Populaire Bijbelverzen uit Luka 19

Deel

Pakuti Mwana wa Munthu wakiza kupenja na kuponoska icho chikazgeŵa.”

“Ngwakutumbikika Karonga uyo wakwiza mu zina la Fumu! Mutende uŵe kuchanya, na uchindami kwa Chiuta kuchanya nkhanira.”

Yesu wakati kwa iyo, “Muhanya uno chiponosko chiza mu nyumba iyi, chifukwa munthu uyu nayoso ndi mwana wa Abrahamu.

Yesu wakati wafika pa malo ghara wakalaŵiska kuchanya, wakamuphalira Zakeyu wakati, “Zakeyu, khira luŵiro chifukwa muhanya uno nkhwenera kukhara mu nyumba yako.” Zakeyu wakikha luŵiro, ndipo wakamupokerera na chimwemwe chikuru.

Zakeyu wakimilira ndipo wakati kwa Fumu, “Fumu, tegherezgani, vyuma vyane nkhugaŵa pakati na kuŵapa ŵakavu, ndipo usange yumoza ndamuzgerera kanthu, nkhumuwezgerapo kanayi.”

Ŵanji ŵa ŵaFarisi awo ŵakaŵa mu mzinda ŵakayowoya na Yesu ŵakati, “Musambizgi, muŵachenye ŵasambiri ŵinu.” Iyo wakati, “Nkhumuphalirani kuti, usange aŵa ŵachetama, mawe ndigho ghati ghachemerezgenge.”