If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkLUK">
 <div class="chapter ch12" data-usfm="LUK.12">
 <div class="label">12</div><div class="s">Jesu mbwaakacenjezya kuupaupa ameso</div><div class="r">(Mateyo 10.26-27)</div><div class="p"> 1Ciindi eeco bantu bali zyuulu-zyuulu nibakabungana antoomwe cakusyanikizyanya, Jesu wakaambila basikwiiya bakwe kusaanguna, wakati, &#8220;Amucenjele amimena ya Bafalisi, ngamba kupaupa ameso kwabo. 2Taakwe nocivumbidwe buti citakwe kuyooyubununwa pe, alimwi zisisidwe zyoonse ziyoozibwa. 3Aboobo kufumbwa ncomwaambila mumudima ciyoomvwigwa aantangalala, atwalo twaambo ntomuvwiya-vwiya mutwanda twanu tujedwe, tuyooambilizigwa cakoongolola atala aanduli zyamaaanda.</div><div class="s">Ooyo weelede kuyoowegwa</div><div class="r">(Mateyo 10.28-31)</div><div class="p"> 4&#8220;Nobeenzuma, ndamwaambila mutanoobayoowi aabo bajaya mubili buyo pele kuzwa aawo taakwe cimbi ncobakonzya kucita. 5Pele ndilamutondezya ooyo ngomweelede kuyoowa. Amuyoowe Leza uunga amana kujaya mubili alimwi ulijisi nguzu zyakuuwaala mubbibi lyamulilo uutamani. Iiyi, ncobeni ndati, ooyo ngomweeelede kuyoowa!</div><div class="p"> 6&#8220;Sena tutiiti tosanwe tatuulwi buyo tuli tobilo? Nikubaboobo taakwe akomwe kato kalubidwe kuli Leza. 7Ncobeni, aalo masusu aali kumitwe yanu uluuzi mweelwe wangawo. Nkaako mutayoowi, nkaambo nywebo mulayandika kapati kuli Leza kwiinda tutiiti tunji-tunji!</div><div class="s">Zyakuzumina akukaka Jesu</div><div class="r">(Mateyo 10.32-33; 12.32; 10.19-20)</div><div class="p"> 8&#8220;Alimwi ndamwaambila kuti, kufumbwa ooyo uundizumina kumbele lyabantu, awalo Mwanaa Muntu uyoomuzimina kumbele lyabangelo ba Leza. 9Pele ooyo uundikaka kumbele lyabantu, awalo Mwanaa Muntu uyoomukaka kumbele lyabangelo ba Leza.</div><div class="p"> 10&#8220;Kufumbwa ooyo uukanana cakubisya-bisya Mwanaa Muntu ulakonzya kulekelelwa, pele ooyo uusampaula Muuya Uusalala takooyoolekelwa pe.</div><div class="p"> 11&#8220;Baakumujata kuti mukabetekwe muzikombelo, nikuba kubabetesi naa kubeendelezi, mutakalibiliki kuti muyooliiminina buti mukwaamba kwanu, nikuba kuyeeya kuti, &#8216;Ino tukaambe nzi?&#8217; 12Nkaambo Muuya Uusalala uyoomwiisya ncomweelede kwaamba muciindi nciconya eeco.&#8221;</div><div class="s">Buvubi bwini-bwini mbobubede</div><div class="p"> 13Umwi muntu wakali munkamu wakati kuli Jesu, &#8220;Mwiiyi, ndaambilila mwanookwesu kuti andaabile cipaanzi calubono ndwaakatusiila mufu taata.&#8221;</div><div class="p"> 14Pele Jesu wakati kulinguwe, &#8220;Yebo omuntu, ino nguni wakandicita kuti ndibe sikwaabanya lubono ndumwakakona kumufu uso, naa kuba mubetesi akati kanu nyobilo?&#8221; 15Jesu wakayungizya akuti kuli boonse, &#8220;Amucenjele, alimwi amulilangisisye nobeni kuti mutabi bantu bayandisya lubono, nkaambo buumi bwamuntu tabuli muzintu zyavubide, nikuba kuti uvubide buti.&#8221;</div><div class="p"> 16Mpoonya Jesu wakabaambila cikozyanyo wakati, &#8220;Umwi muntu muvubi wakajisi muunda wakabbala cilyo cinji. 17Abone boobo wakatalika kuliyeeya mumoyo wakwe wati, &#8216;Nsijisi matala aakubikka cilyo cangu coonse eeci. Ino ndacita buti?&#8217; 18Kumamanino wakalyaambila kuti, &#8216;Mboobu mbweticite. Ndaamwaya oonse matala aangu maniini kuti njake aambi mapati kwiinda, mwetiyobwede cilyo cangu alubono lwangu lumwi loonse. 