भजनसंग्रह 21
21
भजन 21
सङ्गीत निर्देशकको निम्ति, दावीदको भजन।
1हे याहवेह, तपाईंको सामर्थ्यमा राजा रमाउँछन्,
तपाईंले दिनुभएको विजयमा उहाँ अति धेरै आनन्दित छन्।
2तपाईंले उनको हृदयका इच्छा पूरा गर्नुभएको छ,
र उनको ओठको बिन्ती इन्कार गर्नुभएको छैन। सेला
3तपाईंले उनलाई उत्तम आशिष् लिएर स्वागत गर्नुभयो।
तपाईंले उनको शिरमा निखुर सुनको मुकुट पहिर्याइदिनुभयो।
4उनले तपाईंबाट जीवन मागे, र तपाईंले उनलाई दिनुभयो
अर्थात्, उनलाई सदाकालको निम्ति लामो आयु दिनुभएको छ।
5तपाईंले दिनुभएका विजयहरूद्वारा उनको आदर र महिमा बढेको छ;
तपाईंले उनलाई वैभव र ऐश्वर्य प्रदान गरिदिनुभएको छ।
6निश्चय नै तपाईंले उनलाई अनन्त आशिष् प्रदान गर्नुभएको छ;
र तपाईंको उपस्थितिको आनन्दले उनलाई हर्षित तुल्याउनुभएको छ;
7किनकि राजाले याहवेहमा भरोसा राख्दछन्;
सर्वोच्च परमेश्वरको अचुक प्रेमको कारण
उनी अटल रहनेछन्।
8तपाईंका बाहुलीले आफ्ना सारा शत्रुहरूलाई हराउनुहुन्छ;
तपाईंको दाहिने बाहुलीले आफ्ना वैरीहरूलाई पक्रनुहुन्छ।
9जब तपाईं प्रकट हुनुहुनेछ,
तपाईंले शत्रुहरूलाई दन्किरहेको आगोको भट्टीमाझैँ जलाउनुहुनेछ।
याहवेहले आफ्नो क्रोधमा तिनीहरूलाई निल्नुहुनेछ,
र उहाँको आगोले तिनीहरूलाई भस्म पारिदिनेछ।
10तपाईंले तिनीहरूका सन्ततिलाई पृथ्वीबाट
र मानव-जातिको बीचबाट तिनीहरूका वंशलाई नष्ट पार्नुहुनेछ।
11तिनीहरूले तपाईंको विरुद्धमा दुष्ट युक्ति रचे,
र दुष्ट योजना तयार गरे तापनि तिनीहरू सफल हुनेछैनन्।
12किनकि जब तपाईं आफ्नो धनुषले तिनीहरूमाथि निशाना ताक्नुहुन्छ,
तपाईंले तिनीहरूलाई पिठिउँ फर्काएर भाग्न बाध्य बनाउनुहुनेछ।
13हे याहवेह, आफ्नो शक्तिमा उच्च हुनुहोस्;
हामी तपाईंको सामर्थ्यको बारेमा गाउने र प्रशंसा गर्नेछौँ।
अहिले सेलेक्ट गरिएको:
भजनसंग्रह 21: NCV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.