انجیل متی 1
1
عیسی مسیح شجره نامه
1عیسی مسیح شجره نامه،
که داوود پادشاه و ابراهیم پیغمبر نسلک به اِنجوریه:
2ابراهیم، اسحاق پِه،
اسحاق، یعقوب پِه و
یعقوب، یهودا و چَوه براران په بِه.
3یهودا، فِرِص و زِراح پِه بِه
و چَوان مار نام تامار بِه.
فِرِص، حِصْرون پِه
و حِصْرون، رام پِه،
4رام، عَمّیناداب پِه،
عَمّیناداب، نَحْشون پِه
و نَحْشون، سَلمون پِه بِه.
5سَلمون، بوعَز پِه بِه. و بوعَز، مار نام راحاب بِه.
بوعَز، عوبید پِه به و عوبیده، مار نام
روت بِه.
عوبید، یَسا پِه به.
6یَسا، داوود پادشاه پِه،
داوود، سلیمان پِه به
سلیمان ما پیش از اِم که داوود پادشا زن بیبیه، اوریا زن بیا.
7سلیمان، رِحُبعام پِه،
و رِحُبعام، اَبیّا پِه، و اَبیّا، آسا پِه بِه.
8آسا، یهوشافاط پِه،
یهوشافاط، یورام پِه،
و یورام عُزّیا پِه به.
9عُزّیا، یوتام پِه، یوتام، آحاز پِه،
و آحاز حِزِقیا په به.
10حِزِقیا، مَنَسی په، مَنَسی، آمون په
و آمون، یوشیا پِه به.
11یوشیا، یِکُنیا پِه و چَوه براران په بِه.
اِم زمانک یهودیان به بابِله سرزمین تبعید ببنده.
12یهودیان تبعید بیینَه پَش بابِلک:
یِکُنیا، شِئَلْتیئیل پِه و شِئَلْتیئیل،
زِروبابِل پِه بِه.
13زِروبابِل، اَبیهود په،
اَبیهود، اِلیاقیم په،
و اِلیاقیم، عازور پِه بِه.
14عازور، صادوق په،
صادوق، اَخیم په،
و اَخیم، اِلیود پِه بِه.
15اِلیود، اِلعازَر پِه، اِلعازَر، مَتّان په،
و مَتّان، یعقوب په به.
16یعقوب، یوسف پِه و یوسف مریمه شُو به،
هَ مریمی که عیسایی که اَونه مسیح واتشانه
اَوک دنیا بامه.
17اِنجوره، ابراهیم پیغمبره زمانه تا داوود پادشاه زمان چهارده نسل و داوود پادشاه زمانه تا یهودیان تبعید بیین بابِلک، چهارده نسل و تبعید زمان نه تا مسیح زمان چهارده نسل بِنده.
عیسی مسیح دنیا آمییَن
18عیسی مسیح دونیا آمییَن اِنجوره بِه: عیسی ما مَریمه، یوسف پِوَندی بییا. امّا وِیو کَردنه پَران تر وقتی که حلا مریمه کیلّی بییا معلوم آبه که خدا مقدسه روحک اِوِرا. 19مریمه شو یوسُف که صالح مَردکی به و نِگَفسَردشِه مریمه رِسوا بیبیَه، تصمیمش بکَته که بی صصسلم مَریمک جِدا بیبی. 20امّا اَدَمی که اِم تصمیمش بکت، ایگله خداونده فرشته خُونه دِلَک اَوه آشکار آبه و باتشه: «ای یوسف، داووده پادشاه زا، اِشته زَنَر، مریمه ویو کردنک مَترس، چون اَ خوردنی که چَوه تِرنَکه، خدا مقدسه روحکه. 21مَریمه ایگله زایی دنیا آوَریه و تِه گه چَه نامه عیسی اَنیی، چون اَ اِشتن قومه چَوان گناهانک نجات دَیه.» 22اِم چیه همه اتفاق دِگِسنده تا چی ای که خداونده اَشعیای پیغمبره زُوانِنَه واته به، اتفاق دِگِنه که:
23«ایگله کیلییَه اِوِر آبییه، زایی دنیا آوَریه
و چَه نامه عِمانوئیل اَنَینده»
که چَه معنی «خدا آما نَیه» اِسه. 24وختی یوسف خونِک بِهِشته هر چی که خداونده فرشتۀ اَوِش فرمان آدییه به، انجامش بدا و مریمِنَش ویوه بکه. 25امّا تا اَ زمانی که مریمه اِشتن زا دُنیا بُوعرییه یوسف اَونَه هم خواب نِبِه؛ و یوسف اَ خُوردنه نامِش عیسی اَنا.
လက်ရှိရွေးချယ်ထားမှု
انجیل متی 1: TIT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company