Luka 12
12
Yesu a kunyaŋu i kulya ti mumulugga
(Köti Matayo 10.26-27)
1 #
Mat 16.6; Mar 8.15 Nyenagon i ŋinu diŋit na momoruŋdye ŋutu aliŋan jorenu, a se gwe i toryok ko ’borik, a Yesu suluje kulya a kokwe ko ŋutu kanyit kajujumuk kulo adi, Kunyar ta kape ti Parusijin, kweja adi mumulugga nase.
2 #
Mar 4.22; Luk 8.17 Kogwon nene ŋo ’bayin na mukö nagon mo ti kweya, a nene ŋo gwe ’bayin na ’dela nagon mo ti dena;
3nyenagon kulya na jam ta i mudwe kine mo yiyiŋa i parara, köti ŋo na mor ta i kadijik lukata i toŋkwetan kune mo lalaiya i loteko ti kadijik.
Ko ta ködyö kujönö na
(Köti Matayo 10.28-31)
4Ta logon a julin kwe, nan takiŋdya ta adi, An ta ko ktijönö ta ŋutu logon tatuja kune mugunya, ama i mukök a tine bulö koŋdya nene ŋo köti. 5Nan de kwekwekin ta ko ta ködyö kujönö ŋa: kujono ni ta Ŋun logon i mukok na tatuja a gwe ko riŋit i gubaddu na lepeŋ i Geena. Iŋkoi, nan takiŋdya ta adi, kujono ni ta lepeŋ. 6Liliitan muka nat ti gworo ko milin murek le? Ama nene nase ti boŋorikin ko Ŋun i komor.
7Ma ’di kupir kasu ti kusik liŋ aje kena. Kokujono ta; ta gwon ko ’bulit lwölwöŋ liliitan jore.
Ŋuto logon ruggo adi nye a lo Kristo kode renya adi nye ’bayin a lo Kristo
(Köti Matayo 10.32-33; 12.32; 10.19-20)
8Nan takiŋdya ta adi, ŋutu liŋ geleŋ geleŋ logon ruggo nan ko ŋutu i komor kulo, nan Ŋuro lo ŋuto köti mo ruruk lepeŋat ko malaikajin ti Ŋun i komor. 9Ko ŋa lo renya nan ko ŋutu i komor, lepeŋ koti mo rerenyarikin ko malaikajin ti Ŋun i komor.
10 #
Mat 12.32; Mar 3.29 Ŋutu liŋ logon jambu kulya kwe ti Ŋuro lo ŋuto arabat kilo mo pipitoki, ama ŋuto logon lauŋdya Mulökötyo Loke lo mo ti pitöki kwoŋ. 11#Mat 10.19, 20; Mar 13.11; Luk 21.14, 15A ko ŋutu a joŋga ta i putet i kadijik momoresi, kode i komor na modirön ko na kimak, ko wiwinya ta adi ta de waddu ada, kode adi ta mo kulya ada, 12kogwon Mulökötyo Loke mo totodinikin ta ŋo nagon ta kodyo jajam i ŋinu diŋit gwak.
Lilim lo kwörinit lu ’böŋ
13A lele ŋuto i kiden na lodir lo ŋutu kulyani ko Yesu adi, Katodinonit, taki luŋaser liŋ anyen korakiŋdya nan tito logon baba a kölokin kulo na twaji nye nu. 14A nye waddi adi, Do ŋilo ŋuto, ŋa lo ’burukiŋdya nan kasu ŋerot a ka ’duŋonit kode a kakoranit?
15A kirut lepeŋ kulyani ko ŋutu kulo adi, Kunyar ta, ko teŋgi ta ’borik i goma na ŋo liŋ, kogwon ru na ŋuto ti gwon i tojore na toro ’bo kanyit. 16a nye jamakiŋdye se lele lilim adi, Lele kworinit kata logon melesen nanyit a radan kinyojin jore. 17A nye yeyeji ko mugun adi, Nan koŋdya nyo, kogwon nan ’bak pirit ’delet na kinyojin kwe?
