یوحنا تانیشلیق
تانیشلیق
بو کیتاپ عیسانینگ شَگیردی یوحنا طارافیندان یازیلدی. یوحنا عیسی قاووشمادان اُزال سادا بیر بالیقچیدی. یُنه عیسی بیلِن ساتاشاندا اُنونگ دورموشینی هِمیشه‌لیک اویتگِتدی. یوحنا اُز آقاسی یعقوب بیلِن عیسانگ ایزینا دوشوپ، اُنونگ رِسول‍لاری بُلدولار. اُلار عیسانینگ اینگ یاقین شَگیرتلِریدی، هِمّه یِره اُنونگ بیلِن بیله گیدِردیلِر. کیتاپدا «عیسانینگ سُیگولی شَگیردی» دییّپ یازیلان یِرلِری دُغرودان هِم یوحنا بارادادیر (یوحنا ۱۹:۲۶، ۲۰:۲، ۲۱:۷،۲۰).
یوحنا بو کیتابی آداملارینگ عیسی مسیحینگ کیمدیگینه دوشونیپ، اُنگا ایمان گِتیرمِکلِری اوچین یازیار. اُل کیتابینگ باشیندا اُقیجیلاری عیسی مسیح بیلِن تانیشدیریپ، اُنی اینسان صوراتیندا دُغوپ، آرامیزدا یاشان خودایینگ اِبِدی سُزی حُکمونده بِیان اِدیَر. یوحنا عیسی مسیحینگ بیزینگ آسمانداقی آتامیز خودای بیلِن اِبِدی قاتناشیغینی معلیم اِتمِک اوچین، اُنی خودایینگ اُغلی دییّپ آدلاندیریار. کیتاپدا عیسی مسیح «یُل و حاقیقات»، «دیرِلیش و یاشاییش»، دییّپ آدلاندیریلیار. یوحنا اُنونگ گُرکِزِن مُعجِزه‌لِرینی قودراتلی عالاماتلار دییّپ آدلاندیریار. بو مُعجِزه‌لِرینگ شاهادی بُلان آداملار عیسانینگ دُغرودان-دا خودایینگ اُغلودیغینی تاصدیقلایاردیلار. یوحنانینگ خوش خاباری اَوَّل آسیاداقی (حَضیرکی ترکیه) کِلیسالاردا اُقیلیاردی و یوحنا اُلارا اُسمِگینه کُمِک اِدیَردی. یوحنانینگ ۱‑نجی، ۲‑نجی و ۳‑نجی نامه‌لاری و یوحنانینگ آیانلیق کیتابی هِم یوحنا طارافیندان یازیلاندیر.
ماضمونی
عیسی مسیح – خودایینگ اِبِدی سُزی ۱:۱-۱۸
یحیی تَعمید بِریَنچینینگ شاهاتلیغی ۱:۱۹-۳۴
عیسانینگ اَوَّلکی شَگیرتلِری ۱:۳۵-۵۱
عیسانینگ گُرکِزِن مُعجِزه‌لِری ۲:۱–۱۲:۵۰
عیسانینگ یِردَکی آخیرقی گونلِری: عاذاپلاری و اُلومی ۱۳:۱–۱۹:۴۲
عیسانینگ دیرِلمِگی ۲۰:۱-۱۰
عیسانینگ شَگیرتلِرینه گُرونمِگی ۲۰:۱۱–۲۱:۲۵
अहिले सेलेक्ट गरिएको:
یوحنا تانیشلیق: TUKIR
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© Turkmen Truth