19Eelyo nentaambile muuya wangu kuti, O muuya wangu! Ulivubide lubono lunji-lunji lukonzya kukkala kwamyaka minji, aboobo liibe, lya, nywa, sobana.&#8217; 20Pele Leza wakati kumuntu ooyo, &#8216;Webo omuntu mufuba-fuba! Sunu masiku ngoonya aaya ulafwa. Lino zintu zyoonse eezi nzyooyobola zilaba zyani?&#8217;&#8221;</div><div class="p"> 21Jesu wakamanizya akwaamba kuti, &#8220;Oobu mbokubede kulibaabo balilundikila lubono. Tabali bavubi beni-beni kuli Leza.&#8221;</div><div class="s">Syoma muli Leza</div><div class="r">(Mateyo 6.25-34)</div><div class="p"> 22Mpoonya Jesu wakaambila basikwiiya bakwe kuti, &#8220;Nkaambo kaako ndamwaambila kuti mutalibiliki azyabuumi bwanu, kuti muyoolya nzi, naa mukasame nzi. 23Nkaambo buumi mbubotu kwiinda cilyo awalo mubili mupati kwiinda zyakusama. 24Amuyeeye bacikwangala, tabasyangi, tabatebuli, tabajisi ciyobwedo naaba matala. Nikuba boobo Leza ulabasanina. Sena nywebo tamuzi kuti mulayandika kapati kuli Leza kwiinda mbabo? 25Alimwi, nguni akati kanu uunga, kwiindila mukulibilika amakani aazyabuumi bwakwe, ulakonzya kuyungizya buumi bwakwe naaceya? 26Naa kuti kamukacilwa cintu ciniini cili boobu, ino mulikatazizya nzi azintu zyoonse eezi zimwi?</div><div class="p"> 27&#8220;Amulange muluba-luba aamusokwe mbuli mbwaakomena, taabeleki, taaluki zisani. Pele ncobeni ndamwaambila kuti, naba Solomoni, mubulemu bwakwe kunyina naakasamide mbuli ngawo pe. 28Leza uusamika bwizu, oobo bunga sunu mbubotu, pele juunza bwayuma, bwaba buyo bwakutenta mumulilo, mwati nywebo nobantu, inga ulamulekelela buyo katamuyandili zyakusama zimweelede na? Nywebo nobasilusyomo luniini!</div><div class="p"> 29&#8220;Aboobo mutalibiliki nikuba kuyeeyesya lyoonse ncomutilye ancomutinywe. 30Nkaambo bakunze balalipenzya kuyandaula zintu eezi. 31Pe, nywebo amuyandaule bwami bwakwe, eelyo zintu eezi muyoozipegwa azyalo.</div><div class="s">Buvubi bwakujulu</div><div class="r">(Mateyo 6.19-21)</div><div class="p"> 32&#8220;Nywebo nokatanga kaniini mutayoowi, nkaambo Uso cakamubotela kumupa bwami. 33Amuuzye lubono ndomujisi lino, nkabela mali ngomutijane mugwasye bacete. Amulijanine zikwama zitakulumpali, alimwi lubono lwanu amuluyobwede kujulu ooko nkolutakooyooceya, nkaambo ooko taakwe mubbi uukonzya kusika kulindulo anzyundu tazikonzyi kulunyonyoona pe. 34Lino kufumbwa kuli lubono lwanu nkokunooli mizeezo yanu.</div><div class="s">Balindizi bapakamene</div><div class="p"> 35&#8220;Kamulibambide cakupakamana. Amulyaange cakujatisya mucibuno, amuzyaange zibuno zyanu kabotu, alimwi malambe aanu kaayaka lyoonse. 36Amube mbuli babelesi balindilila simalelaabo uuboola kumunzi kuzwa kupobwe lyabwiinga. Ooyo ngobati mbwatikonkomwede buyo, mbwatisikile, bafwambaane mpoonya-mpoonya kumujalwida. 37Balaacoolwe aabo babelesi mbatizoojane balalindila akulibambila kucinga simalelaabo asika! Ncobeni ndamwaambila kuti uyoosamununa zikobela zyakwe zyabulemu mukubakutaukila kuti abasanine. 38Balaacoolwe aabo babelesi mbatizoojane simalelaabo kabalindila akulibambila kusika kwakwe, nikuba kuti waboola akaandabwe, ambweni kumbali kubucedo, nikuba aaselukila nkuku, ulabajana kabalindila mbubonya oobo! 39Pele amuzibe eeci! Kuti mukamwini &#331;anda kazi kuti mubbi uboola ciindi nzi, inga walindila, taleki kuti mubbi anjile mu&#331;anda yakwe abbe. 40Anywebo mbubonya, amukkale kamulibambilide lyoonse, nkaambo Mwanaa Muntu uyoosika ciindi ncomutamulangili.