Matta 26
26
Ba rop pyyem Yesu
(Markut 14:1-2; Luka 22:1-2; Yohana 11:45-53)
1Yesu na̱ bu tyak ba̱ tyyei nkyang ani, a̱ hywa di na̱won pfong nu na, 2“Zi bvat nnom nhwa ba nwa a̱swa Swrap wwon nu, ba pyyem Ka̱won A̱neywu a̱ wrak ba ka̱ ka̱teyang.”
3Ka̱ram iya ba̱cecet ba̱gado Ka̱za ba bu ba̱nekwo ba̱nyet Yahuda ba a̱ yei ka̱tung gbang Kayafat a̱gba̱dang gado Ka̱za nu, 4a̱ rop ka̱sak ka ba nin pyyem Yesu ntsang ni a̱ si ku hywat. 5Ba hywa, “Ma njit ba rat di ku pyyem ka̱ram a̱swa ka, ho ba̱nyet ba a̱ bu yya jyi.”
Ba krok Yesu dihywu Baitanya
(Markut 14:3-9; Yohana 12:1-8)
6Ka̱ram ka Yesu na̱ yin shyi a̱gbang Siman a̱ntyok gbap i ka̱nkrang ka ban yei Baitanya ni, 7a̱mbyring a̱yaan a̱ nyyai bu shep ba̱myyi ba̱nying krum ba̱t, a̱ bu krok Yesu mi diccu na̱ shyi i ya yak. 8Na̱won pfong Yesu na ba bu ryi, a̱ nwa diryen a̱ hywa, “A̱nzan a̱ yet a̱nying byyan krum a̱ni? 9Se ba wa ryap ba̱myyi ba di krum ba̱gingang a̱ brak krum ji a̱n brang ba̱nyet dizot.”
10Yesu a̱ bvwo kyang a ba ryat i a̱ hywa da̱ mba, “A̱nzan a̱n byyi kop a̱dyying da̱ a̱mbyring a̱ni? Nu a̱ n yya a̱tsak kyang. 11Kozan ka̱ram yi shyi bu ba̱nyet dizot ba, ma nzuk n nin hwan ba̱ nyin ba. 12A̱ n krok dihywu ti ni a̱n pfong nom n nyat. 13Ka̱ryong n ya tyyei, koke ban tyyei Ka̱sham Ba̱ryat ka ni i ka̱sa ka, ba ni tyyei kyang ani na̱ yya ni a̱nta̱mak, ba ga swat a̱ ku yring kozan ka̱ram.”
Yahuda a̱ shim ryap Yesu
(Markut 14:10-11; Luka 22:3-6)
14Wwon a̱yanyet ka̱yat ba̱pfong swak bu ba̱hwa Yesu ba, ba yin ku yei Yahuda Iskariyoti, a̱ ba di ba̱cecet ba̱gado Ka̱za ba 15a̱ bu hywa da̱ mba, “Zang a̱mang yi ni n dyi, ki n ya tyyi da̱ nu mbvak?” Ba twang a̱zurfa ba̱ nu nswak tat a̱ ku ryi. 16Nyyai ka̱tuk iya Yahuda a̱ nwa cat ryen na na̱ nin wrak Yesu ni.
Yesu a̱ ya Swrap wwon nu bu na̱won pfong nu
(Markut 14:12-21; Luka 22:7-14, 21-23; Yohana 13:21-30)
17Ka̱tuk ka̱tsitsrang a̱swa Swrap wwon ka ba ri nza burodi sang yisti a ni, na̱won pfong Yesu na a̱ ba da̱ nu a̱ bu ku zzim, “Ke an cat zin na̱ jyi kyangya Swrap wwon na?”
18Yesu a̱ tyyei ka̱ryi ka̱yaan ka̱yat ka̱nkrang ka a̱ hywa di ba nat a̱ si tyyei a̱ntyok ka̱ryi nu a̱ hywa, “Malam a̱ hywa di ka̱ram nu ka a̱ ba shishrek, a̱ cat ya kyangya Swrap wwon na bu na̱won pfong nu na a̱gbang nwan.”
19Na̱won pfong a a̱ ma̱ nat a̱ si yya ka̱sak ka Yesu na̱n ba̱ tyyei ni a̱ si jyi kyangya Swrap wwon na.
20Ka̱jenshring ka bu yya Yesu bu na̱won pfong nu na swak bu ba̱hwa a̱ swrang a̱ ni ya. 21Ba shyi i ya na, Yesu a̱ hywa da̱ mba, “N ya tyyei ka̱ryong, a̱yanyet ka̱yat nyin a̱ ni n dyap.”
