Psalmyn 1
1
PSALM I.
1Bannit ta’n dooinney shen ta chea
Veih olk dy chooilley raad;
Nagh vel lurg coyrle mee-chrauee shooyl,
Ny soie ayns stoyl ny craid.
2Agh mooarane taitnys t’eh dy ghoaill
Ayns ynrick leigh e Yee;
T’eh jannoo ’churrym jeh ’sy laa
As smooinaght er ’syn oie.
3T’eh goll-rish billey soit rish awin,
Ta bishaghey as gaase;
Skeayley ’vanglaneyn trome lesh mess,
E ghuilley kinjagh glass.
4Agh vouesyn ta mee-arryssagh
Ta’n vaynrys vooar shoh freilt;
T’ad goll-rish coau sheebit lesh geay
Er feï-ny-cruinney skeaylt.
5Ayns briwnys kiart ta faagit mooie
Ny kimmee kyndagh treih;
T’ad eeb'rit magh veih nooghyn Yee,
As sheshaght crauee sleih.
6Son Jee ta moylley raad e noo
As leagh mooar ver eh da;
Agh eh ta geiyrt da raaidyn camm
Ta cherraghtyn dy bra.
अहिले सेलेक्ट गरिएको:
Psalmyn 1: PS1761
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
maintained by the British and Foreign Bible Society