Amatie 13

Kaara n lobge a bõnbuuri makrɛ

(Amarkɩ 4:1-9, Aluki 8:4-8)

1Daar-ẽŋa, Azezi yese yire sẽŋɛ ka zẽa la mõgrɛ la nõorʋm. 2Tɩ nẽr-kʋʋŋɔ zozo'e lagsɛ a zẽ'am, tɩ a kẽ õorŋɔ la pʋam zĩ'ire, dee tɩ nẽr-kʋʋŋɔ la zɛ mõgrɛ la nõorʋm. 3Tɩ a makɛ magsa tɔgɛ yɛla zozo'e bɔ ba yetɩ: «Kaara n daan yese tɩ a lobge a bõnbuuri. 4La ẽn lobgrɩ bõnbuuri la, basɛba lui la sore nõorʋm, tɩ niinto wa'am wa di ba. 5Tɩ basɛba lui tãmpĩa zuo, zẽ'a tɩ tẽntõnnɔ ka zo'oge. Tẽntõnnɔ n ka zo'oge la ĩyã, ba yese la tɔtɔ. 6Tɩ wʋntɛɛŋa yẽkɛ wẽ ba, tɩ ba ki, ba yẽga n ka kẽ tẽŋa la ĩyã. 7Tɩ basɛba lui gõ'osɩ zẽ'a, tɩ gõ'osɩ la yese fʋrɛ ba. 8Tɩ basɛba lui zẽ'e-sõŋɔ zẽ'a, wɔm biɛ. Basɛba wɔm na biɛ kɔbga kɔbga, tɩ basɛba wɔm pisyoob-yoobɩ, basɛba pitã-tã. 9Sɛka n wõm yetɔga wã, a selse sõŋa sõŋa.»

Sɛla n soe tɩ Azezi makɛ magsa la

(Amarkɩ 4:10-12, Aluki 8:9-10)

10Tɩ a karẽnbiisi la lɛm ẽ soke yetɩ: «Bẽm ĩyã tɩ fõn makra magsa tɔgra bɔ'ɔra ba?» 11Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ. 12Sɛka n tarɩ wʋn to'oge pa'asɛ, tɩ la zo'oge. La sɛka n ka tarɩ, baa sɛla tɩ a tarɩ fẽe la, ba wʋn to'oge ẽ. 13Bɛla ĩyã tɩ mam magsra magsa tɔgra bɔ'ɔra ba, se'ere n soe la, ba bɩsrɩ mɛ, dee ka yẽta, wõnna, dee ka bãŋra a võorɛ. 14Nawẽnnɛ nõtɔ'ɔsa A'ezayi n yʋʋn yele se'em na ɩtɩ la bãma lɛ. A yʋʋn yetɩ:

‹Ya wʋn wõm,

la ya kãn bãŋɛ a võorɛ,

ya wʋn bɩsɛ,

la ya kãn yẽ.

15Se'ere n soe la,

nẽr-bãna pʋtẽ'era ka like,

ba lɩ ba tʋba mɛ,

dee mũm ba nini,

tɩ ba nini da yẽ,

tɩ ba tʋba da wõm,

tɩ ba da wõm a võorɛ.

Sãn dagɩ nɩ bɛla,

ba wʋn teege nɩ yɛm

leme wa'am mam zẽ'am,

tɩ m bɔ ba laafɛ.›

16La, la sãn dɛna yãma, ya tarɩ zu-yẽlga, yãma tarɩ la nini n yẽtɩ, dee tara tʋba n wõnnɩ. 17Mam yetɩ ya la sɩra, tɩ Nawẽnnɛ nõtɔ'ɔsrɩba, la nẽr-sõma zozo'e yʋʋn boorɩ tɩ ba yẽ yãma n yẽ sɛla la mɛ, la ba ka yẽ, ba yʋʋn boorɩ tɩ ba wõm sɛla tɩ yãma wõm na mɛ, la ba ka wõm.»