22Na̱won pfong a a̱ tyyi ba̱tai a̱ nwa ku zzim ba̱ yayring a̱ yya, “N bvwo nzuk ba, ka̱ni A̱ntyok Ka̱ryi?”
23Yesu a̱ hywa, “A̱tuba nu a̱ tyyi bvak nu na i ryei yring ba̱ nzuk ni, nu a̱mi a̱ ni n dyap. 24Ka̱won A̱neywu a̱ ni kwu ka̱sak ka ba ka̱n jem a̱wwon i ba̱ryat Ka̱za ni. Ma kaito a̱yin nu a̱ ryap Ka̱won Aneywu ka ni. Ba da ku byin ba ma ku wu ku ran.”
25Yahuda a̱ntyok ku ryap u a̱ yrek diwan nu a̱ hywa, “N bvwo nzuk a̱mi a ryat ba ka̱ni, Malam?”
Yesu a̱ ku brak i, “Nwan a̱mi.”
Jibi A̱gwam Yesu
(Markut 14:22-26; Luka 22:14-20; 1 Korinti 11:23-25)
26Ka̱ram ka ban shyi i ya na ni, Yesu a̱ sook dikwang burodi ti, a̱ dyep Ka̱za mi, a̱ sam a̱ ba̱ ka, a̱ hywa da̱ mba, “Yi ya; rwam nzuk a̱mi.”
27A̱ si bo sook ka̱bandyet ka, a̱ bo dyep Ka̱za mi, a̱ bo ba̱ ryi a̱ hywa, “Yi sswa ba̱sa̱rei nyin, 28ba̱sok nzuk a̱mi. Mba a̱mi a̱ yet rop-wwon nu Ka̱za ka yin dyat a̱ sak ni. Ba̱sok nzuk ba ba ni weyang a̱ ga tssu a̱ka̱tukyya ba̱nyet ba̱gingang. 29N ya tyyei n bo byyi sswa i ka̱ndyet kani ba, se ka̱tuk ka n nin sswa a̱hwai ba̱shekwot a̱nap ba ba̱ nyin i Dityok A̱tyyi nzuk ti ni.”
30A̱wwon ba bvom a̱bvom a̱ wruk a̱ nat tazwa dihwan Zeitun ka.
Yesu a̱ tyyei ka̱sak ka Bitut na̱ nin ton ku bvwo ni
(Markut 14:27-31; Luka 22:31-34; Yohana 13:36-38)
31Yesu a̱ hywa da̱ mba, “A̱ta̱tuk kani yi ni tyong n wwon, rot ba̱ryat Ka̱za a̱ hywa a̱wwon, ‘Ka̱za a̱ ni hywat a̱ntyok a̱tsaai u, ka̱srong mbvon-tsaap ka a̱ rot a̱ hwwei.’ 32Ma ka̱ram ka ba ni n shyek ni n ni yet ka̱son nyin n nat Galili.”
33Bitut a̱ shot ka̱nu a̱ hywa, “Ko ba̱nyet ba a̱ tyong sa̱rei, nzuk n ni na̱ wwon ba.”
34Yesu a̱ hywa, “Ka̱ryong n na̱ tyyei, a ni n ton bvat ka̱tat, a̱ngbak na̱ ka̱n tyyak a̱ta̱tuk kani ba.”
35Bitut a̱ hywa, “Ko dikwu nti ba, n nin ton na̱ bvwo ba.”
Kpikpit na̱won pfong a i ma̱n hywa a̱mi meyang.
Yesu a̱ yya a̱duwa ka̱yat Gesamani
(Markut 14:32-42; Luka 22:39-46)
36A̱wwon Yesu a̱ nat bu na̱won pfong nu na ka̱bvwa ka̱yaan ka ban yei Gesamani ni a̱ si hywa da̱ mba, “Nde yi swrang kyi n nat ka̱yaani n si yya a̱duwa.” 37A̱ yei Bitut bu na̱won Zabadi na na̱hwa ba nat. A̱huhwa bu byyan rya a̱ si ku pyyem. 38Na̱ hywa da̱ mba, “Rya nzuk a pfut anye ku ni n hywat. Yi sseng kyi i n brang cam a.”
39Na̱ shek ba̱cincong a̱ myyi a̱ ta̱grup a̱ssi nu na ka̱byen a̱ yya a̱duwa a̱ hywa, “A̱tyyi, ki ku ni yet a n tun ka̱ndyet ka̱bvung kani, ma ba cat nzuk ba se kyang a na̱ myim ni.”
