बाट लोकप्रिय बाइबल पदहरू {{chapter}}

शेयर गर्नुहोस्

Ma ha nya keme te hɛɗi ganyɛ ne, gheŋkɛ mbeli nyi kefate ghena le mehele nya ganyɛ ba'a nya gweɗakwe, nyi kenzanji dɛŋe dɛŋe te ba'a nyi keyate ya.

Ma ha nya kebete hwa tigə ne, kala mbeli nyi kefa ghena hɛ. Ama wəshi nyi zəzə hɛ, mcɛləa nci, sla ntsə yitea wəshi nyi keghwete ŋkwa ka fɛa ghena shɛ. Kamenete wəsə ganyɛ ghena shɛ mbe wənəa nci we.

Ma kweci mbeli ɓiyitsa ne, yipə yipə hɛ le ŋkwa nya hwa pelɛ. Ma kwa fate ghena hɛ ne, pa hɛ yɛte le zlama, ama kepelave nda hweŋkwa hɛ kaha slərə we. Pa hɛ yɛte kahɛ ɓɛhwɛ, ma kese mbeli kaghwete hɛ, pa hɛ zlenekɛ ghena zhɛkwa.

Ma ke Yɛsə sha mbeli nyi ketəkwə təkwə: «Tema yɛ ta ŋayɛ wa?» Ama shewə hɛ va ghazlənə, hehake hɛ va ghena shɛ. Ma ke hɛ kwelɛ ghəa nci: «Wa nya hwelefe ta wəndə nda fa nda ghena yɛ sefə le yɛmə wa?»

Yipə yipə kweci mbeli le mɛa hweŋkwa nya bete kweci ha te. Nahe hɛ kefave ghena kaghate, pɛkwe gətəli, pa nteɗehwe ghena shɛ shave mbe wənəa nci, kezha ɗema hɛ kayɛ ghena shɛ ba'a kambele.

Kwa nza ŋkɛ pɛtɛ tencɛ geva wəshi nyi tewəfərə, pɛtɛ tencɛ geva zeweve ta ghena nya ɗema mbeli kancɛ.

Ma kwa nakɛ malea shɛ nahe mbeli keɗepe wəsə nya menete nde ne, pɛkwe nde le bare bare kagwəɗəŋə yitea seɗa ta Yɛsə. Pa nde gezete yitea wa yitea wa kwaɗakɛ Yɛsə nde ba'a mbele nya mbele nda nde te ŋkwa shɛnyɛ kwa kema ta mbeli pɛtɛ. Ma ke Yɛsə shɛ: «Wəzha ta ɗa, yɛ ta ŋa nde mbete ŋa. Kwiɗi kwelɛŋe.»

Pa hɛ hendave nda geva ke Yɛsə ba'a feɗeghete ŋkɛ. Ma ke hɛ shɛ: «Nde sleke n'yɛ, nde sleke n'yɛ, gheɓəmə kaza!» Pa Yɛsə feɗeghe, pa ŋkɛ ntsehete nda ŋzle ke sefə ba'a yɛ gaŋkeɓe ta ndərə. Tagha gɛ, gweɗakwe sefə, tikə tikə ŋkwa.