Matai 1
1
Ersa Mexihani Xienrenla
(Luj 3:23-38)
1Eneshi Ersa Mexihani#1:1 tosun teisan xienrenlai niereni jilasan shu wo. Hheshi Iburaheimu, Dawudeni houdei wo. 2Iburaheimude Isagheini oluwo. Isagheide Yagebuni oluwo. Yagebude Yuda, gaijiulaini oluwo. 3Tama Yudade Falesi, Xiela ghualai oluwo. Faleside Xisilunni oluwo. Xisilunde Lanni oluwo. 4Lande Yaminadani oluwo. Yaminadade Nashunni oluwo. Nashunde Samenni oluwo. 5Lahe Samende Boasini oluwo. Lude Boaside Ebeideni oluwo. Ebeidede Yexini oluwo. 6Yexide Dawude honshanni oluwo.
Uliyani bierei Dawudede Sulumaneni oluwo. 7Sulumanede Loboanni oluwo. Loboande Yabiyani oluwo. Yabiyade Yasani oluwo. 8Yasade Yeshafani oluwo. Yeshafade Yelanni oluwo. Yelande Uxiyani oluwo. 9Uxiyade Yetanni oluwo. Yetande Yahasini oluwo. Yahaside Xixijiani oluwo. 10Xixijiade Manaxini oluwo. Manaxide Yamenni oluwo. Yamende Yexiyani oluwo. 11Bexinlai Babilunde touzhi echikude Yexiyade Yegeniya, gaijiulani oluwo.
12Touzhi Babilunde echidene Yegeniyade Salaqieni oluwo. Salaqiede Solobaboni oluwo. 13Solobabode Yabiini oluwo. Yabiide Iliyajinni oluwo. Iliyajinde Yasoni oluwo. 14Yasode Saduni oluwo. Sadude Yajinni oluwo. Yajinde Ilini oluwo. 15Ilide Iliyasani oluwo. Iliyasade Madanni oluwo. Madande Yagebuni oluwo. 16Yagebude Yusufuni oluwo. Yusufushi Mereiyenni zhanguiji wo. Mereiyen Mexiha giesan Ersai oluwo. 17Ingiese Iburaheimuse Dawudeshi 14 dai wo. Dawudese bexinlai touzhi Babilunde echikude 14 dai wo. Touzhi Babilunde echidene Mexihashi 14 dai wo.
Ersa Mexihani Oluzho
(Luj 2:1-7)
18 Ersa Mexihai olusan shiqinshi imutui wo. Hhei anai Mereiyenni Yusufude boluzho. Dou ese agikude Mereiyen Shenlinghala kewosi laiwo. 19Hhei zhanguijini Yusufushi nie gou kun wo. Hhei minminji shizheghaku duran uwo. Qioqioji siraghane giezho. 20Hhe zhen ene shiqinni sumulakude Ezhanni qienxien zhoujindei xienjighazhi kieliewo, "Dawudeni houdei Yusufu, chi bu ayidene Mereiyenni agizhi ire. Hhe Shenlinghala kewosi laiwo. 21Hhe nie kewon olune. Niereini Ersa#1:21 Huda jiuine giezhi ogi. Hhe bexinlane zui dundase jiuine." 22Ene shiqinla man fashen giekushi Ezhan xienzhini tungo giezhi kieliesan kielien mutun gholughane giezho,
23"Nie ese dafalasan oqin kewon laizhi olune.
Niereini Imaneili giene."
Imaneilini isishi Huda matanre hhantu wo. 24Yusufu xiereidene Ezhanni qienxien fenfulasan mutun biereii agizhi irewoma, 25kewosi ese olutula ghuala hhantu ese kijiezho. Kewonni oludene hhende Ersa giezhi niere ogiwo.
अहिले सेलेक्ट गरिएको:
Matai 1: sce
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2020-2024 River Street Publishing.