भजनसंग्रह 58
58
प्रमुख संगीतकारलाई: “नष्ट नगर” भन्ने रागमा, दाऊदको “मिक्ताम” भन्ने भजन।
1हे न्यायकर्ताहरू, तिमीहरूको निर्णयमा पक्षपात रहित छैनौ।
तिमीहरूले मानिसहरूलाई उचित न्याय दिएकै छैनौ।
2होइन, तिमीहरू दुष्ट्याँई कामहरू गर्नलाई मात्र सोच्दछौ।
तिमीहरू घोर अपराधहरू मात्र यस भूमिमा गर्दछौ।
3ती दुष्टहरूले जन्मने बित्तिकै गल्ती कार्यहरू गर्न जान्दछ।
तिनीहरू जन्मैदेखि झूटो बोल्न थाल्दछन्।
4तिनीहरूको क्रोध सर्पको बिष#58:4 तिनीहरूको … बिष यो शब्द हिब्रू भाषामा छ। “क्रोधको” पयार्यवाची रूप नै “बिष” हो। जस्तै डरलाग्दो छ।
साँबे सर्प जस्तै तिनीहरूले सुन्न सक्तैनन् अनि तिनीहरूले सत्य कुरा सुन्न अस्वीकार गर्छन्।
5साबे सर्पले सम्मोहन गर्ने गीतहरू सुन्न सक्तैन।
अनि ती पापीहरू त्यस्तै प्रकारले दुष्ट योजनाहरू तयार गरिरहेका हुन्छन्।
6हे परमप्रभु, ती मानिसहरू सिंहहरू जस्ता हुन्छन्
यसैले परमप्रभुले, तिनीहरूका दाँतहरू भाँची दिनुहोस्।
7तिनीहरू नालीका पानी जस्तै सुकेर बिलाउँदै जाऊन्।
तिनीहरू बाटोमा कुल्चिने जंगली झारहरू झैं होऊन्।
8तिनीहरू घस्रँदा-घस्रँदै विलाई जाने चिप्ले कीरा जस्तै होऊन्।
तिनीहरूले जन्मनु अघि नै मरेको शिशु जस्तो कहिल्यै दिनको उज्यालो देख्न नपाऊन्।
9तिनीहरू तातो भाँडामा जलेर चाँडै खरानी हुने, काँडाहरू
जस्तै चाँडो भन्दा चाँडो विनाश होउन्।
10जब दुष्ट मानिसले सजाय पाएको देख्छ
तब धार्मिक मानिस खुशी हुन्छ।
ऊ सबै शत्रुहरूलाई परास्त गर्ने
सिपाही जस्तो हुनेछ।
11तब मानिसहरूले भन्ने छन्, “निश्चयनै धार्मिक मानिसहरू पुरस्कृत हुनेछन,
परमेश्वरले निश्चयनै संसारमा न्याय गर्नुभयो।”
अहिले सेलेक्ट गरिएको:
भजनसंग्रह 58: NERV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Nepali Holy Bible: Easy-to-Read Version
All rights reserved.
© 2004 Bible League International