Cenisihs 6
6
Kaakii'ishimaci'ishihcikewaatc Pemaatisiwaatc
1 #
Job 1.6; 2.1. Ahpii tahsh kiini paahtiinowaatc pemaatisiwaatc o'omaa ahkiink, otaanihsiwaa' hsa kiiani nihtaawikiwa'. 2Iki tahsh okosihsimaak kiishikonk kaakii onciiwaatc okii waapamaawaa' eminonaakosinitc i'i otaanihsimaa'. Miitahsh kaaishi otaahpinamaasowaatc wiinawaa piko ekii onenimaawaatc awenena' waawiiwiwaatc. 3KaaTipenciketc tahsh kii‑ihkito, “Nintahcaahk hsa kaawiin nehpic oka wiici ayaamaahsiin pemaatisinitc, aaniihsh acina ehta tapimaatisi, noonkom tamaacihse ninkotwaahk niishtana (120) tahso pipoon ehta tapimaatisi.” 4#Num 13.33. Iki tahsh okosihsimaak kaakii onciiwaatc kiishikonk kiiwiiciiwaawaatc ihkwewa' o'omaa ahkiink kaakii onciinitc, okii nihtaawiki'aawaa' mihsaape'. Miitahsh kaakii onci ayaawaatc mihsaapek i'i ahpii. Aahpici tahsh kiihsoonkentaakosiwak iki mihsaapek, misiwe kaye kiinoontaakaaniwiwak.
5 #
Mat 24.37; Luk 17.26; 1Pe 3.20. KaaTipenciketc hsa okii waapantaan aaniin kaa‑ahpiihci maci'ishiwepisinitc pemaatisinitc o'omaa ahkiink, okii waapantaan kaye kakaancihc enihtaa inentaminitc ote'iniink, mooshak ekii maci'naanaakatawentaminitc. 6KaaTipenciketc tahsh kiimincinawesi ekii oshi'aatc ininiwan o'omaa ahkiink, ekii maanentank ote'ink. 7KaaTipenciketc tahsh kii‑ihkito, “Intawaa ninka nihshiwanaaci'aa a'a inini kaakii oshi'ak o'omaa ahkiink. Ininiwak, aya'aawihshak kaye kaapapaamootewaatc, pinehshiinshak kaye kaapapaamihsewaatc; nimincinawes ekii oshi'akwaa.” 8Peshik tahsh inini Noowa (Noah) kaakii ishinihkaasotc, Kishemanitoon okii minwaapamikoon.
Noowa Kii'oshihtootc Kihci ciimaan
9Miitahsh o'o nahke eshi tashinsotc a'a Noowa (Noah). Aahpici hsa kiihkwayahkwaatisi, kaawiin awaac pankii kekoon kii‑ishi anaamentaakosihsii i'imaa kaakii ontahkaanesitc. Noowa kaye okii wiici pimohsemaan Kishemanitoon. 10Noowa kiinihsiwa' (3) okosihsa' ekii ishinihkaasonitc Shem (Shem), Hem (Ham), Cepat (Japheth). 11O'omaa tahsh ahkiink kaakiih pimaatisiwaatc kiinihshiwanaatahkamikisiwak enaahsamiinitc Kishemanitoon, maanahkamikisiwin kaye misiwe kiiayaa o'omaa ahkiink. 12Kishemanitoo okiih waapantaan pishihshik nihshiwanaatahkamikisiwin eayaamakaninik o'omaa ahkiink. Aaniihsh kahkina pemaatisiwaatc kiihpapaa nihshiwanaatahkamikisiwak o'omaa ahkiink.
13Kishemanitoo tahsh okii'inaan Noowawan, “Aasha ninkii kiishentaan ewii nihshiwanaaci'akwaa kahkina pemaatisiwaatc. Wawiinke niwiih tako nihshiwanaaci'aak nihshiwanaacihtaawak o'o ahkiini, aaniihsh misiwe omaanahkamikisiwiniwaan ayaani o'omaa ahkiink. 14Kiin tahsh oshihtoon kihci ciimaan, mihtikook kaasoonkikisiwaatc aapaci'. Ishihtoohkan hsa cipahpahkeyaak i'i kihci ciimaan. Pikiw kaye aapaci' piintoonak, saakitoonak kaye. 15Miitahsh keishihtooyan, niiwaahk naanimitana (450) tahso misit ta‑ahkoonakan, niishwaahsimitanashinaanaan (75) tahso misit tainakwahkoteyoonakan. Niimitanashinaanaan (45) tahso misit ta‑ahpiihtaa. 16Peshiko misit aapihta ishpaaya'ii kika onci maacii apihkwaanahkohkantaan i'i kihci ciimaan. Ishkwaantemihkantan aahsamoonak. Nihswaa (3) ciakwiihtawi ishpimiihcikaatek kika ishihtoon. 17Inashke, niin niwii nihshiwanaacihtoon o'o ahki ewii nihkipatooyaan, ewii nihshiwanaaci'akwaa pemaatisiwaatc shiipaakiishik eyaawaatc. Kahkina hsa kekoon tanipoomakan o'omaa ahkiink. 18Ninka oshihtoon itahsh ahshotamaakewin kiinawint onci. Poosin i'i kihci ciimaan, kiwiiw kaye tapoosi, kikosihsak kaye, owiiwiwa' kaye tapoosiwa'. 19Neniishin hsa entahswewaanakisiwaatc aya'aawihshak kika poosi'aak i'imaa kihci ciimaanink. Ayaape, shikwa noonsheya'aa kewiinawaa cipimaatisiwaatc. 20Iki kaye pinehshiinshak entahswewaanakisiwaatc, aya'aawihshak entahswewaanakisiwaatc, kaapapaamootewaatc kaye mihtahkamik entahswewaanakisiwaatc. Taneniishiwak itahsh cipi naasihkawihkwaa cipimaatisiwaatc. 21Kekiin tahsh maaciitoon entahswewaanakahk miicim kaamiicinaakaatek, maawantoonan kaye. Miitahsh i'i keontaatisiyan, iki kaye aya'aawihshak.” 22#Heb 11.7. Noowa tahsh kii‑ishihcike kahkina kekoonini kaakii ishi anoonikotc Kishemanitoon.
अहिले सेलेक्ट गरिएको:
Cenisihs 6: OJBR
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Ojibwe Shorter Bible (Roman Script) © 2008 Canadian Bible Society