Matta 27
27
Ba nat bu Yesu di Bilatut
(Markut 15:1; Luka 23:1-2; Yohana 18:28-32)
1Sa̱rei ba̱cecet ba̱gado Ka̱za ba bu ba̱nekwo ba̱nyet Yahuda ba a̱ mak ka̱bvwa a̱ si mon a̱ rop ka̱sak ka ba nin hywat Yesu ni. 2Ba ku tyyi na̱nywa a̱ nat ba̱ nu a̱ si wrak Bilatut, nu a̱ yin yet gwamna Rom nu da̱ mba.
Yahuda a̱ ya hywat
(Npfong 1:18-19)
3Ka̱ram ka Yahuda a̱tuba nu a̱ ryap Yesu nu na̱n dyi ba yya Yesu shirya dikwu ni, na̱ kun dambvwo, a̱ brek bu a̱zurfa nswak ntat u a̱ nat i di ba̱gado Ka̱za ba bu ba̱nekwo ba̱nyet Yahuda ba, 4a̱ si hywa, “A̱ka̱tuk kyang a̱mi n yya n wrak a̱ntyok sang hywak ba si hywat.”
Ba hywa da̱ nu, “A̱nzan a̱ yet ka̱ta njit ka? Ba̱ryat nwan a̱ yemi.”
5Yahuda a̱ drok a̱ ba̱ wwon a̱ si ta krum ji ka̱nu bat Ka̱za ka, a̱ seyak a̱ si ya tyyi ryik a̱ kwu.
6Ba̱cecet ba̱gado Ka̱za ba a̱ sook krum ji a̱ hywa, “Krum ba̱sok jinjii ni. Truwang njit ji n za bvwo zi za̱ tyyi an krum bat Ka̱za ji.” 7Ba ryat a̱ si sak, a̱ za̱ sook a̱ san ka̱bvwa nok a̱ron, a̱n yya ka̱bvwa nyyak nkom ba̱necen. 8Nkpa n byyi hat bu tat nom ka̱pfun ba yei ka̱bvwa iya “Ka̱byen Ba̱sok”.
9Ku ba ba̱cicrak bu kyang a a̱ntyok tyyei ba̱ryat Ka̱za nu ba yin yei Irimiya nu ni na̱ yin dyat a̱wwon ni a̱ hywa, “Ba sook a̱zurfa nswak tat u, zang ji ba̱nyet Isreila ba ba yin sak a̱ nin ku tan ni, 10a̱ si san ka̱bvwa nok a̱ron, da̱ni di A̱gwam Ka̱za na̱ n tyyei ni.”
Bilatut a̱ zzim Yesu
(Markut 15:2-5; Luka 23:3-5; Yohana 18:33-38)
11Yesu a̱ si sseng a̱ta̱ssi Bilatut, Bilatut a̱ ku zzim a̱ hywa, “Nwan a̱mi i yet A̱gwam ba̱nyet Yahuda nu o?”
Yesu a̱ hywa da̱ nu, “A hywa ka̱ryong.” 12Ma a̱ ku brak kyang tazwa hywak ka ba̱cecet ba̱gado Ka̱za ba bu ba̱nekwo ba̱nyet Yahuda ba ban ku zzop ni ba.
13Bilatut a̱ si hywa, “A hok na̱hywak a ba na̱ zzop i ni baa?”
14Ma Yesu a̱ ku brak kyang ba, har Gwamna nu a̱ yya ka̱hat ba̱gingang.
Ba tyet Yesu shirya dikwu
(Markut 15:6-15; Luka 23:13-25; Yohana 18:39--19:16)
15To da̱ni di tada Gwamna ji ni kozan dirya, ki a̱swa Swrap wwon nu a̱ krang a̱ ba a̱ na zzim ba̱nyet ba ba tyyei a̱tuba a̱yring u a̱ shyi a jaru nu ba cat na̱ tun a̱ ba̱ wwon i ni. 16To ka̱ram iya a̱ka̱tuk a̱ntyok a̱yaan na̱ shyi a jaru nu, ba yin ku yei Barabbat. 17Ba̱nyet ba ba bu tung, Bilatut a̱ si ba̱ zzim a̱ hywa, “A̱nyan n ni byyik n ya wwon ni? Barabbat ki Yesu nu ban yei Kristi nu ni?” 18Nu a̱ bvwo ba̱zizrak ba ku ryi Yesu rot ba pfong swam nu a̱ bo rak ku ryi a̱mi.
