बाट लोकप्रिय बाइबल पदहरू {{chapter}}

शेयर गर्नुहोस्

Yeesus antwort tëm: — Te haupste is: “Heyer, oh, Israël! Te Hër, unser Hërkot, is te eensichste Hër! Liip te Hër, tayne Kot, mit tayn kans hërts, mit tayn kans seel, mit tayne kanse ferxtant un mit tayn kans kraft.” Un te tswete is tee: “Liip ti anere wii tuu tich selepst liipst.” Es kept khee anere kepoote kreeser wii tii tswaay.

Tan hot Yeesus ti tisiple keruuf un saat: — Ich fersichere aych tas tas woer is: tii witfraa hot mee kep wii ti anere al. Wayl ti anere hon kep fon was tëne iwerich waar. Tii, awer, woo soo aarem is, hot kep ales was se hat fer se leewe.

Yeesus waar uf em hoof fom Thëmpel, ticht an te opfer khaste am sitse, mit acht ti layt aan am kuke woo kelt too rin am tuun waare. Fiil rayche waare fiil kelt am kewe. Tan is en aarem witfraa aan khom un hot tswaay kleene nikelcher woo weenich weyert hate in te khaste ketuun.

Meyer mise Hërkot liipe mit unser kans hërts, mit unser kanse ferxtant un mit unser kans kraft un mise aach ti anere liipe wii uns selepst. Wayl is peser tii tswaay kepoote noo keen als fii pringe fer ferprënt kewe uf em altar ore anere opfere fer Hërkot mache.

Tan saat Yeesus: — Kept fer te Kayser was em Kayser is un kept fer Hërkot was em Hërkot is. Un tii hon sich mit Yeesus ferwunert.