Koula 3
3
1Pierre ke Jean ao ta kao tòkou kei Allah té ke kade ke to ka doudjou Allah, kade tél ase djikada to kade doudjou,
2Dooudjé oto doou kada ke doudjè to ndjè mete. Ke ndò ke ndò dèdè dïyè tadeo tòkou kei Allah té, ria na Koura, ta koi né dji dooudjé té ke ao mè tòkou kei Allah té.
3Tokou nè no Pierre ke Jean dao ta kande mè tokou kei Allah té, nè ndoudjoudè mbata koidè né.
4Pierre ke Jean dèè nya, nè mpana, Wodjè.
5Nè naadè nya mbata nè nedji pana da karè mare né.
6Pierre pana, Narè aséh lor to djim té ang, a né ke to djim té ma mari, ke ri Jésus Christ ke Nazareth, ï tarr, ndja.
7Pierre waa dja ke kòl, nouè ke tarr. Loshénè loshénè gòlè ke sèngelè gòlè inga singa.
8Nè nkoudja, nï tarr narr, nè ndja, nè nao mè tòkou kei Allah té kedè, nao ndja, nao nkoudja ke nao mpiti Allah.
9Dooudjé toï woè nao ndja ke nao mpiti Allah.
10Dèdè ngeré nto nè ke nisi tadeo tòkou kei Allah té, ria na Koura, ta koi né, mèdè sangedè ke mèdè ounda dò biä mbata né ke da doou nèn.
11Tokou nè nao ngange Pierre ke Jean, dooudjé toï aïngorou ròdè té kare kei té lo Salomon, mèdè ounda do biä nya.
12Tokou Pierre wo tar nèn, nè mpa nare dooudjé mpana. Dooudjé lo Israël, mbata di a mèsè sangesè mbata tar nèn wa, aséh mbata di a aaidjédjè ban wa, tokou to singa lodjè ndja aséh tar ke madji lodjè ndja ke are doou nèn ta ndja wa?
13Allah lo Abraham ke lo Isaac ke lo Jacob, Allah lo kadjèdjè òsou gadji Ngonè Jésus mbä, nè ke sésè wèèdjé ke mbetédjè nò Pilate té, tokou Pilate ndiki ta kïyè.
14A sésè mbetidjé ndjè kada ke madji toï ke gaté gaté toï mbä, ke sésè edoudjidjé ta karesè ndjè toï doou mbä.
15Sésè etòlidjé Mbai tébe mba, a Allah arè nï tarr mè bwa yo té. Djèdjè nto tar nadji tar nèn.
16To ria, ke ko mè té ke ria ke are doou nèn singa ke sésè woèdjé ke egerèdjé. To ko mè té deo té lo Jésus ke are doou nèn rò ke siki kemsè té toï.
17Loshénè ngakömdjé, mam ngeré ke sésè edaidjé ban mbata sésè egeridjé gatang, deo kadaba tokou mbaidjé losè da tokou ban to.
18A tar ke Allah pa dongor ke ta prophètedjé toï ke Christ la ase kinga né ongou, tokou ban nè nda toï mbä.
19Tokou ban mbetidjé kedji né da ke madjang losè, etélidjé bai ta kare mè Allah ase ta kïya né ke madjang losè, ta kare ndò kinga rònèl ta dé ke rò Mbaibé Seigneur té.
20Tokou ban nè na kase koula Christ ndja ke nè mmarè ke daka mbata losè, Jésus ndja.
21Nè ke dara ase ta ngemè sar ndò da né toï ke Allah pa ta prophètedjé té la ke madji dongor kèté leo.
22Moïse pana, Mbaibé Allah a koula prophète kada karesè ke ï horo ngakösè té, deo kadaba tokou ma ndja. To tar losè ta ko tar toï ke nè na pa karesè.
23Tar a dé tokou ban, dooudjé kada kada toï ke wo tar lo prophète nèn ang, na toudjoudè toï horo dooudjé té.
24Prophètedjé toï ke pa tar mbä, sar Samuel ke dèdè ke ndé gè té, dèdè mpa tar ndò nèn toï to.
25Sésè etoidjé ngandjé lo prophètedjé, ke ngandjé lo tar ke Allah to are bòsésè mba, tokou nè mpa nare Abraham, Ke mè ngandjé té loi gel dooudjé toï ke nange nèn a kinga madji.
26Allah ke are Ngonè ï tarr, noulè ròsè té dongor, ta da madji kesè, ta télsè kada kada toï ta kïya né ke madjang losè.
अहिले सेलेक्ट गरिएको:
Koula 3: KL1960
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1960, 2018.
To learn more or sign up for email updates about the mission of BFBS, click here: