Luc 3
3
1Ke bal dòkou gérè mi ke Tibère César ö béh, Ponce Pilate isi ndjè ko nange ke Judée, Hérode isi mbai er kada nange té ke Galilée, ke ngoköè Philippe isi mbai er kada nange té ke Iturée ke Trachonite, Lysanias isi mbai er kada nange té ke Abilène.
2Bal ke Anne ke Caïphe disi to mbaidjé lo ndjè kòrdjé, ndò té lodè tar lo Allah dé rò Jean té, ngon lo Zacharie, mè kòr té.
3Nè nao loou té toï mbòr man Jourdain té, nè mpa tar baptême ta mbeté kedji né da ke madjang, ta kïya né ke madjang.
4Deo kadaba tokou maketourou ke tar lo prophète Ésaïe pa,
To to ndou doou ke ila mber mè kòr té,
Edaidjé deo lo Mbaibé Seigneur,
Edaidjé deo la gaté gaté.
5Horo err toï a dousou, ke tòkou err ke ngal ke mare err ke ngal ang, a dé kasena.
Né ke gatang da da ta karè ndé gaté gaté,
ke deo ke madjang da da ta karè ndé madji.
6Ke dooudjé toï a ko kadji lo Allah.
7Tokou ban Jean pa are dooudjé baya baya, ke téh daka ta kare nè ndadè baptême, mpana, Sè ngan horomahodjé, na ndedjisè ta kaïn saria ke ata dé wa?
8Anidjé kandé ke a tòdjou ke sésè mbetidjé kedji né da ke madjang mba. Ounidjé kotè ta pa mèsè té ang, Abraham to bòdjèdjè, mbata ma mpa maresè, Allah ase ta da ngandjé kare Abraham ke err nèn.
9Loshénè nèn tina to ko kake té, tokou ban kake kada kada toï ke an kandé ke madji ang, ntoukadè, diladè pouro.
10Dooudjé ke baya baya doudjè, Tokou ban djèdjè dja da to di wa?
11Nè ntél tar naredè, Doou ke éh ke koubou djo, ase kare nè nare mare kada doou ke isi ba. Doou ke éh ke mourou, ase kare nè nda ban to.
12Ndjè taa narè lʼimpôtdjé dé ta kinga baptême to. Dèdè mpa darè, Ndjè tòdjou tar, djèdjè dja da to di wa?
13Nè mpa naredè, Mbòidjé narè lʼimpôt wota dè ke mpa daresè ang.
14Ndjè pouroudjé doudjè to, Djèdjè dja da to di wa? Nè mpa naredè, Eboukidjé né lo dooudjé ke singa ang, aséh etoulaidjé dò mare doou ke ngem ang, emaidjé tar mbata narè koula losè ang.
15Tokou dooudjé ngebe, ke dooudjé toï edji mèdè té mbata tar lo Jean, tokou na to Christ ndja aséh nto Christ ang.
16Jean tél tar aredè toï, Mam ndasè baptême ke man, nè ke noutam nao ndé, nè ke ma mase toutou koulaa ndar gòlè té ang. Nè na dasè baptême ke Ndil ke madji toï, ke pourou tò.
17Kaa to né to dja té, ta kouta loou to né la. Nè na mbòn kandé kongou mè dam té la, a nè na nounga kisè ke pourou ke woei ndò kada ang.
18Tokou ban ke mare tar ndedji nya, nè mpa tar ke madji nare dooudjé.
19Hérode mbai ke er kada, ke Jean ndangè mbata Hérodias, dènè lo ngoköè, ke mbata né ke madjang toï ke Hérode da kèté,
20Hérode da mare né ke madjang ke yéh ke kèté, nè nila Jean kei koula té.
21Tokou dooudjé toï inga baptême mbä, Jésus inga baptême to, tokou nè ndoudjou Allah, dara teï,
22Ndil ke madji toï dé dè té ke da rò tokou lo egoutou, ndou téh dara pana, I to Ngonem ke mam ndiki nya, rom nèlem nya mbata loi.
23Ndò ke Jésus ounkotè ta da koula la, bal la nai ngadji ta kase dòmouta. Dooudjé woè na to ngon lo Joseph, ke to ngon lo Héli,
24Ke na to ngon lo Mattat, ke na to ngon lo Lévi, ke na to ngon lo Melchi, ke na to ngon lo Jannaï, ke na to ngon lo Joseph,
25Ke na to ngon lo Mattathias, ke na to ngon lo Amos, ke na to ngon lo Nahum, ke na to ngon lo Esli, ke na to ngon lo Naggaï.
26Ke na to ngon lo Maath, ke na to ngon lo Mattathias, ke na to ngon lo Sémeï, ke na to ngon lo Josech, ke na to ngon lo Joda,
27Ke na to ngon lo Joanan, ke na to ngon lo Rhésa, ke na to ngon lo Zorobabel, ke na to ngon lo Salathiel, ke na to ngon lo Néri.
28Ke na to ngon lo Melchi, ke na to ngon lo Addi, ke na to ngon lo Kosam, ke na to ngon lo Elmadam, ke na to ngon lo Er,
29Ke na to ngon lo Jésus, ke na to ngon lo Eliézer, ke na to ngon lo Jorim, ke na to ngon lo Matthat, ke na to ngon lo Lévi.
30Ke na to ngon lo Siméon, ke na to ngon lo Juda, ke na to ngon lo Joseph, ke na to ngon lo Jonam, ke na to ngon lo Eliakim.
31Ke na to ngon lo Méléa, ke na to ngon lo Menna, ke na to ngon lo Mattatha, ke na to ngon lo Nathan.
32Ke na to ngon lo David, ke na to ngon lo Isaï, ke na to ngon lo Jobed, ke na to ngon lo Booz, ke na to ngon lo Salmon.
33Ke na to ngon lo Naasson, ke na to ngon lo Aminadab, ke na to ngon lo Admin, ke na to ngon lo Arni, ke na to ngon lo Esrom, ke na to ngon lo Pharès.
34Ke na to ngon lo Juda, ke na to ngon lo Jacob, ke na to ngon lo Isaac, ke na to ngon lo Abraham, ke na to ngon lo Thara.
35Ke na to ngon lo Nachor, ke na to ngon lo Seruch, ke na to ngon lo Ragau, ke na to ngon lo Phalek,
36Ke na to ngon lo Eber, ke na to ngon lo Sala, ke na to ngon lo Kaïnam, ke na to ngon lo Arphaxad, ke na to ngon lo Sem.
37Ke na to ngon lo Noé, ke na to ngon lo Lamech, ke na to ngon lo Mathusala, ke na to ngon lo Enoch, ke na to ngon lo Jared, ke na to ngon lo Maléléel, ke na to ngon lo Kaïnam,
38Ke na to ngon lo Enos, ke na to ngon lo Seth, ke na to ngon lo Adam, ke na to ngon lo Allah.
अहिले सेलेक्ट गरिएको:
Luc 3: KL1960
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1960, 2018.
To learn more or sign up for email updates about the mission of BFBS, click here: