Baɗitari Labar Ata Kəra Kakaɗə Ni
Labar Ata Kəra Kakaɗə Ni
Kakaɗə ngəni na ka thləmari Baɗitari ni akwa hamta gari ata kəra baɗitər duniya, ka laku tə Hyel alaktə mda akwa, ka laku tə biku ka bwani baɗita akwa duniya, ka ata kəra laku tə Hyel baɗitə kəthlər arni ar kələmta biku, ka laku tə Hyel baɗitə mda akwa.
Mda ata mzhi ndəkəi Kakaɗər Baɗitari ni ka bwa ol'ola suɗa.
Na ntangkəma: (Bwa 1-11) Bwa ngəni akwa ngkər laku tə Hyel namtə duniya, ka labar ar mji na waci. Azi antə mda ana wutə labar ata kəra Adam, ka Hauwa, Kayinu, ka Habila, Nuhu, ka yimər avava, ka hən na nal ahar Babila.
Na suɗkur: (Bwa 12-50) Bwa ngəni akwa hamta gari ata kəra kəkayeri ar mjir Israila. Na ntangkəma an Ibrahim natə Hyel ku hara alkawal ka tsa abbər tsa ata ndzi Hyelərni, tsuwa tsa ata vədza alari barka, ka vədza barka aka mambila mjir duniya atar ni. Ibrahim ku hara thləm kamnyar hamta jiri tə tsa kəgari, ka tsuwa kamnyar tə tsa ku kələngkər aka Hyel. Na ata nuwari an labar ar Ishaku na ɓzər Ibrahim, ka labar ar kəkarni Yakub, natə tsa an Israila, ka labar ar maɗa' Yakub. Maɗa' Yakub an kumnya suɗa, antə da an nthlə nyarmbwayeri ngəni kumnya suɗa akwa Israila ni. Akwa tsikərari mdə ku hamta gari ata kəra Yusuf, pal akwa nca maɗashilər Yakub, ka tsuwa ata kəra suayeri na ku hara, na vu tə Yakub, ka mambila maɗashilərni ku, kəga kutakəyayeri arɗa, ku ra ndzəndzi akwa tsəɗi Masar.
Wala tə Kakaɗər Baɗitari hamta labar ata kəra mji ni, ba kulini kəra ndər ni an su tə Hyel hara. Kakaɗə ni baɗitə ka ngkərɓəla abbər Hyel an namtə duniya, ka hartə kərari akwa ngkərɓəla abbər Hyel ana kəsi alkawalərni ka tə tsa hara aka mjirni. Akwa kakaɗə ngəni, mda ata mzhi nggaɓəlari abbər tədəku Hyel andər baɗitə su. Tsa an mdər hara shariya ka ɗi mji na aɗi hara su na kalkal wa, tsuwa har ba kulini tsa andər dlar mjirni. Atar apani antə tsa ku vəi ala ɗa labar.
Suayeri Na Akwa Kakaɗə Ni
Labar ata kəra laku tə Hyel alaktə vəi na amta ka duniya 1:1-4:26
Labar ar nyarmbwar Adam 5:1-6:8
Labar ata kəra Nuhu 6:9-9:29
Labar ata kəra Shem, ka Ham, ka Yafeth 10:1-11:9
Labar ar nyarmbwar Shem ka mwanta aka Ibrahim 11:10-32
Labar ar Ibrahim, ka Ishaku, ka Yakub 12.1-35.29
Labar ar nyarmbwar Isuwa 36.1-43
Labar ata kəra Yusuf ka maɗama'ni 37.1-45.28
Labar ata kəra mjir Israila akwa tsəɗi Masar 46.1-50.26.
अहिले सेलेक्ट गरिएको:
Baɗitari Labar Ata Kəra Kakaɗə Ni: KNB
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.