Azezi pa'alɛ bõnbuuri makrɛ la võorɛ

(Amarkɩ 4:13-20, Aluki 8:11-15)

18«Bɛla, selse-ya sɛka n lobge bõnbuuri la makrɛ la võorɛ. 19Sore la nõorʋm tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, dee ka bãŋɛ a võorɛ. Tɩ Asũtãana n de tõon-be'ero dãana la wa'am wa yese yetɔga la a sũure pʋam. 20Tãmpĩa zuo tɩ bõnbuuri sɛba lui la, ãn wʋ nẽr-sɛka n wõm kõ-yẽlga la, to'oge ẽ bilam mẽŋa la sũ-yẽlga. 21La ban ka kẽ a sũure pʋam na ĩyã, a sakɛ la wakatɛ fẽe. La toogo bɩɩ nãmsgɔ sãn paagɛ ẽ Nawẽnnɛ yetɔga la ĩyã, a basrɩ mɛ tɔtɔ. 22La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam. 23La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛka n wõm Nawẽnnɛ kõ-yẽlga la, wõm a võorɛ, wɔnna biɛ. Tɩ basɛba wɔm kɔbga kɔbga, tɩ basɛba pisyoob-yoobɩ, tɩ basɛba pitã-tã.»

Kanarsɩ makrɛ

24Azezi le makɛ la makrɛ ayɩla bɔ ba yetɩ: «Nawẽnnɛ so'olʋm ãn wʋ bʋraa n bʋrɛ si sõma a va'am. 25Tɩ wẽnnɛ kẽ, tɩ nẽrba gã gĩsra, tɩ a bɛ tarɩ kanarsɩ sẽŋɛ ka bʋrɛ lagɩm mĩ. 26Tɩ si la yese bɩ waagɛ. Tɩ kanarsɩ la mẽ waagɛ, tɩ ba yẽ tɩ ba dagɩ si. 27Tɩ tõntõnɩba la sẽŋɛ va'am na dãana zẽ'am ka soke ẽ yetɩ: ‹Zuudãana, dagɩ si sõma tɩ fõn daan bʋrɛ fʋ va'am na? La bẽm tɩ kanarsɩ bɔna mĩ zozo'e?› 28Tɩ a yele yetɩ: ‹La de la mam bɛ n ẽŋɛ bɛla.› Tɩ tõntõnɩba la soke ẽ yetɩ: ‹Fõn boorɩ tɩ tɩ sẽŋɛ ka võ kanarsɩ la mɛ bɩɩ?› 29Tɩ a yele ba yetɩ: ‹Ayɛɩ, ya sãn võ kanarsɩ la, ya wʋn po võ la si. 30Basɛ-ya tɩ ba wuu bɩ ka paagɛ bõnkɔɔla lagsgɔ wakatɛ, tɩ mam wʋn yele sɛba n lagsrɩ bõnkɔɔla la tɩ ba dẽŋɛ võ kanarsɩ la, bobe ba yõ bugum, dee yãŋa lagsɛ si la dɩgɛ m bãarɛ pʋam.› »

Sɔ'ɔrɔ biire, la dãbɩllɛ makrɛ

(Amarkɩ 4:30-32, Aluki 13:18-21)

31Azezi le makɛ la makrɛ ayɩla bɔ ba yetɩ: «Nawẽnnɛ so'olʋm ãn wʋ sɔ'ɔrɔ biire tɩ bʋraa bʋrɛ a va'am. 32A ãna pɩka pɩka gãnna bõnbuuri la wuu biɛ, la ba sãn bʋrɛ ẽ, a bɩtɩ mɛ gãnna zẽvõorɔ buuri wuu, ãna wʋ tɩa la, tɩ niinto sẽna tɛ'ɛra ba tʋgrɔ a wila zuo.»