19Bilatut na̱ shyi i swat a a̱ntwam shirya nu, a̱mbyring nu nu a̱ tom pfong a̱ hywa, “Tun mbvak nwan i ba̱ryat a̱yin sang hywak a̱ywu, rot n ku zzak a̱ta̱tuk ka̱nshring n dyi n sswa ka̱bvung ba̱gingang a̱zihywak nu.”
20Ba̱cecet ba̱gado Ka̱za ba bu ba̱nekwo ba̱nyet Yahuda ba a̱ sswat ba̱nyet ba a̱ tyyi ba hywa di Bilatut a̱ tun Barabbat a̱ ba̱ wwon ni a̱ hywat Yesu. 21Bilatut a̱ bo ba̱ zzim, “A̱nyan ka̱yat ba̱nyet ba̱hwa ka ni yi cat n tun ya wwon ni?”
Ba hywa, “Barabbat!”
22Na̱ hywa, “To nu Yesu nu ban yei Kristi nu ni, n yya ni ba̱ nu?”
Sa̱rei mba ba hywa “Ku teyang tazwa ka̱teyang!”
23Bilatut a̱ zzim, “A̱nzan hywak na̱ yya?”
Ba nwa tyei nkun ba̱ ntazwa, “Ku ka̱teyang!”
24Bilatut a̱ bu ryi na̱ bo ni shya diccu mba ba, hat ma ka̱ a̱ ta̱rwam ba, ba ni ku yrek jyi, na̱ tyyi ba ku ba bu ba̱shekwot na̱n tssu mbvak nu na a̱ta̱ssi mba, a̱ hywa da̱ mba, “Nzuk n nin byyi bvak i dikwu a̱ntyok tini ba, ba̱ryat nyin a̱ yemi!”
25Sa̱rei ba̱nyet ba a̱ hywa, “Ryok ba̱sok nu ba a̱ za tssup har bu na̱won njit!”
26Bilatut a̱ si tun Barabbat a̱ ba̱ wwon ni a̱ tyyi ba twang Yesu a̱yo a̱ ku wrak ba nat ba̱ nu a̱ si teyang tazwa ka̱teyang ka.
Nsoja na yya Yesu ryihywat
(Markut 15:16-20; Yohana 19:2-3)
27Nsoja Bilatut a i nat bu Yesu ka̱yat ka̱ryi Bilatut ka, sa̱rei nsoja na i tung ka̱ yemi a̱ tyong a̱ ku krang. 28Ba ku kruk ba̱tro nu ba, a̱ ku kup a̱gba̱dang a̱shong a̱tro a̱yaan. 29A̱ bvwa ba̱ a̱shyim a̱n grang rawoni a̱ ku sak i diccu, a̱ shya shan a̱ ku tyyi mi mbvak yak, wwon a̱ cong a̱ ta̱gbok a̱ta̱ssi nu ka a̱ ku zzang a̱ yya, “Ka̱za a̱ wwon sucet A̱gwam ba̱nyet Yahuda.” 30A̱ ku hyum ba̱ncwwa a̱ ssang shan ji a̱n ku tsot bu diccu. 31Ba bu tyak ku yya ryihywat a, a̱ kruk a̱gba̱dang a̱tro a̱ywu a̱ brek di ba̱nuu ba a̱ ku kup i, a̱ brak a̱ rot ba̱ nu a̱ nat i ka̱bvwa ka ba nin ku hywat ni.
Ba teyang Yesu tazwa ka̱teyang
(Markut 15:21-32; Luka 23:26-43; Yohana 19:17-27)
32Ba shyi i naat a a̱ si shya a̱ntyok Kurane a̱yaan ba yin yei Siman a̱ ku gwwak na̱ cot dikum ti ba naat a̱ sin hywat Yesu ni. 33Ba bu tat ka̱bvwa ka̱yaan ba yin yei Golgota, nka a̱ yet “Ka̱bvwa a̱nkpong diccu.” 34Ba ku ryi nkwwa a̱kyyai ba̱ a̱cwai ba̱shekwot ba̱yaan ban yei ba̱ryi, ka̱ram ka na̱n drak ni a̱ rak na̱ sswa na.