18A nye kulyani adi, Nan de koŋdya sona: nan de duduk gugwo kwe kak a mo teteŋdi logon a dumalak, a nan mo ’de ’yi ’bolot kwe se ko tito kwe kata;
19a nan mo kulyani ko mugun adi, Nan gwon ko ŋo jore na ’dela a ti kiŋajin jore. Ti nan yuke yukan, ti nan nyesi, ko ti moji, ko ti nan tulyoŋgi mugun. 20Ama a Ŋun kulyani ko lepeŋ adi, Do ŋuto lu ’böŋ, i lo tukwaje kodudwö inot de lulu ŋun kaŋo konut. A ŋo nagon do a tetenakin kine mo gwe a ti ŋa? 21Nyena ŋuto logon a ’delakiŋdya mugun tukwörien lo a gwe a ko ’de ’ya tukwörien nanyit ko Ŋun, kulya kanyit mo gwon gwoso ti ŋilo ŋuto.
Yinikiŋdye ta ’börik ko Ŋun i könin
(Köti Matayo 6.19-34)
22A Yesu kulyani ko ŋutu kanyit kajujumuk adi, Nyena ko ŋina kwe nan takiŋdya ta adi, Ko wiwinya ta i kulya ti kinyo logon tiŋdu ta i gwon jorun, ko ta nyesu nyo, kode i kulya ti boŋgwat nagon ta jupukin kasu i mugunya. 23Kogwon ru na ŋutu lwölwoŋ kinyo, koti mugunya lwölwoŋ boŋgwat. 24Yeyene ta korukan: se ti weja a tine ŋepa; se ’bak kadijik ’delesi kode gugwo; ama Ŋun lo tunyeju se. Ta ko ’bulit a duma bia parik lwolwoŋ kwen! 25Lon ŋuto losu logon wiwinyesi kanyit bubulo julakiŋdya lokiliŋ geleŋ i ru nanyit le? 26Nyena ko ta ti bulo koŋdya ma ’di ŋo na ’dit parik, a ko nyo nagon ta wiwinya i kulya ti kunie ŋo? 27#1 Mor 10.4-7; 2 Dek 9.3-6Yeyene ta koturön ti mu ’diŋ ko se ’duruŋdyö ada; se ti kita kode wiwijö waratat, ama nan takiŋdya ta adi ma ’di Solomona ko minyo lonyit liŋ a ko jupu kwekwelen gwoso nene na kine koturön. 28Nyena ko Ŋun tojubbu döru lo mu ’diŋ sona logon a lodon i lo lor lo a kotumalu namarikin kimaŋ, bia parik a nye mo tojubbi ta, ta ŋutu logon ko yupet a na ’dit kilo! 29An ta ko ga ’yu ta ŋo nagon ta nyonyö, kode ŋo nagon ta mamat; an ta wiwinya i toilyet. 30Kogwon jurön liŋ ti kak gaga ’yu kine ŋo; ama Monye losu deden adi ta ’de ’dekan kine ŋo. 31Kölumbö ga ’yi ta ga ’yu anyen lepeŋ lo tumatyan ko ta, a kirut kine ŋo mo ’yalakine ta.
32Ta teŋ na ’dit na yidin, ko kujonö ta, kogwon Monye losu lyölyöŋön i tiŋdu na ta na Tumatyan.
33Tugwoŋi ta ŋo kasu, ko ’doggi ta ’doggi. Tetenakiŋdye ta ’borik likitiet ti gurut logon ti koŋu, kweja adi a tukworien na ki nagon ti ’baka, i pirit nagon kolanit ti yeŋga kata kode kökora i nyesu nu. 34Kogwon i pirit na gwoŋdi tukworien inot kata nu, a töili ilot koti gwe nyu.
Katiyuk lo tiju ko konyen ga
(Koti Matayo 24.45-51)
35 #
Mat 25.1-13
Kukunaki ta ’borik ajo ko ti lombojin kasu tulene tule, 36#Mar 13.34-36gwe ta gwoso ŋutu logon mömöŋdu yitwe na duma lose i budu yeme, anyen ko nye a ’dur a totoggi kötumit, a se paki pakin lepeŋ ’de ’de. 37Kulo koliŋönök a kalyoŋok logon duma lose ryö gwon i tiju na pöri nye nu; ’diri nan kulya ko ta adi nye mo kukunakiŋdya mugun ajo a mo tosi ’daji lepeŋat i nyesu, a nye mo poŋdi po i yekakiŋdya na lepeŋat. 38A ko nye mo ’dur kode i ŋerot na tukwaje kiden kode i ŋerot na baŋun na kak a ko ryeni lepeŋat i tiju, kilo koliŋönok a kalyoŋok! 39#Mat 24.43, 44Ta deden ’bura adi ko monye kadi kodyo a den saa nagon kolanit popori na nye ködyö tine kolokin kadi nanyit i turoji lukata.
