बाट लोकप्रिय बाइबल पदहरू {{chapter}}

शेयर गर्नुहोस्

Nuttuguaba nu benni te rugalhana ttu gui, nianna uttodhina ttu lmoti iqui nua. Sinuqui udolana unnuha ttu atta yadha qui udani nua gue iyába ca benni seꞌe lheꞌe yoꞌoha. Anáguaba lebiꞌi, gualuni nu anca tsee, qui atti iláni ca benni nu anca tsee runleha nna lania nna cuequi xencana Tata gueri do iyyabaaha.

’Lebiꞌi ancale attiba ttu xieni gue yies lo yu-ni. Attiba ttu yiesi re lo ttu lhilhi läga aca igatsi nua.

’Carbáru ca benni chi anca nari lastoocani de bitturu tulha bencana, cumu lacana iláquinna Tata Do Iyyabaaha.

’Carbáru ca benni ridá lecani uncana nu anca tsee raca le Tata Do Iyyabaaha aca, cumu guasiaba sá aca nu ridá lecani aca.

Ttiaca neti nna ria le: Aquinle gue ca nu lä raca uyúcan le-na, gualnnaba len Tata Do Iyyabaaha aca lanie ca nu riguecana iquile na.

—Carbáru ca benni roquinna iquicani reasaquinna nu anca gue Tata Do Iyyabaaha, cumu lacana acacana benni innabia Ben-na.

’Carbáru ca benni runi qui tseꞌe tsee len loes ca benni, cumu lacana gatta lácani xiꞌini Tata Do Iyyabaaha.

’Carbáru ca benni ribesi lo niꞌa gue nu ratecana, cumu Tata Do Iyyabaaha utee elha xen lasi guecani.

’Carbáru ca benni rate ruyúcana elha disa lo niꞌa gue de runcana nu anca tsee, cumu lacana acacana benni innabia Tata Do Iyyabaaha.

’Carbáru ca benni ratúa lecani ca benni, cumu guasatúaba le Tata Do Iyyabaaha cana.

’Carbárule gansi de lo niꞌa quia rusía le ca benni le, ruría lacan le lhe lacana nna run lecani runcana xiyya guele dequi runle iyáloba nu lä anca tsee. Gualedacani lhe gualebequi itta lele lhe cumu xxeni anca nu tsee dhíle iyyabaaha. Ca unná nna anáguaba bedhacacana ca profeta useꞌe atti bittu chi bisíale yies lo yu-ni, tsa läga uca uyúcana ca biꞌiniha.

’Carbáru ca benni bittu ra xxeni lecani, cumu lacana ralhacana dhicana yiesi lo yu-ni attiba interés ute Tata Do Iyyabaaha.

’Lebiꞌi ancale attiba deti seꞌele lagüi gue ca benni seꞌe yies lo yu-ni, ttiaca gansi deti-na enitti ixe gueni, lärgaga aca eyona ixe attu libe. Lania nna tsa lärgabi ixuuna, iruꞌunabana ca lheꞌeliꞌa-na, qui ulea benni iquini.

Larcala nna lebiꞌi acale benni runi nu anca tsee, attiba Tata gueri do iyyabaaha anque Benni runi nu anca tsee.

Suntteba gualná: “O”, gansi yule guacaba, gansi yubale bittuba aca nna suntteba gualná: “Bittu aca”, cumu nu udianle uxxúale adí iqui tisa-ni nna gue nu lexúhaba chi anca nua.

’Lebiꞌi nna chiguaba binale rácana: “Gansi ttu benni ugüena iyya lo attu benni, unnuha nna ralhaguaba nua ugüecana iyya loni, benni cueana laya ttu benni nna ralhaguaba nua cueacana layani.” Ttiaca neti nna ria le: Bittu edú disale lo nu lä duta leniha. Nu unlale nna gansi nuxa galhina gui xxaga derechu guele, odequilale attu ladu qui galhina gui.

’Larcala gansi iyya lo derechu guelha runna ixúyielu unlu nu lä anca tsee, uleana uruꞌuna na idittu, cumu tseerla salíana lu unnittilu ttu lhaꞌa iyya lolha, attichula itúbalu tsialu atta lexúaha. Gansi ná derechu guelha runi ixúyielu unlu nu lä anca tsee, uchú na uruꞌuna na idittu, cumu tseerla salíanalu unnittilu ttu lhaꞌa nálu attichula itúbalu tsialu atta lexúaha.