35Ba bu ku teyang tazwa ka̱teyang ka, a̱ ta gyai a̱n ya ka ba̱tro nu ba. 36A̱ brek a̱ swrang a̱ ku cam. 37Tazwa diccu nu ka ban jem hywak a ba ku shya mi ni, a̱ hywa, “Yesu a̱mi, A̱gwam ba̱nyet Yahuda.” 38A̱ bo teyang ba̱tang ba̱yaan tazwa ka̱teyang ka, a̱yring nbvak yak a̱yring nbvak myin.
39Ba̱nyet swrap ba, koyan a̱ bu tat a̱ kak diccu a̱ mak Yesu ditok, 40a̱ hywa, “Nwan nu yin hywa di a ni hwwei bat Ka̱za na i kpo nok ka̱yat nom ntat i. Ki a yet Ka̱won Ka̱za, a san diccu nwan! Da̱ kyyek nyyai tazwa ka̱teyang ka!”
41A̱mi meyang ba̱cecet ba̱gado Ka̱za ba bu ba̱malam Truwang ba bu ba̱nekwo ba̱nyet Yahuda ba a̱ ku ryat ryihywat, a̱ hywa 42“A̱ ssang ba̱yanyet, ma a̱ maai san diccu nu ba. A̱ yet A̱gwam Isreila, ka̱ni? Naanini ka̱ a̱ kyrek nyyai tazwa ka̱teyang ka zi ku san. 43A̱ wrak Ka̱za rya nu a̱ ya yei Ka̱won Ka̱za, to zi ni ryi naani ki Ka̱za a̱ ni ku san!”
44Ba̱tang ba ma ba hywat ba̱ nu ni a̱ ma̱ nwa ku pfwei.
Dikwu Yesu
(Markut 15:33-41; Luka 23:44-49; Yohana 19:28-30)
45A̱janjai a̱ta̱nom sa̱rei ka̱byen ka a̱ kwwat ryin nyyai an tswam swak bu swa si tat tswam tsat. 46Da̱ni di tswam tsat ni Yesu a̱ tyyi kun tazwa a̱ hywa, “Eli, Eli, lama sabaktani?” Nkpa yet zi diryem ba̱nyet Yahuda ti, “Ka̱za nzuk, Ka̱za nzuk, a̱nzan a̱ yya a ni n dak wwon?”
47Ba̱nyet ba̱yaan ba a̱ sseng ka̱ yemi ni a̱ ku hok a̱ hywa, “A̱ yei Iliya!” 48A̱yanyet a̱ ta̱kwang a̱ si sook a̱soso a̱ som a a̱zizam ba̱shekwot a̱ tyok i dishya a̱ kwan a̱ ku tyyi mi na̱ sswa.
49Ba̱yanyet a̱ hywa, “Yen ku ryok zi yen dyi ki Iliya nu a̱ bai a̱ bu ku san!”
50Yesu a̱ bo tyyi kun ba̱ tazwa a̱ shek a̱ngbom nsso nu. 51Labule na i shyi i bat Ka̱za na ni i tra n bvwa a̱hwa nyyai tazwa bu tat ka̱byen. Ka̱byen ka a̱ zun, a̱cecet nkpang a̱ tssak, 52ndyak i kwut, ba̱yanyet ba a̱ yet ba̱nying Ka̱za ba a̱ ka̱n kwi ni ba ba̱ shyek. 53Ba wwut a ndyak a; ka̱ram ka Yesu na̱n shyek ni ba nwa ka̱yat ka̱nkrang Urushalima ka ba̱nyet ba̱gingang a̱ ba̱ cyang.
54A̱gba̱dang soja nu bu kpikpit nsoja na yin cam Yesu ni ba bu ryi zun ka̱byen na bu kpikpit nkyang a yya ni a̱ hok ka̱wun a̱ hywa, “Ka̱ryong a̱mi, a̱yin a̱ni a̱ yet Ka̱won Ka̱za!”
55Ba̱nyring ba̱yaan ba̱gingang a̱ yin shyi a̱ sseng gba̱gbang a̱ cyang. Ba yin tssup Yesu nyyai Galili a̱ ku brang. 56Maryamu Magadaliya, bu Maryamu a̱naa Yakubu bu Yusufu, nta̱mak ba̱ a̱naa na̱won Zabadi a̱ yin shyi i ka̱cyet ka.
