Matthieu 22
22
1Jésus pa aredè mare bai ke tar gousou, pana,
2Béh kö ke dara asena ke mare mbaibé kada ke da mourou kisi kei mbata ngonè ke dingao.
3Nè noula beredjé la ta bar dèdè ke nè ndoudjoudè ta kon mourou kisi kei, a dèdè ndiki ta dé ang.
4Nè ntél noula mare beredjé bai mpana, Epaidjé aredè, dèdè ke mam ndoudjoudè ta dé, Woidjé mam nda mourou lom ase toï mba, mam ntòl mangedjé ke né kouldjé ke eme, né toï ase mba. Edéidjé ta kon mourou kisi kei.
5Dèdè do tar tokou tar ke ba, dao deo té lodè ndja, kada ao mè ndoo té la, marè ao kei ndoko né té la.
6Maredjé waa beredjé la dadè madjang nya, ke ntòldè.
7Ongou da mbaibé nya, nè noula ndjè pouroudjé la ntòl ndjè toï dooudjé nèn, ke nè ënro béh lodè.
8Bana nè mpa nare beredjé la, Mourou kisi kei ase mba, a dèdè ke mam ndoudjoudè dongor, dèdè dase ang.
9Tokou ban abidjé to deo té, edoudjidjé dooudjé toï ke ingaidjédè ta dé kon mourou kisi kei.
10Beredjén lé ao deo bo mbòn dooudjé toï ke dingadè, ndjè ke madjang ke ndjè ke madji to, tokou ban kei dènè dousou ke ndjè ke mmardè.
11A tokou mbaibé dé mè kei té ta ko ndjè ke mmardè, nè no doou kada nou ke oula koubou mourou kisi kei ang.
12Nè mpa narè, Nam, i dé mè kei té ke deo di wa, tokou koubou mourou kisi kei goto? Nè nòrou tè ka ang.
13Bana mbaibé pa are nganlokisidjé la, Etoidjé dja ke gòlè, ilèdjé londoul té ke daka. Loou té ke nou dooudjé a nò ke man kemdè ke da kousa ngangedè.
14Mbata mmar dooudjé tokou baya, a mbere kada kada ba.
15Bana Pharisiendjé ao toulana ta sangè ke tar ke tè té.
16Dèdè doula ndjè kao godè té deo kadaba ke Hérodiendjé, dèdè mpana, Ndjè tòdjou tar, djèdjè ngeré i to doou ke gaté gaté, ke tòdjou deo tar lo Allah ke tokoro, ke i éh ke ròkoul lo doou kada ang, mbata i wo da rò dooudjé ang.
17Tokou ban epa aredjè né ke i wo madji. Tar ndedji pana ase ta kouka lʼimpôt kare César aséh ta kouka ang wa?
18Jésus geré gousou lodè, nè mpana, Mbata di a sésè naamdjé wa, sè ndjè kere ngemdjé?
19Etòdjoumdjé narè lʼimpôt. Dèdè ndé ke narè kada darè.
20Jésus pa aredè, Né ke dounda narè tén, ke ri ke kendé to to lo doou ke da wa?
21Dèdè mpa darè, To to lo César. Tokou ban nè mpa naredè, Aridjé César né ke to lo César, aridjé Allah né ke to lo Allah.
22Tokou dèdè do tar nèn, mèdè ounda dò biä. Dèdè dïyè, dao loou té ke dang.
23Ndè tén ndja, Sadducéendjé dé rè té, dèdè ke mpana kï lo dooudjé bwa yo té goto. Dèdè ndoudjè tar,
24Mpana, Ndjè tòdjou tar, Moïse pana, Tokou doou woei, tokou nganè goto to tar lo ngoköè ta taa dènè la, ta koudjou nè ngandjé tourou ngoköè té.
25Bana ngakönadjé shiri éh horodjè té leo, yéh ke dongor taa dènè, nè noei, ke mbata nganè goto nïya dènè la nare ngoköè.
26Ngoköè ke djo ke yéh ke mouta da ban tò nderèng dèdè shiri toï.
27Gè té dèdè toï dènèn lé woei.
28Tokou ban ndò kï mè bwa yo té, dènèn lé a dé to dènè lo na horodè té ke shirin lé wa? Mbata dèdè toï ntèè to dènè leo.
29Jésus tél tar aredè pana, Sésè éhdjé ke tar ke tokoro ang, mbata sésè egeridjé maketourou lo Allah aséh singa lo Allah ang.
30Mbata ndò kï mè bwa yo té, da taa dènè ang ke da kare dènè ngao ang, a dèdè da to tokou angedjé ke dara.
31A tar kï mè bwa yo té, etouraidjé né ke Allah pa aresè leo ang wa, tokou nè mpana,
32Mam nto Allah lo Abraham, ke Allah lo Isaac, ke Allah lo Jacob? Nè nto to Allah lo ndjè yodjé ang, nè nto to Allah lo ndjè ke kem.
33Tokou dooudjé ke baya baya wo tar nèn, mèdè ounda do biä mbata tar ke Jésus tòdjou.
34Tokou Pharisiendjé wo tokou Jésus eo rè tar lo Sadducéendjé mba nga, dèdè mbona.
35Mare kada horodè té ke to ndjè da maketourou ndedji, doudjè tar ta nèè.
36Ndjè tòdjou tar, tokou tar ndedji di a bo wota marè mè maketourou ndedji té wa?
37Jésus pa arè, Ase kare ndiki Mbaibé Allah loi ke mei toï, ke ndil loi toï, ke kedji loi toï,
38Yèn to tokou tar ndedji ke dongor ke bo wota.
39Tar ndedji ke djo tokou lo marè éh nèn, Ase kare i ndiki doou ke ndjè nin kei mari tokou i ndiki ròi ndja.
40Tar ndedji toï ke prophètedjé to do tar ndedji té ke djo nèn.
41Tokou Pharisiendjé ke mbona nai loou kadaba, Jésus doudjoudè tar,
42Nè mpana, Mèsè edjidjéna di mbata lo Christ wa? Nè nto ngon lo na wa? Dèdè mpa darè, Ngon lo David.
43Nè mpa naredè, Tokou ban a deo té lo Ndil David barè Mbaibé Seigneur deo di té wa, tokou nè mpana,
44Mbaibé Seigneur pa ke Mbaibé Seigneur lom,
Isi do dji kòlem té, sar mam nda ndjè
kembaadjé loi kare dèdè disi ko gòli té.
45Tokou David barè na Mbaibé Seigneur, a deo di a nè nto ngonè wa?
46Doou kada ase tél tar ang, ke gè tén sar mare ndò, doou kada ase doudjè mare tar ang.
अहिले सेलेक्ट गरिएको:
Matthieu 22: KL1960
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1960, 2018.
To learn more or sign up for email updates about the mission of BFBS, click here: