बाट लोकप्रिय बाइबल पदहरू {{chapter}}

शेयर गर्नुहोस्

Yeh aniah tre ngha menny kandirr u tre, ngha boaehn beh ngho moaloa aloh, ngha beh la rë kë utock u kandirr, na u kah ërung kë aniah buleing ko killeh. Ntunky kandirr no tre kë aniah ëboll, leh ngha ngha keh mpant no nkeleng, nu kulluh papah no, wonno cheh ko kë foy.

Ngharë ërung upock u tre. Turr tre nghono peh ka semy ko kick u tre atook ngho boaehn matt.

Rubah kë aniah tre nghana bë ugboll u tinkle yeo: ngha hun lehly Foy.

Rubah kë aniah tre nghana nriek ma ngha rë, nu ugboll ngha seckle eh rë hallë dyah keleng tre; peh hun ngha kah yempy dyo, ngha pum.

Kereh yah no fohm, m marr woa wonno, bë mpunthurr ko ko moa; n rubah nghana moa wung yeo; n nghah dyah keleng kë nghana sarrah mun yeo; n ramlin hallë nghana moa lehly koll yeo, nu sompon moa yeo

Rubah kë nghana cheh moneh kë ugbolleh yeo: upock u foy tre ngho ngha bë.

Rubah lë ahpom ah trë, peh veal ngha ahpomah Foy.

Rubah kë nghana tranghellin: peh hun ngha bëël pëah.

Rubah kë aniah tre, lo ngha nghah dyah keleng yeo, nu peh ka nghah dyah bang ko ko ngha: nghana bë upock u foy trë.

Rubah kë aniah trë nghana cheh bongha nkeleng: peh ngha hun marr.

Rubah kë moa, loaniah tre ngha moa nghah punk, lo ngha toh moa, lo ngha moa kah ilillë bang nsele hallë hallë më. Nhvoy, nchang ah: moa bë packah bomu kë foy: kë manleh peh ka toh ahprophet ah tre nghana cheh leh moa ëboll.

Rubah kë aniah mboss: upock u tre ngho ngha bë.

Ngha rë ëhehl upock u tre: lo ëhehl ë tre nghe lendy ënyummle nghe, yeh peh kui hallë salkar ah? ehehl ë tre ngho loi gbo yaë, peh pong nghe kë bengtë aniah tre aloh.

Ngha ngha chang cherry, kin Papah no nghono cheh kë foy.!

Nfoh ë no, ngho nghe choe: oh, oh; beh, mbeh; lo nfoh gbo peh lum poom tre, la lëbang.

Ngha tui la rë, peh ka foh rë, kë aniah ben ah tre, lëfoll ngha lëfoll; ëchang ngha ëchang: Kereh yah no fohm, m ma trim dyah bang: lo peh suntah moa kë gburr moa mpokeh, m pinkin ko ko woa gburr moa min tre pehreh.

Lo foll ë pokeh moa ngha moa lëbang nfoke leh, nu pong leh, lëkeleng hallë moa lo konth woa bull ko shinny dyom, nu dyall ë moa bully peh pongehn kë dyom Jehannamah. Lo pëah moa dekeh nghah moa lëbang, mbett ngho, nu pong ngho; leh keleng hallë moa, lo konth moa bull shinny dyom, nu dyall moa bully peh pongehn kë dyom Jehannamah.