बाट लोकप्रिय बाइबल पदहरू {{chapter}}

शेयर गर्नुहोस्

यशैयाले राजासित बिदा लिए तर राजमहलका माझमा भएको आँगन पार गर्नुअघि नै परमप्रभुले उनलाई फर्केर मेरा प्रजाका राजा हिजकियाकहाँ गई यसो भन् भनी आज्ञा गर्नुभयो, “म परमप्रभु तेरा पुर्खा दाऊदका परमेश्‍वरले तेरो बिन्‍ती सुनें र तेरा आँसु देखें। म तँलाई बिसेक गराउनेछु र तीन दिनमा तँ मन्‍दिरमा जानेछस्।

“हे परमप्रभु, मैले विश्‍वासयोग्‍य र भक्तिसाथ तपाईंको सेवा गरेको छु र तपाईंले मबाट चाहेअनुसार काम गर्ने चेष्‍टा गरेको छु भनी सम्‍झना गर्नुहोस्।” त्‍यसपछि उनी धुरुधुरु रुन लागे।

त्‍यही बेलातिर हिजकिया राजा बिरामी भए र झण्‍डै मरे। आमोजको छोरो यशैया अगमवक्ता उनलाई हेर्न गए र भने, “तैँले सबै कुराको बन्‍दोबस्‍त मिलाइराख् किनभने तँ बिसेक हुँदैनस् र तँ मर्नेछस्‌” भनी परमप्रभु तपाईंलाई भन्‍नुहुन्‍छ।

म तँलाई अझै पन्‍ध्र वर्षको आयु दिनेछु। तँलाई र यरूशलेम सहरलाई म अश्‍शूरका राजाका हातबाट बचाउनेछु। मेरो आफ्‍नै इज्‍जत र मैले आफ्‍नो सेवक दाऊदसित गरेको प्रतिज्ञाको खातिर म यो सहरलाई बचाउनेछु।”