बाट लोकप्रिय बाइबल पदहरू {{chapter}}

शेयर गर्नुहोस्

हामी जान्दछौं कि, परमेश्‍वरलाई प्रेम गर्नेहरू र उहाँका उद्देश्यअनुसार बोलाइएकाहरूका निम्ति, उहाँले हरेक कुरामा भलाइ नै गर्नुहुन्छ।

किनकि म निश्‍चित छु, न मृत्युले, न जीवनले, न स्वर्गदूतहरूले, न दुष्‍ट आत्माहरूले, न वर्तमानले, न भविष्यले, न कुनै शक्‍तिहरूले, न कुनै उचाइले, न गहिराइले, न सृष्‍टिमा कुनै चीजले ख्रीष्‍ट येशू हाम्रा प्रभुमा भएको परमेश्‍वरको प्रेमबाट हामीलाई अलग गर्न सक्छ।

यसरी नै पवित्र आत्माले हामीलाई हाम्रो दुर्बलतामा सहायता गर्नुहुन्छ। हामीले कसरी प्रार्थना गर्नुपर्ने हो, सो हामी जान्दैनौं, तर पवित्र आत्मा आफैले हाम्रा निम्ति शब्दले व्यक्‍त गर्न नसकिने सुस्केरामा अन्तर्विन्ती गरिदिनुहुन्छ।

अब हामी यी कुराहरूको बारेमा के भन्‍ने त? यदि परमेश्‍वर हाम्रोतर्फ हुनुहुन्छ भने हाम्रो विरुद्ध को हुन सक्छ र?

यसकारण अब ख्रीष्‍ट येशूमा हुनेहरूका लागि दण्डको कुनै आज्ञा छैन

किनकि पापमय स्वभावद्वारा शासन गरिएको मन मृत्यु हो, तर परमेश्‍वरको आत्माद्वारा शासन गरिएको मन जीवन र शान्ति हो।

होइन यी सबै कुराहरूमा हामीलाई प्रेम गर्नुहुनेद्वारा, हामी विजयीहरूभन्दा पनि अझ बढी विजयी छौं।

म विचार गर्दछु, कि हाम्रा वर्तमान कष्‍टहरू हामीमा पछि प्रकट हुने महिमाको तुलनामा केही पनि होइन।

हामीलाई ख्रीष्‍टको प्रेमबाट कसले अलग गर्न सक्छ? के दुःखकष्‍टले वा कठिनाइले वा सतावटले वा अनिकालले वा नग्नताले वा जोखिमले कि तरवारले?

परमेश्‍वर, जसले हाम्रो हृदयको खोजी गर्नुहुन्छ, उहाँले आत्माका विचार जान्‍नुहुन्छ, किनभने पवित्र आत्माले परमेश्‍वरका सन्तहरूका निम्ति परमेश्‍वरको इच्छाअनुसार विन्ती गरिदिनुहुन्छ।

किनकि तिनीहरू जो परमेश्‍वरका आत्माले डोर्‍याइएका छन्, तिनीहरू परमेश्‍वरका सन्तान हुन्।

पापमय स्वभावअनुसार जिउनेहरूले उनीहरूका मन पापमय स्वभावले जे इच्छा गर्छ, त्यसैमा लगाउँछन्; तर पवित्र आत्माअनुसार जिउनेहरूले उनीहरूका मन परमेश्‍वरको आत्माले जे इच्छा गर्नुहुन्छ, त्यसैमा लगाउँछन्।

जसले आफ्ना निज पुत्रलाई त बाँकी राख्नुभएन, तर हामी सबैका निम्ति मर्नका लागि दिइहाल्नुभयो, के उहाँले आफ्नो पुत्रसहित उदारतासाथ हामीलाई सबै थोकहरू दिनुहुन्‍न र?

परमेश्‍वरका आत्मा आफैले हाम्रो आत्मासँग हामी परमेश्‍वरका सन्तान हौं भनी गवाही दिनुहुन्छ। यदि हामी उहाँका सन्तान हौं भने उत्तराधिकारी पनि हौं, परमेश्‍वरका उत्तराधिकारी र ख्रीष्‍टसँग सह उत्तराधिकारी पनि हौं। यदि वास्तवमा हामी उहाँका दुःखमा सहभागी भयौं भने उहाँको महिमामा पनि सहभागी हुनेछौं।

पापमय स्वभावद्वारा शासन गरिएको मन परमेश्‍वरको विरुद्धमा हुनु हो; त्यो परमेश्‍वरको व्यवस्थाको अधीनतामा हुँदैन, न ता हुन नै सक्छ।

किनकि सृष्‍टि बडो उत्सुकतासाथ परमेश्‍वरका सन्तानहरू प्रकट होस् भनी प्रतीक्षा गरिरहेको छ।

हामी जान्दछौं कि, सारा सृष्‍टि अहिलेसम्म बच्‍चा जन्माउने प्रसव पीडामाझैं छटपटिरहेको छ।