40Ta köti ködyo gwon ajo, kogwon nan ŋuro lo ŋuto mo popo i diŋit nagon ta a ko yeŋdi nan nu.
41A Petero pije Yesu adi, MATAT, ŋilo lilim do jamakin yi kode i ŋutu liŋ? 42A MATAT waddi adi, Taki nan, köliŋönit lo yiyiniki i kita ko a lokoŋ a ŋa, logon duma lonyit a sarakiŋdya i meddya na mede nanyit, i korakiŋdya na kulye köliŋönök kinyo i diŋitan na ’but? 43Koliŋonit gwoso ŋilo a kalyöŋi logon ko duma lonyit a ’dur a ko ryeji nye i koŋdya na kita nanyit.
44’Diri nan takiŋdya ta adi, nye mo sarakiŋdya lepeŋ i meddya na ŋo kanyit liŋ. 45Ama ko ŋilo koliŋonit a kulya kanyit i toili adi, Duma liŋ a karakin diŋit a najo, a nye suluje ’biddyo köliŋönök lyan se ko wate, a nyesi nyesu, a möji möju, a mere meran,
46a duma lo ŋilo köliŋönit mo ’dure i lor logon nye a ko yinikin lu ko i diŋit nagon nye a ko denun, a mo totoggi lepeŋ ka ’de ka ’de, a mo tiŋdi lepeŋ i parundya na pirit na ŋutu logon ti yiniki.
47Koliŋonit logon a den ’deket na duma lonyit lo ama a tine teteŋdya ajo, a gwe a ko koŋdya gwoso na ’deggi duma lonyit nu, nye mo ’bi ’bitö kurubasi jore; 48ama nye logon a ko den ’deket na duma lonyit lo a iŋge koŋdya ŋo nagon jujukin ’bitorikin lepeŋ, a nye mo ’bitökine ku ’dik. Ŋutu liŋ logon a tiki jore kulo a ŋo jore mo ’dekarikin ’dekarikin kase; nye logon a wuki jore lo a ŋo jore mo piyarikin lepeŋ.
Koŋa po ko kulya ti Yesu
(Köti Matayo 10.34-36)
49Nan a po i mokakiŋdya na kimaŋ i na kak, a ko ködyö lepeŋ aje tule!
50 #
Mar 10.38
Nan gwon ko batisimo nagon nan ködyö babatisari na, nan a ri ’diki ada tojo ko nye a temakiŋdya! 51Ta ŋona yeyeju adi nan a po i joŋdya na taliŋ i na kak le? Nan takiŋdya ta adi, ’Bayin, ama kölumbö nan a po i joŋdya na koret!
52Kogwon suluja soŋinana ŋutu mukanat kase midi mo kökora, ŋo naron koŋa ŋutu musala ko ŋutu murek, a koŋi ŋutu murek ko ŋutu musala; 53#Mik 7.6a monye mo korani ko ŋuro lonyit, a ŋuro mo korani ko monye; a ŋote mo korani ko ŋuro nanyit, a ŋuro mo korani ko ŋote nanyit; a moken mo korani ko nakwan na tore, a nakwan na tore mo korani ko moken.
Deŋdya na diŋitan
(Köti Matayo 16.2-3)
54A Yesu köti kulyani ko lodir lo ŋutu adi, Ko ta meddya ’diko ŋiun i swöt lo tokotyaŋ ’de ’de a ta kulyani adi, Kudu de ’do ’don, a nye ’done ’don.
55A na meddi ta köbuŋöt lo swöt lo loki i wukuŋdyö nu, a ta kulyani adi, Kolor de sasa ’yu, a nye sa ’yi sa ’yu.
56Ta kamumulukak, ta deden gwulu ’yu kak ko ’diko; a kirut nyo a ta tine den wulu ’yu na diŋit na soŋinana na?
Morani ta mora ko miriku ilot
(Köti Matayo 5.25-26)
57Nyo ta ko ’borik ti bulö lilija ŋo nagon a na ’but? 58A na tiri do i pirit na geleŋ ko miriku ilot nu, i kiko mori parik i teteŋdya na kulya kasu ko lepeŋ, an nye ködyö ko jikörö do ko ka ’duŋonit lo kulya i komor, a ka ’duŋönit ŋutukiŋdye do ko duma lo kadi rereket i könin, a duma lo kadi rereket mo gubaddi do i rereka. 59Nan takiŋdya do adi, do mo ti kolwe kwoŋ tojo ko do a roŋ milinte na ’dutet.
अहिले सेलेक्ट गरिएको:
Luka 12: BBE
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.