40A̱ brek a̱ ba di na̱won pfong na̱tat iya a̱ bu ba̱ shya ba shyi nda, na̱ hywa di Bitut, “A̱nzan a̱n byyi nyin yi maai i cam ba̱ nzuk ko ka̱baram ba̱cincong ba? 41Yi cam i yya a̱duwa ho yi bu nwa ka̱mak. Tswa ji cat ma rwam a byyi cet ba.”
42A̱ bo nat a̱mba̱hwa nu yya a̱duwa nu, a̱ si hywa, “A̱tyyi, ki ka̱bvung kani a̱ yet ka̱nying seyak n wwon ba, se bu n ka̱ sswa, to se kyang a na̱ myim ni.” 43A̱ bo brek a̱ bu ba̱ shya ba shyi nda, rot ba maai kruk a̱ssi mba na ba.
44Na̱ ba̱ wwon a̱ bo brek a̱ nat a̱ si yya a̱duwa nu, da̱ni di ka̱son ka ni. 45Wwon a̱ si brek a̱ bu hywa di na̱won pfong nu na, “Yi ri shyi nda ka a? Yi ri pfwi o? Yi cyang, ka̱ram ka ba nin wrak Ka̱won A̱neywu a mbvak ba̱nyet a̱ka̱tukyya ni a̱ yya. 46Yi ta̱za zi cong. Dii a̱tuba n dyap u a̱ yemi.”
Ba pyyem Yesu
(Markut 14:43-50; Luka 22:47-53; Yohana 18:3-12)
47Yesu na̱ ri shyi i ba̱ryat ba, Yahuda a̱yring ka̱yat ba̱pfong swak bu ba̱hwa ka, a̱ nyyai a̱ ba, ka̱tswa ba̱nyet ba ku tssup, ba̱nyet breng shan ba̱yanyet bu na̱krong. Ba̱cecet ba̱gado Ka̱za bu ba̱nekwo ba̱nyet Yahuda a̱mi a̱ yin ba̱ tom. 48A̱ntyok ku ryap u a̱ ka̱n ba̱ tyyei a̱wwon a̱ hywa, “A̱tuba nu yi si ryi n krum ni nu a̱mi, yi ku pyyem i nat!”
49Yahuda a̱ tat a̱ si krum Yesu a̱ hywa, “N na̱ byyek, Malam.”
50Yesu a̱ hywa da̱ nu, “A̱kpondang nzuk, yya kyang a ba da̱ nwan ni.”
Ba̱nyet iya a̱ nyyai a̱ bu san Yesu a̱ ku pyyem a̱ nat i. 51A̱tuba a̱yring ka̱yat ba̱nyet ka a̱ yin shyi bu Yesu ni a̱ kwwat ka̱krong nu, a̱ cyang a̱kwwa a̱gba̱dang gado Ka̱za nu a̱ ku tyyak a̱ tyet pfwo na. 52Yesu a̱ hywa da̱ nu, “Brek di ka̱krong nwan ka tyyi, ba̱nyet ba a̱ hyong ka̱krong ni ka̱krong nka a̱ ni yet dikwu mba ti. 53A bvwo di ki n drok n tyyei A̱tyyi, bu ka̱baram na̱ n tom di ba̱pfong nka ba̱gingang nyyai Tazwa ba bu yya zwang a̱n ni n san baa? 54Ma ki ba yya a̱mi, kyang a ba jem a̱wwon i ba̱ryat Ka̱za ba ni ku yya ni n ba cicrak bu kyang a ba hywa di dolet ku ryi a̱mi ni?”
55Yesu a̱ bo brak di ka̱tswa ba̱nyet ka a̱ ba ku pyyem a ni, “Yi ba n pyyem bu shan bu na̱krong n yet a̱ntyok kwak jyi e? Kozan ka̱tuk n swat ka̱yat bat Ka̱za ka n zzek, da̱ nyin ba n pyyem ba. 56Ma ku ba a̱mi i gi myim ba̱cicrak bu kyang a ba yin dyat a̱wwon i ba̱ryat Ka̱za ba ni.”
Wwon na̱won pfong nu na sa̱rei a̱ ku rak a̱ rot a̱ hwwei.
