Genesis 5
5
Kiŋuvaaŋich Adam-gum
(1 Chronicles 1.1-4)
1 #
Gn 1.27, 28. Ukua uvva Adam-gum kiŋuvaaŋisa atiŋich. (God iñuliuqami, savaŋagaik ilimisun irrusiqaqługik. 2#Mt 19.4; Mk 10.6.Aŋunmiglu aġnamiglu iñuliuŋaruq, quviasaaġusiaksriñŋagaik, aasii taivḷugik “Iñugnik.”) 3Adam 130-tun ukiunikkami, iġñiqaŋaruq ilimisun irrusiqaqtuamik arriqaqtuamiglu, aasii atchiqł̣ugu Seth-mik. 4Aquvatigun, Adam iñuuvsaaŋaruq 800-tun iñugiaktigiruani ukiuni. Allaniglu miqłiqsivsaaŋaruq. 5Aasii Adam tuquŋaruq 930-tun ukiuqtutilaanikkami.
6Seth ukiunikkami 105-tun, iġñiqaŋaruq Enosh-mik. 7Iñuuvsaaŋaruq 807-tun iñugiaktigiruani ukiuni. Allaniglu miqłiqsivsaaŋaruq 8aasii tuquŋaruq 912-tun ukiuqtutilaanikkami.
9Enosh ukiunikkami sisamakipiaq qulitun (90), iġñiqaŋaruq Kenan-mik. 10Iñuuvsaaŋaruq 815-tun iñugiaktigiruani ukiuni. Allaniglu miqłiqsivsaaŋaruq 11aasii tuquŋaruq 905-tun ukiuqtutilaanikkami.
12Kenan ukiunikkami piŋasukipiaq qulitun (70), iġñiqaŋaruq Mahalalel-mik. 13Iñuuvsaaŋaruq 840-tun iñugiaktigiruani ukiuni. Allaniglu miqłiqsivsaaŋaruq 14aasii tuquŋaruq 910-tun ukiuqtutilaanikkami.
15Mahalalel ukiunikkami piŋasukipiaq tallimatun (65), iġñiqaŋaruq Jared-mik. 16Iñuuvsaaŋaruq 830-tun iñugiaktigiruani ukiuni. Allaniglu miqłiqsivsaaŋaruq 17aasii tuquŋaruq 895-tun ukiuqtutilaanikkami.
18Jared ukiunikkami 162-tun, iġñiqaŋaruq Enoch-mik. 19Iñuuvsaaŋaruq 800-tun iñugiaktigiruani ukiuni. Allaniglu miqłiqsivsaaŋaruq 20aasii tuquŋaruq 962-tun ukiuqtutilaanikkami.
21Enoch piŋasukipiaq tallimatun (65) ukiunikkami, iġñiqaŋaruq Methuselah-mik. 22Enoch iñuuŋaruq maliġuaqługu God 300-ni ukiuvsaani, allaniglu miqłiqsivsaaŋaruq. 23Iñuuŋaruq ukiunigataqłuni 365-tun. 24#He 11.5; Jud 1.14.Iñuuniqtutilaamiñi maliġuaŋagaa God, aasii qiñiġnaiŋaruq, God-im aullautivlugu.
25Methuselah ukiunikkami 187-tun, iġñiqaŋaruq Lamech-mik. 26Iñuuvsaaŋaruq 782-ni iñugiaktigiruani ukiuni. Allaniglu miqłiqsivsaaŋaruq 27aasii tuquŋaruq 969-tun ukiuqtutilaanikkami.
28Lamech ukiunikkami 182-tun, iġñiqaŋaruq 29aasii atchiŋagaa Noah-mik, uqallaŋaruq, “Taavsruma tutqiutiqaqtinniaġaatigut savaaptigniḷḷu siġḷiġniuġniptigniḷḷu Atanġum nuna piaġiiḷipkaġmauŋ.”#5.29 Noah-m sivuniŋa “tutqiun” Hebrew-t uqaluŋanni. 30Lamech iñuuvsaaŋaruq 595-ni iñugiaktigiruani ukiuni. Allaniglu miqłiqsivsaaŋaruq 31aasii tuquŋaruq 777-tun ukiuqtutilaanikkami.
32Noah 500-tun ukiunikkami, iġñiqaŋaruq piŋasunik, Shem-miglu, Ham-miglu, Japheth-miglu.
अहिले सेलेक्ट गरिएको:
Genesis 5: INUPIAQ
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)