Populaire Bijbelverzen uit Lʉʉka 23

Deel

ɄYesu akati, “Ghwe Nhaata! Ʉvasaghɨle! Ʉlwakʉva sino vivomba, navasitangʼhinie.” Avasikali vala vakaghavana amenda gha Yesu, mʉ sɨla ɨja lʉsodolelo.

ɄYesu akamwamʉla akati, “Kyangʼhaani nɨkʉkʉvʉʉla, ʉmʉsyʉghʉ ghuuva palɨkɨmo nuune kʉ Paladɨsi.”

Pe akati, “Ghwe Yesu! Ghuliiva ghukwingila mʉ Vʉtwa vwako, ʉngʼhʉmbʉkaghe!”

Pe ʉYesu akalɨla fiijo akati, “Ghwe Nhaata! Nivɨɨka ʉmwojo ghwango mʉ mavoko ghaako.” Ye ajovile isio, akakʉngʉka.

Ye vafikile pano pakatambʉlwagha Lɨngʼala lya Mutu, vakankomelela ʉYesu pa kɨkovekano. Voope avahosi vala vavɨlɨ vakavakomelela, nʉjʉnge pa kɨkovekano, jʉmo ʉlʉbale ʉlwa kʉndio ʉlwa Yesu, ʉjʉnge ʉlʉbale ʉlwa kʉngʼhɨghɨ.

Kutengʉla akavalɨlo aka ntanda pamwisi, ɨngʼhiisi jɨkakupikila ɨɨsi jooni kuhanga kufika akavalɨlo aka budikalʉbale, ɨlɨjʉva nalɨkava limulika. Ʉmwenda ghʉno ghʉlyaghavinie pavɨlɨ ɨnyumba ɨnyɨmɨke ɨja Ngʉlʉve, ghʉkademʉka pavɨlɨ kuhʉma kʉkyanya kufika paasi.

Ʉmʼbaha ghwa vasikali ye asivwene sino sihʉmiile, akamʉghinia ʉNgʉlʉve akati, “Kyangʼhaani, ʉmuunhu ʉjʉ akaale mʉgholofu!”