&#8221;</div><div class="s">Mubelesi uusyomeka autasyomeki</div><div class="r">(Mateyo 24.45-51)</div><div class="p"> 41Nkabela Pita wakabuzya kuti, &#8220;Omwami, sena waambila buyo ndiswe tolikke cikozyanyo eeci, naa abantu boonse?&#8221;</div><div class="p"> 42Mwami wakaingula kuti, &#8220;Ino nguuli mubanzi musongo uusyomeka? Nguyooyo uyoobikkwa asimalelo wakwe kuti alange babelesinyina kuti kabapa zyaabilo cazyakulya muciindi ceelede. 43Ulilelekedwe ooyo mubelesi, ngwanga simalelo wakwe aboola, wajana ucicita oobo! 44Ncobeni ndamwaambila kuti simalelo wakwe uyoomukkazika kuti abe mulangi walubono lwakwe loonse. 45Pele kuti mubelesi wati, &#8216;Simalelo wangu wamuka kuboola,&#8217; kwamana watalika kuuma babelesi baalumi abakaintu, akutalika kulya akunywa akukolwa, 46simalelo wamubelesi ooyo uyooboola mubuzuba mbwatamulangili aciindi ncatazi. Uyoomusubula uyoomubikka mubusena bomwe abaabo batasyomeki. 47Lino mubelesi uuzi ncayanda simalelo wakwe kuti acite, pele kwamana talibambilili kuti acicite, uyoosubulwa kwiindila mukuumwa kapati. 48Pele mubelesi uutazi ncayanda simalelo wakwe, kuti wacita cintu akucilubizya mukutaziba, inga ulaumwa buyo aasyoonto. Nkaambo muntu uupegwa kunji, kuyoolangilwa kunji kuzwa kulinguwe, alimwi kumuntu uupegwa kunji abantu bayooyanda ciinda kunji kuzwa kulinguwe.</div><div class="s">Bantu bayooandaana akaambo ka Jesu</div><div class="r">(Mateyo 10.34-36)</div><div class="p"> 49&#8220;Ndakazida kuwaala mulilo munyika. Ndali kuyandisya kapati kuti ooyu mulilo kuukutwidwe kale! 50Ndijisi lubbapatizo ndweelede kutambula. Nkaako moyo wangu uli mumapenzi mane kusikila limwi lubbapatizo oolu lukamane! 51Sena muyeeya kuti mebo ndakazida kweeta luumuno munyika? Peepe, ndamwaambila kuti ndakazida kweeta lwaandaano. 52Nkaambo kuzwa sunu kuyooba lwaandaano mumikwasyi, mukwasyi uujisi bantu bosanwe uyoolyaandaanya, botatwe balalwana beenzinyina bobilo, abalo bobilo balalwana aabo botatwe. 53Bamawisi bayoolwana bana babo balombe, mbubonya abalo bana balombe mbobayoolwana mawisi. Bamanyina bayoolwana bana babo basimbi, mbubonya abalo bana basimbi bayoolwana bamanyina. Bamanyinazyala bayoolwana bamukabana, mbubonya abalo bamukabana bayoolwana bamanyinazyala.&#8221;</div><div class="s">Kuziba ziindi</div><div class="r">(Mateyo 16.2-3)</div><div class="p"> 54Alimwi Jesu wakati kumakamu aabantu, &#8220;Nimubona kkumbi kalizwa kumbo, mwaamba kuti, &#8216;Imvula ili aafwiifwi,&#8217; kwamana inga yawa ncobeni. 55Alimwi nimubona kuti luuwo lwazwida kumusanza mwalati, &#8216;Sunu kunoopya kapati,&#8217; kwamana inga kwaba mbubonya oobo. 56Nywebo nobasikuupaupa ameso mulizi mbokwaambwa nomubona kusandauka-sandauka kwanyika akwajulu akuziba ncocaamba, ino nkaambo nzi ncomutakonzyi kuziba ncocaamba kusandauka kwazintu zyamazuba aano?</div><div class="s">Kululamika kaambo asimulandunyoko</div><div class="r">(Mateyo 5.25-26)</div><div class="p"> 57&#8220;Ino nkaambo nzi ncomutali koswedi nobeni eeco ciluleme? 58Kuti naa simulandunyoko ukutola kunkuta, yebo uleelede kuti umukombelezye nomuciya bweenda anguwe munzila kuya kubabetesi. Nkaambo ambweni inga waakukutola kumubetesi, kwamana mubetesi awalo waakukwaaba kumulangi wantolongo kuti akubikke muntolongo. 59Ncobeni, ndamwaambila kuti tokooyoozwa oomo kusikila ukabbadele kali kamamanino.&#8221;</div>
 </div>
 </div>
</div>

