YOHANA 15
15
Yesu nomusabibu okwatooto
1“Ise nise omusabibu kwatooto, ne Papa wanje niye omusimikhi khandi omulimili wakwo. 2Asosolanga siolusaka mu ise oluramanga ebiamo tawe, ne asiyanga siolusaka olwamanga ebiamo, kho lumetekhe okhwama ebiamo. 3Ne inywe nenywe musiyikhile khulwa amang'ana akandali okhumubool'la. 4Menye mubuhambani n'nase, nase ndamenya mwinywe. Olusaka silunyala okhwama ebiamo olwene nilurali khumusaala tawe. Nimbwo nenywe simunyala okhwama ebiamo nimuramenya mwise tawe.
5“Ise nise omusabibu, ne ninywe tsisaka. Omundu omenyanga mwise, nase nimenyanga muye, yamanga ebiamo ebinji sichila simunyala okhukhola ling'ana liosi sila ise tawe. 6Omundu naba naramenya mwise, afuubwanga esioba singa olusaka, ma luniale; ne abandu batsibunjelesia, nibatsifuuba mumul'lo, matsihia. 7Nimuba nimumenya mwise, ne amang'ana kanje nikamenya mwinywe, kho mulasaba eliamwenya, nenywe mulalinyoola. 8Mwing'ana yili Papa ahebwanga oluyali, mbu mwame ebiamo ebinji, nenywe mulaba abechi banje. 9Singa obwa Papa wanje yali okhunyanza ise, nimbwo nase ndamuyanza inywe; menye mubuyanzi bwanje. 10Nimuba nimukhola amalako kanje mulamenya mubuyanzi bwanje, singa obwa nase ndali okhukhola amalako ka Papa wanje, ma nimenya mubuyanzi bubwe.
11“Mubooleye yaka kho obusangali bwanje bube mwinywe, ma obusangali bwenywe bwitsule. 12Lilako lianje ndielino mbu: Muyanzane, singa obwa nase ndamuyanza inywe.#Yoh. 13:34; 15:17; 1 Yoh. 3:23; 2 Yoh. 5 13Obuyanzi obukhongo obwomundu ahaananga khubalina baabe nokhubafwila abalina baabe. 14Inywe muli abalina banje nimuba nimukhola akamulakanga. 15Sindamulanga abarumikhili khandi tawe, sichila omurumikhili siamanyanga akomwami uwe akholanga tawe. Nebutswa mulangile abalina, sichila ndamuribul'la kosi akandali okhuhul'la khu Papa wanje. 16Simuli ninywe abali okhunzela ise tawe, nebutswa nise owali okhumwela inywe, nimubiikha mutsie okhwama ebiamo ebinji, nebiamo bienywe bimenye. Kho Papa alimuhelesia liosi eliamusaba muliira lianje. 17Yaka niko akamulaka mbu: muyanzane.
Esibala siakhabihil'lwe abechi
18“Esibala nisiba nisimubihil'lwa, mumanye mbu siaranga okhumbihil'lwa ise. 19Nimwakhabeye abesibala, khane esibala siakhamuyanzile singa abenesio. Nebutswa sichila simuli abesibala tawe, nebutswa ndamwela okhurula musibala khulwe yako abomusibala bamubihil'lwanga. 20Mwitsul'le ling'ana elia ndali okhumubool'la, ‘Omurumikhili siali omukhongo okhuyomba omwami uwe tawe.’ Nibaba nibali okhukhupia ise esibi, nenywe bakhamukhupie khusibi, nibaba nibali okhulonda amebaalo kanje, ne akenywe bakhakalonde.#Mat. 10:24; Lk. 6:40; Yoh. 13:16 21Nebutswa yaka kosi balimukhol'la, sichila muli abanje; okhuba sibamanya uyo owaruma ise tawe. 22Ndaba owabula okhwitsa okhubol'lana n'nabo, khane sibakhaba nesikha tawe; nebutswa luno sibali nobwesambakasi khuketsimbi tsiabwe tawe. 23Omundu oumbihil'lwanga ise, khe abihil'lwanga Papa wanje khandi. 24Ndaba owabula okhukhola mumoni tsiabwe emilimo chiomundu undi arakhola khwo, khane sibali nesikha tawe, nebutswa luno baseyele okhulola khandi okhubihil'lwa ise nende Papa wanje fwembi. 25Nebutswa yaka kali mbwo kho Akahandikwa mu Malako kabwe kahesikhe mbu; ‘Bamubihil'lwa sila esifune.’#Etsisa. 35:19; 69:4
26“Omuhotselesia alitsa, Omwoyo obuulanga akatooto khuka Nyasaye khandi orulanga khu Papa. Niye owandiruma okhurula khu Papa, naye alingobokhela. 27Nenywe khandi mulingobokhela sichila mwabeyenje n'nase okhurulana olwokhuranga.
अहिले सेलेक्ट गरिएको:
YOHANA 15: EBAIBO
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Bible Society of Kenya, 2019