Populaire Bijbelverzen uit Lir. 24

Deel

Asaba ali, “Ee, Wele Omunyali Owa Bioosi, Wele owo mwami wase Aburahamu, khusaba umbe bukhili luno, mala wekesie busiime bwowo buchiililila khu mwami wase Aburahamu.

Lekha omukhaana niye kane ndome ndi, ‘Nosiima ruura enyuungu mala umbe kameechi nywe,’ ne okane angobosie ali, ‘Khonywe, ne ese ndanyweesia aakhaba ne chingamia chowo,’ abe niye ewe oroboreere Isaaka omukholi wowo. Khulwa kano ndamanya ndi ewe wekeesie busiime bwowo bukhawa tawe khu mwami wase.”

Nio, Isaaka engisia Rabeka mu liiema nimwo Sara, maayi wewe amenyanga, amubukula aaba omukhasi wewe mala amusiima. Nio Isaaka aolelesibwa enyuma we lifwa lia maawe.

Mala babiita Rabeka chikhabi ne baloma bali, “Mukooko wefwe, obe maayi owe chielefu, owe chielefu kamakhumi. Lisaaye liowo liule chingoba che basiku balio!”

Yichuba mwisina lia Wele Omunyali Owa Bioosi, Wele we likulu ne liloba, oli se olibukulila omwana wase, omukhasi khukhwama mu bakhaana be Bakanaani nibo namenyamo bano tawe. Ne kakhali, olicha mu sibala siase, mu balebe base mala obukulileyo omwana wase Isaaka omukhasi.”