उद्देश्यले भरिएको जीवन जिउनुहोस्!नमूना

"सफल सम्बन्धहरूका कुञ्जीहरू"

चाहे मित्र सँग, परिवारको सदस्य सँग, पति वा पत्नी सँग, वा परमेश्वर सँग नै किन नहोस्, हरेक सम्बन्धमा दुईवटा आधारभूत पक्षहरू छन् जसले यसलाई सफल बनाउँछ: व्यक्तिहरू बीच हुने प्रेम र स्नेह र कार्यमा ल्याउने त्यो प्रेम।

सत्य यो हो कि साँचो प्रेमलाई सधैं कर्मले पछ्याएको हुन्छ; साँचो मित्रले अर्कोलाई खाँचोमा परेको देख्दा मद्दत साथ प्रतिक्रिया दिनेछ। परमेश्‍वरसँगको हाम्रो सम्बन्धमा पनि त्यस्तै छ। हाम्रो वरपरका मानिसहरूको जीवनलाई छोएर परमेश्वरको हृदय छुँदै परमेश्वरप्रतिको साँचो प्रेम कार्यको साथमा हुन्छ।

अरूसँग हाम्रो अधिकांश सम्बन्ध बनाउनु परमेश्वरसँगको हाम्रो सम्बन्धबाट सुरु हुन्छ। वास्तवमा, उहाँसँगको हाम्रो सम्बन्धको विस्तार स्वरूप अरूसँग हाम्रो सम्बन्ध भएको परमेश्वरले चाहनुहुन्छ। येशुद्वारा व्यक्त गरिएका बाइबलका दुईवटा महान् आज्ञाहरूलाई विचार गर्नुहोस्:

“तैंले परमप्रभु आफ्‍ना परमेश्‍वरलाई तेरो सारा हृदयले, तेरो सारा प्राणले, तेरो सारा समझले, र तेरो सारा शक्तिले प्रेम गर्‌।’ दोस्रोचाहिँ यो हो, ‘तैंले आफ्‍नो छिमेकीलाई आफूलाई जस्‍तै प्रेम गर्‌।’ योभन्‍दा ठूलो आज्ञा अर्को छैन।” मर्कूस १२:३०-३१

उहाँलाई प्रेम गर्नु र अरूलाई प्रेम गर्नु नै विश्वासीहरूको रूपमा परमेश्वरसँगको हाम्रो सिधा सम्बन्ध र एकअर्कासँगको हाम्रो तेर्सो सम्बन्ध भनेको परमेश्वरको लागि सबैभन्दा महत्त्वपूर्ण कुरा हो ।