Ba ba bu Yesu ka̱bvwa ba̱cecet ba̱nyet Yahuda
(Markut 14:53-65; Luka 22:54-55, 63-71; Yohana 18:13-14, 19-24)
57Ba̱nyet ba a̱ si pyyem Yesu ni a̱ nat ba̱ nu a̱gbang Kayafat a̱gba̱dang gado Ka̱za nu. Ka̱ yemi sa̱rei ba̱malam Truwang ba bu ba̱nekwo ba̱nyet Yahuda ba ba yin tung. 58Bitut a̱n tssup gba̱gbang a̱ si sseng an gra a̱gba̱dang gado Ka̱za ji. A̱ nwa a̱ si swrang a̱ta̱sa bu ba̱nyet gadi ba a̱ cyang kyang a ba ni yya ni. 59Ba̱cecet ba̱gado Ka̱za ba bu ka̱tung ba̱cecet ba̱nyet Yahuda ka sa̱rei a̱ shyi cat a̱ka̱tuk ryen nu ba ni yya a̱ sin shya Yesu bu hywak ni a̱ ga ku hywat. 60Ba̱yanyet a̱ cong a̱ ku bvei diraa, ma ban shya kyang a̱ pyyem ba. Ba̱nyet ba̱hwa ba̱yaan a̱ si nyyai a̱ ba, 61a̱ bu hywa, “A̱yin a̱ni a̱ hywa di ki a̱ drok a̱ hwwei bat Ka̱za nani a̱ bo kpo nok ka̱yat nom tat.”
62A̱gba̱dang gado Ka̱za nu a̱ ta̱za a̱ sseng a̱ hywa di Yesu, “A̱nzan a ni brak i hywak ani ba na̱ rop i ni?” 63Yesu a̱ swat ba̱nyong. A̱gba̱dang gado Ka̱za nu a̱ bo hywa da̱ nu, “N na̱ mon bu Ka̱za ka a̱ byyi sucet i a za tyyei ka̱ nwan yet Kristi nu a̱ yet Ka̱won Ka̱za ka ni!”
64Yesu a̱ bu brak a̱ hywa, “A hywa ka̱ryong! N bo ya tyyei ba̱sa̱rei nyin, yi ni ryi Ka̱won A̱neywu ka swat nbvak yak A̱ntyok Cet Sa̱rei, a̱ bo bvwot a̱ bai ka̱yat a̱ninyyan tazwa!”
65Wwon a̱gba̱dang gado Ka̱za nu a̱ si pyyem ba̱tro nu ba a̱ sam, a̱ hywa, “A̱ ywap Ka̱za! A̱nzan zi cat i bu hok? Ba̱ kyi ma yi hok ka̱sak ka na̱n ywap Ka̱za na ni. 66A̱nzan yi ryi?”
Kpikpit a i hywa, “A̱ yya a̱ka̱tuk hywak; a̱ maai dikwu.”
67Ba nwa ku hyum ba̱ncwwa a a̱ssi a̱ ku tsot di mbvak. Ba̱nyet ba a̱ ku tsot ni a̱ hywa, 68“To Kristi, tyyei a̱yin nu a̱ na̱ zzu ni!”
Bitut a̱ ton bvwo Yesu
(Markut 14:66-72; Luka 22:56-62; Yohana 18:15-18, 25-27)
69Bitut na̱ shyi i swat a ka̱yat a̱ta̱sa ka̱ryi a̱gba̱dang gado Ka̱za ka, a̱kwwa ka̱neyang a̱gbang a̱gba̱dang gado Ka̱za nu a̱ nyyai a̱ ba a̱ bu hywa di Bitut, “Nwan ma a shyi bu Yesu A̱ntyok Galili nu.”
70Ma Bitut a̱ ton a̱ta̱ssi mba sa̱rei, a̱ hywa, “N bvwo kyang a a ryat i ba.” 71A̱ wruk a̱ nat ka̱nu ngra ka, a̱kwwa ka̱neyang ka̱yaan a̱ bo ku ryi a̱ hywa di ba̱nyet ba a̱ shyi ka̱ yemi ni, “A̱yin a̱ni a̱ bu shyi bu Yesu A̱ntyok Nazarat u.”
72Bitut a̱ bo ton a̱ hywa, “N shyi, n bvwo a̱yin a̱ywu ba!”
73Ka̱baram ba̱cincong, ba̱ntyok ba̱yaan ba sseng, ba ba a̱ bu hywa di Bitut, “A̱kpak a̱ssi a shyi bu ba̱nyet iya. Diryem ba̱ryat nwan ti ma na̱ tyai!”
74Bitut a̱ nwa ssing a̱ hywa, “Ki diraa n ya bvei i, Ka̱za a̱ n hwaat a̱ jing. N bvwo a̱yin a̱ywu ba!”
Na̱ tyyai ba̱ryat ba, a̱ngbak a̱ tyyak, 75Bitut a̱ yring kyang a Yesu na̱ ka̱n ku tyyei ni, a̱ hywa, “A ni ton n bvwo bvwa ka̱tat, a̱ngbak na̱ kan tyyak ba.” Na̱ wruk a̱ nat a̱ta̱sa a̱ si kun a̱ kprang ka̱byen.
अहिले सेलेक्ट गरिएको:
Matta 26: kaj
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2011, Wycliffe Bible Translators, Inc. All rights reserved.
