Mt Nhingeno
Nhingeno
Lweyi atraliki Ivangeli ya Matewu, angava ali muheberu lweyi aviki mun'we wa ntlawa wa vadondrisiwa va Yesu. Ani vutivi byinene byavukhongoti bya xi-Yuda, lebyi byimupfumelelaka a kulandrelela swikombiso swa Testamente dra Khale a kukomba leswaku Yesu hi yene Mesiya lweyi arindreliwiki hi tiko, lweyi atakahetisa hinkwaswu leswi afaka swidumbisiwi hi madzana-dzana ya malembe, amahanyeleni ya xiheberu. Nakone, kuvi hi nkongometo lowo, Matewu akombisaka xikan'we akusunguleni a longoloko wa swiro swa lisima swa vakokwana va Yesu. Hi yene lweyi angani ntamu wa kutlhamuxela ni kuhetisisa a Nawu wa Moxe ni kukhangula a Mfumu wa Xikwembu Nkulukumba lowu wumpswha amisaveni.
Nambi loko yihumelela ku mbangu wa kusungula, a Ivangeli ya Matewu ayivanga ya kusungula kutraliwa; yingava yitraliwi hi lembe dra ntlhanu wa makume na mararu (80).
A tidondro ta Yesu tikombisiwa hi ntlhanu wa swiyenge, akuva xin'wana ni xin'wana xa tone xifuma dondriso drikulu.
Longoloko wa swiyenge:
1. Dondro ya le Nhaveni: Tindrima ta 57
2. Swileleto ku vadondrisiwa va khume na vabiri akuva vahetisa ntiro wavu: Ndrima ya 10
3. Swifaniso swa Mfumu: Ndrima ya 13
4. Vudondrisi mayelanu ni vutomi bya vakriste amisaveni leyi: Ndrima ya 18
5. Vugamu bya vutomi bya swoswi ni kubuya ka Mfumu wa Xikwembu Nkulukumba: Tindrima 24—25
Longoloko wa tinhloko ta mhaka:
1- Vakokwana ni kubelekiwa ka Yesu: Tindrima ta 12.
2- Maritu ya Yohana Mubabatisi: Ndrima ya 3:1-12.
3- Kubabatisiwa ni kudringiwa ka Yesu: Tindrima ta 3:13—4:11.
4- Mintiro ya Yesu a Galileya: Tindrima ta 4:12—18:35.
5- Andleleni ya kuya Yerusalema: Tindrima ta 19—20.
6- Mintiro ya Yesu a Yerusalema: Tindrima 21—25.
7- Mahlomulo, lifu ni kupfuka akufeni: Tindrima ta 26—28.
अहिले सेलेक्ट गरिएको:
Mt Nhingeno: NTX2007
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Xironga New Testament with Psalms © Bible Society in Mozambique, 2007.