Luke Lebaande la matsaange mamabuɛ ma Luke àkome
Lebaande la matsaange mamabuɛ ma Luke àkome
Luke àsàbade mutu wa lekake la bachife vɛ. Ndɛ àsàbade vatsɔ baate ba Sése ba lekumi na bɔli vɛ. Tɔ àyɛndenge bone a Pɔɔle mu mibuke mi wone àyɛndenge na yamesenge ndɛ mudianze. Ndɛ niwuwàkome namoni a ichange cha maambe ma batome. Gutsɔ ichange chinechi, ndɛ bande bése a béne lɛle ndé ndɛ maambe motchi ma mu niute a Sése atɔnde bése a béne lɛle buébuédi. Luke maambe muɛne gulidi bachife na baate ba makake makime àkomele mu ndé bɔ bayabe bo maambe ma balɔngese bɔ mu niute a Sése mɔ maambe mambuli. Luke maambe mvuamɔvɛ àkome mu letɔnde le Sése alidi nalɔ gulidi baate babakolene na baate babavɔngele na bakaase na baate ba makake makime.
Bande va itini cha tsomi kuange na gu itini cha biɔli, Luke bése a béne ayole musame a lebote la Sa Mbatise na lebote la Sése na buni Sése àboge. Ndɛ yole musame muɛne mu lɛle bése a béne buni Mari na Sakari na Chiméyon bàkàkese Nzɛmbi.
Bande va itini cha bitate kuange na gu itini cha bina, Luke bése a béne ayole musame a buni Sa Mbatise àyade gu lébele baate leyade la Sése, na buni Sa àtube ndɛ mu maambe na bu Diabele àyade gu sɔge Sése.
Bande va itini cha bina kuange na gu itini cha wa, Luke bése a béne ayole musame a buni Sése àmate gu Ngalilé na buni ndɛ lɔngesenge mabige ma Nzɛmbi na bɛlesenge babéde.
Bande va itini cha wa kuange na gu itini cha lekumi na wa, Luke bése a béne ayole musame a buni Sése àmate gu musɛnge a Ngalilé mu yɛnde gu Sérusalɛme.
Bande va itini cha lekumi na wa kuange na gu itini cha makumi mɔli na itini imochi, Luke bése a béne ayole musame a maambe motchi ma Sése àsade gu Sérusalɛme na maambe motchi ma ndɛ lɔngesenge gone.
Bande va itini cha makumi mɔli na bitini biɔli kuange na gu itini cha makumi mɔli na bitini bitate, Luke bése a béne ayole musame a mimbɔnde mi Sése àmɔne na buni ndɛ kuàde .
Gutsɔ itini cha makumi mɔli na bitini bina, Luke bése a béne ayole musame a buni Sése àsoge gu leku le ndɛ kuàde na buni ndɛ sote va pfuɛchi a baate bɛndi na buni ndɛ àkome gu yulu.
अहिले सेलेक्ट गरिएको:
Luke Lebaande la matsaange mamabuɛ ma Luke àkome: NZB
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES