Genesis 36
36
Fwilin Tulik Natul Esau
(Sie Chronicle 1:34–37)
1Pa inge fwilin tulik natul Esau, su oayapa pangpang Edom. 2Esau el payuk sin mutan Canaan inge: Adah, acn natul Elon mwet Hit; Oholibamah, acn natul Anah wen natul Zibeon mwet Hiv;#Gen 26:34 3ac Basemath, acn natul Ishmael ac tamtael lal Nebaioth.#Gen 28:9 4Adah el oswella Eliphaz. Basemath el oswella Reuel. 5Oholibamah el oswella Jeush, Jalam, ac Korah. Mukul inge nukewa isusyang nu sel Esau in acn Canaan.
6Na Esau el us mutan kial, wen natul, acn natul, ac mwet nukewa in lohm sel, wi kosro nukewa natul ac ma lal nukewa ma el eis in acn Canaan, ac som lukel Jacob, tamulel lal, nu ke sie pac acn. 7El som mweyen acn ma el ac Jacob tukeni orekmakin sufalla nu ke enenu laltal. Arulana puseni kosro natultal kewa, pwanang eltal tia ku in tukeni muta. 8Ouinge Esau el som ac muta infulan eol in acn Edom.
9Pa inge fwilin tulik natul Esau, papa tumun mwet Edom. 10Inen wen natul Esau pa inge: Eliphaz wen natul Adah, mutan kial Esau. Reuel wen natul Basemath, sie pac mutan kial Esau. 11Wen natul Eliphaz pa Teman, Omar, Zepho, Gatam ac Kenaz. 12(Timna el mutan kulansap se kial Eliphaz, wen natul Esau, ac el oswella Amalek nu sel Eliphaz.) Elos inge wen natul Adah, mutan se meet kial Esau. 13Ac wen natul Reuel pa Nahath, Zerah, Shammah, ac Mizzah. Elos inge wen natul Basemath, mutan se akluo kial Esau. 14Oholibamah, acn natul Anah wen natul Zibeon, el oswela wen tolu nu sel Esau, inelos pa Jeush, Jalam, ac Korah.
15Pa inge sou lulap ma tuku ke fwilin tulik natul Esau. Eliphaz, wen se omeet natul Esau, pa sifen sou lulap inge: Teman, Omar, Zepho, Kenaz, 16Korah, Gatam, ac Amalek. Elos inge nukewa ma natul Adah, mutan se meet kial Esau.
17Reuel, wen natul Esau, pa sifen sou lulap inge: Nahath, Zerah, Shammah, ac Mizzah. Elos inge kewa ma natul Basemath, mutan se akluo kial Esau.
18Sou lulap inge ma tuku kacl Oholibamah, mutan se aktolu kial Esau, su acn natul Anah: Jeush, Jalam, ac Korah. 19Sou lulap inge nukewa tuku ke fwilin tulik natul Esau.
Fwilin Tulik Natul Seir
(Sie Chronicle 1:38–42)
20Pa inge mukul natul Seir mwet Hor, su mwet na pwaye lun acn Edom: Lotan, Shobal, Zibeon, Anah, 21Dishon, Ezer, ac Dishan. Elos pa sou lulap lun mwet Hor, su wen natul Seir in acn Edom.
22Lotan pa sifen sou lulap lal Hori ac Heman. (Oasr pac tamtael se lal Lotan pangpang Timna.)
23Shobal pa sifen sou lulap lal Alvan, Manahath, Ebal, Shepho, ac Onam.
24Oasr wen luo natul Zibeon, inelos pa Aiah ac Anah. (Pa inge Anah se ma konauk unon in kof fol se in acn mwesis ke pacl se el liyaung donkey natul Zibeon, papa tumal.) 25Oasr mukul se natul Anah, inel pa Dishon, ac mutan se natul pa Oholibamah. 26Ac wen natul Dishon pa Hemdan, Eshban, Ithran, ac Cheran.
27Ezer pa papa tumun sou lulap lun Bilhan, Zaavan, ac Akan.
28Dishan pa papa tumun sou lulap lun Uz ac Aran.
29Pa inge inen sou lulap lun mwet Hor: Lotan, Shobal, Zibeon, Anah, 30Dishon, Ezer, ac Dishan. Pa inge kais sie sou lulap lun mwet Hor in facl Seir.
Tokosra Lun Edom
(Sie Chronicle 1:43–54)
31Pa inge tokosra ma leumi acn Edom, meet liki mutawauk in oasr tokosra lun mwet Israel:
32Bela, wen natul Beor, el leum fin acn Edom. Inen siti sel pa Dinhabah.
33Bela el misa, ac Jobab, wen natul Zerah mwet Bozrah, el aolulla in tokosra.
34Jobab el misa, ac Husham, su muta in acn sin mwet Teman, el aolulla in tokosra.
35Husham el misa, ac Hadad wen natul Bedad, su tuh kutangla mwet Midia in acn Moab, el aolulla in tokosra. Inen siti sel pa Avith.
36Hadad el misa, ac Samlah, sie mwet Masrekah, el aolulla in tokosra.
37Samlah el misa, ac Shaul mwet Rehoboth, sie siti sisken Infacl Euphrates, el aolulla in tokosra.
38Shaul el misa, ac Baal Hanan, wen natul Achbor, el aolulla in tokosra.
39Baal Hanan wen natul Achbor el misa, ac Hadar el aolulla in tokosra. Inen siti sel pa Pau, ac inen mutan kial uh pa Mehetabel, acn natul Matred, su acn natul Mezahab.
40Pa inge inen sifen sou lulap lal Esau, ke sou lalos ac inen acn selos: Timna, Alvah, Jetheth, 41Oholibamah, Elah, Pinon, 42Kenaz, Teman, Mibzar, 43Magdiel, ac Iram. Pa inge sou lulap lal Edom. Edom pa Esau, su papa tumun Edom, fal nu ke oakwuk lalos in acn selos.
अहिले सेलेक्ट गरिएको:
Genesis 36: KOS
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
This text is in the Public Domain due to copyright expiration.