मत्ती 16
16
यहूदी नेताऔं की चाल
(मरकुस 8:11–13; लूका 12:54–56)
1 #
मत्ती 12:38; लूका 11:16 फिर फरीसी और सदूकी ईसु के धौंरे आए और बाकै परखनै के ताँई उनौनै सुरग की ओर की कोई निसानी माँगी। 2ईसु नै जबाब दओ, “दिन छिपे तुम कैबौ हौ मौसम ठीक रैहगो, कैसेकै आसमान लाल है। 3और सुबे कैबौ हौ, आज आँधी आगी कैसेकै आसमान लाल और बादरौं सै घिरो भओ है। तुम आसमान कै देक्कै मौसम की भबिसबानी तौ कर सकौ हौ, पर अपने बखत के चिन्नौ को भेद बता ना सकौ हौ। 4#मत्ती 12:39; लूका 11:29बैबिचारी और परमेसर कै ना माननै बारी पीड़ी एक निसानी माँगै है, पर नबी योना की निसानी के अलाबा कोई और निसानी उनकै ना देई जागी।” फिर ईसु उनकै छोड़कै चलो गओ।
ईसु की चितौनी
(मरकुस 8:14–21)
5ईसु के चेला झील के पार चले आए, पर बे रोटी लानो भूल गए। 6#लूका 12:1इसताँई जब ईसु नै उनसै कैई, “चौकन्ने रैहऔ! और फरीसिऔं और सदूकिऔं के खमीर#16:6 खमीर, रात को बचो भओ खट्टे चून कै खमीर कैबै हैं सै बचे रैहऔ।” 7तौ बे आपस मै कैललगे, “हम रोटी ना लाए, इसताँई जौ ऐंसे कैरओ है।” 8जौ जानकै, ईसु नै उनसै कैई, “हे अल्प बिसवासिऔ, तुम आपस मै काए बिचार करौ हौ कै हमरे धौंरे रोटी ना है? 9#मत्ती 14:17–21का तुम अब तक ना समजे? का उन पाँच हजार लोगौ के ताँई पाँच रोटी तुमकै याद ना है? और तुमनै बहाँ बची भई रोटिऔं सै भरे भए कितने पल्ला उठाए हे? 10#मत्ती 15:34–38और उन चार हजार लोगौ के ताँई सात रोटी, और तुमनै कितने पल्ला भरे हे? 11तुम काए ना समजते कै मैंनै तुमसै रोटी के बारे मै ना कैई? मैंनै तौ तुमकै फरीसिऔं और सदूकिऔं के खमीर सै बचनै कै कैई है।” 12तब चेला समज गए कै बानै रोटी के खमीर सै ना, पर बाको मतलब फरीसिऔं और सदूकिऔं की सिक्छा सै चौकस रैहनै कै कैई ही।
पतरस को बिसवास
(मरकुस 8:27–30; लूका 9:18–21)
13जब ईसु केसरिया फिलिप्पी के परदेस मै आओ तौ बानै अपने चेलौ सै पूँछी, “आदमी को लौंड़ा कौन है, इस बारे मै लोग का कैबै हैं?”
14 #
मत्ती 14:1,2; मरकु 6:14,15; लूका 9:7,8 उनौनै कैई, “कुछ लोग कैबै हैं, यहून्ना जल संस्कार दैनै बारो, और कुछ एलिया, और कुछ यरमिया या नबिऔ मै सै कोई एक है।”
15ईसु नै उनसै कैई, “और तुम का कैबौ हौ कै मैं कौन हौं?”
16 #
यहून 6:68,69 समौन पतरस नै जबाब दओ कै, “तू जिन्दे परमेसर को लौंड़ा मसी है।”
17ईसु नै उसकै जबाब दओ, कै “हे समौन, योना के लौंड़ा, तू धन्न है, कैसेकै तेकै किसी आदमी नै ना पर मेरे अब्बा नै जो सुरग मै है, जौ बात तेरे ऊपर परकट करी है। 18और मैं बी तेसै कैरओ हौं, कै तू पतरस यानी ‘चट्टान’ है, और मैं जा चट्टान मै अपने बिसवासिऔ की मंडली बनांगो, और मौत के फाटक इसके सामने टिक ना सकंगे।
19 #
मत्ती 18:18; यहून 20:23 “मैं तेकै सुरग के राज की कूंची दंगो, और जो कुछ तू धरती मै बांधैगो, बौ सुरग मै बंधैगो, और जो कुछ तू धरती मै खोलैगो, बौ सुरग मै खुलैगो।” 20इसके बाद ईसु नै अपने चेलौ कै कड़ी चितौनी दई कै, “तुम किसी कै बी जौ ना बताऔगे कै मैं मसी हौं।”
ईसु दुआरा अपनी मौत की भबिसबानी
(मरकुस 8:31—9:1; लूका 9:22–27)
21उस टैम सै ईसु अपने चेलौ कै बताल लगो कै, “मैंकै ऐरूसलेम जानो होगो, बुजरग यहूदी मुखियौं, मुक्ख पुजारिऔं और सास्तरिऔं की ओर सै भौत दुख उठानो, मार डारो जानो और तीसरे दिन जी उठनो होगो।” 22तब पतरस ईसु कै अगल ले गओ और उसकै जौ कैते भए डाँटल लगो, “परमेसर ऐंसो ना करै, परभु! तेरे संग ऐंसो कबी ना होगो।” 23फिर ईसु पतरस की ओर मुड़ो और बोलो, “ओ सैतान! मेरे रस्ता सै हट जा, तू मेरे रस्ता मै रुकाबट बन रओ है। कैसेकै तू परमेसर के हाँई ना पर आदमिऔ के हाँई सोचै है।”
24 #
मत्ती 10:38; लूका 14:27 तब ईसु नै अपने चेलौ सै कैई, “अगर कोई मेरे पीछे आनो चाँहै, तौ अपने आप को इनकार करै और रोज बाकै दुख झेलनो पड़ैगो चाँए मौत बी आ जाय। तबई बौ मेरे पीछे आ सकै है। 25#मत्ती 10:39; लूका 17:33; यहून 12:25जो कोई अपनी जिन्दगी बचानी चाँहै है, उसकै बौ खोगो, पर जो कोई मेरे ताँई अपनी जिन्दगी खोगो, बौई उसकै बचागो। 26आदमी कै इस्सै का फाएदा अगर बौ सैरी दुनिया कै पाले, पर अपनी जिन्दगी खो दे? अपनी जिन्दगी के बदले आदमी देई का सकै है? 27#मत्ती 25:31; रोमी 2:6कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो। 28मैं तुमसै सच कैरओ हौं, हिंया कुछ ऐंसे खड़े हैं जो तब तक ना मरंगे जब तक बे आदमी के लौंड़ा कै उसके राज मै आते ना देख लै।”
अहिले सेलेक्ट गरिएको:
मत्ती 16: TKB
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
New Life Compute Institute [NLCI] - CC BY-NC-ND 4.0