Ba nyat Yesu
(Markut 15:42-47; Luka 23:50-56; Yohana 19:38-42)
57Ka̱jenshring ka bu yya a̱ntyok nzwa a̱yaan ba yin yei Yusufu, a̱ yin nyyai Arimatiya, a̱ nyyai a̱ ba, a̱ yin shyi i ba̱nyet tssup Yesu ba 58a̱ ba a̱ bu nwa di Bilatut a̱ naai ba ku ryi kom Yesu na na̱ si nyat. Bilatut a̱ tyyi ba ryok Yusufu na̱ sook. 59Yusufu a̱ sook a̱ si shya a̱hwai wwang a̱tro a̱n gat, 60a̱ nat i a̱ si nyat i ryak nu na̱ yin dung an kpang bu ka̱ram iya ni. A̱ yrik a̱gba̱ryet nkpang nzaan a̱n kup ka̱nu ryak ka a̱ drok. 61Maryamu Magadaliya bu Maryamu a̱yring u ba swrang a̱ sak ka̱ssi ka̱nu ryak ka.
Ba tyyi cam ka̱nu ryak ka
62Ka̱ntson tat ka, ka̱tuk A̱sa̱ba̱t a̱ yemi, ba̱cecet ba̱gado Ka̱za ba bu ba̱nyet Farisa na a̱ nat a̱ si mon bu Bilatut 63a̱ hywa, “A̱ntyok ka̱ryi, zi yring, a̱ntyok diraa a̱ywu na̱ ri swat a̱cet na̱ hywa, ‘Ki n bvwa nom ntat ba ni n shyek.’ 64Zi cat a tyyi ba nat a̱ si cam ka̱nu ryak ka se nom ntat a a̱ yya, ho ba̱nyet tssup nu ba a̱ bu nat a̱ si yyi kom a a̱ drok a̱ si tyyei ba̱nyet ba di a̱ ta̱za i dibyyi ti. A ryi diraa tini ti si ra̱u tinying ka̱tsitsrang ti.”
65Bilatut a̱ hywa da̱ mba, “Yi bvwa nsoja ba nat a̱ si cam ka̱nu ryak ka ansham.”
66Ba nat a̱ si yen bat ka̱nu ryak ka a̱ sin sak ba̱nyet cam ba.
अहिले सेलेक्ट गरिएको:
Matta 27: kaj
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2011, Wycliffe Bible Translators, Inc. All rights reserved.
Matta 27
27
Ba nat bu Yesu di Bilatut
(Markut 15:1; Luka 23:1-2; Yohana 18:28-32)
1Sa̱rei ba̱cecet ba̱gado Ka̱za ba bu ba̱nekwo ba̱nyet Yahuda ba a̱ mak ka̱bvwa a̱ si mon a̱ rop ka̱sak ka ba nin hywat Yesu ni. 2Ba ku tyyi na̱nywa a̱ nat ba̱ nu a̱ si wrak Bilatut, nu a̱ yin yet gwamna Rom nu da̱ mba.
Yahuda a̱ ya hywat
(Npfong 1:18-19)
3Ka̱ram ka Yahuda a̱tuba nu a̱ ryap Yesu nu na̱n dyi ba yya Yesu shirya dikwu ni, na̱ kun dambvwo, a̱ brek bu a̱zurfa nswak ntat u a̱ nat i di ba̱gado Ka̱za ba bu ba̱nekwo ba̱nyet Yahuda ba, 4a̱ si hywa, “A̱ka̱tuk kyang a̱mi n yya n wrak a̱ntyok sang hywak ba si hywat.”
Ba hywa da̱ nu, “A̱nzan a̱ yet ka̱ta njit ka? Ba̱ryat nwan a̱ yemi.”
5Yahuda a̱ drok a̱ ba̱ wwon a̱ si ta krum ji ka̱nu bat Ka̱za ka, a̱ seyak a̱ si ya tyyi ryik a̱ kwu.
6Ba̱cecet ba̱gado Ka̱za ba a̱ sook krum ji a̱ hywa, “Krum ba̱sok jinjii ni. Truwang njit ji n za bvwo zi za̱ tyyi an krum bat Ka̱za ji.” 7Ba ryat a̱ si sak, a̱ za̱ sook a̱ san ka̱bvwa nok a̱ron, a̱n yya ka̱bvwa nyyak nkom ba̱necen. 8Nkpa n byyi hat bu tat nom ka̱pfun ba yei ka̱bvwa iya “Ka̱byen Ba̱sok”.