Matta 26
26
Ba rop pyyem Yesu
(Markut 14:1-2; Luka 22:1-2; Yohana 11:45-53)
1Yesu na̱ bu tyak ba̱ tyyei nkyang ani, a̱ hywa di na̱won pfong nu na, 2“Zi bvat nnom nhwa ba nwa a̱swa Swrap wwon nu, ba pyyem Ka̱won A̱neywu a̱ wrak ba ka̱ ka̱teyang.”
3Ka̱ram iya ba̱cecet ba̱gado Ka̱za ba bu ba̱nekwo ba̱nyet Yahuda ba a̱ yei ka̱tung gbang Kayafat a̱gba̱dang gado Ka̱za nu, 4a̱ rop ka̱sak ka ba nin pyyem Yesu ntsang ni a̱ si ku hywat. 5Ba hywa, “Ma njit ba rat di ku pyyem ka̱ram a̱swa ka, ho ba̱nyet ba a̱ bu yya jyi.”
Ba krok Yesu dihywu Baitanya
(Markut 14:3-9; Yohana 12:1-8)
6Ka̱ram ka Yesu na̱ yin shyi a̱gbang Siman a̱ntyok gbap i ka̱nkrang ka ban yei Baitanya ni, 7a̱mbyring a̱yaan a̱ nyyai bu shep ba̱myyi ba̱nying krum ba̱t, a̱ bu krok Yesu mi diccu na̱ shyi i ya yak. 8Na̱won pfong Yesu na ba bu ryi, a̱ nwa diryen a̱ hywa, “A̱nzan a̱ yet a̱nying byyan krum a̱ni? 9Se ba wa ryap ba̱myyi ba di krum ba̱gingang a̱ brak krum ji a̱n brang ba̱nyet dizot.”
10Yesu a̱ bvwo kyang a ba ryat i a̱ hywa da̱ mba, “A̱nzan a̱n byyi kop a̱dyying da̱ a̱mbyring a̱ni? Nu a̱ n yya a̱tsak kyang. 11Kozan ka̱ram yi shyi bu ba̱nyet dizot ba, ma nzuk n nin hwan ba̱ nyin ba. 12A̱ n krok dihywu ti ni a̱n pfong nom n nyat. 13Ka̱ryong n ya tyyei, koke ban tyyei Ka̱sham Ba̱ryat ka ni i ka̱sa ka, ba ni tyyei kyang ani na̱ yya ni a̱nta̱mak, ba ga swat a̱ ku yring kozan ka̱ram.”
Yahuda a̱ shim ryap Yesu
(Markut 14:10-11; Luka 22:3-6)
14Wwon a̱yanyet ka̱yat ba̱pfong swak bu ba̱hwa Yesu ba, ba yin ku yei Yahuda Iskariyoti, a̱ ba di ba̱cecet ba̱gado Ka̱za ba 15a̱ bu hywa da̱ mba, “Zang a̱mang yi ni n dyi, ki n ya tyyi da̱ nu mbvak?” Ba twang a̱zurfa ba̱ nu nswak tat a̱ ku ryi. 16Nyyai ka̱tuk iya Yahuda a̱ nwa cat ryen na na̱ nin wrak Yesu ni.
Yesu a̱ ya Swrap wwon nu bu na̱won pfong nu
(Markut 14:12-21; Luka 22:7-14, 21-23; Yohana 13:21-30)
17Ka̱tuk ka̱tsitsrang a̱swa Swrap wwon ka ba ri nza burodi sang yisti a ni, na̱won pfong Yesu na a̱ ba da̱ nu a̱ bu ku zzim, “Ke an cat zin na̱ jyi kyangya Swrap wwon na?”
18Yesu a̱ tyyei ka̱ryi ka̱yaan ka̱yat ka̱nkrang ka a̱ hywa di ba nat a̱ si tyyei a̱ntyok ka̱ryi nu a̱ hywa, “Malam a̱ hywa di ka̱ram nu ka a̱ ba shishrek, a̱ cat ya kyangya Swrap wwon na bu na̱won pfong nu na a̱gbang nwan.”
19Na̱won pfong a a̱ ma̱ nat a̱ si yya ka̱sak ka Yesu na̱n ba̱ tyyei ni a̱ si jyi kyangya Swrap wwon na.
20Ka̱jenshring ka bu yya Yesu bu na̱won pfong nu na swak bu ba̱hwa a̱ swrang a̱ ni ya. 21Ba shyi i ya na, Yesu a̱ hywa da̱ mba, “N ya tyyei ka̱ryong, a̱yanyet ka̱yat nyin a̱ ni n dyap.”
