Luka 17
17
Yesu a todiŋdyö kulya ti toron
(Köti Matayo 18.6-7, 21-22; Marako 9.42)
1A Yesu kulyani ko ŋutu kanyit kajujumuk adi, Ŋo na lokuŋdya ŋutu i toroŋdya kune ’diri agu mo popo, ama woidio i ŋuto logon kine ŋo po ko lepeŋ. 2Kodyo a na ’but ko lepeŋ a toraki kijo kanyit i murut, a nye gubajine i tor, lwölwöŋ nagon nye lokuŋdya lele lo kilo ŋwajik lo ’di ’dik i toroŋdya.
3 #
Mat 18.15
Kunyar ta ’borik; ko luŋösur a koŋdya arabat riŋe riŋ lepeŋ, a ko lepeŋ a löpuggö toili, pitöki lepeŋ.
4A ko nye a konakiŋdya do arabat daŋin buryo i lor geleŋ, a yitwene konut ni daŋin buryo a kulyani adi, nye a löpuggö toili, do agu ködyö pipitökin lepeŋ.
Yesu a todiŋdyö kulya ti yupet
5A luyökie kulyani ko MATAT adi, ’Yalaki yi nene yupet! 6a MATAT waddi adi, Ko ta gwon ko yupet ma ’di a na ’dit gwoso nyomotti lo kiteta, ta bubulö kulya ko lo ki ’bi adi, Gwunyu mugun kaŋo ko ’yutuki mugun i tor, a nye ködyö yiŋge ta a koŋdi sona.
Yesu a todiŋdyö kulya ti kita na köliŋönit
7Ko lele losu gwon ko köliŋönit lo kukuŋu kode lo yuggu köbilu, a na pöri lepeŋ mu ’diŋ nu, do ŋona bubulö takiŋdya lepeŋ adi, Poŋdi ’de ’de ko si ’dakine kak i nyesu le? 8Ŋilo ŋuto ŋona de ti kulya adi, Tetenakiŋdye nan kinyo, ko kukunaki mugun ’bura, ko yekakiŋdye nan tojo ko nan a nyesu ko a möju; a i mukok a do de nyesi nyesu ko a moji möju le? 9Lepeŋ ŋona titiŋdu köliŋönit tinate kogwon nye aje kon ŋo na saraki kune le? 10Nyena ta köti, ko ta aje koŋdya ŋo liŋ na saraki ta kune, kulyani ta adi, Yi a köliŋönök logon ’bak ’bulit; yi a koŋdya kita nikaŋ ka ’de.
Yesu a toke ’ya ŋutu puök ti rimajin
11A gwe sona, na tiri Yesu i kiko lo tu Yerusalema nu, a nye Iwoŋoddi i kiden na Samaria ko Galilaya. 12A na tulöddi nye i lele tur nu, a ŋutu puök ti rimajin rume ko lepeŋ. A se gwo ’de pajo, 13a luŋgi ko gworolo lobot adi, Yesu MATAT, wone konyen koyi. 14#Lew 14.1-32A nye ko meddi se, a kulyani ko se adi. Iti ta i kwekiŋdya na ’börik ko koanejin.
15A lele lose ko dene mugun adi nye a tokela. a yitwene bot pupuruŋdya Ŋun ko gworo lobot; 16a nye ’dorone kak ko komor nanyit ko Yesu i mokosi, a kulyani adi, Tinate. Ŋuto lo a Samariatyo. 17A Yesu pije adi, Ŋutu puök a ko tokela le? Kuliya buŋwan kulo? 18Kulye a ko yitwe i pupurja na Ŋun ama tuŋ lo lwakatyo le? 19A nye kulyani ko ŋuto lo adi, Ome ki ko iti tu. Yupet inot a Iwoggu do.
Po na Tumatyan na Ŋun
(Koti Matayo 24.23-28, 36-41)
20A na pije Parusijin Yesu adi, Tumatyan na Ŋun molu popo nanu nu, a nye waddi lepeŋat adi, Tumatyan na Ŋun ti po memetwe. 21A ŋutu mo tine kulya adi, Meddi, Tumatyan mana, kode adi, Manu. Kogwon mete, Tumatyan na Ŋun gwon kasu kiden.
22A nye kulyani ko ŋutu kanyit kajujumuk adi, Diŋit mo popo nagon ta mo yoŋö meddya na lele lo perok kwe ti ŋuro lo ŋuto, ama a ta mo tine met. 23A ŋutu mo kulyani ko ta adi, Meddi ta, malu, kode adi, Malo! 24An ta ko tu ta, an ta ko kepoddu ta lepeŋat;kogwon gwoso na meme ’dekti kipya lo ki i lele swot lo kak a pararaaddi tojo ko lele swot nu, a nan ŋuro lo ŋuto koti mo gwe sona i lor liŋ. 25Ama a kokwe kiyaŋ nan ködyö ŋoŋoŋga ŋo jore, a ŋutu ti na toberon mo renyani nan. 26#Sul 6.5-8Nyena a perok kwe ti ŋuro lo ŋuto mo gwe gwoso perok ti Noa koju kulu; 27#Sul 7.6-24adi ŋutu nyenyesu ko momöju, lepeŋat yeyemba ko yeyema, tojo ko lor logon Noa lupöri i ki ’bo kata lu, a bar lo poŋdi a köŋi lepeŋat liŋ. 28#Sul 18.20—19.25a koti mo gwe gwoso perok ti Loto koju kulu: adi ŋutu nyenyesu ko mömoju, lepeŋat gwogwöro ko tugwöŋu, lepeŋat ’yu’yuddu ko ’du ’duko. 29Ama i ŋilu lor lo tiri Loto kaŋo i Sodoma lu, a kimaŋ ko pisek ’duruu kak ki yu gwoso kudu a koŋi se liŋ. 30Köti a mo gwe sona i lor logon nan ŋuro lo ŋuto mo kwekweyari lu. 31#Mat 24.17, 18; Mar 13.15, 16I ŋilu lor, ti ŋuto lo gwon i lo ’dek lo kadi a tito kanyit gwe i lukata na kadi lo, ti gwe ti kiuŋdya kak anyen ’dumaddu kine tito, koti ti ŋuto lo gwon i melesen lo gwe ti yitwe bot. 32#Sul 19.26Yeyene ta kulya ti nakwan na Loto. 33#Mat 10.39; 16.25; Mar 8.35; Luk 9.24; Yoa 12.25Ko ŋuto logon ’dek ga ’yu rurugga ru nanyit a nye mo tolikiŋdye ru nanyit, ama ŋuto lo tolikiŋdyö ru nanyit lo mo lwölwok ru nanyit. 34Nan takiŋdya ta adi, i ŋilu tukwaje, ŋutu murek mo gwon i doto i dotoet geleŋ; lele mo ’du ’dumaji, a lele mo kölokine kölöki. 35A ŋutu murek mo gwe i jijö i pirit na geleŋ; nene mo ’du ’dumaji, a nene mo kölokine kölöki. [ 36A ŋutu murek mo gwe i melesen; lele mo ’du ’dumaji, a lele mo kölökine kolöki.]
37A kajujumuk pije Yesu adi, Ya, MATAT? A nye waddi se adi, Ko ’burwö mo gwon ya, a logulusen mo momoraddi nyu.
अहिले सेलेक्ट गरिएको:
Luka 17: BBE
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.