बाट लोकप्रिय बाइबल पदहरू {{chapter}}

शेयर गर्नुहोस्

Sabap aku nga Taga Langit nga Ipiyanganak it Taw, yay inasitu ku, pagtulusun kuy mga nateꞌag-teꞌag ka iribri ku sira kat panriga sabap it kasalaꞌan nira.”

Maat i ipaggaꞌuy-gaꞌuy nira, “Mabantug i Adiꞌ ngaytu nga tiyaꞌeg it Ampuꞌang Diyus! Nagkagayen tami siꞌ it Ampuꞌang Diyus nga duꞌut langit! Bantugun i Ampuꞌang Diyus nga duꞌun it dibwat it langit!”

Pagkagneg ni Jesus kayti, miyampang kanya nga magꞌaat, “Talagang kayting lagi, miyabut situt itung pamalay-balay i panribri it Ampuꞌang Diyus. Sabap kat binwat ngaytu ni Zaqueo, nga tandaꞌ it nabaꞌgu nay adat ya, maꞌyag nga nakaꞌuyut na kanya it mga matuud nga tungtung-inapuꞌ ni Abraham, nga ega desang kat pagduguꞌ in daꞌga kat pamayaꞌ nirat Ampuꞌang Diyus.

Pagkapatuꞌ ni Jesus duꞌut kayu ngayti, timningaraꞌ kanya baw miyampang, nga magꞌaat, “Zaqueo, dali-daliꞌen mu nga lampud, ka duꞌut balay muy paꞌabutan ku kayti.” Limnampud na kanyat padali-daliꞌ baw piyabayaꞌ ya si Jesus duꞌut balay ya it masagyang-masagya.

Iyan mamagꞌaꞌdung na sira duꞌun it balay, timnindeg siꞌ si Zaqueo baw miyampang, nga magꞌaat, “Ampuꞌan, kayti, sang lubuk nga kusas ku, ipamgay ku na duꞌun it mga makukuriꞌ. Baw in unuy liyupigan ku duꞌut maski siyu, epaten ku nga dubli i iꞌuliꞌ ku.”

Temed inaat si Jesus it beken nga mga Pariseo nga magbabayat bulyug ngaytit magpaJerusalem, “Manigtulduꞌ, surarawun muy mga alagad mu ngayan!” Pagtubag ni Jesus, maat ya it kanira, “Matuud i iꞌaat kut imyu nga in papdeken sira, mga batu siꞌ i manggaꞌmaran.”