22Na̱won pfong a a̱ tyyi ba̱tai a̱ nwa ku zzim ba̱ yayring a̱ yya, “N bvwo nzuk ba, ka̱ni A̱ntyok Ka̱ryi?”
23Yesu a̱ hywa, “A̱tuba nu a̱ tyyi bvak nu na i ryei yring ba̱ nzuk ni, nu a̱mi a̱ ni n dyap. 24Ka̱won A̱neywu a̱ ni kwu ka̱sak ka ba ka̱n jem a̱wwon i ba̱ryat Ka̱za ni. Ma kaito a̱yin nu a̱ ryap Ka̱won Aneywu ka ni. Ba da ku byin ba ma ku wu ku ran.”
25Yahuda a̱ntyok ku ryap u a̱ yrek diwan nu a̱ hywa, “N bvwo nzuk a̱mi a ryat ba ka̱ni, Malam?”
Yesu a̱ ku brak i, “Nwan a̱mi.”
Jibi A̱gwam Yesu
(Markut 14:22-26; Luka 22:14-20; 1 Korinti 11:23-25)
26Ka̱ram ka ban shyi i ya na ni, Yesu a̱ sook dikwang burodi ti, a̱ dyep Ka̱za mi, a̱ sam a̱ ba̱ ka, a̱ hywa da̱ mba, “Yi ya; rwam nzuk a̱mi.”
27A̱ si bo sook ka̱bandyet ka, a̱ bo dyep Ka̱za mi, a̱ bo ba̱ ryi a̱ hywa, “Yi sswa ba̱sa̱rei nyin, 28ba̱sok nzuk a̱mi. Mba a̱mi a̱ yet rop-wwon nu Ka̱za ka yin dyat a̱ sak ni. Ba̱sok nzuk ba ba ni weyang a̱ ga tssu a̱ka̱tukyya ba̱nyet ba̱gingang. 29N ya tyyei n bo byyi sswa i ka̱ndyet kani ba, se ka̱tuk ka n nin sswa a̱hwai ba̱shekwot a̱nap ba ba̱ nyin i Dityok A̱tyyi nzuk ti ni.”
30A̱wwon ba bvom a̱bvom a̱ wruk a̱ nat tazwa dihwan Zeitun ka.
Yesu a̱ tyyei ka̱sak ka Bitut na̱ nin ton ku bvwo ni
(Markut 14:27-31; Luka 22:31-34; Yohana 13:36-38)
31Yesu a̱ hywa da̱ mba, “A̱ta̱tuk kani yi ni tyong n wwon, rot ba̱ryat Ka̱za a̱ hywa a̱wwon, ‘Ka̱za a̱ ni hywat a̱ntyok a̱tsaai u, ka̱srong mbvon-tsaap ka a̱ rot a̱ hwwei.’ 32Ma ka̱ram ka ba ni n shyek ni n ni yet ka̱son nyin n nat Galili.”
33Bitut a̱ shot ka̱nu a̱ hywa, “Ko ba̱nyet ba a̱ tyong sa̱rei, nzuk n ni na̱ wwon ba.”
34Yesu a̱ hywa, “Ka̱ryong n na̱ tyyei, a ni n ton bvat ka̱tat, a̱ngbak na̱ ka̱n tyyak a̱ta̱tuk kani ba.”
35Bitut a̱ hywa, “Ko dikwu nti ba, n nin ton na̱ bvwo ba.”
Kpikpit na̱won pfong a i ma̱n hywa a̱mi meyang.
Yesu a̱ yya a̱duwa ka̱yat Gesamani
(Markut 14:32-42; Luka 22:39-46)
36A̱wwon Yesu a̱ nat bu na̱won pfong nu na ka̱bvwa ka̱yaan ka ban yei Gesamani ni a̱ si hywa da̱ mba, “Nde yi swrang kyi n nat ka̱yaani n si yya a̱duwa.” 37A̱ yei Bitut bu na̱won Zabadi na na̱hwa ba nat. A̱huhwa bu byyan rya a̱ si ku pyyem. 38Na̱ hywa da̱ mba, “Rya nzuk a pfut anye ku ni n hywat. Yi sseng kyi i n brang cam a.”
39Na̱ shek ba̱cincong a̱ myyi a̱ ta̱grup a̱ssi nu na ka̱byen a̱ yya a̱duwa a̱ hywa, “A̱tyyi, ki ku ni yet a n tun ka̱ndyet ka̱bvung kani, ma ba cat nzuk ba se kyang a na̱ myim ni.”