Tonga Bible © United Bible Societies, 1994. 

Ciindi eeco bantu bali zyuulu-zyuulu nibakabungana antoomwe cakusyanikizyanya, Jesu wakaambila basikwiiya bakwe kusaanguna, wakati, “Amucenjele amimena ya Bafalisi, ngamba kupaupa ameso kwabo. Taakwe nocivumbidwe buti citakwe kuyooyubununwa pe, alimwi zisisidwe zyoonse ziyoozibwa. Aboobo kufumbwa ncomwaambila mumudima ciyoomvwigwa aantangalala, atwalo twaambo ntomuvwiya-vwiya mutwanda twanu tujedwe, tuyooambilizigwa cakoongolola atala aanduli zyamaaanda.


“Nobeenzuma, ndamwaambila mutanoobayoowi aabo bajaya mubili buyo pele kuzwa aawo taakwe cimbi ncobakonzya kucita. Pele ndilamutondezya ooyo ngomweelede kuyoowa. Amuyoowe Leza uunga amana kujaya mubili alimwi ulijisi nguzu zyakuuwaala mubbibi lyamulilo uutamani. Iiyi, ncobeni ndati, ooyo ngomweeelede kuyoowa!
“Sena tutiiti tosanwe tatuulwi buyo tuli tobilo? Nikubaboobo taakwe akomwe kato kalubidwe kuli Leza. Ncobeni, aalo masusu aali kumitwe yanu uluuzi mweelwe wangawo. Nkaako mutayoowi, nkaambo nywebo mulayandika kapati kuli Leza kwiinda tutiiti tunji-tunji!


“Alimwi ndamwaambila kuti, kufumbwa ooyo uundizumina kumbele lyabantu, awalo Mwanaa Muntu uyoomuzimina kumbele lyabangelo ba Leza. Pele ooyo uundikaka kumbele lyabantu, awalo Mwanaa Muntu uyoomukaka kumbele lyabangelo ba Leza.
“Kufumbwa ooyo uukanana cakubisya-bisya Mwanaa Muntu ulakonzya kulekelelwa, pele ooyo uusampaula Muuya Uusalala takooyoolekelwa pe.
“Baakumujata kuti mukabetekwe muzikombelo, nikuba kubabetesi naa kubeendelezi, mutakalibiliki kuti muyooliiminina buti mukwaamba kwanu, nikuba kuyeeya kuti, ‘Ino tukaambe nzi?’ Nkaambo Muuya Uusalala uyoomwiisya ncomweelede kwaamba muciindi nciconya eeco.”

