बाट लोकप्रिय बाइबल पदहरू {{chapter}}

शेयर गर्नुहोस्

तिनीहरूले आफ्‍ना सुन-चाँदी कसिङ्गरझैँ सडकहुँदो फालिदिनेछन् किनभने परमप्रभुले आफ्‍नो क्रोध खन्‍याउनुहुँदा सुन-चाँदीले तिनीहरूलाई बचाउनेछैन। आफ्‍ना इच्‍छा पूरा गर्न वा पेट भर्न तिनीहरूले सुन-चाँदी चलाउन सक्‍दैनन् किनभने सुन-चाँदीले तिनीहरूलाई पाप गर्न लायो।

राजाले शोक गर्नेछन्, राजकुमार निराश हुनेछन् र मानिसहरू डरले लगलग काम्‍नेछन्। तिमीहरूले जे कामहरू गरेका छौ, तिनैको लागि म तिमीहरूलाई दण्‍ड दिनेछु। जस्‍तो किसिमले तिमीहरूले अरूको न्‍याय गरेका छौ, त्‍यस्‍तै किसिमले म पनि तिमीहरूको न्‍याय गर्नेछु। म नै परमप्रभु हुँ भनी यी नै कुराले तिमीहरूलाई देखाउनेछु।”

म तँलाई छोड्‍नेछैनँ, तँलाई केही दया देखाउनेछैनँ। तैँले गरेका घिनलाग्‍दा कामहरूको निम्‍ति तँलाई दण्‍ड दिनेछु र म नै परमप्रभु हुँ भनी तैँले जान्‍नेछस्।”

म तँलाई बाँकी राख्‍नेछैनँ, केही दया देखाउनेछैनँ। तैँले गरेको घिनलाग्‍दो कामको निम्‍ति म तँलाई दण्‍ड दिनेछु र तँलाई दण्‍ड दिने परमप्रभु म नै हुँ भनी तैँले थाहा पाउनेछस्।”