40A̱ brek a̱ ba di na̱won pfong na̱tat iya a̱ bu ba̱ shya ba shyi nda, na̱ hywa di Bitut, “A̱nzan a̱n byyi nyin yi maai i cam ba̱ nzuk ko ka̱baram ba̱cincong ba? 41Yi cam i yya a̱duwa ho yi bu nwa ka̱mak. Tswa ji cat ma rwam a byyi cet ba.”
42A̱ bo nat a̱mba̱hwa nu yya a̱duwa nu, a̱ si hywa, “A̱tyyi, ki ka̱bvung kani a̱ yet ka̱nying seyak n wwon ba, se bu n ka̱ sswa, to se kyang a na̱ myim ni.” 43A̱ bo brek a̱ bu ba̱ shya ba shyi nda, rot ba maai kruk a̱ssi mba na ba.
44Na̱ ba̱ wwon a̱ bo brek a̱ nat a̱ si yya a̱duwa nu, da̱ni di ka̱son ka ni. 45Wwon a̱ si brek a̱ bu hywa di na̱won pfong nu na, “Yi ri shyi nda ka a? Yi ri pfwi o? Yi cyang, ka̱ram ka ba nin wrak Ka̱won A̱neywu a mbvak ba̱nyet a̱ka̱tukyya ni a̱ yya. 46Yi ta̱za zi cong. Dii a̱tuba n dyap u a̱ yemi.”
Ba pyyem Yesu
(Markut 14:43-50; Luka 22:47-53; Yohana 18:3-12)
47Yesu na̱ ri shyi i ba̱ryat ba, Yahuda a̱yring ka̱yat ba̱pfong swak bu ba̱hwa ka, a̱ nyyai a̱ ba, ka̱tswa ba̱nyet ba ku tssup, ba̱nyet breng shan ba̱yanyet bu na̱krong. Ba̱cecet ba̱gado Ka̱za bu ba̱nekwo ba̱nyet Yahuda a̱mi a̱ yin ba̱ tom. 48A̱ntyok ku ryap u a̱ ka̱n ba̱ tyyei a̱wwon a̱ hywa, “A̱tuba nu yi si ryi n krum ni nu a̱mi, yi ku pyyem i nat!”
49Yahuda a̱ tat a̱ si krum Yesu a̱ hywa, “N na̱ byyek, Malam.”
50Yesu a̱ hywa da̱ nu, “A̱kpondang nzuk, yya kyang a ba da̱ nwan ni.”
Ba̱nyet iya a̱ nyyai a̱ bu san Yesu a̱ ku pyyem a̱ nat i. 51A̱tuba a̱yring ka̱yat ba̱nyet ka a̱ yin shyi bu Yesu ni a̱ kwwat ka̱krong nu, a̱ cyang a̱kwwa a̱gba̱dang gado Ka̱za nu a̱ ku tyyak a̱ tyet pfwo na. 52Yesu a̱ hywa da̱ nu, “Brek di ka̱krong nwan ka tyyi, ba̱nyet ba a̱ hyong ka̱krong ni ka̱krong nka a̱ ni yet dikwu mba ti. 53A bvwo di ki n drok n tyyei A̱tyyi, bu ka̱baram na̱ n tom di ba̱pfong nka ba̱gingang nyyai Tazwa ba bu yya zwang a̱n ni n san baa? 54Ma ki ba yya a̱mi, kyang a ba jem a̱wwon i ba̱ryat Ka̱za ba ni ku yya ni n ba cicrak bu kyang a ba hywa di dolet ku ryi a̱mi ni?”
55Yesu a̱ bo brak di ka̱tswa ba̱nyet ka a̱ ba ku pyyem a ni, “Yi ba n pyyem bu shan bu na̱krong n yet a̱ntyok kwak jyi e? Kozan ka̱tuk n swat ka̱yat bat Ka̱za ka n zzek, da̱ nyin ba n pyyem ba. 56Ma ku ba a̱mi i gi myim ba̱cicrak bu kyang a ba yin dyat a̱wwon i ba̱ryat Ka̱za ba ni.”
Wwon na̱won pfong nu na sa̱rei a̱ ku rak a̱ rot a̱ hwwei.