Umwi muntu wakali munkamu wakati kuli Jesu, “Mwiiyi, ndaambilila mwanookwesu kuti andaabile cipaanzi calubono ndwaakatusiila mufu taata.”
Pele Jesu wakati kulinguwe, “Yebo omuntu, ino nguni wakandicita kuti ndibe sikwaabanya lubono ndumwakakona kumufu uso, naa kuba mubetesi akati kanu nyobilo?” Jesu wakayungizya akuti kuli boonse, “Amucenjele, alimwi amulilangisisye nobeni kuti mutabi bantu bayandisya lubono, nkaambo buumi bwamuntu tabuli muzintu zyavubide, nikuba kuti uvubide buti.”
Mpoonya Jesu wakabaambila cikozyanyo wakati, “Umwi muntu muvubi wakajisi muunda wakabbala cilyo cinji. Abone boobo wakatalika kuliyeeya mumoyo wakwe wati, ‘Nsijisi matala aakubikka cilyo cangu coonse eeci. Ino ndacita buti?’ Kumamanino wakalyaambila kuti, ‘Mboobu mbweticite. Ndaamwaya oonse matala aangu maniini kuti njake aambi mapati kwiinda, mwetiyobwede cilyo cangu alubono lwangu lumwi loonse. Eelyo nentaambile muuya wangu kuti, O muuya wangu! Ulivubide lubono lunji-lunji lukonzya kukkala kwamyaka minji, aboobo liibe, lya, nywa, sobana.’ Pele Leza wakati kumuntu ooyo, ‘Webo omuntu mufuba-fuba! Sunu masiku ngoonya aaya ulafwa. Lino zintu zyoonse eezi nzyooyobola zilaba zyani?’”
Jesu wakamanizya akwaamba kuti, “Oobu mbokubede kulibaabo balilundikila lubono. Tabali bavubi beni-beni kuli Leza.”


Mpoonya Jesu wakaambila basikwiiya bakwe kuti, “Nkaambo kaako ndamwaambila kuti mutalibiliki azyabuumi bwanu, kuti muyoolya nzi, naa mukasame nzi. Nkaambo buumi mbubotu kwiinda cilyo awalo mubili mupati kwiinda zyakusama. Amuyeeye bacikwangala, tabasyangi, tabatebuli, tabajisi ciyobwedo naaba matala. Nikuba boobo Leza ulabasanina. Sena nywebo tamuzi kuti mulayandika kapati kuli Leza kwiinda mbabo? Alimwi, nguni akati kanu uunga, kwiindila mukulibilika amakani aazyabuumi bwakwe, ulakonzya kuyungizya buumi bwakwe naaceya? Naa kuti kamukacilwa cintu ciniini cili boobu, ino mulikatazizya nzi azintu zyoonse eezi zimwi?
“Amulange muluba-luba aamusokwe mbuli mbwaakomena, taabeleki, taaluki zisani. Pele ncobeni ndamwaambila kuti, naba Solomoni, mubulemu bwakwe kunyina naakasamide mbuli ngawo pe. Leza uusamika bwizu, oobo bunga sunu mbubotu, pele juunza bwayuma, bwaba buyo bwakutenta mumulilo, mwati nywebo nobantu, inga ulamulekelela buyo katamuyandili zyakusama zimweelede na? Nywebo nobasilusyomo luniini!
“Aboobo mutalibiliki nikuba kuyeeyesya lyoonse ncomutilye ancomutinywe. Nkaambo bakunze balalipenzya kuyandaula zintu eezi. Pe, nywebo amuyandaule bwami bwakwe, eelyo zintu eezi muyoozipegwa azyalo.


“Nywebo nokatanga kaniini mutayoowi, nkaambo Uso cakamubotela kumupa bwami. Amuuzye lubono ndomujisi lino, nkabela mali ngomutijane mugwasye bacete. Amulijanine zikwama zitakulumpali, alimwi lubono lwanu amuluyobwede kujulu ooko nkolutakooyooceya, nkaambo ooko taakwe mubbi uukonzya kusika kulindulo anzyundu tazikonzyi kulunyonyoona pe. Lino kufumbwa kuli lubono lwanu nkokunooli mizeezo yanu.

“Kamulibambide cakupakamana. Amulyaange cakujatisya mucibuno, amuzyaange zibuno zyanu kabotu, alimwi malambe aanu kaayaka lyoonse. Amube mbuli babelesi balindilila simalelaabo uuboola kumunzi kuzwa kupobwe lyabwiinga. Ooyo ngobati mbwatikonkomwede buyo, mbwatisikile, bafwambaane mpoonya-mpoonya kumujalwida. Balaacoolwe aabo babelesi mbatizoojane balalindila akulibambila kucinga simalelaabo asika! Ncobeni ndamwaambila kuti uyoosamununa zikobela zyakwe zyabulemu mukubakutaukila kuti abasanine. Balaacoolwe aabo babelesi mbatizoojane simalelaabo kabalindila akulibambila kusika kwakwe, nikuba kuti waboola akaandabwe, ambweni kumbali kubucedo, nikuba aaselukila nkuku, ulabajana kabalindila mbubonya oobo! Pele amuzibe eeci! Kuti mukamwini ŋanda kazi kuti mubbi uboola ciindi nzi, inga walindila, taleki kuti mubbi anjile muŋanda yakwe abbe. Anywebo mbubonya, amukkale kamulibambilide lyoonse, nkaambo Mwanaa Muntu uyoosika ciindi ncomutamulangili.”