33La a le makɛ la makrɛ ayɩla bɔ ba yetɩ: «Nawẽnnɛ so'olʋm ãn wʋ dãbɩllɛ tɩ pɔka dɩkɛ ẽŋɛ borborɩ zom la-kãra batã pʋam wẽ, tɩ dãbɩllɛ la botɩ ba wuu uke.»

Sɛla n soe tɩ Azezi magsra magsa

(Amarkɩ 4:33-34)

34Bɛla wuu Azezi magsrɩ la magsa tɔgra bɔ'ɔra nẽr-kʋʋŋɔ la, a ka tɔgɛ yetɔga bɔ ba, tɩ la sãn dagna magsa. 35A ẽŋɛ bɛla tɩ Nawẽnnɛ nõtɔ'ɔsa n yʋʋn gʋlsɛ se'em na n ẽŋɛ. A yʋʋn yetɩ: «Mam wʋn makɛ la magsa tɔgɛ bɔ ba, mam wʋn pa'alɛ yel-sɛba n sʋgɛ halɩ dũnia pĩ'iluŋo wakatɛ wa paam lɛɛlɛ wã.»

Azezi pa'alɛ si, la kanarsɩ la makrɛ võorɛ

36Azezi daan basɛ nẽr-kʋʋŋɔ la mɛ, dee kule yire. Tɩ a karẽnbiisi wa'am wa yele ẽ yetɩ: «Pa'alɛ tɔ kanarsɩ la makrɛ võorɛ.» 37Tɩ a yele ba yetɩ: «Sɛka n bʋrɛ si sõma la, de la mam n de Nẽrsaala Dayʋa la. 38La va'am na de la dũnia, tɩ si sõma la dɛna Nawẽnnɛ so'olʋm nẽrba. Tɩ kanarsɩ la dɛna Asũtãana nẽrba. 39Tɩ bɛ la n bʋrɛ kanarsɩ la dɛna Asũtãana. Tɩ bõnkɔɔla lagsgɔ wakatɛ la dɛna dũnia ba'asgɔ. Tɩ sɛba n lagsrɩ bõnkɔɔla la dɛna Nawẽnnɛ malɛkadõma. 40Ban lagsɛ kanarsɩ la lobe basɛ bugum pʋam se'em na, la wʋn ẽŋɛ la bɛla mẽ dũnia ba'asgɔ. 41Nẽrsaala Dayʋa la wʋn tõm na a malɛkadõma tɩ ba lagsɛ sɛba n pã'asɛ nẽrba tɩ ba basɛ Nawẽnnɛ sore, la tõon-be'ero dõma wuu, yese ba Nawẽnnɛ so'olʋm pʋam, 42lobe ba basɛ bugum pʋam. Zẽ'e-sɛka tɩ ba wʋn kɛlla, dee dɩkɛ ba nu'usi gɩ nõorʋm. 43La nẽr-sɛba n ẽŋɛ sɛla n masɛ wʋn yẽgra ba Sɔ Nawẽnnɛ so'olʋm pʋam wʋ wʋntɛɛŋa la. Sɛka n wõm yetɔga wã, a selse sõŋa sõŋa.»

Bõn-sõŋɔ n gãnnɩ wuu makrɛ

44Azezi le yele ba yetɩ: «Nawẽnnɛ so'olʋm ãn wʋ tʋʋlʋm bõnɔ tɩ ba dɩkɛ sʋgɛ va'am pʋam, tɩ nẽra yẽ ẽ. Tɩ a sũure ẽŋɛ yẽlʋm, tɩ a le sʋgɛ ẽ pa'asɛ, dee sẽŋɛ ka koose ẽn tarɩ sɛla wuu, sẽŋɛ ka da va'am na.

45Nawẽnnɛ so'olʋm le ãna wʋ lɛɛba n eerɩ kug-sõma n de tʋʋlʋm bõnɔ tɩ a da. 46La a yẽ la ayɩla n ba ãna sõŋa tɩ a ligri zo'oge, tɩ a lebe kule ka koose ẽn tarɩ sɛla wuu, sẽŋɛ ka da ẽ.»