9Ku ba ba̱cicrak bu kyang a a̱ntyok tyyei ba̱ryat Ka̱za nu ba yin yei Irimiya nu ni na̱ yin dyat a̱wwon ni a̱ hywa, “Ba sook a̱zurfa nswak tat u, zang ji ba̱nyet Isreila ba ba yin sak a̱ nin ku tan ni, 10a̱ si san ka̱bvwa nok a̱ron, da̱ni di A̱gwam Ka̱za na̱ n tyyei ni.”
Bilatut a̱ zzim Yesu
(Markut 15:2-5; Luka 23:3-5; Yohana 18:33-38)
11Yesu a̱ si sseng a̱ta̱ssi Bilatut, Bilatut a̱ ku zzim a̱ hywa, “Nwan a̱mi i yet A̱gwam ba̱nyet Yahuda nu o?”
Yesu a̱ hywa da̱ nu, “A hywa ka̱ryong.” 12Ma a̱ ku brak kyang tazwa hywak ka ba̱cecet ba̱gado Ka̱za ba bu ba̱nekwo ba̱nyet Yahuda ba ban ku zzop ni ba.
13Bilatut a̱ si hywa, “A hok na̱hywak a ba na̱ zzop i ni baa?”
14Ma Yesu a̱ ku brak kyang ba, har Gwamna nu a̱ yya ka̱hat ba̱gingang.
Ba tyet Yesu shirya dikwu
(Markut 15:6-15; Luka 23:13-25; Yohana 18:39--19:16)
15To da̱ni di tada Gwamna ji ni kozan dirya, ki a̱swa Swrap wwon nu a̱ krang a̱ ba a̱ na zzim ba̱nyet ba ba tyyei a̱tuba a̱yring u a̱ shyi a jaru nu ba cat na̱ tun a̱ ba̱ wwon i ni. 16To ka̱ram iya a̱ka̱tuk a̱ntyok a̱yaan na̱ shyi a jaru nu, ba yin ku yei Barabbat. 17Ba̱nyet ba ba bu tung, Bilatut a̱ si ba̱ zzim a̱ hywa, “A̱nyan n ni byyik n ya wwon ni? Barabbat ki Yesu nu ban yei Kristi nu ni?” 18Nu a̱ bvwo ba̱zizrak ba ku ryi Yesu rot ba pfong swam nu a̱ bo rak ku ryi a̱mi.
19Bilatut na̱ shyi i swat a a̱ntwam shirya nu, a̱mbyring nu nu a̱ tom pfong a̱ hywa, “Tun mbvak nwan i ba̱ryat a̱yin sang hywak a̱ywu, rot n ku zzak a̱ta̱tuk ka̱nshring n dyi n sswa ka̱bvung ba̱gingang a̱zihywak nu.”
20Ba̱cecet ba̱gado Ka̱za ba bu ba̱nekwo ba̱nyet Yahuda ba a̱ sswat ba̱nyet ba a̱ tyyi ba hywa di Bilatut a̱ tun Barabbat a̱ ba̱ wwon ni a̱ hywat Yesu. 21Bilatut a̱ bo ba̱ zzim, “A̱nyan ka̱yat ba̱nyet ba̱hwa ka ni yi cat n tun ya wwon ni?”
Ba hywa, “Barabbat!”
22Na̱ hywa, “To nu Yesu nu ban yei Kristi nu ni, n yya ni ba̱ nu?”
Sa̱rei mba ba hywa “Ku teyang tazwa ka̱teyang!”
23Bilatut a̱ zzim, “A̱nzan hywak na̱ yya?”
Ba nwa tyei nkun ba̱ ntazwa, “Ku ka̱teyang!”
24Bilatut a̱ bu ryi na̱ bo ni shya diccu mba ba, hat ma ka̱ a̱ ta̱rwam ba, ba ni ku yrek jyi, na̱ tyyi ba ku ba bu ba̱shekwot na̱n tssu mbvak nu na a̱ta̱ssi mba, a̱ hywa da̱ mba, “Nzuk n nin byyi bvak i dikwu a̱ntyok tini ba, ba̱ryat nyin a̱ yemi!”
25Sa̱rei ba̱nyet ba a̱ hywa, “Ryok ba̱sok nu ba a̱ za tssup har bu na̱won njit!”
26Bilatut a̱ si tun Barabbat a̱ ba̱ wwon ni a̱ tyyi ba twang Yesu a̱yo a̱ ku wrak ba nat ba̱ nu a̱ si teyang tazwa ka̱teyang ka.