Ba ba bu Yesu ka̱bvwa ba̱cecet ba̱nyet Yahuda
(Markut 14:53-65; Luka 22:54-55, 63-71; Yohana 18:13-14, 19-24)
57Ba̱nyet ba a̱ si pyyem Yesu ni a̱ nat ba̱ nu a̱gbang Kayafat a̱gba̱dang gado Ka̱za nu. Ka̱ yemi sa̱rei ba̱malam Truwang ba bu ba̱nekwo ba̱nyet Yahuda ba ba yin tung. 58Bitut a̱n tssup gba̱gbang a̱ si sseng an gra a̱gba̱dang gado Ka̱za ji. A̱ nwa a̱ si swrang a̱ta̱sa bu ba̱nyet gadi ba a̱ cyang kyang a ba ni yya ni. 59Ba̱cecet ba̱gado Ka̱za ba bu ka̱tung ba̱cecet ba̱nyet Yahuda ka sa̱rei a̱ shyi cat a̱ka̱tuk ryen nu ba ni yya a̱ sin shya Yesu bu hywak ni a̱ ga ku hywat. 60Ba̱yanyet a̱ cong a̱ ku bvei diraa, ma ban shya kyang a̱ pyyem ba. Ba̱nyet ba̱hwa ba̱yaan a̱ si nyyai a̱ ba, 61a̱ bu hywa, “A̱yin a̱ni a̱ hywa di ki a̱ drok a̱ hwwei bat Ka̱za nani a̱ bo kpo nok ka̱yat nom tat.”
62A̱gba̱dang gado Ka̱za nu a̱ ta̱za a̱ sseng a̱ hywa di Yesu, “A̱nzan a ni brak i hywak ani ba na̱ rop i ni?” 63Yesu a̱ swat ba̱nyong. A̱gba̱dang gado Ka̱za nu a̱ bo hywa da̱ nu, “N na̱ mon bu Ka̱za ka a̱ byyi sucet i a za tyyei ka̱ nwan yet Kristi nu a̱ yet Ka̱won Ka̱za ka ni!”
64Yesu a̱ bu brak a̱ hywa, “A hywa ka̱ryong! N bo ya tyyei ba̱sa̱rei nyin, yi ni ryi Ka̱won A̱neywu ka swat nbvak yak A̱ntyok Cet Sa̱rei, a̱ bo bvwot a̱ bai ka̱yat a̱ninyyan tazwa!”
65Wwon a̱gba̱dang gado Ka̱za nu a̱ si pyyem ba̱tro nu ba a̱ sam, a̱ hywa, “A̱ ywap Ka̱za! A̱nzan zi cat i bu hok? Ba̱ kyi ma yi hok ka̱sak ka na̱n ywap Ka̱za na ni. 66A̱nzan yi ryi?”
Kpikpit a i hywa, “A̱ yya a̱ka̱tuk hywak; a̱ maai dikwu.”
67Ba nwa ku hyum ba̱ncwwa a a̱ssi a̱ ku tsot di mbvak. Ba̱nyet ba a̱ ku tsot ni a̱ hywa, 68“To Kristi, tyyei a̱yin nu a̱ na̱ zzu ni!”
Bitut a̱ ton bvwo Yesu
(Markut 14:66-72; Luka 22:56-62; Yohana 18:15-18, 25-27)
69Bitut na̱ shyi i swat a ka̱yat a̱ta̱sa ka̱ryi a̱gba̱dang gado Ka̱za ka, a̱kwwa ka̱neyang a̱gbang a̱gba̱dang gado Ka̱za nu a̱ nyyai a̱ ba a̱ bu hywa di Bitut, “Nwan ma a shyi bu Yesu A̱ntyok Galili nu.”
70Ma Bitut a̱ ton a̱ta̱ssi mba sa̱rei, a̱ hywa, “N bvwo kyang a a ryat i ba.” 71A̱ wruk a̱ nat ka̱nu ngra ka, a̱kwwa ka̱neyang ka̱yaan a̱ bo ku ryi a̱ hywa di ba̱nyet ba a̱ shyi ka̱ yemi ni, “A̱yin a̱ni a̱ bu shyi bu Yesu A̱ntyok Nazarat u.”
72Bitut a̱ bo ton a̱ hywa, “N shyi, n bvwo a̱yin a̱ywu ba!”
73Ka̱baram ba̱cincong, ba̱ntyok ba̱yaan ba sseng, ba ba a̱ bu hywa di Bitut, “A̱kpak a̱ssi a shyi bu ba̱nyet iya. Diryem ba̱ryat nwan ti ma na̱ tyai!”
74Bitut a̱ nwa ssing a̱ hywa, “Ki diraa n ya bvei i, Ka̱za a̱ n hwaat a̱ jing. N bvwo a̱yin a̱ywu ba!”
Na̱ tyyai ba̱ryat ba, a̱ngbak a̱ tyyak, 75Bitut a̱ yring kyang a Yesu na̱ ka̱n ku tyyei ni, a̱ hywa, “A ni ton n bvwo bvwa ka̱tat, a̱ngbak na̱ kan tyyak ba.” Na̱ wruk a̱ nat a̱ta̱sa a̱ si kun a̱ kprang ka̱byen.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2011, Wycliffe Bible Translators, Inc. All rights reserved.