အက်ပ်ကို ရယူပါယုံကြည်သူများနှင့် ငွေကြေးသုံးစွဲမှု အနုပညာနမူနာ
အနှစ်ချုပ်
ယုံကြည်သူတို့ ချမ်းသာခြင်းသည် အပြစ်မဟုတ်သလို ဆင်းရဲခြင်းသည်လည်း အပြစ်မဟုတ်ပါ။ ခံစားရသမျှ ငွေကြေး၊ အနည်းအများကို မဆို၊ မိမိအသက်တာတွင် နှုတ်ကပတ်တော်နှင့်အညီ သိမြင်ပိုင်ခြား၍၊ ဘုရားသခင်ပေးသနားသည့် ပညာနှင့် ယှဉ်လျက် စနစ်တကျ သုံးစွဲတတ်ခြင်းသည် ဘုရားသခင်၏ အလိုတော်ဖြစ်ပြီး၊ နှစ်သက်ဖွယ်ရာအနုပညာ ဖြစ်သည်။
ဤအစီစဉ်ငယ်သည် မစုံလင်ပါ။ မိတ်ဆွေအားဖြင့် စုံလင်စေပါ။
မ၊ ၅း၄၈
ထိုကြောင့် ကောင်းကင်ဘုံ၌ ရှိတော်မူသော သင်တို့အဘသည် စုံလင်တော်မူသည်နည်းတူ သင်တို့သည်လည်း စုံလင်းခြင်းရှိကြလော့။
မေးခွန်းလေးများနှင့်တွေးစရာ
၁။ ငွေရှာခြင်းနှင့် သုံးတတ်ခြင်း ဘယ်အရာက အရေးကြီးသလဲ။
၂။ ငွေရှာနည်းသိခြင်းနှင့် ငွေသုံးနည်းသိခြင်း ဘယ်အရာအရေးကြီးသလဲ။
၃။ ငွေသည် မိတ်ဆွေအတွက် အစဉ်လုံလောက်မည်ဟု ထင်ပါသလား။
ကျမ်းစာများ
ဤအစီအစဉ်အကြောင်း
လူတိုင်း၊ ငွေသုံးရ၊ ရှာရ၊ ကိုင်ရသလို ယုံကြည်သူများလည်း ရှာဖွေကိုင်တွယ် သုံးစွဲရသည်။ ထိုသို့ကိုင်တွယ်သုံးစွဲသည့်အခါ၊ ယုံကြည်သူဖြစ်လင့်ကစား၊ သမ္မာနည်းကျကျ ငွေကို မသုံးစွဲတတ်ခြင်းသည် ယုံကြည်သူတစ်ဦးတစ်ယောက်ချင်းစီ၏ အသက်တာတွင် ထိခိုက်မှုရှိသည်နည်းတူ၊ ယုံကြည်သူများနှင့်စပ်ဆိုင်သည့် အဖွဲ့အစည်း၊ လူမှုပတ်ဝန်းကျင်ကိုပင် များစွာ ထိခိုက်ပျက်စီးစေလျက် ဘုရားဘုန်းတော်ရှုံ့ချစေသည့် အရာများဖြစ်ပေါ်စေသည်။ ထိုကြောင့်၊ ယုံကြည်သူမည်သူမဆို၊ သမ္မာနည်းလမ်းကျကျ ငွေကြေးအကြောင်းကို နားလည်သဘောပေါက်လျက် သုံးစွဲမည်ဆိုပါက ပိုမိုအကျိုးရှိ ထိရောက်ပေလိမ့်မည်ဟု ယုံကြည်မျှော်လင့်၍ ရေးသားပြုစုလိုက်ပါသည်။
More
ဤအစီအစဉ်ကို ပံ့ပိုးပေးသည့်အတွက် Nway Eain (နွေးအိမ်) အား ကျေးဇူးတင်ရှိပါသည်။ ပိုမိုသိရှိလိုပါက၊ ကျေးဇူးပြု၍ ဝင်ရောက်ကြည့်ရှုပါ- https://sites.google.com/view/nwayeain/home