Nsoja na yya Yesu ryihywat
(Markut 15:16-20; Yohana 19:2-3)
27Nsoja Bilatut a i nat bu Yesu ka̱yat ka̱ryi Bilatut ka, sa̱rei nsoja na i tung ka̱ yemi a̱ tyong a̱ ku krang. 28Ba ku kruk ba̱tro nu ba, a̱ ku kup a̱gba̱dang a̱shong a̱tro a̱yaan. 29A̱ bvwa ba̱ a̱shyim a̱n grang rawoni a̱ ku sak i diccu, a̱ shya shan a̱ ku tyyi mi mbvak yak, wwon a̱ cong a̱ ta̱gbok a̱ta̱ssi nu ka a̱ ku zzang a̱ yya, “Ka̱za a̱ wwon sucet A̱gwam ba̱nyet Yahuda.” 30A̱ ku hyum ba̱ncwwa a̱ ssang shan ji a̱n ku tsot bu diccu. 31Ba bu tyak ku yya ryihywat a, a̱ kruk a̱gba̱dang a̱tro a̱ywu a̱ brek di ba̱nuu ba a̱ ku kup i, a̱ brak a̱ rot ba̱ nu a̱ nat i ka̱bvwa ka ba nin ku hywat ni.
Ba teyang Yesu tazwa ka̱teyang
(Markut 15:21-32; Luka 23:26-43; Yohana 19:17-27)
32Ba shyi i naat a a̱ si shya a̱ntyok Kurane a̱yaan ba yin yei Siman a̱ ku gwwak na̱ cot dikum ti ba naat a̱ sin hywat Yesu ni. 33Ba bu tat ka̱bvwa ka̱yaan ba yin yei Golgota, nka a̱ yet “Ka̱bvwa a̱nkpong diccu.” 34Ba ku ryi nkwwa a̱kyyai ba̱ a̱cwai ba̱shekwot ba̱yaan ban yei ba̱ryi, ka̱ram ka na̱n drak ni a̱ rak na̱ sswa na.
35Ba bu ku teyang tazwa ka̱teyang ka, a̱ ta gyai a̱n ya ka ba̱tro nu ba. 36A̱ brek a̱ swrang a̱ ku cam. 37Tazwa diccu nu ka ban jem hywak a ba ku shya mi ni, a̱ hywa, “Yesu a̱mi, A̱gwam ba̱nyet Yahuda.” 38A̱ bo teyang ba̱tang ba̱yaan tazwa ka̱teyang ka, a̱yring nbvak yak a̱yring nbvak myin.
39Ba̱nyet swrap ba, koyan a̱ bu tat a̱ kak diccu a̱ mak Yesu ditok, 40a̱ hywa, “Nwan nu yin hywa di a ni hwwei bat Ka̱za na i kpo nok ka̱yat nom ntat i. Ki a yet Ka̱won Ka̱za, a san diccu nwan! Da̱ kyyek nyyai tazwa ka̱teyang ka!”
41A̱mi meyang ba̱cecet ba̱gado Ka̱za ba bu ba̱malam Truwang ba bu ba̱nekwo ba̱nyet Yahuda ba a̱ ku ryat ryihywat, a̱ hywa 42“A̱ ssang ba̱yanyet, ma a̱ maai san diccu nu ba. A̱ yet A̱gwam Isreila, ka̱ni? Naanini ka̱ a̱ kyrek nyyai tazwa ka̱teyang ka zi ku san. 43A̱ wrak Ka̱za rya nu a̱ ya yei Ka̱won Ka̱za, to zi ni ryi naani ki Ka̱za a̱ ni ku san!”
44Ba̱tang ba ma ba hywat ba̱ nu ni a̱ ma̱ nwa ku pfwei.
Dikwu Yesu
(Markut 15:33-41; Luka 23:44-49; Yohana 19:28-30)
45A̱janjai a̱ta̱nom sa̱rei ka̱byen ka a̱ kwwat ryin nyyai an tswam swak bu swa si tat tswam tsat. 46Da̱ni di tswam tsat ni Yesu a̱ tyyi kun tazwa a̱ hywa, “Eli, Eli, lama sabaktani?” Nkpa yet zi diryem ba̱nyet Yahuda ti, “Ka̱za nzuk, Ka̱za nzuk, a̱nzan a̱ yya a ni n dak wwon?”