Nkabela Pita wakabuzya kuti, “Omwami, sena waambila buyo ndiswe tolikke cikozyanyo eeci, naa abantu boonse?”
Mwami wakaingula kuti, “Ino nguuli mubanzi musongo uusyomeka? Nguyooyo uyoobikkwa asimalelo wakwe kuti alange babelesinyina kuti kabapa zyaabilo cazyakulya muciindi ceelede. Ulilelekedwe ooyo mubelesi, ngwanga simalelo wakwe aboola, wajana ucicita oobo! Ncobeni ndamwaambila kuti simalelo wakwe uyoomukkazika kuti abe mulangi walubono lwakwe loonse. Pele kuti mubelesi wati, ‘Simalelo wangu wamuka kuboola,’ kwamana watalika kuuma babelesi baalumi abakaintu, akutalika kulya akunywa akukolwa, simalelo wamubelesi ooyo uyooboola mubuzuba mbwatamulangili aciindi ncatazi. Uyoomusubula uyoomubikka mubusena bomwe abaabo batasyomeki. Lino mubelesi uuzi ncayanda simalelo wakwe kuti acite, pele kwamana talibambilili kuti acicite, uyoosubulwa kwiindila mukuumwa kapati. Pele mubelesi uutazi ncayanda simalelo wakwe, kuti wacita cintu akucilubizya mukutaziba, inga ulaumwa buyo aasyoonto. Nkaambo muntu uupegwa kunji, kuyoolangilwa kunji kuzwa kulinguwe, alimwi kumuntu uupegwa kunji abantu bayooyanda ciinda kunji kuzwa kulinguwe.


“Ndakazida kuwaala mulilo munyika. Ndali kuyandisya kapati kuti ooyu mulilo kuukutwidwe kale! Ndijisi lubbapatizo ndweelede kutambula. Nkaako moyo wangu uli mumapenzi mane kusikila limwi lubbapatizo oolu lukamane! Sena muyeeya kuti mebo ndakazida kweeta luumuno munyika? Peepe, ndamwaambila kuti ndakazida kweeta lwaandaano. Nkaambo kuzwa sunu kuyooba lwaandaano mumikwasyi, mukwasyi uujisi bantu bosanwe uyoolyaandaanya, botatwe balalwana beenzinyina bobilo, abalo bobilo balalwana aabo botatwe. Bamawisi bayoolwana bana babo balombe, mbubonya abalo bana balombe mbobayoolwana mawisi. Bamanyina bayoolwana bana babo basimbi, mbubonya abalo bana basimbi bayoolwana bamanyina. Bamanyinazyala bayoolwana bamukabana, mbubonya abalo bamukabana bayoolwana bamanyinazyala.”


Alimwi Jesu wakati kumakamu aabantu, “Nimubona kkumbi kalizwa kumbo, mwaamba kuti, ‘Imvula ili aafwiifwi,’ kwamana inga yawa ncobeni. Alimwi nimubona kuti luuwo lwazwida kumusanza mwalati, ‘Sunu kunoopya kapati,’ kwamana inga kwaba mbubonya oobo. Nywebo nobasikuupaupa ameso mulizi mbokwaambwa nomubona kusandauka-sandauka kwanyika akwajulu akuziba ncocaamba, ino nkaambo nzi ncomutakonzyi kuziba ncocaamba kusandauka kwazintu zyamazuba aano?


“Ino nkaambo nzi ncomutali koswedi nobeni eeco ciluleme? Kuti naa simulandunyoko ukutola kunkuta, yebo uleelede kuti umukombelezye nomuciya bweenda anguwe munzila kuya kubabetesi. Nkaambo ambweni inga waakukutola kumubetesi, kwamana mubetesi awalo waakukwaaba kumulangi wantolongo kuti akubikke muntolongo. Ncobeni, ndamwaambila kuti tokooyoozwa oomo kusikila ukabbadele kali kamamanino.”

Luisteren Luka 12