Joh 3
3
Jesû na Nikodemu
1Vîndî îmwe kwarî na mûndû wetagwa Nikodemu warî mûtongoria wa Ayahudi na aarî wa Kîama Kîam Afarisai. 2Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”
3Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”#3.3 rîngî: kana ‘Kuuma îgûrû.’
4Nikodemu nîwaûririe Jesû atîrî, “Mûndû mûgima angîvota gûciarwa rîngî atîa? Nwa atonye îvurî rîa ng'ina nîguo aciarwe rîngî.”
5Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru. 6Kîrîa kîonthe gîciarîtwe nî mwîrî nî mwîrî, na kîrîa kîonthe gîciarîtwe nî roho nî Roho. 7Tiga kûmaka nîûndû nînakwîra atî nwa nginya ûciarwe rîngî. 8Rûkûngi rûvurutanaga rûthiîte wa kûrîa rûkwenda na mûndû nîwîgucaga mûrurumo waruo, nwatî ndamenyaga na kûrîa rumîte kana na kûrîa rûthiîte. Ûguo nwa ta guo gwîkîkaga kûrî mûndû wa wonthe ûciarîtwe nî Roho#3.8 Roho: Rûthiomi rwa Kîngiriki rûtûmagîra kiugo kîmwe tu kuga ‘Roho’ na ‘Rûkûngi.’ Mûtheru.”
9Nake Nikodemu nîwamûririe atîrî, “Ûndû ûyû ûngîvoteka atîa?”
10Jesû nîwamûcokerie atîrî, “Kûngîvoteka atîa gûtuîke atî we ndwîcî ûndû ûyû na wî mwarimû wî ngumo nene vûrûrirî wa Isiraeli? 11Nîrakwîra na ma atî: tue twaragia maûndû marîa twicî na tûkavecana ndeto ciîgiî maûndû marîa twonete, nwatî mue mûtirenda gwîtîkia ûira wetû. 12Angîthîrwa ndûrambîtîkia ngîkwîra maûndû ma gûkû nthî, ûngîmbîtîkia atîa ngîkwîra maûndû ma îgûrû? 13Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.
14 #
Nda 21.9
“Wata ûrîa Musa aaûkîrîrie njoka ya gîcango arî werûrî ûguo nwa ta guo Mûrû wa Mûndû wa nake agaaûkîrîrua 15nîguo mûndû wa wonthe ûmwîtîkîtie agîe na mwoyo wa tene na tene. 16Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene. 17Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.
18“Andû arîa metîkîtie Mûriû matitucagîrwa, nwatî arîa matamwîtîkîtie nîmarîkîtie gûtuîrwa nîûndû matiîtîkitie Mûriû wa mûmwe wa Ngai. 19Andû matucagîrwa na njîra îno: ûtheri nîûrîkîtie gûka nthî, nwatî andû nîmendete nduma gûkîra ûrîa mendete ûtheri nîûndû ciîko ciao nî njûku. 20Mûndû wa wonthe wîkaga ciîko cia waganu nîathûrîte ûtheri na ndarî vingo angîumîra ûtherirî, nîûndû ndangîenda ciîko ciake cia waganu cionekane. 21Nwatî mûndû wa wonthe wîkaga ciîko cia ma nîwîyumagîria ûtherirî, nîguo ciîko irîa eekaga cionanagie atî nîwathîkagîra Ngai.”
Jesû na Johana Mûvatithania
22Vuva wa ûguo Jesû na arutwa ake nîmaathiîre gîcunjîrî Kîam Judea na agîkarania nao kuo akîvatithanagia. 23Johana wa nake nîwavatithanagia arî Aenoni vakuvî na Salimu, nîûndû kûu kwarî na manjî meengî. Na andû nîmaathiîcaga kûrî Johana nake akamavatithia. 24#Mat 14.3; Mar 6.17; Luka 3.19-20 (Ûndû ûyû wekîkire mbere ya Johana aikua njeera.)
25Arutwa amwe a Johana nîmaambîrîrie gûkararania na Mûyahudi ûmwe îgûrû rîgiî ûvoro wa kwîtheria. 26Kwoguo nîmaathiîre kûrî Johana na makîmwîra atîrî, “Mwarimû, nîûraririkana mûndû ûrîa mûrarî nake mûringo wa Rûnjî rwa Jorodani mwena wa îrathîro, na ûrîa waragia ûvoro ûmwîgiî? Rîu nîaravatithania na andû onthe nîmarathiî kûrî ke!”
27Nake Johana nîwamacokerie atîrî, “Gûtirî mûndû ûngîgîa na kîndû Ngai atamûvete kîo. 28#Joh 1.20 Mue mûrî aira akwa atî nînaugire atîrî, ‘Nie tî nie Mesaya nwatî ndûmîtwe mbûke mbere yake.’ 29Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru. 30Ke nwa nginya aneneve nanie nwa nginya nyive.”
Ûrîa ûkaga aumîte îgûrû
31Ûrîa ûkaga aumîte îgûrû nî mûnene gûkîra arîa engî onthe. Ke ûrîa umîte gûkû nthî nî wa gûkû nthî na aaragia ûvoro wîgiî maûndû ma gûkû nthî. Nwatî ûrîa ûkaga aumîte îgûrû nî mûnene gûkîra arîa engî onthe. 32Arutaga ûira wîgiî maûndû marîa onete na eguîte, nwatî gûtirî mûndû wîtîkagîra ûira wake. 33Nwatî mûndû wa wonthe wîtîkagîra ûira wake, nîatuîkaga mûira atî Ngai nî wa ma. 34Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra. 35#Mat 11.27; Luka 10.22 Îthe nîwendete Mûriû wake na nîatûmîte agîe na wathani îgûrû rîa maûndû monthe. 36Mûndû wa wonthe wîtîkîtie Mûriû arî na mwoyo wa tene na tene; na mûndû wa wonthe ûregete kûmwîtîkia ndakaagîa na mwoyo, nwatî agatûûra averithagua nî Ngai.
अहिले सेलेक्ट गरिएको:
Joh 3: KKB
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Bible Society of Kenya, 2019