47Ba̱nyet ba̱yaan ba a̱ sseng ka̱ yemi ni a̱ ku hok a̱ hywa, “A̱ yei Iliya!” 48A̱yanyet a̱ ta̱kwang a̱ si sook a̱soso a̱ som a a̱zizam ba̱shekwot a̱ tyok i dishya a̱ kwan a̱ ku tyyi mi na̱ sswa.
49Ba̱yanyet a̱ hywa, “Yen ku ryok zi yen dyi ki Iliya nu a̱ bai a̱ bu ku san!”
50Yesu a̱ bo tyyi kun ba̱ tazwa a̱ shek a̱ngbom nsso nu. 51Labule na i shyi i bat Ka̱za na ni i tra n bvwa a̱hwa nyyai tazwa bu tat ka̱byen. Ka̱byen ka a̱ zun, a̱cecet nkpang a̱ tssak, 52ndyak i kwut, ba̱yanyet ba a̱ yet ba̱nying Ka̱za ba a̱ ka̱n kwi ni ba ba̱ shyek. 53Ba wwut a ndyak a; ka̱ram ka Yesu na̱n shyek ni ba nwa ka̱yat ka̱nkrang Urushalima ka ba̱nyet ba̱gingang a̱ ba̱ cyang.
54A̱gba̱dang soja nu bu kpikpit nsoja na yin cam Yesu ni ba bu ryi zun ka̱byen na bu kpikpit nkyang a yya ni a̱ hok ka̱wun a̱ hywa, “Ka̱ryong a̱mi, a̱yin a̱ni a̱ yet Ka̱won Ka̱za!”
55Ba̱nyring ba̱yaan ba̱gingang a̱ yin shyi a̱ sseng gba̱gbang a̱ cyang. Ba yin tssup Yesu nyyai Galili a̱ ku brang. 56Maryamu Magadaliya, bu Maryamu a̱naa Yakubu bu Yusufu, nta̱mak ba̱ a̱naa na̱won Zabadi a̱ yin shyi i ka̱cyet ka.
Ba nyat Yesu
(Markut 15:42-47; Luka 23:50-56; Yohana 19:38-42)
57Ka̱jenshring ka bu yya a̱ntyok nzwa a̱yaan ba yin yei Yusufu, a̱ yin nyyai Arimatiya, a̱ nyyai a̱ ba, a̱ yin shyi i ba̱nyet tssup Yesu ba 58a̱ ba a̱ bu nwa di Bilatut a̱ naai ba ku ryi kom Yesu na na̱ si nyat. Bilatut a̱ tyyi ba ryok Yusufu na̱ sook. 59Yusufu a̱ sook a̱ si shya a̱hwai wwang a̱tro a̱n gat, 60a̱ nat i a̱ si nyat i ryak nu na̱ yin dung an kpang bu ka̱ram iya ni. A̱ yrik a̱gba̱ryet nkpang nzaan a̱n kup ka̱nu ryak ka a̱ drok. 61Maryamu Magadaliya bu Maryamu a̱yring u ba swrang a̱ sak ka̱ssi ka̱nu ryak ka.
Ba tyyi cam ka̱nu ryak ka
62Ka̱ntson tat ka, ka̱tuk A̱sa̱ba̱t a̱ yemi, ba̱cecet ba̱gado Ka̱za ba bu ba̱nyet Farisa na a̱ nat a̱ si mon bu Bilatut 63a̱ hywa, “A̱ntyok ka̱ryi, zi yring, a̱ntyok diraa a̱ywu na̱ ri swat a̱cet na̱ hywa, ‘Ki n bvwa nom ntat ba ni n shyek.’ 64Zi cat a tyyi ba nat a̱ si cam ka̱nu ryak ka se nom ntat a a̱ yya, ho ba̱nyet tssup nu ba a̱ bu nat a̱ si yyi kom a a̱ drok a̱ si tyyei ba̱nyet ba di a̱ ta̱za i dibyyi ti. A ryi diraa tini ti si ra̱u tinying ka̱tsitsrang ti.”
65Bilatut a̱ hywa da̱ mba, “Yi bvwa nsoja ba nat a̱ si cam ka̱nu ryak ka ansham.”
66Ba nat a̱ si yen bat ka̱nu ryak ka a̱ sin sak ba̱nyet cam ba.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2011, Wycliffe Bible Translators, Inc. All rights reserved.