बाट लोकप्रिय बाइबल पदहरू {{chapter}}

शेयर गर्नुहोस्

Faŋ nu mətwey ntɨsə Nwi ndɔ kɨ gə vɨsɨ vɨsɨ nə, nu ŋkawnə bwa fɨ taa fwisə vɨɨ vəyaŋ. Luu nə, wə ntɨə faŋ ŋwə jia fwi yi, nùŋ sheꞌ maa Nwi, zìꞌ maa vəndwə, ndɔ bwey.

Nu mɔ́ꞌ lùu laa vɨ ndɔ fɨꞌtə ntɔŋ yijəə buꞌ nu yifwàŋ yizɔ taa mbi yinshə. Vɨɨ fɨ taa məshɨ mənshə ndɔ zɔ ntee, buu vəndwə və mbi ndɔ kuꞌnə.

Yighee njyə faŋ viŋ ndɔ kɨ zɔ nu yighaw, baa zɔ̀ lumə yighaw, kɨ fwi siŋ lɔꞌ me. Vənu vɔ́ ndɔ ghaa gay nɨniŋ. Luu nə, vəndwə və mbi kee ta kùꞌnə maa yighee yɔ́ me.

Shɨ ndɔ fuu gə kɨ kəə kəmɔ́ꞌ nə yighaw. Yifwàŋ kɨ kəə yimɔ́ꞌ nə yighaw. Jɨŋ koo məshɨ məshɨ. Nsi kɨ nəꞌnə vəshəŋ vəshəŋ. Vənu vɔ́ vənshə ndɔ luu vənzi və ŋɨꞌ njyə faŋ nyə ndɔ gay mbi, buu mbi kɨ nii yindwə. Nyə ndɔ baa lùu yaa nu wəzwi faŋ ŋwə ndɔŋmə wee, zɔ məza.

Yizɔ ghɔ nsi ndɔ me, luu nə, yigisə nyaa kee mè me.

Vɨɨ vəyaŋ ndɔ fuu taa mbi, kɨ tii təzii təvəŋ maa yizii nyaa, gisə laa vəŋ lùu Kristo, wuu məbweysə vɨɨ Nwi, kɨ bweꞌsə vɨɨ vəyaŋ shɔ.

Yiŋkii ndɔ kɨ shɔɔ, vɨ jiatə viŋ, kɔ̀ maa vəshəŋ və ŋɨꞌ, zwìlə viŋ. Vɨɨ kɨ bee viŋ taa məshɨ mənshə buꞌ nu yizii kaŋ. Nɨniŋ, vɨɨ vəyaŋ fɨ taa ŋwaa viŋ suꞌtə ghuu vəŋ fɨ yiba jɨŋ mə. Vɨɨ mɔ́ꞌ kɨ bɨsə təzii tə vɨɨ mɔ́ꞌ. Vɨɨ mɔ́ꞌ kɨ bee vɨɨ mɔ́ꞌ. Vɨɨ məsɨɨ təba maa yigisə Nwi fuu mbi vəyaŋ, kɨ bweꞌsə vɨɨ vəyaŋ.

Yeso bəŋsə tɨ́ vəŋ laa, «Viŋ tɔfə buꞌ vɨ ndɔ bweꞌsə viŋ.

Sheꞌ nɨniŋ, bàw viŋ kɨ shi nə yikɨꞌ nɨzi, buꞌ laa Wuu yinsəŋ Nwi ndɔ baa bəŋ jwi maa yighee faŋ viŋ kee bɨꞌtə laa ŋwə jɨjwi me.»

Nɨniŋ, viŋ kɨ shi nə yikɨꞌ, buꞌ laa viŋ kee kɨɨ nə shi ŋkɨə faŋ Tɨta wiŋ ndɔ jwi shɔ nə me.

Nɨniŋ, shi kɔ́ faŋ vənu vɔ́ ndɔ gay nə, tɨꞌnə me yighee yɔ́, kaꞌ wə kee kɨɨ me. Ŋkee nshiisə-ŋiisə Nwi nə Wee Nwi, kee kɨ̀ɨ nə shi kɔ́ me, kɨɨ sheꞌ tɨta Nwi nɨnɔŋ wi.

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Yighee njyə faŋ Wuu yinsəŋ Nwi ndɔ baa bəŋ jwì, ŋkə ndɔ luu sheꞌ faŋ ŋkə nə lùu maa vəshi və Noa. Vɨɨ ndɔ kɨ yɨsə sheꞌ faŋ vɨ nə yɨ̀ maa yighee Noa, buu muu fuu, ndìsə vəŋ nə. Vəŋ nə zɨzɨ, ndɔ nɨnu, vɨ nəə ndaa, baa kɔ̀ məndaa fu, gə ziꞌ maa shi ŋkɨə faŋ Noa nə ŋìi taa bay. Vəŋ nə kee yikɨɨ me, gə ziꞌ maa yighee njyə faŋ muu nə fùu, ndìsə vəŋ vənshə. Ŋkə ndɔ luu sheꞌ nɨniŋ maa yighee njyə faŋ Wuu yinsəŋ Nwi ghɔ́ ndɔ bəŋ jwì nə.