GENESIS 3
3
Ti Pannacasulisog ken Supring da Adan ken Eva. Ti Pannacapagtalawda sadiay Eden.
1 #
Apoc. 12:9; 20:2. Itan ti uleg isu idi a #Mat. 10:16. 2 Cor. 11:3.casisicapan cadagiti amin nga animal iti daga nga inaramid ni Jehova Dios. Ket isu kinunana iti babai, Pudno aya a kinuna ti Dios, Saancay a mangan iti amin a cayo iti minuyongan?
2Ket ti babai kinunana iti uleg, cadagiti bunga dagiti caycayo iti minuyongan maipalubos a mangancami:
3 #
Gen. 2:17. Ngem iti bunga ti cayo nga adda iti tengnga ti minuyongan, kinuna ti Dios, Dicayto canen, ken uray sagiden di la ket ta mataycayo.
4Ket ti uleg kinunana iti babai, Saan a pudno a mataycayonto:
5Ta ti Dios ammona nga iti aldaw a pananganyo iti dayta, dagiti matayo maluctandanto, ket caslacayton iti Dios a macaammo ti naimbag ken ti dakes.
6Ket idi ti babai nakitana nga ti cayo nasayaat a canen, ken macaayayo a buyaen ken cayo a macagargari a mamagsirib, #1 Tim. 2:14.pimmuros iti bungana ket nangan, casta met iniccanna ni asawana ket isu nakipagcaan met.
7 # bil. 5. Gen. 2:25. Ket dagiti matmatada a dua naluctanda, ket naammoanda a silalamolamoda; idin nagdaitda cadagiti bulong ti higos ket inaramidda a bidangda.
8Ket nangngegda ti timec ni Jehova Dios a magmagna iti minuyongan iti lamiis ti aldaw: ket naglemmeng ti lalaki ken ti asawana cadagiti cacaycayoan iti minuyongan iti imatang ni Jehova Dios.
9Ket inawagan ni Jehova Dios ti lalaki ket kinunana kencuana, Sadino ti yanmo, sica?
10Ket isu kinunana, Nangngegco ti timecmo iti minuyongan ket nagbutengac, ta silalamolamoac; ket naglemmengac.
11Ket kinunana kencuana, Siasino aya ti nangibaga kenca a silalamolamoca? Nanganca iti cayo nga imbilinco kenca a dica canen?
12Ket ti lalaki kinunana, Ti babai, nga intedmo a caduac, iniccannac iti bungana ket kinnanco.
13Idin ni Jehova Dios kinunana iti babai, Ania daytoy nga inaramidmo? Ket ti babai kinunana, Ti uleg inulbodnac ket nanganac.
14Ket ni Jehova Dios kinunana idi uleg, Gapu ta inaramidmo daytoy, nailunodca a nangnangrona ngem cadagiti isu-amin nga animal a naamo, ken animal a narungsot iti daga; ta barucongmo ti ipagnamto, #Isa. 65:25. Mik. 7:17.ket ti tapuc ti canemto iti isu-amin nga aldaw ti panagbiagmo.
15Ket Siac pagginnuraencayto iti babai, ken ti #Juan 3:8. Gal. 4:4.caputotam ken ti caputotanna: #Rom. 16:20. Heb. 2:14.daytoy sugatennanto ta olom, ket sica sugatemto ti mucodna.
16Ket idi babai kinunana, Paaduecto unay dagiti ut-utmo ken ti panagsicugmo; iti adu a rigat ipasngaymonto dagiti annacmo; #1 Cor. 14:34. Efe. 5:22, 24. Col. 3:18. 1 Tim. 2:11, 12.ket iti asawam isunto ti calicaguman, ket isu iturayannacanto.
17Ket ken Adan kinunana, Gapu ta inanamungam ti sao ni asawam, ket nanganca iti cayo nga inbilinco kenca a #Gen. 2:17.kinunac, Dica manganto iti daydiay: #Rom. 8:20, 22.nailunod ti daga gapu kenca; babaen ti #Job 5:7. Ecle. 2:23.rigat mangancanto kencuana iti isu-amin nga aldaw ti panagbiagmo;
18Sisiit met ken calcalunay pataudennanto kenca ket mangancanto iti natnateng ti daga;
19Babaen ti linget ta rupam mangancanto ti taraon, aginga't dica agsubli iti daga; isu a nacabuclam: #Gen. 2:7.ta tapucca, #Ecle. 3:20; 12:7.ket iti tapuc agsublicanto.
20Ket pinanaganan di lalaki ni asawana iti Eva; gapu ta isu ti ina dagiti isu-amin a nabiag.
21Ket ni Jehova Dios inyaramidanna ni Adan ken ni asawana cadagiti pagananay a lalat, ket kinawesanna ida.
22Ket ni Jehova Dios kinunana, Adtoy, ti lalaki nagbalin a cas maysa cadatayo, nga ammona ti naimbag ken ti dakes; ket ita, di la ket ta igawatna ti imana, #Gen. 2:9.ken mangala iti cayo ti biag, ken mangan, ken agbiag a cancanayon.
23Iti casta ni Jehova Dios pinaruarna iti minuyongan ti Eden, tapno talonenna ti daga a nacaalaanna.
24Ket pinagtalawna ti tao; ket insaadna iti daya ti minuyongan ti Eden ti #Sal. 104:4. Heb. 1:7.Kerubin ken ti maysa nga sumilsilap a campilan a simmango iti amin a turong, tapno bantayanna ti dalan nga agturong iti cayo ti biag.
अहिले सेलेक्ट गरिएको:
GENESIS 3: TB1973
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Ti Biblia © 1973 Philippine Bible Society