدا اَ یعنی هَیَه کن اینتخاب بَیَه، ایسَه بَشتَن نیجات بدَرِ.» 36سربازِن نی اَی دَسپَر گَتِشونَه.اَیِن عیساکا نِزک آبین و زِزآبه شَراو بَی اَدَرینَه 37و اَواجینَه: «اَگَم تِه یَهودیون پادیشاایشَه، بَشتَن نیجات بِدَ.» 38نوشته‌ایی نی عیسی سَریکا ژِشونَه کن ’اِمَه یَهودیون پادیشا‘.
39ایلَه اَ دِ جینایَتکاریکا کن صَلیبی سَریکا بینَه، هَتَه کن عیسی زَبون اَدَرینَه بَی اَواجیَه: «مَگَم تِه مسیح نیشَه؟ امَه و اِشتَن نیجات بِدَ!» 40ولی اَیله مرد بَی تَشَرژِشَه و واتِش: «تِه خدا کا نیشَتَرسست؟ ته نی هَه جَزا محکوم بَه ایشَه! 41چَمه مِکافات چَمَه حَقَّه اِمی خونه کن چَمَه کارون جَزا اَ، ولی اِم مِرد هیچ گِناخی کَردَش نیَه.» 42چَی بَه دوملَه اَ مِرد عیساش واتَه: «عیسی، وَقتی کن اِشتِه پادیشاهی آرَستیشَه بَمن نی یاد آرَفن.» 43عیسی جواب داشه: «حَقیقَتا بَتِه باتیمَه، اُمروج بَمِنهَ بهشتیکا بَبیشَه.
عیسی مَردِه
44ناهاری موقه حِدودا ساعت دانزَ بَه کن ظِلَمات گردِ اَ مَملَکَتی گَتشَه و اَ ظِلَمات تا ساعت سه دَکَشیستَه. 45اِمی خاطرکن آختاو شَپَق نَژَنیَه. مَعبَدی پَردَ نی دِ پارَ آبَه. 46اَموقه عیسی تَتَّه لَسَّه نَه سَس آداشَه و واتش: «اَی دَدَ، اِشتَن روح اِشتِه دَست آمَدا.» اِمی واتشهَ و آخِرین نَفَسی کَشتِشَه. 47وَقتی سربازون فَرماندَ اِم ایتفاقون ویندِشَه، خداش ستایش کَردَ و واتِش: «واقییَن کن اِم مِرد بیگِناخ بَه.» 48گِردِ آدَمِنی کن تَمشارا جَم آبه بینَه، وَقتی ویندِشون کن چِه ایتفاقی دَگنستَه، هَته کن اِشتَن سینه سَر اَکوین، اِشتَن کَه اونرا ویگَردِستین. 49گردِ عیسی آشنا اِن، و ژِننی کن وِلَته جلیلیکا چَی دوملهَ رونَه آبَه بینَه، دوریکا پا مَند بین، و اِم ایتفاقون کایبین دَیَشتِه.
عیسی دفن کردِ
50اَ جِگاکا مِردی مند بَه کن چَی نوم یوسوف بَه. یوسوف شهر رامَه آدَمونکا بَه کن یهودیون ایلَه شَهرونکا اَ. اَ، مِردی چاک و صالِح به. با امکن یوسوف شورا آدَمونکا بَه، 51ولی چَوون رای و تَصمیمی قِبول نِداری. یوسوف خدا پادیشاهی چَم بَرا بَه. 52اَ مِرد رومی والی، پیلاتُسی وَر شَه وعیسی مَیّتی خاستِش. 53چَی به دوملَه عیسی مَیَّتی ویروَردِشَه وکتانَه کَفَنیکا پِپِشتِش و تربه ایکا کن کازَ مَغاری دِلَکا تاشتشون بَه آناشَه، کن تا اَ موقِه مَیِتی چَی دِلَکا آنوعَشون نِبهَ. 54اَ روج آمادَ آبِه روج بَه، کن اَ روجیکا یَهودییِن بَشتَن پسخَه عیدیرا آمادَ اَکَرینَه و چیی مَندَ نِبه کن موقدسَه شنبه شِروو ببو. 55ژِننی کن جلیلیکا عیسی دوملَه آمَه بینَه، یوسوفی دوملَه شینَه وتربه جگا و مَیِّتی چِنتَرَ آنوعِشون ویندَ. 56چَی بَه دوملَه کَرا ویگَردِستین، و اَدویَه و عطرینَه روعَنون، آمادَ آکَردِشون. اَیِن شَریعَتی حِکمی واتَنهَ موقَدسَه شَنبَه روجیکا ایستراحت کَردشون.
လက်ရှိရွေးချယ်ထားမှု
انجیل لوقا 23: CTB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company