Yʋka makrɛ

47«Nawẽnnɛ so'olʋm ken ãna wʋ yʋka tɩ ba lobge ko-kãtɛ pʋam yõgɛ zũma buuri wuu, 48tɩ yʋka la pɩrɛ. Tɩ ba ve'ege ẽ dooge doone, gãsɛ zũn-sɛba n ãn sõŋa ẽŋɛ pɩtɔ pʋam, dee lobe sɛba n ka ãn sõŋa la basɛ. 49La wʋn ãna la bɛla dũnia ba'asgɔ wakatɛ. Malɛkadõma n wʋn wa'am wa gãsɛ nẽr-bɛ'ɛsɩ, nẽr-sõma la pʋam, 50lobe ba basɛ bugum pʋam, zẽ'e-ẽŋa tɩ ba wʋn kɛlla, dee dɩkɛ ba nu'usi gɩ nõorʋm.»

51Azezi tɔgɛ bɛla, dee soke ba yetɩ: «Yãma wõm bɛla wuu võorɛ?» Tɩ ba lerge ẽ yetɩ: «Ẽe.» 52Tɩ a yele ba yetɩ: «Nẽr-sɛka woo n de lɔɔ karẽnsãama dee zãsʋm Nawẽnnɛ so'olʋm yelle pa'asɛ, ãn wʋ yidãana n loorɩ bõn-kɛgsɩ, la bõn-paalsɩ a bõntarsõm pʋam bɔ'ɔra nẽrba.»

Nazarɛtɩ nẽrba ka bɔ Azezi sɩra

(Amarkɩ 6:1-6, Aluki 4:16-30)

53Azezi daan magsɛ magsa la kɩ'ɩlɩm, dee fõrgɛ bilam sẽŋɛ la a mẽŋa tẽŋa. 54La ẽn paagɛ a mẽŋa tẽŋa la, a kẽ la ba wẽndeego pʋam zãsna nẽrba, tɩ a zãsŋɔ la di'ige nẽrba la, tɩ ba yetɩ: «A yẽ yɛm ẽna la bɛ? A ẽŋɛ la wãne tõnna tõon-yãlma wã? 55Dagɩ ẽna n de dɔ-wãta la dayʋa la? Dagɩ ẽna ma yʋ'ʋrɛ n de Amaari la, tɩ a yɩbsɩ dɛna Azakɩ, la Azozɛfʋ, la Asimõ, la Azudi la? 56Dagɩ a tãpa wuu n boe tɩ zẽ'am wã? A yẽ bõn-bãma wuu la bɛ?» 57Bɛla tɩ ba daan ka bɔ ẽ sɩra. Tɩ Azezi yele ba yetɩ: «Nawẽnnɛ nõtɔ'ɔsa yẽtɩ pẽka mɛ, sãn dagna a mẽŋa tẽŋa, la a yir-dõma tẽŋasʋka mã'a tɩ a ka yẽtɩ pẽka.» 58A daan ka tõm tõon-yãlma zozo'e bilam, ban ka bɔ ẽ sɩra la ĩyã.

अहिले सेलेक्ट गरिएको:

Amatie 13: gurDBL

हाइलाइट

शेयर गर्नुहोस्

कपी गर्नुहोस्

तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्

Farefare, Ninkaré बारे थप जान्नुहोस्

Amatie 13

बाट लोकप्रिय बाइबल पदहरू
{{chapter}
}

सुन्नुहोस् Amatie 13

बाइबल:

Farefare

भर्जन: Farefare, Ninkaré - gurDBL

Amatie 13

Amatie 13

बाट लोकप्रिय बाइबल पदहरू {{chapter}}

सुन्नुहोस् Amatie 13

बाइबल:

Farefare

भर्जन: Farefare, Ninkaré - gurDBL

Amatie 13

बाट लोकप्रिय बाइबल पदहरू
{{chapter}
}